ما مدى صحة الأمثال التي تقال على محافظات مصر المختلفة؟؟

[المدهش]

شرقاوي كورك عبيط..

المنوفي لا يلوفي ولو أكلته لحم كتوفي..

شريطين على كمي ولا فدانين عند امي..

ميه مالحة ووشوش كالحة..

ميت نوري ولا واحد دمنهوري..

عينة من جمل شائعة تصف كل محافظة مصرية بصفة..فالدمايطة بخلاء والصعايدة لا يفهمون وهكذا..

يا ترى ليه ..ومن الذي أطلق هذه الشائعات حتى انتشرت كالنار في الهشيم..وهل تصدقها وتحكم على الناس على أساسها..

[hopsan]

المدهش

مع احترامى لكل الناس احيانا بعتقد فى الأمثال دى ...اصل مطلعتش من فراغ

صحيح الأمثله لا تنطبق بالضروره ...يعنى لا اعامل الناس على اساس محافظاتهم و التعميم خطأ بس يظل فى النهايه شىء من الصح فيها و علشان محدش يزعل ...برضه اصدق المثل القائل

الإسكندرانيه ميه مالحه ووشوش كالحه

[المدهش]

طيب اسمع يا هوبسان..

أنا أبي من الجيزة ..وطبعاً انت عارف انهم بيقولوا ان الصعيد بيبدأ من عند حديقة الحيوان في الجيزة..

ووالدتي الله يرحمها من دمنهور ودي البلد اللي انا اتولدت وعشت فيها السنوات الأولى من عمري قبل أن أنتقل للحياة في القاهرة..

وكنت في مرة في القطار في طريقي من دمنهور الى الاسكندرية ..وسمعت واحد بيسأل واحد..

انت منين يا أخ..

انا من دمنهور..

من دمنهوء..

ايوه يا اخويا من دمنهوء

مش انتوا برضه اللي صبغتوا الحمير..

أيوه ..ابوك خلص خلاص تعالى استلمه!!!!!!!!!!!

[hopsan]

طيب اسمع يا هوبسان..

أنا أبي من الجيزة ..وطبعاً انت عارف انهم بيقولوا ان الصعيد بيبدأ من عند حديقة الحيوان في الجيزة..

ووالدتي الله يرحمها من دمنهور ودي البلد اللي انا اتولدت وعشت فيها السنوات الأولى من عمري قبل أن أنتقل للحياة في القاهرة..

وكنت في مرة في القطار في طريقي من دمنهور الى الاسكندرية ..وسمعت واحد بيسأل واحد..

انت منين يا أخ..

انا من دمنهور..

من دمنهوء..

ايوه يا اخويا من دمنهوء

مش انتوا برضه اللي صبغتوا الحمير..

أيوه ..ابوك خلص خلاص

تعالى استلمه!!!!!!!!!!!

يظل فى النهايه من دمنهوء

[سمـ مصر ــا]

أكيد الامثال دى فعلا مش من فراغ

بس شوية مزودها الامثال .. يعنى حكاية الشرقاوى عبيط مش صحيحة بس نقدر نقول انة متصف بالطيبة الزايدة شوية

وحكاية انهم عزموا القطار خلتهم فى موضع عبط للناس البخلاء لان نوعية كرم الشرقوة لا يعرفة الا هم

وكل شرقاوى كريم صدقنى يامدهش وخدها كلمة ثقة :closedeyes:

بالنسبة للمنوفى أنا عاشرت ناس منيفة لقتهم حرصين شوية والحرص مش عيب ولا صفة مزمومة

غيرهم اية انا مش عارفة يمكن يكونوا اكثر منهم حرص أو أقل مش عارفة

بس فى العموم أحنا كمصريين نحب نضخم شوية فى كل شئ حتى الامثال

[عليـ***ـاء]

طول عمركم ظالمين المنايفة .....البنت تبقي بتكلمني زي الفل انتي اسمك ايه؟ وانتي كلية ايه ومعرفش ايه ؟ نيجي عند انتي منين ؟ اققولها من المنوفية ........ البت تبصلي باحتقار وتمشي

بجد يا جماعه المنايفة لا بخلا ولا حاجة

كل محافظة فيها البخيل والكريم

الحلو والوحش

بس صفه التعميم دي مش صحيحة

يعني انا قابلت ناس من الشرقية وكانوا بخلا وحريصين اوي علي كل حاجة واي حاجة "مع احترامي الشديد للشراقوة"

وقابلت ناس من المنوفية " مش عشان انا منوفية والله" مبذرين بجد مش كرما لا مبذرين

قابلت نماذج من ناس كتير من كل المحافظات فيهم صفات مختلفة كتير عن اللي بسمعها عنهم

الحكم بيبقي علي الشخص نفسه مش عشان هو منين التعميم بيدي انطباع للفرد بخصوص الفرد اللي قدامه لمجرد عرف انه من الحته الفلانية فممكن يعكس انطباع خاطئ وسئ يظلم الشخص ده

فالافضل

اننا نحكم علي الشخص من شخصيته ومعاملتنا معاه

[hopsan]

طول عمركم ظالمين المنايفة .....البنت تبقي بتكلمني زي الفل انتي اسمك ايه؟ وانتي كلية ايه ومعرفش ايه ؟ نيجي عند انتي منين ؟ اققولها من المنوفية ........ البت تبصلي باحتقار وتمشي

بجد يا جماعه المنايفة لا بخلا ولا حاجة

كل محافظة فيها البخيل والكريم

الحلو والوحش

بس صفه التعميم دي مش صحيحة

يعني انا قابلت ناس من الشرقية وكانوا بخلا وحريصين اوي علي كل حاجة واي حاجة "مع احترامي الشديد للشراقوة"

وقابلت ناس من المنوفية " مش عشان انا منوفية والله" مبذرين بجد مش كرما لا مبذرين

قابلت نماذج من ناس كتير من كل المحافظات فيهم صفات مختلفة كتير عن اللي بسمعها عنهم

الحكم بيبقي علي الشخص نفسه مش عشان هو منين التعميم بيدي انطباع للفرد بخصوص الفرد اللي قدامه لمجرد عرف انه من الحته الفلانية فممكن يعكس انطباع خاطئ وسئ يظلم الشخص ده

فالافضل

اننا نحكم علي الشخص من شخصيته ومعاملتنا معاه

من زمان انا قلت ان عليـ***ـاء شخصيه مفكره و عقلها كبير و مبتقفش عند الصغائر و انا الحقيقه متوقع ليها مستقبل عريض..ربنا يكملك بعقلك يا بنتى و يخليكى لنا و متحرمناش من ردودك اللى زى السكر ...حضرتك قلتى منين ...المنوفيه .....طيب.......السلام عليكم

[Sharkiah]

شرقاوي كورك عبيط..

مين بينده ؟

على العموم القول ده ينطبق عليه أحد تصنيفات التصنيفات البلاغيه "المدح بما يشبه الذم" ، يعنى أصل القول هو المبالغه فى الكرم لدرجه العبط ، وكشرقاوى أقول إن القول ده صحيح لدرجه كبيره وإن إختلفت الأوضاع قليلا الآن بعد أن تشوه كل شئ فى بلدنا ، ولكن مازلت أذكر وأنا طفل عندما كنت أذهب للبلد مع أهلى وعند زياره أىبيت ولو زياره عابره جدا على جثتهم أن تخرج بدون أخذ واجب الضيافه ولو كان ميعاد أحد الوجبات الثلاثه فإستحاله ألا تمشى بدون أكل لقمه وإلا تبقى عيبه كبيره قوى ، بس مع الأسف دلوقت الريف كله بقى مسخ ، حاجه مشوهه لا هومحصل ريف ولا مدينه

وإستكمالا لما قيل عن المحافظات

فطبعا من أخف دم التعليقات هو اللقب الذى يقال عن البورسعيديه "أبو العربى" نظرا لأنهم كثيرى التهويل فى أحاديثهم

وبخل الدمايطه "تتعشى ولا تنام خفيف ، تشرب شاى ولا مش كييف"

أما آخر ما سمعته فكان من أحد الأصدقاء يعمل فى المبيعات ومسئول عن الصعيد الجنوبى وكما تعلمون فهم ينطقون القاف جيم ولذلك فهم يقولون جنا على قنا وأخبرنى صديقى أن أهل الصعيد يطلقون على قنا "جنا عذاب النار" لشده حرارتها حتى أكثر من أسوان والأقصر اللذين يليانها جنوبا وذلك لطبيعه تضاريسها الجبليه

وتصحيح للأخت سما مصر إن المنايفه لا يقال عليهم قول لايلوفى لأنهم ماسكين أو بخلاء فأظن أن المقصود هو عدم إئتلافهم بسهوله مع غير المنايفه

وبرضه علشان الأخ هوبسان مايزعلش من حكايه ميه مالحه ووشوش كالحه فالإسكندرانيه يقولون عن القاهرين ميه نيلى ووشوش خنازيرى ودى سمعتها مره بنفسى لما كنت فى إسكندريه وواحد إسكندرانى ـ عنصرى قوى ـ كان فى منتهى التأفف من قدم المصطافين القاهرين للإسكندريه فى الصيف

شريطين على كمي ولا فدانين عند امي..

ياريت تلقى الضوء يا أستاذ المدهش على هذا القول البليغ ، أنا بصراحه أول مره أسمعه ومش فاهم معناه ومش عارف أى محافظه مقصوده به

[المدهش]

شوف يا شرقيه..

على فكرة اول مرة آخد بالي ان اسمك الحركي هو اسم بلدك الشرقية وهي دلالة شديدة على اعتزازك به وبها..

أما شريطين على كمي ولا فدانين عند امي فهي جملة تقال أيضاً عن المنايفة لشدة تعلقهم بالخدمة العسكرية..حيث تجد معظم ضباط الصف والمتطوعين في الجيش من المنايفة..ونظراً لما هو شائع عن حب الفلاحين المصريين للأرض وامتلاكها..فالمفارقة تجئ من هنا..حين يفضل المنوفي الرتبة"ولو كانت شريطين عمي امباشى يعني" على امتلاك فدانين من الأرض..

وحب المنايفة للسلطة هو السبب في أننا نعيش منذ أكثر من 36 سنة في عصر الدولة المنوفية..فالسادات ومبارك ومعظم الوزراء والقيادات من المنايفة..

ومرة واحد منوفي قال لي..اقل واحد عندنا بيفهم بقى رئيس جمهورية ..امال بقى اللي بيفهم هيبقى ايه؟!!!!!!!!!

[hopsan]

وبرضه علشان الأخ هوبسان مايزعلش من حكايه ميه مالحه ووشوش كالحه فالإسكندرانيه يقولون عن القاهرين ميه نيلى ووشوش خنازيرى ودى سمعتها مره بنفسى لما كنت فى إسكندريه وواحد إسكندرانى ـ عنصرى قوى ـ كان فى منتهى التأفف من قدم المصطافين القاهرين للإسكندريه فى الصيف

ايه يا عم شرقيه ....مش الحنا اتقفنا يومها انك متقولش الكلام ده فى المنتدى ...رجعت فى كلامك ليه؟

صحيح الشراقوه دول ناس ..

.

.

.

.

.

.

.

.

.

.

.

.

.

..

طيبين

و عن إذنكم اروح اصلى .......يلا يا حبيبى منك له ...الصلاه وجبت

[النسر المصري]

بصراحة يامدهش انت تناولت الموضوع من الزاويه الخطأ واللي بتزعل بصراحة

انا كنت كتبت الموضوع ده من فتره طويله...وهو على رأس اهم ثلاث مواضيع شاغلين بالي ف مصر

المرأه المتحرره.....السياسه القبيحة.....التوصيف القبيح لابناء شعب مصر

خش عالموضوع ده وانت تعرف اللي فيها

http://www.egyptiantalks.org/invb/index.ph...opic=19831&st=0

اما ردود هوبسان وسما مصر اللي بتقول ان اكيد الامثال دي مش من فراغ...فاحب ابشركم

دي من قعر الفرااااااااااااااااااااغ.....يعني ملهاش اي صحة الامثال دي.....وأنا آسف اني خيبت ظنكم.....

لكن اعتقد ان التوصيف لازم يكون باخلاق الشخص نفسه....مش ببلده

ودمتم سالمين

[hopsan]

اما ردود هوبسان وسما مصر اللي بتقول ان اكيد الامثال دي مش من فراغ...فاحب ابشركم

دي من قعر الفرااااااااااااااااااااغ.....يعني ملهاش اي صحة الامثال دي.....وأنا آسف اني خيبت ظنكم.....

لكن اعتقد ان التوصيف لازم يكون باخلاق الشخص نفسه....مش ببلده

ودمتم سالمين

سيدنا النسر

شوف حضرتك

الأمثال دى لم تأتى من فراغ و لم تطلق كده على عواهنها و لم نتوارثها كحمل ثقيل لمجرد انها اتت من قعر الفراغ ..و الموروثات الشعبيه دائما لها قاعده صلبه و القاعده الصلبه هى انا و انت و غيرنا ...امانه نحملها لمن بعدنا.... مئات السنين نتواثها ....يموت بعضها فى الطريق والبعض الآخر يزداد بريقا او تطلق فيه ماء المحاياه قد تصيب البعض بإشمئزاز و لكن اين تذهب وهى تلاحقك مادمت حيا و البعض الآخر يأخذها امر مسلم به ..وفى النهايه هى قائمه و لن تستطيع محوها من افواه العامه و لأجيال قادمه ما لم تموت من تلقاء نفسها

ذكرت سلفا ان تلك الأمثال لا تعم على ابناء المحافظه و لكنها فى النهايه تظل علامه و مصباح يضىء لما ذكر من اين انت

[عليـ***ـاء]

طول عمركم ظالمين المنايفة .....البنت تبقي بتكلمني زي الفل انتي اسمك ايه؟ وانتي كلية ايه ومعرفش ايه ؟ نيجي عند انتي منين ؟ اققولها من المنوفية ........ البت تبصلي باحتقار وتمشي

بجد يا جماعه المنايفة لا بخلا ولا حاجة

كل محافظة فيها البخيل والكريم

الحلو والوحش

بس صفه التعميم دي مش صحيحة

يعني انا قابلت ناس من الشرقية وكانوا بخلا وحريصين اوي علي كل حاجة واي حاجة "مع احترامي الشديد للشراقوة"

وقابلت ناس من المنوفية " مش عشان انا منوفية والله" مبذرين بجد مش كرما لا مبذرين

قابلت نماذج من ناس كتير من كل المحافظات فيهم صفات مختلفة كتير عن اللي بسمعها عنهم

الحكم بيبقي علي الشخص نفسه مش عشان هو منين التعميم بيدي انطباع للفرد بخصوص الفرد اللي قدامه لمجرد عرف انه من الحته الفلانية فممكن يعكس انطباع خاطئ وسئ يظلم الشخص ده

فالافضل

اننا نحكم علي الشخص من شخصيته ومعاملتنا معاه

من زمان انا قلت ان عليـ***ـاء شخصيه مفكره و عقلها كبير و مبتقفش عند الصغائر و انا الحقيقه متوقع ليها مستقبل عريض..ربنا يكملك بعقلك يا بنتى و يخليكى لنا و متحرمناش من ردودك اللى زى السكر ...حضرتك قلتى منين ...المنوفيه .....طيب.......السلام عليكم

[size=4]مش قولتلكم ادي رد واثبات صريح علي كلامي .............. ماشي ياعم هوبسن " يارب اكون نطقت اسمك صح "

شوف يا شرقيه..

على فكرة اول مرة آخد بالي ان اسمك الحركي هو اسم بلدك الشرقية وهي دلالة شديدة على اعتزازك به وبها..

أما شريطين على كمي ولا فدانين عند امي فهي جملة تقال أيضاً عن المنايفة لشدة تعلقهم بالخدمة العسكرية..حيث تجد معظم ضباط الصف والمتطوعين في الجيش من المنايفة..ونظراً لما هو شائع عن حب الفلاحين المصريين للأرض وامتلاكها..فالمفارقة تجئ من هنا..حين يفضل المنوفي الرتبة"ولو كانت شريطين عمي امباشى يعني" على امتلاك فدانين من الأرض..

وحب المنايفة للسلطة هو السبب في أننا نعيش منذ أكثر من 36 سنة في عصر الدولة المنوفية..فالسادات ومبارك ومعظم الوزراء والقيادات من المنايفة..

ومرة واحد منوفي قال لي..اقل واحد عندنا بيفهم بقى رئيس جمهورية ..امال بقى اللي بيفهم هيبقى ايه؟!!!!!!!!!

[color=#FF0000]ليه بس الحقد ده ........بس انا متفقة مع الراجل المنوفي اللي قالك الجمله الفصيحة دي يعني الحمد لله انا مستنيني مستقبل زااااااااااهر احمدك يارب :angry2: :angry2:

تم تعديل 14 يوليو 2006 بواسطة عليـ***ـاء

[hopsan]

مش قولتلكم ادي رد واثبات صريح علي كلامي .............. ماشي ياعم هوبسن " يارب اكون نطقت اسمك صح

انا نظرتى متخيبش ابدا فى البنى آدم

تكادبن ان تكونى الشخص الوحيد اللى نطق اسمى صح ...( مش واحد مش مستغرب )

شرقيه ...لوجالنا واحد رئيس جمهوريه من الشرقيه حيعمل فينا ايه ....و تنصحنا نعامله ازاى ؟؟

[Diab]

موضوع كتب فيه اقلام جميلة من المحاورات

[عنبو]

بصرف النظر عن ان التوبيك قديم

ولكن ليه الاداره مغيرتش عنوان التوبيك

هو يعنى لازم حد يشتكى علشان نغيره مهو ياجماعه فيه اساسيات مافيش واحد يختلف عليها

مستغرب ....................................

[Diab]

بصرف النظر عن ان التوبيك قديم

ولكن ليه الاداره مغيرتش عنوان التوبيك

هو يعنى لازم حد يشتكى علشان نغيره مهو ياجماعه فيه اساسيات مافيش واحد يختلف عليها

مستغرب ....................................

يا عم عنبو انا مش قصدي اضايقك انا بس حنيت للأيام دي

أصل ده الجيل اللي كان موجود وانا بدخل لاول مرة علي المحاورات

شم دي

تم تعديل 10 يناير 2011 بواسطة Diab

[عنبو]

بصرف النظر عن ان التوبيك قديم

ولكن ليه الاداره مغيرتش عنوان التوبيك

هو يعنى لازم حد يشتكى علشان نغيره مهو ياجماعه فيه اساسيات مافيش واحد يختلف عليها

مستغرب ....................................

يا عم عنبو انا مش قصدي اضايقك انا بس حنيت للأيام دي

أصل ده الجيل اللي كان موجود وانا بدخل لاول مرة علي المحاورات

شم دي

انا مش بتكلم عليك يا ابو الدباديب

انا بتكلم عموما عن عنوان التوبيك مستفز يعنى

تحياتى

عنبو

[عبير يونس]

تم تغيير عنوان الموضوع لما فيه من اساءة إلى أبناء بعض محافظات مصرنا الحبيبة

عن فريق التنسيق و الإشراف

[دودو هانم]

طيب الاحبه الاخوه والخوات ال مقتنعين بفكرة الامثال دي ياريت تطمنوني لان انا حسه انه الحاله خطيره اصل بصراحه ومن غير لف ورغي انا جد جد جد جد جد جدي يقال يعني هو يقال انه من كفر الشيخ وكبرت وانا بسمع ان كفر الشيخ بيحبوا يجادلوا ويفرضوا رأيهم لدرجة اعوذ بالله انهم قال ايه كفروا الشيخ ؟؟؟؟؟؟؟ فتلاقيني بقي منذ نعومة اظافري وانا بتمحك ف بلد ماما هي م المنصوره وال يسألني انتي اصلك منين قعد اتهته واروح واجي واقوا من المنصوره .......... اريد حلا ؟ ياتري حالتي صعبه طب فيه امل ارجوكم طمنوني هو انا منين ؟؟؟؟؟؟ :closedeyes: