مذكرات زوجة سعيييييييييدة

[سمـ مصر ــا]

مع اشراقة النهارأفتح عينى فأجد زوجى ما زال يغط فى شخيرة المعتاد

أنسحب بهدوء حتى لا اوقظة ويبدأ البرنامج اليومى للسعادة بدرى

أفتح باب الغرفة بهدوووووء وأخرج وأرفع أكرة الباب لأعلى وأسحب الباب حتى لا يسمع صوتى فيستيقظ

ولكن لاتأتى الرياح بما تشتهى السفن

لقد سمع صوت الباب

فيأتينى صوتة الشجى من خلف الباب

هو= أنتى على طول قلقانى مش عارف أنام منك أبداً .. على الصبح خبط ورزع فى البيبان

فأفتح الباب تانى بهدوء

أنا = يسعد صباحك أنت صحيت ولاة اية

هو = صحيت ولاة اية .. اية انتى شايفة اية أكيد لازم أصحا وانتى عمالة ترزعى وترأعى فى الباب

أنا = الباب مش عارفة مالة عايز تزيت دلوقتى وانما ازيتة معلش مخدش بالى

هو= تأخدى ولاة متخديش أدينى قلقت وقومت وعن أمى ما نمت

أنا= :happy: قوم بس كدة خد حمامك وأنا أجهز لك الفطار وأعمل الشاى على بال ماتخلص

أتركة وأخرج وأنا سمعاة بيبرطم وأنا قافلة ودنى ومش عايزة اسمع <_<

هو = انتى ياست هانم فين الفوطة مش فى الحمام لية

أجرى إلى الدولاب وأفتحة

:wub: (( يادى الخيبة الفوط راحت فين مش لقياهم لية .. اة نسيت أنا غسلت امبارح .. دول كلهم على الحبل ))

هو = استناكى ادية سنة ولاة سنتين

أنا = أدخل بس الحمام وانا جاية وراك اهوة

نتشت الفوطة من على الحبل مولعة من حرارة الجو وجريت لة لقيتة واقف ومتسمر على باب الحمام

شد الفوطة من ايدى ورفعها على منخيرة

هو = مش عارف اهمالك دة لامتا الفوطة مليانة تراب تلاقيك سيبها على الحبل من اسبوع

أنا = لا والله دا انا غسلة امبارح

هو = غسلة غسلة اية يامدام هوة دة غسيل مبتستعمليش لية الكمفورت هوة انا مش جايب كمفورت

أنا = الكلام دة كام من شهر وخلص

هو = خلص خلص هوة مفيش حاجة فى ايدك بتعمر

أنا = لية كدة بس على الصبح .. طيب أدخل بس خد حمامك وأطلع نتكلم

يدخل ويغلق الباب فى وجهى mfb:

أستدير بإتجاة المطبخ وأضع الحليب على النار وأخرج الجبنة من الثلاجة فأسمع صوتة العالى

هو = الصابونة فين وديتها مفيش صابونة فى الحمام لية ياست هانم

أجرى للحمام أفتح الباب لاجدة واقف فى وضعية تمثال رمسيس ولكن بإختلاف بسيط لا وكمان حاطط ايدة فى وسطة ونظرات الشرر تتطاير من عينة

أتلفت على الصابونة

هو = بتدورى على اية بقولك مفيش صابونة فى الحمام

أنا = لا انا لسة غسلة وشى بيها

وتقع عينى عليها خلف الشامبو

أنا = أهية مش بقولك فية صابونة فى الحمام

هو = بطلى لك وعجن وروحى أعملى الفطار

أستدير وأغلق الباب خلفى

أرجع للمطبخ الحليب فار ووقع على البوتوجاز

أنا = يالهوتى لو شاف الحليب وهوة واقع حبعملى فيها فيلم هندى

رفعت حوامل البوتوجاز بسرعة وكأننى فى سباق وأحضرت الاسفنجة والصابون ونظفتة فيأتينى صوتة الشجى

هو = هوة انا عمرى ما حلاقى ترتيب فى البيت دة

أجرى تانى للحمام

هو = انتى ياست هانم

ومن خلف الباب

أنا = نعم

هو= فين هدومى اللى حلبسها

أنا = حاضر ( وأنا اجرى للدولاب ) حاضر لحظة واحدة

أنا = يوة تانى فانلاتة على الحبل

أخد من الدولاب البيجاما وأجرى للحبل أخد الفانلة وأرفعها إلى أنفى

أنا = الحمد لله مفيهاش تراب بس برضة الاحتياط واجب

أخد معطر الملابس وأرشها ثم أكورها حتى تختلط بالفانلة ثم أنفضها مرة تانية

هو = انتى ياست هانم فين الهدوم

أمد يدى لأفتح الباب فيسحب الملابس من يدى

هو = حطيتى الفطار

(( يوة انا لسة معملتوش ))

أنا = ايوة جاهز حجيبة من المطبخ على بال ما تلبس وتسرح

أجرى لأضع الحليب على النار تانى وشوية جبنة فى الطبق

وكمان العسل وبسرعة أسخن الخبز وأدى الزبادى

أنا = (( أتحدث للحليب )) يالله أغلى بقا نفوخى غلى على الصبح

أرفع الاكل على الصنية وأضعة على الطاولة فى الصالة

وأفتح الباب لأخذ الجريدة من الصندوق

وأضعها على الكرسى المجاور لكرسية

يجلس ويرفع الجريدة ويمد يدة إلى الاكل

هو = فين الفول

أنا = عايز تاكل فول

هو = مش عارف والله عايز أكل فول ولاة بسأل على امة وبس

أنا = لحظة واحدة أعمل لك طبق حلو يستاهل بقك

هو = طبق حلو حلو اية يا مدام هوة فول العلب دة فول

انتى لو نصحة نص كيلو فول وتدمسية يبقا الواحد ياكل فول صحيح مش فول متحنط

أنا = يعنى أعملك ولاة لا

هو = لا

يمد يدة ويأكل وأنا أمد يدى وأكل

أنا = بقولك اية

هو = اية

أنا = كنت عايزة أكلمك فى حاجة من امبارح

هو = خير ياطير

أنا = الغسالة

هو= مالها الغسالة

أنا = عايزة أغيرها ونجيب فول أوتوماتيك

هو = فول اية .. واية لازمتة المصاريف اللى من وسع دى هوة انتى شيفانى ورثت الابعدية ولاة وقعت على كنز

بلعت سخريتة بمرارة

أنا = بس الناس كلها جابتها

هو = الناس الناس انتى مش وراكى غير البص للناس كل برغوت يامدام على اد دمة

أنا = برغوت اية بس .. مش انت لسة واخد علاوة

هو == اة قولى بقا انك بصة لقرشين العلاوة -_-

أنا = مش المسألة

هو= أمال اية المسألة ياهانم حضرتك عارفة الكهربا اللى حتسحبها الغسالة اد اية ولاة المسحوق اللى بالشئ الفلانى

والنبى ريحينا على الصبح من طلباتك اللى مبتنتهيش

أنا= يعنى صباح مرات السيد أحسن منى B)

هو = صباح جوزها فى السعودية وعمال يحول فى ريالات على دولارات وأنا راجل غلبان

موظف على أد حالى

أنا = حالك اية بس الدفتر ما فية قرشين حلوين الحمد لله

هو = وانتى مالك ومال الدفتر انتى حتشلنى على الصبح

أنا = بعد الشر عليك وحواليك لية بتقول كدة .. بس انا نفسى فى الغسالة

هو = تانى غسالة غسالة ومالها المدعوءة اللى جوة

وينتفض واقف كعادتة عند نهاية كل حوار بينا ليعلن أنتهاء الحوار ;) mfb:

يتبع ............................................

تم تعديل 17 يوليو 2006 بواسطة سمـ مصر ــا

[المدهش]

حرام عليكي يا سما ..

فيه شباب وفتيات في المنتدى على وش جواز..كده يتعقدوا بدري بدري..

يا جماعة دي صورة كاريكاتيرية ساخرة ..وده مش بيحصل في الواقع..يعني هوه بيحصل بس مش بالضبط كده..يعني هوه ..ساعات.. ساعات..باقولكوا ايه ..الصراحة بيحصل كتير ..لكن الجواز برضه كويس ..مش كده يا سما؟!

[سمـ مصر ــا]

[الجواز برضه كويس ..مش كده يا سما؟!/quote]

كدة قووووووووووى يامدهش mfb:

:blush: :blush: مش بقولك مذكرات زوجة فطسانة من السعادة :D :sad:

نورت نوتة المذكرات :D

[yacho]

سما انتى كنتى مركبه كاميرات تجسس عندنا ف البيت واللا حاجه :D

سما حبيبتى اللى انتى حكيتيه ده واقعى واقعى واقعى واقعى :blush:

السعاده الزوجيه انتى حتقولى لى :blush:

[سمـ مصر ــا]

سما انتى كنتى مركبه كاميرات تجسس عندنا ف البيت واللا حاجه

سما حبيبتى اللى انتى حكيتيه ده واقعى واقعى واقعى واقعى

السعاده الزوجيه انتى حتقولى لى

دة اسمة السعادة الزوجية مع الإغراق فى الواقعية نعمل اية ياياشو بنقيد صوبعنا لهم شمع ويارب يعجب

منورة نوتة المذكرات

[haboob]

ده أول مشاركة لي هنا في قسم موضوعات خفيفة،،

أولا أهنيكي يا سما على أسلوبك الجميل و تعبيرك التلقائي في الحوار، و أنا على فكرة ما كملتش الحوار، يدوب قرأت لغاية لما نشتي الفوطة من على الحبل، وقررت بسرعة أضع مشاركتي، وأنا متأكد 100% إن باقي حوارك حيكون مبهر وجذاب (الجواب بيبان من عنوانه)

وعلى فكرة هذا الحوار صالح جدا لسيناريو مسلسل حلقاته بتحكي واقع تدور أحداثه على مدار اليوم.

فاضل حضراتكم تختاروا أبطال العمل و المخرج أما القصة والسيناريو فهم جاهزين بين أيديكم.

(مش تريقه والله، هذا من شدة إعجابي،،،، وبالتوفيق).

[khedr]

الحقيقه

ولا غير الحقيقه

كل شئ انكشفين وبان

اكملي

ياسما

[لخبطه]

طيب دلوقتى انتى ست متعبه بتحملى الزوج المسئولية ليه ........ يعني مصادفه انه يوم الغسيل يتصادق مع حمام الراجل :blush:

كمان احنا الصبح يعنى الزوجه الفاشلة اللى تسيب الغسيل ينزل عليه الندى دا حتى يبهت

كمان الفول اتوماتيك مش عند حتى وحتى انا اتصلت على صباح مرات سيد لقيت سيد في المستشفى من قر الناس عليهم :blush: :D :sad: mfb: :D

اسلوبك جميل ياسما كملي

[سمـ مصر ــا]

حبوب

منور الموضوعات الخفيفة والمحاورات كلها وبالنسبة للمسلسل لازمنى بس منتج يكلف المسلسل ويصرف علينا

شوف انت المنتج وانا حجهز باقى الحلقات

منور نوتة المذكرات

خضر

كل شئ انكشفين وبان

ماهو باين من اولة بس نعمل اية دا الجواز ياخضر زى البطيخة المقفولة

اية يالخبطة هوة انت قريبة ولاة اية

وبعدين انا الغلطانة فعلا المفروض أغسل وانشر واجيب المروحة على الحبل أحطها واقف جنبة لغاية ما ينشف المة

ياراجل :blush: عمرالغسيل ما يبهت من الندا لية هية بتندى الايام دى كلوركس

انا اتصلت على صباح مرات سيد لقيت سيد في المستشفى من قر الناس عليهم

سلم ليا علي صباح وقولة سلامتك ياسيد دة مش حسد ياخويا دة آر ياتنا نيلة فى حظنا الهباب اللى عطاكم يعطينا وللسعودية يودينا

منور ياخويا النوتة انت وخضر وحبوب

[nancy]

اية يا جماعة متصلوا على النبى

هى سما حتتلم على ياشو

يبقى مش حتعدى على خير

ملها السعادة الزوجية

محنا حلوين اهه

احنا عندنا موضوع الافطار دة مختلف

من نوتة نانسى بقى

انزل البنات المدرسة واجهز الافطار اى سندويتش وشاى باللبن واحطة جنب السرير

اشرف اصحى الساعة 7 وربع

اشرف اصحى الساعة 7 ونص

اشرف اصحى الساعة 8 وربع

اشرف اصحى الساعة 9 الا ربع

اشرف معاد المكتب عدى الساعة 9 وربع

ينتفض شرف ويفطر وياخد دش ويصلى الصبح

وينزل جرى 9 ونص

شفتى مش بيلحق يتكلم حتى :blush: :blush: :D

[yacho]

اية يا جماعة متصلوا على النبى

هى سما حتتلم على ياشو

يبقى مش حتعدى على خير

ملها السعادة الزوجية

محنا حلوين اهه

احنا عندنا موضوع الافطار دة مختلف

من نوتة نانسى بقى

انزل البنات المدرسة واجهز الافطار اى سندويتش وشاى باللبن واحطة جنب السرير

اشرف اصحى الساعة 7 وربع

اشرف اصحى الساعة 7 ونص

اشرف اصحى الساعة 8 وربع

اشرف اصحى الساعة 9 الا ربع

اشرف معاد المكتب عدى الساعة 9 وربع

ينتفض شرف ويفطر وياخد دش ويصلى الصبح

وينزل جرى 9 ونص

شفتى مش بيلحق يتكلم حتى :blush: :blush: :D

يا جامد قوى يا نانسى يا رافعه رايه المرأه :sad:

سما خللينا انا وانتى على رنات بقى mfb:

[مومو الامور]

هههههههههههههههههه

لا تعليق

زوجات بقا وبيفضفضوا معا بعض

حلوة على رنات دى يا ياشوووووووو

[yacho]

هههههههههههههههههه

لا تعليق

زوجات بقا وبيفضفضوا معا بعض

حلوة على رنات دى يا ياشوووووووو

مشكرين قوى يا مومو :blush:

بقولك ..

لا المره دى بجد :blush:

مش حتغير اسمك بقى :D

[مومو الامور]

بس انا مستغرب هما الرجاله كلهم بعد سنتين جواز بيبقوا كدة

معتقدش يا بنات ويا ستات اعتقد انه فى حد عندة عكس الكلام دة

يعنى بدل كلمه هو تبقا هيا

وبدل كلمه هيا تبقا كلمه هو

مش عارف دة رايى

[نورية]

ســــــــــــــمــــــــــــــــــــــــــــا :)

حرااااااااااااام عليكى .... خلاااااااااص مش عايزة اتجوز..... بيت اهلى اولى بية

جبتيلى عقدة يا بنتى .... كنتى وصليلنا الصدمة دى واحدة واحدة ... مش على طول كدة ..

بس بجد اسلوبك ما شاء الله عليه.... بس كنت حاسة انى راح اجيب المغرفة و انزل على نافوخ الراجل دة طااااااااخ طاااااااااااااااااااااااااااااخ لحد ما افش غلّى فيه و نتقم للست المفروسة الغلبانة دى...

ياريت يا سما تخليها سلسلة .... يعنى كل فترة تكتبيلنا عن يوم اخر من يوميات الست المفروسة دى... و ياريت النهاية تكون بدخول الزوج مستشفى الامراض العقلية عشان كل الجنس اللطيف هنا يرتاح :P

[nancy]

ياشو اخص عليكى احنا اصحاب برضة وخلينى فى الرنات

تخونك النص ساعة الى حكانها يا ياشوشى

دة انا بيوحشنى صوتك :)

ومش حكاية جامدة ولله هو الى طيب معايا مش انا الى قوية :P

[yacho]

ياشو اخص عليكى احنا اصحاب برضة وخلينى فى الرنات

تخونك النص ساعة الى حكانها يا ياشوشى

دة انا بيوحشنى صوتك :P

ومش حكاية جامدة ولله هو الى طيب معايا مش انا الى قوية :blink:

انتى حبيبه قلبى يا ننوسه حانيمهم واكلمك :)

[أبو محمد]

شوفوا يابنات .. شوفوا ياولاد .. خدوها حكمة من عمكم أبو محمد ..

السعادة الزوجية ليست بعيدة المنال .. المهم الاتفاق وتوزيع المسئوليات من البداية

أنا يوم الصباحية .. وكنا فى فيللا هادئة فى العجمى أيام السبعينات .. خليت مراتى تقعد ماتعملش أى حاجة .. وعملت فنجانين قهوة .. مع كبايتين ميه ساقعة .. وقلت لها:

أنا : ياسلام ياحبيبتى أخيرا جه اليوم وبقى لنا عش جميل يضمنا .. أنا هاعمل كل جهدى عشان العش ده يبقى جنة

هى : وانا كمان هاعمل كل جهدى انى أخليلك البيت جنه ..

أنا : علشان ده يحصل لازم نحدد المسئوليات .. وطبعا بما إنى الراجل فأنا لازم أركز اهتمامى بالمشاكل الكبيرة .. وأسيب لك انتى المشاكل الصغيرة تهتمى بيها

هى : ميرسى ياحبيبى .. دى حاجة جميلة قوى منك .. وإن شاء الله أكون عند حسن ظنك

أنا : أنا متأكد إنك حتكونى جديرة بتحمل مسئولية المشاكل الصغيرة دى

وكنت أنوى أن ينتهى الحديث هنا لولا سؤالها الآتى :

هى : ميرسى ياحبيبى .. بس ياريت تدينى أمثلة على المشاكل الصغيرة اللى لازم أهتم بيها والمشاكل الكبيرة اللى انت هتهتم بيها .. يعنى عشان بس أكون عارفة

هنا إعتدلت فى جلستى وقلت بصوت هادئ ولكنه عميق النبرات

أنا : يعنى مثلا ترتيب البيت ونضافته .. حيكونوا على ذوقك .. لأن انتى الملكة هنا .. والأكل مفيش أجمل من إيديكى ممكن تشتريه وتجهزه وتطبخه .. وميزانية البيت مين أقدر منك إنه يعملها ويتأكد إن مصروفاتنا ماتزيدش عن دخلنا المهدود .. قصدى المحدود .. وإن شاء الله لما ييجوا أولاد مين أحن من الأم يهتم بيهم .. ويأكلهم .. وينيمهم .. ويغير لهم .. ولو بعد الشر جالهم أى مرض من بتوع الأطفال دول مين غير أمهم تاخدهم للدكتور عشان تقول له على الأعراض بالظبط .. ولما يكبروا توديهم المدرسة الصبح .. وتجيبهم بعد الضهر .. وتذاكر لهم .. وتعمل لهم السندوتشات عشان الصبح .. وبعدين المشاكل الصغيرة التانية زى مثلا اجتماعات مجلس الآباء .. واجتماعات اتحاد الملاك .. ولو بلاعة انسدت تجيبى السباك .. لو التليفزيون عطل تاخديه يتصلح .. لو الغسالة عطلت تجيبى حد يصلحها أو توديهالهم الورشة .. يعنى دى مجرد أمثلة على المشاكل الصغيرة اللى انتى المفروض تهتمى بيها

وهنا كانت زوجتى قد انتصبت واقفة وسألتنى ووجهها أحمر وزى القمر :

هى : وإيه بقى المشاكل الكبيرة اللى انت حتهتم بيها ياحبيبى إن شاء الله ؟؟؟؟؟؟

أنا : يعنى المشاكل الكبيرة اللى كل الناس عارفاها ... زى الصراع العربى الإسرائيلى .. صراع الحضارات .. ثقب الأوزون .. مشكلة التصحر .. الضوضاء ..........

إلتفت إلى حيث كانت واقفة فلم أجدها ولكنى سمعت ضوضاء فى المطبخ .. ثم فوجئت بها بشعرها الغجرى المنكوش يسافر فى كل الدنيا وبيدها اليمين ساطور .. وبيدها الشمال أكياس بلاستيك كتييييييييير .. وبين أسنانها أكبر سكاكين المطبخ .. ومن يومها وانا حاسس إنى ملك .... زى ماتقولوا كده

::

::

::

::

::

::

::

أوزوريس

[hopsan]

الراجل ده ممل و نكد و يقرف ...وتلاقى وشه كشر عالصبح

اكره ما عندى الاقى واحد يكشر وهو لسه صاحى ..اعتبره نوع من الغباوه

مالها كلمه صباح الفل بإبتسامه لما الواحد يصحى من النوم ...بكده اليوم لازم يمر براحه طالما ابتسمت فى وش حد و الحد ده ابتسم فى وشك ....انما نكد كده من اولها يبقى عرفت اليوم حيتنهى ازاى ...وتلاقى الراجل ده اكيد بينام وهو لابس بيجامه كلاسيكيه و فنله cut و معظم الوقت من غير جاكت بيجامه ...انا عارف النوعيه دى من البشر....

[سمـ مصر ــا]

نانسى

نوتك جميلة قوى ومش حينفع السرد القصير دة للإفطار عندكم

لازم تحكى لما يوم كامل وإحنا فى إنتظار يوم من السعادة فى حياة أشرف ونانسى

ياشو حبيبة قلبى

مينفعش الرنات دة لازم مكالمات وفضفضة طويلللللللللللة

مومو الامور

بس انا مستغرب هما الرجاله كلهم بعد سنتين جواز بيبقوا كدة

شوف السنة الاولى دى اسمها السنة الورقية لانها لسة فى الاول والحبر لسة مجفش على ورقها

التانية دى السنة البلاستكية لانها بتكون أجمد شوية وبردة نكدها غريب انما اليوميات اللى انت شايفها دى دى بعد السنة الحجرية

نورية

أدى البنات ولاة بلاش قلبهم حنين

بس حكاية الامراض العقلية دى فكرة انما اية روعةةةةةة

منورة يانورية

ابو محمد

أنت كتبت فى موضوع مهم جداً وعايز نكتبلة موضوع خاص بية وهوة توزيع المسئوليات بين الزوجين بطريقة

غير عادلة لان فعلا ماقلتة هو الواقع فالأم عليها كل ماذكرت ويمكن أكثر شوية

وسى السيد (( مقصدكش انت ياس س ) قصدى كل سى السيد فى بيتة كفاية علية يرجع متأفف من الشغل على زحمة الطريق ولاة الجو

ولاة من الناس فى الشارع وتارك الجمل بما حمل على روحية ( محدش يقولى مين روحية )

على فكرة يا ابو محمد كتابة يوم واحد من مذكراتك انت وأم محمد مينفعش عايزين يوم تانى

ونورت يا ابو محمد وسلم ليا على ام محمد متنساش :)

=

يالله كل واحد منك يكتب لنا يوم من يوميات السعادة الزوجية

فى إنتظاركم