هذه هدية الى كل صحفى حر

[houssin abo habaga]

حط قيودك اربط اقفل

تبت جامد عارف برده

قلمى حيكتب ويكشف عنك

كل عيوبك انا انسان

كمم فمى وخيط جامد

راح يتكلم ويحكى عيوبك

برده حينطق انا انسان

عصب عينى اربط جامد

برده حشوفك واحكى واروى

كل عيوبك انا انسان

قلمى الحر رغم قيودك

بكرة يسجل بكرة حيكتب

بكرة حينطق انا انسان

انا حبقلهم جوه قلوبهم

راوى وشاهد ع الأيام

بكرة تزول بكرة تفول

من غير آسف او ندمان

حفضل اقول انا انسان

لازم احكى واروى ف سيرتك

كان يما كان حاكم ظالم

قال قراقوش ناده هامان

افتح سجنك واحبس فيه

كل ما يكتب ابو كــــــلام

اقطع ايده افقع عـيــــنه

علشان يعرف ان قانونى

لازم ينفذ مش ده كلام

ويروى الراوى إن الحاكم

جتله زغطه يشرب ميــة

من غير فايده طلعت روحه

اصله بيحسب ان الظالم

عمره ما يفنى شوف يا سلام

افتح بابك خدنى فى سجنك

اقفل بابك حفضل اروى

حفضل اكتب حفضل احكى

لكل العالم انا انسان

اسمع صوتى انا انسان

""""""""""""""

حسن عمران

تم تعديل 17 يوليو 2006 بواسطة houssin abo habaga

[المدهش]

يسلم لسانك يا ابو حباجة..

كلمات جميلة وثائرة ومعبرة..أحييك وأحيي وطنيتك.

[houssin abo habaga]

اشكرك على هذا التعليق الرائع والذى يعطى الأنسان دفعه الى الأمام

اما هذه القصيده الى اوناس يتحدثوا على حقوق الناس وهم الشمعه التى تنير طريق الحق

فكيف يا استاذى يخرج قانون يحد من حريتهم وهم لسان حال المجتمع والناس وهم حراس الوطن

فأنت تحرس الوطن بقلمك وهو يساوى البندقية

بارك الله فيك وهذه اقل هدية اليهم تحياتى الى كل صحفى حر