المرأة بحر ظلمات

[ragab2]

.

.المرأة  بحر من البحار

مالوش شاطئ  ولا فنار

وموجه متقلب زى الأقدار

والرجل  قبطان أعالى البحار

يركب الموج  ويبهر الأبصار

يطوع الأمواج  والبحر الغدار

ملاح فى بحورالملح وسبع فى الدار

حليم  فى حكمه وكريما فى الديار

يثور بحكمة ويهدأ وتنطفئ النار

والمرأة  بحر متقلب الأحوال ومحتار

يثور فجأة ويهدأ  ومن نفسه يغار

لا يرحم غريقا ولا يسعف  جار

تجد له  لونا غير الذى  فى  القار

خداع للنظر ويقرب البعيد  بالانكسار

بحور دموع لا تعرف لها مصدا أو جدار

يختاروا ويتركن للرجل صوريا الاختيار

يتمنعن  وهن  الراغبات  فى الجوار

يطلبن الخلع ويطلب الرجل العمار

ان أنجبن طفللا كثرت الشكوى من الصغار

وان صاروا موظفات  ياساتر ياستار

يوم اتأخرت ويوم تحت الشسوار

تهوى الدردشة وكثرة الحوار

ان داعبتهن قالوا عليك فشار

أو أنك عامل عملة وارتكبت عار

أو حتى مريض ودرجة حرارتك نار

المرأة مخلوق غامض لم يكتشف له اسرار

كثير الألوان أحمر وفوشيا وفستان بكنار

فى الصرف أستاذة ورئيسة قسم الدمار

والزوج  بيدفع  ويضحك  فى  انكسار

لو بس عارض يتعمل عليه حصار

ويصبح  سبب  كل  الأضرار

لو غاب الزوج فى داهية غار

ولو  حضر يتخلق  مشوار

تعبان يشتغل زى الحمار

فين الرحمة يااهل الدار

[daktara]

لينا الجنه يا عم الدكتور رجب باشا

[بنت شعنونة]

يا رجلا مثل البيير مالوش قرار

ان حبيناك قلتوا عنا زي البحر غدار

وان هجرنا قلتوا شفتوا..اهم البنات اسرار!

تحب تكون قائد وطيار

وفي كل مينا ليك اسرار

تبغدد و تدلل ولا المختار

ووقت الجد البعيد.............جبار!!

ايديك في ايدي يا سيدي... ساعدني في البيت

تتشملل و تتحملل و تعملي فيها فارس مغوار!!

وصوتك يجيب الشارع والجوار

انا راجل يا ست هانم...وما اعملش شغل الجوار!!

ليه؟؟ هوا انا جاريا يا سيدي؟؟ دا انا ست الحسن والبدار..

ولو خلفنا تبقى المصيبة مصيبتين

سكتي الواد دا مش عارف انام يا انوااااار

ولو الواد سكت..... فين الغدا يا هانم والا حتى ما فيش خضار؟؟

حلمك عليا يا سيدي..دا رسولك قالك رفقا بالقوارير

وما تنساش اني اختك وامك وبنتك وحبيبتك في القلب والدار

والا ايه يا عبد الستار؟؟؟؟

مداخلة على قدي ;)

[متسائل]

الأخت شانا من "سورية".. أليس كذلك؟  ;)

[بنت شعنونة]

اخي متسائل

انا مصرية سعودية

وسبب تسميتي شانا

لأن والدتي تركية

وما تسألنيش ازاي

;)

[متسائل]

آه كده أفهم، سبب المصطلحات الغير مصرية  ;)

على العموم أهني نفسي على الحدس الصادق (تقريباً)  :inlove:

[بنت شعنونة]

:0

بجد؟؟ هوا فيه مصطلحات مش مصرية؟؟

;)

بس برضه مصرية وعاشقة تراب مصر

و الأصل عربية

اااااااخ بس لو كلنا نتسمة عرب وخلاص

???

[ragab2]

.

ياست شعنونة

يالى كلك زوق ومرونة

نثرك وشعرك الاتنين عجبونا

كل كلامك حكم وفى الشعر موزونة

رحت الطابونة

فى الزحمة زفونا

عيش طازة وكله سخونة

تاخد عليه كبريت وصابونة

أمال فين أمريكا اللى بتبعت لنا معونة

صحيح البيت بيت أبونا والغرب يطردونا

وقليل البخت يلاقى العضم فى التونة

وياما ناس بقت تنداس برعونة

وناس تاكل شهد وتشرب حليب  ببرونة

اللى اختشوا ماتو وسبقونا

والباقى ذمتهم أستيك وسرقونا

ريحتهم زكمت الأنوف  وفضحونا

عمر الفقر ماكان عيب لكن العيب ان يستغفلونا

وزير ومحافظ سرق أمال فين اللى هايشرفونا

دة والله الست زى الراجل ولا يفرق الا الخشونة

واللى يقول غير كده أفكاره مجنونة

برة تشتغل وفى البيت طاحونة

تربى العيال ولزوجها مفتونة

والزوج فرش وغطا للزوجة المصونة

الراجل سيد البيت دمه حامى بسخونة

والمرأة ست البيت بس شوية ظربونة

الراجل راجل والست ست بس الناس ظلمونا

رحت اصطاد بلطى قالوا فيه تونة

قلت عاوز بلدى اللى عليه ربونا

واللى شرب من نيلنا واختاره لينا أبونا

لو بس داقوا البلدى كانوا عذرونا

مالها زكية مش أحسن من ماريكا الرعنونة

ترطم عشر لغات لكن فى الأصل مجنونة

تضرب لخمة فى الطبخ ماعادا المكرونة

تعمل لبخة بالبيض وتحط لها زتونة

بتقول عليها بتزا وتعصر فوقها لمونة

الشرق فين والغرب فين ياعالم دلونا

وفين ألاقى الدوا عندكم والا فى بيت أبونا

جربتوا فينا الدوا والقلب انكوى .. من فضلكم سيبونا

خسيس لما اتغنى باع اللى ساعدونا

دار  ظهره لأهله  واللى عرفونا

فين الأصل بقى ياللى علمتونا

وعجبى

Edited By ragab2 on June 18 2002 1:38pm

[Ashraf]

دكتور رجب عشرة على عشرة وكمان الاخت الدكتورة شنا

مع ارق تحياتى

[freefreer]

فعلا سجال ظريف ..  ;)