نداء إلى د.خالد..تسمح تحللني!

[المدهش]

لاحظت أن الدكتور خالد -يبدو بحكم مهنته واهتماماته- حريص على تحليل شخصيات أعضاء المنتدى والاسترشاد بملفاتهم الشخصية قبل الرد عليهم أو مشاركتهم الحوار..وقد أغراني هذا الموضوع بأن أعرض عليه -لطفا-أن يقوم بتحليل شخصيات أعضاء محاورات المصريين من خلال مداخلاتهم وموضوعاتهم وآراءهم ..على أن يكون ذلك بالطلب، حتى لا يغضب أحد ،وأبدأ بنفسي وأطلب من الدكتور خالد أن يحلل شخصيتي إن كان ذلك لا يزعجه..وبالتأكيد سنستفيد من انطباعاته العلمية المتخصصة في فهم أنفسنا والتغيير من سلوكياتنا..

[nancy]

دكتور خالد هو حضرتك دكتور نفسانى

طيب حلل شخصيتى وانا بقول كل الى بيجى فى بالى من غير اى تكلف فاكيد مش حتلاقى حد سهل

تحلل شخصيتة ادى

بس خلينى بعد مدهش لانة صاحب الموضوع والفكرة

ومرسى على الفكرة الحلوة دى :angry2:

[متمردة]

وانا مستعده دكتور خالد يسالنى اى سؤال علشان عايزة اعرف اكتر عن شخصيتى :angry2:

[مصرية يعني مصرية]

و أنا و أنا

حللني ...حللني....

حللني أوي عشان خاطري

و اسألني أي سؤال حجاوب

إلالالالالالالالالالالالالا......

أوكي

يا دكتور باشا

تم تعديل 17 يوليو 2006 بواسطة مصرية يعني مصرية

[khedr]

سؤال .....هو ليه الواحد محتاج حد يقول له شخصيته

مع اني متهيأ لي ان اقدر واحد يعرف شخصيتك هو انت

انت اللي عارف ميزاتك وعيوبك والحلو والوجش في شخصيتك

طيب ازاي لما الواحد منا مش قادر يحلل نفسه غيره يقدر

هي وقفه مع النفس ...............بس صعبه صعبه صعبه

الواحد يقدر يفهم شخصيته ويحاول

ويحاول

ويحاول

ويحاول

ويحاول

[dr khaled]

شكرا ياستاد مدهش علي الثقه الغاليه

بس انا عندي ملاحظه صغيره . انا لا استخدم الملف الشخصي عمال علي بطال عند كتابه اي رد علي عضو

دعني اقص عليك شيئا هاما:

وسيله المحاورات بالرغم من انها وسيله رائعه لتبادل المعلومات و التقارب بين الاشخاص الا انها تحمل مخاطره كبيره و فرصه جيده لخداع النفس و الاخرين

سوف اعطي مثلا : فلو انا اعاني من اي عقده او اي اضطراب نفسي بمنتهي السهوله يستطيع العقل الباطن التغطيه علي هدا ورسم شخصيتي بصوره جميله جدابه للاخرين . ولكن لا استطيع هدا في التعامل المباشر

فبالاحتكاك المباشر يستطيع الطرف الاخر معرفتك في وقت قصير ولكن عن طريق المحاورات فانا اتاني في اختيار اللفظ

و اختار الكلمه بعد تفكير و بهدا استطيع رسم صوره مغايره تماما للواقع

ولكن هل يمكن استمرار هدا ؟

بالقطع لا .

فلابد ان تسهو في ملاحظه او تعبير او مداخله ما. فتظهر ما بي نفسك

فيثير هدا انتباهي و ابدا في ملاحظه مداخلاتك .

و قد و جدت مما يمكن ان نسميه عدم النضوج النفسي و هدا لا يرتبط بالسن بالقطع و لكنه يرتبط بتكوين الشخصيه

و تجاربها. و قد لاحظته في بعض الاعضاء ( يعني بالبلدي شخصيات غير ناضجه )

و سوف تلاحظ ايضا حب الدات و الظهور سوف تجده في بعض الاشخاص

ولكن هده الانماط موجوده و بوفره في حياتنا و لكنها من السهل ان تضع قناعا من خلال المحاورات او بالمعني الادق من خلال النت

و لكن دعني اقدم لك بعض التمادج الايجابيه و الشخصيات المتزنه

الاستاد الرافعي: شخصيه متزنه و هادئه الي ابعد الحدود . من الممكن الوثوق به

yacho : دات شخصيه واهم حاجه فيها انها صادقه مع نفسها ( وهدا لا تجده متوفرا )

و عندي سؤال للاخت نوريه ( العضوه التي اختارت صوره فتاه جالسه علي الارض و اخفت راسها بين قدميها )

لمادا ؟ لمادا اخترتي هده الصوره ؟ لمادا الرغبه في البعد عن المجتمع ؟

اما النسر المصري فلن استطيع التعليق عليه لاني باحس اننا اخوات فبالتاكيد لن اكون محايد

بالتحليل الدقيق لشخصيه مصريه بعني مصريه :

وجدنا انها نص سكر علي نص عسل يعني حاجه صعبه خالص

تحياتي

[المدهش]

طبعا انا فاهم ان المسألة قد تكون محرجة يا دكتور علشان كده قلت ان التحليل يكون بالطلب وانت بالفعل عندك 4 طلبات وأرجو ألا تكسفنا ..

يعني مطلوب منك تحليل مصرية يعني مصرية ونانسي ومتمردة والمدهش ..وقول زي ما انت عايز..

بلاش دبلوماسية ويا ريت تبحبح ايدك في الكتابة شوية..

ولك الشكر والتحية

[النسر المصري]

أولا دعني اتوجه لك بعظيم الشكر والامتنان لشخصك الكريم الذي يعبر عن حقيقة شخصيتك الرجوليه متمثلا ذلك في وقوفك بجانب ابن اخونا وحبيبنا يوسف ابن الصديق الغالي عادل الرافعي

وكان هذا استهلالا لابد منه...ومنه اكون قد حاولت التعبير عن جزء من شخصيتك الرزينه الهادئّ الصبوره الكريمه المفعمه بالاحترام

وحيث اني لاحظت انك تجنبت تحليل شخصيتي...فانا بقى اعتذر عن اني سوف ألزمك بتحليلها...فاذا كنت ان باحتراماتك ورجاحة عقلك لاتريد ذلك للأخويه...هل اتركها للغير او لاحد قد لا أثق برأيه

أرجوك ان تريح بالك شويتين كده...وشدلك نفسين بخور كمبودي يظبطو الطاسه...وارزعني يامعلم..اااقصدي يادكتور.....عاوزك تبهدلني...تأرجحني على كلماتك...ومنتظر ردك يا استاذنا الكبير

كل الشكر لك ولشخصك الكريم مره اخرى

بين قوسين (ادعوك لقراءة الرد ده وتقولي رأيك

http://www.egyptiantalks.org/invb/index.ph...pic=22012&st=15

تم تعديل 18 يوليو 2006 بواسطة النسر المصري

[hopsan]

انا اختلف مع الأعضاء فى طلبهم تحليل شخصياتهم و ارفض هذه الرغبه ..لأن هذا ينم على عدم الثقه فى النفس

فأنت ادرى بنفسك وتعلم القصور الذى يلازمك اينما كنت وعليه فإن طلبك بتحليل شخصيتك يتعارض والمنطق..... وانت تعلم تماما ان المحلل سوف يبرز الجوانب الحسنه و يتغاضى عما يراه من سيىء فى شخصيتك........ و عندما يقرر بحق تحليل الشخصيه دون مجامله سوف تصاب بخيبه أمل رغم ما سوف يقوله تعرفه سلفا .....

.

.

.

.

.

.

.

.

.

.

.

.

.

.

.

.ممكن بقى تحلل شخصيتى ؟؟؟؟

[MZohairy]

أنا عايز تحليل دم بس يا محمد :wub:

[هشام الجنيدى]

انا كمان عايز اتحلل .. ...

[اسود وتعالب وارنب]

وانا وانا والنبي ياداكتور لاحسن اليوميين دول الواحد شم مظبط خالص يمكن مساعدتك تخلي الواحد عارف راسه من رجليه ويمكن تساعدني تطوير الشخصية البايظة خالص وكمان مفاتيحها تقريبا تقريبا ضاعت يمكن تقدر ساعدن يللصول لحل أالنبي يستر اصلك حبتين تحليل كده من القلب يحبهم بجد بجد مش تهريج

[عليـ***ـاء]

انا بقي داخله وبقول مش عايزة تحليل ........اصلي لسه عامله تحليل دم والحمد لله طلعت فصلتي

+r

الحمد لله انا امة لا اله الا الله لما بتشوفني بتحلل شخصيتي وخصوصا زمايلي في الجامعه

خليني بس اتفرج علي العالم اللي هتتشرد دلوقتي

[yacho]

احساس جميل انى ادخل موضوع والاقى عضو من الاعضاء اللى بنحبهم جدا

جايب سيرتى بالخير .. طبعا لايسعنى الا انى اشكر دكتور خالد صاحب الكلام الجميل

وطبعا الستات بتموت ف الكلام الحلو ;) فانا انشكحت خالص مالص .. واشكر المدهش

صاحب الموضوع انه اتاح لى اسمع كلام ظريف زى ده . :P

وطبعا بما ان دكتور خالد قدوه ومثل يحتذى به فى التواضع mfb: فاسمحولى اسير على

نهجه واعترف بكل تواضع ان كلمه قالها صح الصح :angry: وان انا ست ماحصلتش ف تاريخ

ستات البشريه وانه لسه ماوفانيش حقى .. فانا بقترح بكل تواضع انه يفتح موضوع مستقل

للحديث عن شخصى المتواضع ههههههههههههههههه :o

حكمة اليوم وكل يوم

انظروا توقيع الرافعى حتعرفوا انا جبت منين التواضع ده كله .

تم تعديل 25 يوليو 2006 بواسطة yacho

[dr khaled]

و الله ياجماعه اشكركم علي الثقه الغاليه و الشعور الجميع لحضراتكم نحوي

و لكن المشكله

ان بقالي فتره حاسس بتوتر و عدم قدره علي التركيز لدرجه ان الاخ لخبطه بعث لي فكره حلوه جدا و تحمست لها

و لكن لم استطع البدء بها فمعدره

يعني الدنيا ملخبطه علي الاخر

حد ممكن يساعدني

شوفتوا حتي العلماء و الشخصيات العظيمه مثلي :lol:

ممكن تصاب باحباط :angry:

امضاء

د.خالد المتواضع

رئيس جمعيه التواضع النفسيه

[ارسطو]

جرى ايه يادكتور خالد هو باب النجار مخلع ولا ايه :D انا بس كنت عايزه اسال سؤال سمعت ان شخصيه الانسان ممكن تعرفها من الاسم المستعار او من الالوان اللى بيختارها او من الاغانى اللى بيسمعها او من نبره صوته والحاجات دى فهل ده صح ولا غلط .

واجابتاك عليا مش حتمنعنى من انى اطلب طلب الاخوه الاعضاء

( حللنى ونبى حللنى ربنا يخليك تحللنى)

[سمـ مصر ــا]

هوة هنا معمل ولاة اية ياجماعة

طيب وسعوا شوية لانى محتاجة أعرف نسبة الحديد في البلازما

أحسن تركيز الهيموغلوبين أصبح عندى أقل من ۱۰ جم :wub: فى كل ۱۰۰س س۳ من الدم والعملية بقت صعبة mfb:

شوفى حل يادكتور خالد mfb: وحللنى الله يخليك

[بنت النيل]

فكرة حوه وجميلة اوى يا مدهش

وانا عن نفسى مستعدة ان اشارك بس على شرط ان يكون الدكتور خالد طبيب نفسانى متخصص فعلا ولا ايه ؟ :angry:

والا لو مش كدا يبقى هيخلينا بهذه الحاله :ninja: -_-