تشتري مني يا هانم.. تشتري مني يا بيه؟؟ - ؟؟؟؟

[بنت شعنونة]

تشتري مني ياهانم..تشتري مني يا بيه..!

انا ابيع المشاعر..محدش عايز يشتري والا ايه؟

الناس نسيت المشاعر والمودة..بس يا ترى ليه؟

.

تشتري مني يا هانم.. تشتري مني يا بيه؟؟

.

معايا بواقي حب غلبانين

جار عليهم الزمن..واصبحوا في قلبي متوارين

متبهدلين..متعورين..وكمان عيانين..

بس والله همه حبة حب اصيلين..

.

تشتري مني يا هانم.؟تشتري مني يا بيه...؟

.

معايا شوية اخلاص باقيين..

اصلوا اللي كانوا معايا اخدوهم ناس تانيين..

ناس ما تستهلش ..ناس ماصانوش العيش و الملح وكانوا خاينين..

بس معلش.. ماهي التجارة شطارة.. وانا اشطر الخايبين..

تاخودش مني يا سيدي حبة الأخلاص دول؟؟ والله دول نادرين..

.

تشتري مني يا هانم..تشتري مني يابيه..

.

معايا كمان ادب واخلاق يا ناس يا طيبين..

انا عارفه انهم مالهمش لازمة في زمن المشعوذين..

بس يمكن ينفعوا حد..بدل ماهمه كد1 مرميين؟!

شوية ادب على اخلاق يخلوا حياتكوا حلوين...

محدش قال هات..

محدش قال عاوزيين؟؟

.

تشتري مني يا هانم.. تشتري مني يا بيه...!

.

خلاص.. بضاعتي ملهاش لازمة

تمام زي صاحبتها..عاملين ازمة..

هيييه..

خلينا جنب الحيط مرميين..

يمكن تيجي ايد حنونة.. تعطف علينا بكلمتين...

.............وعجبي.............

[freefreer]

اذا عرف السبب .. بطل العجب  :sneaky:  :sneaky2:

[بنت شعنونة]

:lookaround:  :dozingoff:

فعلا :)

[ragab2]

البضاعة دى أصبحت أولدفاشون وقديمة واصبحت اكسبيرد  expired

فيه بضاعة جديدة نوفى وعملية اليومين دول ومفعولها يطلع السما

واسمها ...

قلة ضمير وهبش ورشوة وتزلف ورياء وواسطة ومحسوبية

تحياتى

Edited By ragab2 on June 15 2002 08:57am

[بنت شعنونة]

عندك حق اخ رجب

عشان كدا انا اشطر الخايبين ???

ربنا يستر وما ابقاش اخيب الخايبين بعد كدا :)  :dozingoff:

[متسائل]

أعجبني الموضوع جداً و لكني رأيت تغيير العنوان لجعله منطوقاً.

أرجو ألا أثير استياء الكاتبة. و أعتذر سلفاً.

[بنت شعنونة]

لسا كنت داخله ومشمرة دراعي و ناوية اتخانق

بس احرجتني  :)

ولا يهمك اخ متسائل

الموضوع كله على اسمك ;)

وشكرا لك اخي الكريم

[freefreer]

لسا كنت داخله ومشمرة دراعي و ناوية اتخانق

معندناش الكلام ده هنا .. المنسق يراقب حسن عرض المواضيع

[الباشمهندس ياسر]

معايا بواقي حب غلبانين

جار عليهم الزمن..واصبحوا في قلبي متوارين

متبهدلين..متعورين..وكمان عيانين..

بس والله همه حبة حب اصيلين..

.

اصليين مش مغشوشين

ولا عليهم ذواقه ولا بالكدب غرقانيين

كلامك حلو يا دوك

[mandoo]

ليه العتمة والنفق المظلم ده ؟

بواقى مشاعر .... بواقى حب .... بواقى إخلاص .... بواقى أدب وأخلاق ..... كله كده بواقى .... كده بقى نقدر نقول على الدنيا السلام

طيب إحنا عايشيييين إزاى ؟ يعنى مافيش بصيص أمل

أنا متأكد وعلى يقين إنه فيه مشاعر .. وفيه حب .. وفيه ناس كتير قوى مخلصين .... وفيه أدب وأخلاق

مجرد رأى ..... خالص تحياتى

[لولا]

شانا العزيزه ..

أسعدنى الحظ اليوم مرتين بقرأة مساهمتين لكِ فى ركن الأدب

كانت الأولى "كان يا ماكان" التى رفعها استاذ عادل وهذه

تعرفين شانا ؟!

كلماتك ..

بسيطة جدا ..

عفوية جدا ..

وصادقة جدا.

وعندما تحمل كلمات هذا الكم من البساطة والعفوية والصدق فهى تخرج من القلب لتلمس القلب

"تشترى منى يا هانم ؟! .. تشترى منى يا بيه ؟!"

مؤلمة .. ولكنك تصيغينها بصدق وعمق يلمس القلوب ويستدعى الحواس .

تحياتى لكِ .

لولا

[alsaher]

إن كنتِ على صواب

فإبقِ كما انت وإن حاد الجميع

فحتما سيأتي يوما لا يصح فيه إلا الصحيح

شكرا لكلماتك الرائعه

دمتي

تم تعديل 11 سبتمبر 2009 بواسطة alsaher

[بنت شعنونة]

دا ايه الحلاوة دي بس

لقيتها فين دي بس يا باش مهندس

دي من سبع سنيييييييييييين n2&(

تحياتي لكلماتك يا باش مهندس ياسر :sad:

ماندو

كتير جدا من الناس تمر بالمرحلة التى وصفتها سواء لفترة وجيزة او طويلة

ولكن لازم تعدجي عليها n2&(

لولا

مش عارفا اشكرك ازاي بس

اخجلتم تواضعنا :blink:

الساهر

كلامك صحيح

بس اوقات غصب عننا بنمشي مع التيار لأننا تبعنا من السباحة ضده!!

[الباشمهندس ياسر]

العفو يا دوك

عدوا الجمايل بس