كان فى استاذ

[الاسكندرنى]

السلام عليكم

يا جماعة انا و الله اعلم ومش متاكد اوى انى اعرف الاسم ده ( محاورات المصريين ) تقريبا والله اعلم

يعنى فى المحاورات ديه يجى من عشرين سنه اه والله من عشرين سنه كنت اعرف ناس فيها

كان فى استاذ اسمه عادل ابو زيد ( ما سبق كان إستهلالا لابد منه ) اقوله باشخصه ازيك يا استاذ عادل عامل ايه و عفى الله عما سلف

كان فى استاذ اسمه افوكاتوا ( جده محمود) كان بتاع كلام كبير اوى بتاع محاكم بقه يا عمى ووصل الى العالميه اقوله ازيك يا جدى عامل ايه

كان فى استاذ اسمه احمد عبد الجواد(سى السيد) اقوله البلانصات شغاله على ودنه يا باشا وانت بالذات اطلب منك الوساطه فى الخير

كان فى استاذ اسمه عصام شوقى ( سلام مربع يعنى افتح الكابوة واقفله )( و كن نفسك) اقوله انا يا باشا جيت اشترى بجد المرة ديه و انسى التوكيل المزور ده انا حسجل شهر عقارى

كان فى استاذ اسمه وليد صفوت (الواء اركان حرب مركز دهشور ) قسم يااستاذ على العود و اللى راح مش حيعود و انا بكره اسرائيل

كان فى استاذ اسمه الرافعى ( يعنى معلمين اللحمه و سندويش كبده ابو اربع لحليح ) اقوله شكرا والله صوتك ريحنى مع انك بتاع لخمه بس ايه رايئك فى وىىىىىىوىىىى

كان فى استاذ اسمه كامل الجمل ( يا استاذ يعنى مش حنكمل تربيه البنت ولا ايه ) يعنى اسمك الجمل المفروض انك تكون فى قوة تحمله ولا ايه

كان فى استاذ اسمه زهيرى (الفنان الصاعد بعد هبوطه ) اقوله محتاجك فى عمليه تهديه نفوس الله يكرمك يعنى يا مون شرى تا كمبخوا ولا عوزنى افهمك

كان فى استاذ اسمه سعيد (يعنى كاس العالم اللى كان فى المانيا )

كان فى استاذ اسمه خصر ( مش عارف عندى احساس ان الراجل ده قصير اوى علشان كلامه كبير اوى و بيقولك احترس كل من اقترب اللى الارض )

كان فى دكتور اسمه خالد (تعال سلام يا عمى من غير جوانتى )

كان فى استاذ اسمه النسر المصرى ( اتجوزت يابنى وى ايه نظامك ) انت مشكله من مشاكل الزمن و اعذرنى ان جابت فى سيرتك والله بالخير

كان فى استاذ اسمه المدهش ( مش عارف الراجل ده عندى احساس برده انه مندهش علطول )

كان فى استاذ اسمه لخبطه ( استنى يا سيدى البس النظارة و اشرب كبايه الشاى على علشان افهم انت بتقول ايه من اللخبطه اللى انتى عمال تقولها يا لخبطه

كان فى استاذ اسمه ياسووو ( اسكندرى لما اسكندر حكم على الدنيا و قدر اسكندريه يا مااحلها )

كان فى استاذ اسمه احمد محمود ( والله معرفه يا باشا و لا عمرى كلامته بس كنت بشترى الاهرام و الاقى مقال منشور عن عربيته اللى نسيت اسمها )

كان فى استاذ اسمه دارون ( انا اساسا مش بحب الاسم ده و بيقولى الانسان كان اصله قرد ) اقوله ممكن اغير من فكرتى عنك لو تسمح

كان فى استاذ اسمه ايهاب سالم ( مش عارف اتكلم مع الراجل ده افتكر كتاب كيف تكون شيوعى ) اقوله عامل ايه يا ايهاب

كان فى استاذ اسمه القلب الابيض ( ملك الاقتباسات و الرد الهادى ) اقوله ازيك يا صاحبى

كان فى استاذه اسمها ياشو ( لسه قاعده مستنيه اجابه عن الجنسيه ) اقولها انا فى وسط هدومى منك انا اسف

كان فى استاذه اسمها مصريه الهويه ( و قد كانت )

كان فى دكتوره اسمها شعنونه ( ربنا يجعل كلامنا خفيف عليهم ) مش عارف على شعنونه ولا على الدكاترة

كان فى استاذه اسمها مصريه يعنى مصريه ( انا مش عاوز ضرب هى مش كل حاجه عافيه ) بجد دمك بيقول ان انتى اكتر من مصريه

كان فى مهندسه اسمها نانسى ( ديكور ايه اللى عاوزه تكسبى منه يعنى عاجبك اللى عامله فيكى سى السيد

مش عارف انا ممكن اكون نسيت ناس تانيه كتير بحبهم و بجرى وراء موضوعتهم بس وعد والله اول ما افتكر حكتب اسمه علطول

عموما نرجع لموضوعنا كنت بقول ايه ياربى كنت بقول ايه ايوه صحيح

يا جماعة انا و الله اعلم ومش متاكد اوى انى اعرف الاسم ده ( محاورات المصريين ) تقريبا والله اعلم

يعنى فى المحاورات ديه يجى من عشرين سنه اه والله من عشرين سنه كنت اعرف ناس فيها فاذا كان فى حد لسه عارفنى و فكرنى ياريت يرد سلامى

و السلام عليكم

[hopsan]

وطالما نسيت اسمى يبقى مش حفكرك بنفسى ..مع اننا اسكندرانيه يا عم و اكيد قابلتك فى طالعه ولا فى نازله و كتفى خبط فى كتفك و حتى مقلتليش لامؤاخذه ...و لا انا كمان

[لخبطه]

عمو انتا مجافينا بدون سبب وانا شخصيا زعلان منك علطول غبت بدون سابق انذار مع انك كنت نشيط وليك كم مشاركات هايله( رغم أنك مش بترد على لما ارد على مشاركتك ) لكن يالله المسامح كريم :D :wub: :P

شوف لو الوقت بيكون السبب أدخل بس أقرا وتابع ومش شرط الردود علشان مش تحس بالغربة بعد كدا انا لما بدخل المنتدى بعد فتره بحس أنى غريب............ حمد الله على السلامه سفيرنا في بلاد البيجو والاناقة والشانزليزية :P :P :P

[عصام]

ألا إيه موضوع كن نفسك دا يابن عمى :D

ألف حمد الله على السلامة يا مان .. وحشتنا والله

عصام شوقى

خبير نووى وسروجى

[MZohairy]

احب اعرفكم :D

أخونا الاسكندراني

غطاس في فرنسا

أو غواص في فرنسا

بيستطيع الغوص و تحمل ضغط المياه حتى 300 قدم مكعب في الثانيه جنوبا

كما يستطيع البقاء تحت الماء لمدة سنه و سنتين وانت يا قلبي حبيبك فين

ضد الكسر

ضد الصدأ

حبوب وابن حلال و مصري محترم :P

و بعد عنا فتره و رجع لنا تاني

انا افتكرته غطس و مقبش :wub:

بس الحمدلله

حمدالله على السلامه

فيليسيتاسيو :P

[إبن مصر]

ياااااااه يا سيدى الحمد لله على السلامه....

باحلى اسكندرانى وأشد غطاس اعماق دخل المحاورات... ربنا يحميك.

على فكره كان اسمها امتثال .... والجديده ست ابوها

[yacho]

اسكندرنننننننننننننننننننننننى

انت فين يا راجل .. ازعل منك ايه بس

هو انا انسى برضه ان انت اول واحد رد عليا فى المحاورات :D

اما بالنسبه لموضوع الجنسيه فانا مش مستعجله :wub: خللينى

قاعده مستنياك لغاية ما حيبقى عندى 50 سنه :D

لايا عم انا بهزر :D وقت ما تلاقى وقتك يسمح اكتب اللى يطلع من ذمتك

يا سيدى وفعلا انا مش مستعجله

وماتقطعش كده تانى .. نورت المنتدى بجد :D

[khedr]

يا الله .......................

لا حول ولا قوه الا بالله

والله من غير حلفان وحياه الراجل بتاعك ده اللي بمشي بالحروف

ليك مكانه وكان فيه حته مش مضبوطه

وحشششششششششششششششششششششششششششششششششتنا

ياه حمد الله علي سلامتك

معلهش احنا مقصرييين في حقك

لكن الحكومه..........الالكترونيه واخد بالك الالكترونيه مش الورقيه

مش ماشيه معانا يوم الكتروني ويوم حلزوني

حمد الله علي سلامتك...

نسمع منك ...ايه الغيبه وليه وعلشان ايه وكل حاجه وبالتفصيل واخد بالك بالتفصيل مش الجاخز

....................................

حمد الله علي السلامه

وعقبال يارب كل الغايبيين واللي بيغيبوا

....................................

صحيح انا قصير بس مش قزعه

يعني الحمد لله ملوي هدومي برضه

.................................

بنحبك

:wub: :D :D :D :D :D

[المدهش]

عزيزي الاسكندراني..

شكرا على النقطة..وخد العشر شمعات دول من عندي..وأحلى تحية وأجدع سلام باحترام للاسكندراني..

واللي يحبنا ما يضربش نار في فرحنا!!!!!!!!

[الاسكندرنى]

السلام عليكم

انا قولت ايه يابنى لو كنت ناسى اول ما افتكر حقول علطول حتى بص كده

كان فى استاذ اسمه hopsan ( غواص برده اسكندرانى) اوع يابنى تكون فريسه محسن الجوهرى و مبروك احمد مبروك او نبيل عبد السلام او وليد عمارة

و كمان كان فى استاذ اسمه هامر ( شاغل شكوش بعد الظهر )

و يا مدهش انا لسه منقطش انا مركب جلده و الحمد لله و اسكت انت اساسا لانك متعرفش الفرح الاسكندرانى عامل ازى يعنى فرحة 22,6

يعنى الاحمر يعنى الساعه و ميرو و الابراهميه قصه زى حسن و بهيه و صفاره فى سيدى بشر يسمع عنه اللى فى ابو قير اللى هى جمهوريه ايه يا مدهش اكمل ولا انت خلاص استكفيت :D

يا استاذ خضر الحمد لله طالع زى ما كنت فاكر يا يا خضر بجد انت حبيبى :angry2:

ياشو انا مش هنا انا مكسوف على الاخر :rolleyes: :rolleyes:

استاذ احمد محمود اهلا اهلا بيك و احب اقولك انا غواص على ابوه فى المحاورات يعنى الكبيرة و الصغيرة عارفها بس مش عارف الماسك فين اانا مش شايف و يطول فى عمر ست ابوها يارب و يخاليها لبابا يارب

زهيرى انا قاعد ياخى على نفسك و مش حيحصل اللى فى بالك يارب يا حبيبى ده انا اللى فاهمك ماشى

و جانى تا فيى

عصام شوقى :D يا خبير انت يا خبير بس حاسب يا عم السروجى الابرة بهدلت الكراسى

لخبطه انا ياباشا موجود تانى و اسمعك بقوة 8 على 8 وعلم و جارى التنفيذ حول

تم تعديل 18 يوليو 2006 بواسطة الاسكندرنى

[بنت شعنونة]

حمدالله ع السلامة استاذ اسكندراني

كلامك خفيييييييييييييييييف ما تقلقش :rolleyes: :rolleyes:

[hopsan]

كان فى استاذ اسمه hopsan ( غواص برده اسكندرانى) اوع يابنى تكون فريسه محسن الجوهرى و مبروك احمد مبروك او نبيل عبد السلام او وليد عمارة

دول حتى حلوين و صراحه ناس ذوق ذوق ذوق ......و بيمسحو نص المداخله و حاجه فل ..بس انا كنت مزودها 3 حبات...عقبال الحذف الكامل ....او الطرد بدون عوده

[الرافعي]

كان فى استاذ اسمه hopsan ( غواص برده اسكندرانى) اوع يابنى تكون فريسه محسن الجوهرى و مبروك احمد مبروك او نبيل عبد السلام او وليد عمارة

دول حتى حلوين و صراحه ناس ذوق ذوق ذوق ......و بيمسحو نص المداخله و حاجه فل ..بس انا كنت مزودها 3 حبات...عقبال الحذف الكامل ....او الطرد بدون عوده

بون سوار يا مسيو

حمد لله على السلامة يا أمير باشا ... والله أنا اللي سعدت بسماع صوتك ... ربنا يديم المحبة ...

وحشتني عروسة يوسف .. الله يخليك سلم لي عليها

آتوتالوووغ :lol:

[الأفوكاتو]

عزيزى اسكندرانى,

و حشتنا,

و كنت أنوى أن أراك فى سيدى بشر,

أو الغردقة,

و لكنك قررت الإختفاء فى باريس.

حمد الله بالسلامة يا حفيدى العزيز.

نورت المحاورات مرة أخرى.

[اسود وتعالب وارنب]

نحمد الله علي سالمتك هو الناس رجعت من اجازة ولا ايه انتو لحقتو الدنيا لسه حر اه علي العموم مرحبا بك انت طبعا عارف اهالي الاسكندرية الكرام يرحبون بعودتك الي المنتاه وحنوزعوا شربات بالمناسبة دي

[سهيلة]

مع انك نسيتنى طبعاااااااااااااااااااااااا :ph34r:

بس هقولك حمد اللة على سلامتك

ووحشتنا كلامك ومداخلاتك

[nancy]

حمدلة على سلامتك يا سكندرانى

انا اول مرة اشوف الموضوع دة النهاردة

ايوة كدة بان وخليك معانا

هو انت كل دة كنت غطسان فين :ph34r:

(كان فى مهندسه اسمها نانسى ( ديكور ايه اللى عاوزه تكسبى منه يعنى عاجبك اللى عامله فيكى سى السيد )

اه شفت سى السيد اترية راسم على كبير اوى يا سكندرانى

بس معلش انا بحب الديكور وحاضرة لاى خدمة يطلبها منى اى حد احنا كلنا هنا اصحاب ولازم نبقى جدعان اوى :ph34r:

[shahd]

يا الف مرحب بعودة حضرتك :wub: استاذ اسكندراني

تيتا شــــــــــهد