اعلانات خارجة عن حد الذوق والآداب العامة

[KANE]

إلى أي حد يمكن أن يصل اعلان بفكرة قد تكون غير مقبولة من الناحية الذوق العام

يوجد إعلان عن منتج يسمى رد بول أو الثور الأحمر وهو مشروب طاقة

التيمة لسلسة الإعلانات "الكارتونية" هي رد بول بيعطيك جوانح~ أو بمعنى أن رد بول يعطيك أجنحة

آخر هذه الإعلانات تجاوز حد الذوق العام

قصته باختصار أن طائر يطير فوق أحد الأشخاص ثم "يعملها" عليه ومن ثم يقوم هذا الشخص بشرب رد بول ويظهر له أجنحة ويطير فوق الطائر ثم يبدأ بفتح بنطالونه -ليردها للطائر- ويصرخ الطائر خوفاً

الحقيقة ان الإعلان لأول وهلة ممكن نراه ظريف إلى حد ما

إلا أن الحقيقة انه خادش للمشاعر بالفعل

أتذكر أنني حكيت لزوجتى علية -ولم تكن قد شاهدته- فلم تصدق وظنت أني امزح معها

لكن كان رد فعلها الصدمة حين رأت الإعلان وقالت "إيه قلة الأدب دي"

فما هو الحد الذي يمكن أن نعتبر فيه إعلانا ما تجاوز من الطرافة إلى السخافة وقلة الذوق؟

وبالمناسبه دي

شوفت أمس إعلان على شاشى الأولى الأرضية -بعد العودة لمصر-

أقل ما يمكن أن يقال أنه غاية في قلة الأدب

الإعلان عبارة عن بنت و ولد على كرسي حديقة ومن ثم تبدأ عملية معاكسه بالموبيل والأغاني بين الطرفين - طبعاً الإعلان لشركة من بتوع الإهداء والرنات

ولا أدري هل يشجع التليفزيون على المعاكسات وماذا يفعل الشباب المسكين وهو يشاهد مثل هذه الإعلانات،

[Sherief AbdelWahab]

كما قلت قبل أسابيع ، للتليفزيون كل الحق في أن "يتشرط" على الجهة المعلنة ، لكن يظهر أن التليفزيون "بيريل" على أي إعلان ، خصوصاً أن التليفزيون يقول أن لديه مجلس أمناء اتحاد الإذاعة والتليفزيون وعشرمية لجنة مشاهدة ولجنة مش عارف إيه..

ريد بول بيعطي التليفزيون .. جوانييييح!

خلص الكلام

[هادي]

عزيزي KANE

تحية طيبة

أضم صوتي لصوتك في وجوب مراجعة الاعلانات من كل الزوايا من قبل المسؤولين قبل نشرها في كافة وسائل الاعلام

من صحافة (مطبوعة ورقية أو اليكترونية) وكذلك محطات التلفزة وحتى محطات الاذاعة

اذكر نفسي في ذات الوقت

باعلان سخيف جدا طان يذاع في التلفزيون المصري منذ سنوات

يتحدث باختصار عن صبي يرنو بنظره الى اطفال من سنة ذاهبون الى مدارسهم بينما هو ملطخ الوجه بالشحم في ورشة ميكانيكا .. ثم ينهره المعلم بتاعه بصوته الأجش ويؤنبه على تركه التعليم

الاعلان أقل ا يوصف به انه تافه ويسطح قضية في منتهى الخطورة

بينما يظن أنه يحسن صنعا ويحض التلاميذ على الالتزام بالدراسة

الاعلان يرسب في نفسية المشاهد نوع من ازدراء للصنايعي أولا

ويعطي أهمية أقل في السلم الاجتماعي لكل حرفي

بينما يعطي القيمة الاجتماعية والمكانة الكاملة لاصحاب الياقات البيضاء من المتعلمين فقط

وهذا في منتهى الخطورة

فقيمة العامل والحرفي في كل مجال لا تقل اهمية عت أي مهنة اخرى

لكننا نشأنا على دجل ووهم مفاده

انك لازم لما تسأل أي طفل او طفلة عاوز تطلع ايه لما تكبر

لازم يرد زي جهاز التسجيل بتلك الاجابة التي لقناه وحفظناها له منذ الصغر ( دكتور ) / ( مهندس ) / (ضابط)

وكان ما عدى تلك النوعية من المهن هو محض ضياع وفشل وانحراف !!!

ابني هنا في مدارس كندا يتمنى أن يكون رجل اطفاء في مستقبله

وذلك لان فصله ذهب الى رحلة الى محطة الاطفاء واستمع الى شرح مبسط يناسب ذهنه وعقله الصغير عن عمل رجل الاطفاء وكيف عو هام وجاد ويعود بالنفع والفائدة لكل بيت واسرة في الحي والمجتمع

فتولد في نفسية الطفل نوع من الاكبار والاجلال لهذا الرجل وتلك المهنة الشريفة

اليوم

نحن نعيش في مجتمع يصنف الناس ودرجات احترامهم بما حصلوا عليه من مجموع في الثانوية العامية

العامية جدا جدا

شيء غريب

المجتمع المصري هو الوحيد في المنطقة الذي يتعرض لتلك الموجات التسونامي العاتية من الترتيب الطبقي

والخلخلة الاجتماعية المقصودة .. حتى لا يؤمن الناس بقيمة ولا يجتمعون على حق ..

فمرة كان من يحصل على الشهادة العالمية من الازهر ويلبس العمامة

و مرة اخرى كان ابن الباشا في قمة الهرم الاجتماعي - ومعاه الحاشية والاصدقاء الاغنياء اللي بيرطنوا بلغة اجنبيه

ومرة تانية

كان الصنايعي صاحب العفريته الزرقاء مع المد الثوري والناصرية والاشتراكية

ومرة .. اصبح السباك والحرفي وصاحب القرش والمال حتى لو كانت من حرام

ثم .. الشاب الروش بتاع القميص المفتوح والكمام من غير زراير والبنت ام وسط سايب وبطن عريانه

ثم ماذا بعد

الله وحده اعلم

وذنبنا ف رقبة بتوع الاعلام

و يظل (( كلكم راع وكلكم مسؤول عن رعيته))

تم تعديل 25 يوليو 2006 بواسطة هادي

[Diab]

كله كوم وإعلان المسمار ده كوم تاني خاااااااااااالص

كان إعلان عن الفياجرا

بصراحة الفكرة عبقرية لكن المقصود منه مش ولا بد

تم تعديل 26 يوليو 2006 بواسطة Diab

[KANE]

ينضم لهذه النوعية من الإعلانات إعلان ميلودي أفلام الجديد

الذي يتحدث عن ان ميلودي أفلام تسبب مشكل في العلاقات الزوجية

ويصور زوج مشغول بمحطة الأفلام وتحول زوجته إغرائة بكافة الطرق ولكنه يترجها للفرجه على الأفلام

الإعلان سخيف وخارج حتى عن حدود الأدب والذوق العام

[^^^hi^^^]

موضوع رائع و الله بجد و يمكن انا كنت لسه بعلق على البرامج بتاعت التلفزيون في موضوع تانى

المهم خلينا في الاعلانات سبحان الله انتم جبت الاعلانات اللى فعلا الواحد كان حيطق منها .......... و بالذات بتاع ميلودى ده مش ممكن ايه ده

بقين حاجه رهيبه ده غير سلسه اعلانات فياجرا يا دياب سلسله كلها بنفس المضمون و الطرقه مره مسمار مره شاليموا :rolleyes: وهكذا

بس انا نفسى اسال هنا سوال مهمممممممممممم جدا في الوقت الحالى و الزمن ده

يعنى ايه قله ادب ؟؟؟؟؟؟؟؟؟؟؟؟؟؟؟؟؟؟؟

في حد شاف المفهوم ده في اى شى بيتقدم دلوقتى في تلفزيوناتنا و فضائيتنا (على النايل سات ربنا يحميه لشبابوا)

يا اخونا ما فيش دلوقتى حاجه اسمها ادب في القنوات عشان يبقى الاعلانات خارج نطاق الادب دى بقيت انا اسف في اللفظ بس اسمحولى بقيت مزبله

وقنوات الاغانى اللى بقيت اوحش من القنوات اللى بالى بالكم ايه الفرق حد يقدر يفهمنى (حسبى الله و نعم الوكيل)

انا افتكر موقف طريف :D على الموضع ده

كنا مره قاعدين على القهوه في مصر (ايام ما كنت في مصر :) ) المهم انى انا و اصدقائى مره واحده ما سمعناش صوت في القهوه

طبعا انتوا فاهمين الصوت في القهوه بيبقى عامل ازاى

مره واحده مافيش نفسسسسسسسسسسسسسسسسسسس ترمى حجر الشيشه لا موخذا الابره ترن :D

فلتفت انا و اصحابى لاقيت البشر كلها بص على التليفزيون فبصينا و يا ريتنا ما بصينا !!!!!!!!!!!!!!!!!!!!!!!!!!!!!!!!!!!!!!!!!!!!!!

لاقينا قناه ميلودى هيتس الله يخرب بيتهم ودى بتجيب اغانى اجنبى و لا حاجه كدا متهايلى و جايبه اغنيه من اغانى البلاك بتاعت امريكا المطربين الزنوج

ودى بقى بعيد عنكم مش عايز اقولكم بتبقى ازاى ...................... :D (زى ما اشوفنا ساعتها و في ناس فهمتنا عشان احنا كنا مش مصدقين و قاعدين عاملين زى اللى كان في غيبوبه و صحى لقى حسام حسن شايل كاس العالم ومصر بتتوج بطلت العالم :D شوفوا تعبيروا حيبقى ازاى )

المهم ما علينا من ده كلوا احنا قاعدنا نتفرج احنا كمان (اكدب يعنى :D ) مش عارف استغراب مش عارف دهشه مش عارف ايه بالضبط

المهم رد الفعل بتاع صاحب القهوه اللى فطسنا من الضحك و خلانا كلنا وقعنا على الارض

الراجل لفت انتباهوا الصمت العام راح باصص لاقى الموضوع ميوهات و بنات و بلاوى على التليفزون !!!!!!!!!!!!!!!!!!!!!!!!!!!

وهو كبير في السن راح قايم مزعق و قافل التليفزيون و طالع يجرى و راء الواد القهوجى الله يخرب بيتك انت بتشغل ايه و الواد يجرى منه في القهوه و يحاول يفهموا ان دى قناه على الدش و هو مالوش دعوه :blink:

وده مصمم انه هو اللى جايب شريط و عايز يخرب بيتوا ويسجنوا

وهذا الى ان تتدخل ولاد الحلال لفض النزاع و تفهيم الراجل انه الواد الغلبان مالوش دعوه ده النايل سات بتاعنا هو السبب

و الى هنا مش حقدر اقولكم الراجل شتم و قال ايه و دعاء و قال ايه لكم ان تتخيلوا رد فعلوا

بس مش حنسى المنظر و هو بيجرى وراء الواد في القهوة و الواد يدخل ما بين الناس و المعلم ورائه و يشيل الشيشه على جنب عشان ماتكسرش :D

السوال المهم هنا

الكلام ده كان من فتره مش طويله اوى

يا ترى صاحب القهوه لو شاف الكلام ده تانى حيجرىىىىىىىىىىىى وراء الواد بردوا

اسف على الاطاله بس اصل الموضع ده خنقنى جدا بجد

ويجعلوا عامر (قال صحيح هو ايه اخبار الواوا :D )

[Sherief AbdelWahab]

قلة الادب دي مطلقة ولا نسبية؟ سؤال لنا ولاصحاب القنوات في نفس التوقيت..

خلص الكلام