عائلة مصرية..

[بنت شعنونة]

عودة سيف...

- حمدالله ع السلامة يا سيف

- الله يسلمك يا شهيرة

- ازاي الحاج كدا

- الحمدلله

- اتطمن عليه ؟

- الحمدلله كله تمام

- مالك شكلك حزين كدا ليه؟ انت مخبي عليا حاجا

- لا يا شهيرة بس تعبان من السفر

- ماشي حبيبي.. استريح حبة وانا ها ابقى اتصل اطمن ع الحاج

- مالوش لزوم.. كله تمام ان شاء الله ( قالها وقلبة يرجف خيفة)

- زي ما تحب!!

بعد شهر في المحلة..

مبروك يا فيفي ( اسامة)

- الله يبارك فيك

- شفتي يا ستي اهي الشقة جاتلك اهي واخوكي ادهالك

- اسمع يا اسامة..الشقة دي شقة سيف.. وها تفضل شقته.. واحنا قاعدين فيها ضيوف لحد ما نتنيل نلاقي شقة

- ربنا يسهل

- انت فاهمني كويس..احنا ضيوف.. فاهم يا اسمامة؟ :rolleyes: كفاية المشاكل اللي عملناها لاخويا بسبب الشقة دي

- خلاص يا ستي مش سيرة.. فهمت :rolleyes:

- لازم نشوف اعارة نطلعها نحوش قرشين ينفعونا وعيالنا

- ايدي على كتفك يا ستي.. تيجي بس وانا من بكرا اسافر ولا عاوز شقق ولا يحزنون

- ربنا يسهل..

السعودية بعد 6 شهور من تاريخ الوصول

- هوا محمد خلص العمارة؟

- بيقول خلص الشقق وفاضل السباكة وكدا يعني شوية تشتطيب

- وهوا لازم يشطبها؟ طب ما نبتدي نبيع بقى وخلاص؟

- بيقول التشطيب سعره هين ويخلي سعر الشقة يزيد الضعف

- بجد؟ هوا خد منك فلوس قد ايه لحد دلوقتي؟

- ما حسبتش يا شهيرة و الله اهو كل ما يقولي ابعت ابعت..

- يا سيف حرص على فلوسك.. دا شقاك و تحويشة العمر لولادنا من بعدنا

- كله بامر الله يا شهيرة.. بطلي انتي خوف بس..

- ماشي يا سيدي

بعد اسبوع

ترن ترن..

- الو..

- ازيك يا شهيرة انا محمد

- اهلالالالالالالالا ازيك يا محمد اخبارك ايه واخبارك الجماعا عندك؟

- كله بخير وعال العال

- الحمدلله

- امال سيف فين؟

- لسا ماجاش من برة.. خير فيه حاجا؟

- لا بس قوليله يبعتلي 20 الف

- بتوع ايه؟ :D

- اصل السقف بتاع الدور الاخير المطر بوشته... ف لازم نهده ونبنيه تاني

- وايه اللي بوشه؟؟؟؟؟؟؟؟ :angry2:

- ها؟

- ايه اللي بوشه دا العمارة لسا مبنية؟ لحقت تبوش؟؟؟؟؟؟

الو؟

الو

وا نقطع الخط......

او اغلق!!!

وعاد سيف للمنزل ليجد زوجته في حالة غضب عارمة

- اخوك اتصل يا بيه

- خير في حاجا؟ :D

- بيقولك ابعت 20 الف

- بتوع ايه؟

- قال اييييييييييه السقف المطرة بوشته وها يصب سقف من جديد

- يعني ايه؟؟؟ :D

- وانا اش عرفني ما تسال البية اخوك... يعني ايه سقف لسا مبني ما كملش سنة يبوش؟ وبعدين مش هوا اللي بانية والا بيقرطسنا بقى؟

- اصبري طيب وبلاش زعيق خلينا نشو في ايه

قالها وهوا في طريقة لسماعة التلفون يتصل باخيه

- ماحدش بيرد

- كمااااااااااان... دا حاجا تقرف :D

- طب اصبري ها اكلم حمدي.. واهو ساكن جنب العمارة وكان بيتابع العمال هوا كمان

- الو.. ايوا يا حمدي ازيك

- اهلالالالالالا يا سيف اخبارك ايه؟

- الحمدلله انت عامل ايه

- تمام

- ايه موضوع السقف دا يا حمدي؟

- ابدا يا سيف.. محمد المطر نزل ع السقف ف باش.. وانت عارف بقى المطر في المحلة

- يعني ايه باش؟

- الظاهر المهندس اللي عمل السقف ماعندوش ذمة

- مهندس؟؟؟؟؟؟؟؟ ليه هوا مش اخوك اللي بيشرف ع العمارة؟

- ما انت عارف بقى يا سيف اخوك عنده مشاريع كتير في مكتبه في مش كل الوقت فاضي للعمارة و بعدين ما انا بشقر عليها كل شوية

- بس دا مش اتفاقنا يا حمدي؟

- معلش بقى يا سيف وكويس انها جت على قد كدا يعني.. على فكرة ما تنساش تبعتلي فلوس تمن البنزين مطرح ما كنت ب اروح للعمارة و دفعتلك اكراميات للعمال .. انا مقيد كل حاجا بالمليم عشان لما تيجي نتحاسب..

- ربنا يسهل :D

-سلام..

جن جنون شهيرة التى كانت تقف بجوار زوجها وتسمع الردود

- شفت يا بييييييييييه :D اهو المحروس اخوك رما العمارة.. فالح بس هات وهات .. وانت كل شوية تقولي اخويا اخويا

- ..........

- وايه بقى فلوس البنزين دي ان شاء الله؟ حد قاله يروح يشوف العمارة؟ هما فاكرنا قاعدين على تل فلوس؟ والا هيا مرمية ع الارض و بنلمها؟

-.........

- انت ما بتردش عليا ليييييييييييه؟؟؟؟؟ اسم الله على دي العيلة يا خويا

- بس بقىىىىىىىىى :D ( صرخة جهورية)

مش عاوز اسمع ولا كلمة زيادة

وخرج من الغرفة ليجلس وحيدا يفكر.. مذهولا.. مصدوما في اخوية... ولسان حاله يقول

" ايه اللي بيحصل دا ياربي؟؟"

[بنت شعنونة]

سيف و العائلة...

مش معقول اخواتي قاصدين اللي بيعملوه معايا دا؟؟

معقولة كلام شهيرة صحيح؟

معقولة طمعانين في الفلوس؟

طب هوا انا بخلت عليهم بحاجا؟ دا انا كل شهر ببعت فلوس للحاج وهوا يوزعها بمعرفته عليهم كلهم

طب ايه اللي بيحصل دا؟

لا لا

اكيد هما مشغولين او مش قصدهم

ما حمدي كمان غلبان اوي وعلى قد حاله يا سيف ومش لاقي اللضة.. مش اشكال يعني لما يحاسبك ع البنزين

- حتى البنزين؟ معقول؟

- يا سيدي اهو كله خير ربنا

ونعم بالله...

كان يحادث نفسه في محاولة منه للتسرية عن نفسه

حين دخلت شهيرة غاضبة

- احنا لازم نبيع العمارة دي في اقرب وقت

- طيب

- والا كدا ها نتسرق ويبقى اكننا ما عملناش حاجا

- طيب

- ذنب البنت الصغيرة في رقبتك دا حقها وفلوسها

- طيب

- هوا كله طيب طيب؟ :rolleyes: تتسرق وتقول طيب .. تتهزأ و تقول طيب؟؟

- خلاص بقى مش عاوز خنااااااااااااااااااق :rolleyes: ( صرخة)

- ماشي يا سيف .. ماشي..

اهو كلها كام شهر ونرجع مصر.. وهناك لينا كلام تاني

- انا ماحدش يهددني

- واانا ما بهددش حد :angry2:

انتهى اليوم الدرامي..

وبعد عدة ايام ارسل سيف المبلغ ل محمد مع رسالة يقول فيها..

محمد ارجو ان يكون دا اخر مبلغ وياريت نبتدي نبيع العمارة

ولو سمحت لو لقيت مشتري للشقق وبسعر كويس ابعتلي

وانت ممكن بالتوكيل اللي معاك تبيع

عشان انا عاوز ابيع الشقق ضروري...

ولم يصل اي رد!!!!!

وبعد عدة اسابيع ارسل رسالة اخرى..

ايه يا محمد؟ ما فيش اخبار منك؟؟ لاقيت مشتري والا ايه؟

انا ها ارجع شهر 8 لو عاوز حاجا من هنا قولولي

وطمني ع الحاج و الحاجا واخواتك كلهم عاملين ايه؟

وصل الرد بعد شهر وزيادة من الرسالة الأولى..

ازيك يا سيف.. لكنا تمام و الحمدلله

انا بشوفلك مشتريين اهو

محمد انا عشمي فيك كبير وعاوز اقولك على حاجا بس محرج منك اوي والله

بس انا عارف انك اخويا الكبير ومش ها تبخل عليا بحاجا

انت عارف ان شقتي صغرت عليا انا و العيال.. 4 عيال وامهم في شقة اوضتين وصاله ودور ارضي .. يعني حالة كرب مش ها اقولك

ف انا اجرت لنفسي شقة في الدور الأول جنب اختك فيفي

وعملت العقد بالتوكيل اللي معايا وها ابعتلك 7 الاف جنيه بحالهم خلو رجل

انا عارف انك مش ها تكسف اخوك الصغير

وربنا ما يحرمنا منك...

على فكرة

ابوك موافق ع اللي حصل وانا استاذنته الأول....

اخوك محمد...

[وليد صفوت]

جمييييييييل اوى يا شانا ...

كملى .....

[بنت شعنونة]

ارتجفت يدا سيف وهوا يقرا الخطاب من هول الصدمة

ابي؟ اخي؟؟ مالذي يحدث؟

اليست هذه العمارة ملكا لي؟

وياليتها ملك خالص

اليست ملكا لي و لزوجتي؟

تلك التى لا تعلم شيئا عما يحدث؟

يا الاهي

من فينا الغلطان

مين اللي صح؟

اعمل ايه بس ياربي دلوقتي

لو شهيرة عرفت ها اخسر ثقتها نهائي

دي عاملالي توكيل عام بالتصرف في ممتلكاتها

ها تبصلي ازاي دلوقتي؟

ها تصدقني لو حكيتلها؟

مش عارف اعمل ايه..

اللطف من عندك يارب...

ومثل الصدمة الاولى قرر اخفاء الموضوع عن شهيرة الى ان ياذن الله بكشف المستور!!

ووجد نفسه تلقائيا يقوم بشراء ذهب لزوجته كلما حانت فرصة

بسبب او بدون

كأنما يعوضها عن احساسه بطعنها

يحاول و يحاول ولكن شهيرة تشعر ان هناك ما يخفيه سيف عنها

ولا تعرف مالذي يحدث...

في هذه الأثناء كانت شهيرة قد قرات اعلان للنقابة عن بيع شقق بالتقسيط المريح

- سيف ممكن ابقى اشتري شقة باسمي

- بتوع النقابة؟

- ايوا

- بس دي في مكان مهجور يا شهيرة؟ ويا عالم يبقى عمار امتى

- دي رخيصة اوي يا سيف و اهي تنفع

- زي ما تحبي يا شهيرة .. فلوسك وانتي حرة فيها حبيبتي..

- ماشي.. انا ها ابعت لأخويا حسن عشان يدفع الأقساط

- اعملي اللي تشوفيه في مصلحتك..

- ربنا يكرمنا ان شاء الله.. ويكرمنا في عمارة المحلة

- ربنا يستر ( قالها وقلبة يقطر الما :rolleyes: )

ودفع حسن الدفعة الأولى لشقة النقابة وسجلها باسم اخته وذهب لعمل العدادات و التلفونات وغيره وغيره وكان في كل مرة يرسل لها بالتفاصيل المملة دون ان يتطرق الى مقابل

وكانت شهيرة كعادتها تطلع سيف على كل المستجدات

وفي كل مرة كان يشعر بالغصة حينما يقارن بين اخيها و اخيه!

لكن ما باليد حيلة

ولا نعرف ماذا يحدث في البعد

ولا ماذا سيحدث فيما بعد!!!

[بنت شعنونة]

مذكرات شهيرة..

مش عارفا سيف ماله؟ متغير بقاله فترة؟ حاسا زي ما يكون فيه هم جاثم على صدرة ومش بيحكيلي؟

انا خايفة عليه اوي يا ماما؟

من كام يوم منى عيت اوي جالها نزلة معوية.. ورحنا بيها المستشفى وفضلنا هناك يجي 4 ايام وانا معاها

انا خفت عليها اوي

و سيف كان خايف عليها جدا

لدرجة انه كان بيصحى اخر الليل يصلي ويدعيلها!

ما كنتش اعرف انه بيحبها اوي كدا!

تصوري انه جالي من يومين وقالي انه لحم ب منى جايباله بونبوني وبتقوله اتفضل يا بابا وهوا خده منها وضحك

لقيته بيكلمني وبيقولي ما تخافيش يا شهيرة بنتنا ها تنجا ان شاء الله

و الحمدلله يا ماما ربنا ناجاها و سيف كان فرحان بيها اوي و طاير من الفرح

انا كنت ها اموت من الرعب

تربية العيال طلعت صعبة اوي يا ماما؟ بجد ربنا يكون في عونكم؟ :rolleyes:

اخبار اخواتي ايه؟

يارب تكونوا كلكم بخير؟

وبابا عامل ايه؟

حسن كان قالي ان بابا بيبني عمارة على حتة الأرض بتاعته صحيح؟

هوا البنا بيكسب اوي كدا؟

ادعيلنا بقى نبيع شقق عمارة المحلة يا ماما..

و ابقوا ابعتلولي جوابات وبطلوا بخل بقى..

انا ببعت جوابات لأخويا فراس في امريكا

بيقولي انه ها ينزل هوا ومراته الأمريكية مصر قريب

ف قلتله يظبط معاده معايا عشان اشوفه هوا و ولاده اللي ما شفناهمش دول

اكيد ها يبقوا ملونين وجمال اوي

مش زي منى ابيض و اسود! :angry2:

سلام بقى يا ماما...

كان هذا احدى خطابات شهيرة لأمها في ايام الغربة و وسيلة الأطمئنان الأرخص بينهم

هانت ف الأجازة الثانية على الأبواب..

وربنا يستر! :rolleyes:

[بنت شعنونة]

الأجازات ازمات...!!

مممااااااااااااامما!

اولى كلمات منى

- الله ....... الحق يا سيف... منى بتقول ماما؟؟؟

= بجد؟ ماشاء الله

وهرول تجاه ابنته واخذ يلقنها

- با با... بــــــــا بـــــــــا...!

- انت غيران بقى عشان بتقول ماما؟ :rolleyes:

- احمدي ربنا انها ما قاليتش زينب!

:rolleyes:

كدا برضة يا سيف؟ بتتريق عليا...

- يا حبيبتي بهزر معاكي.. ب انكشك بس يعني

- ماشي يا سيف...

- دا ماما ها تفرح اوي لما تلاقي منى بتقول ماما..

- هانت يا شهيرة كلها كام يوم ونبقى في مصر..

- ياااااااااه دا انا ورايا حاجات كتير اوي اعملها في الأجازة دي.. حاسا انه الشهر مش ها يكفي اصلا

- ليه عاوزة تعملي ايه؟؟

- عاوزة اشوف شقة النقابة و اشوف عمارة المحلة... تصور بقينا اصحاب ملك :angry2:

- اااه.......... قالها بوجوم...!

- ونشوف ها نقدر نبيع الشقق والا لا... بس انا من رايي نخلي شقة لينا .. احسن شقة في عمارتنا ونفرشها على مزاجنا واهي تبقى بتاعتنا عشان لما ننزل المحلة نبات فيها بدل ما نتكركب كلنا على بعض زي كل مرة.. و ممكن بقى نبقى نأجر الشقة دي لما نسافر و لما نرجع نبقى........

تركها تستطرد في حلمها بينما سرح هوا في ردة فعلها عندما تعلم بالأهوال التى اخفاها عنها سيف لمدة نصف عام تقريبا

ترى ماذا سيحدث؟؟؟

- سيف؟ انت مش معايا والا ايه؟

- هاه؟

- سرحت في ايه؟

- لا ابدا...

- طب بص ها نبات عند ماما اول يومين وبعدين نروح المحلة بقى عشان نشوف العمارة

- طب ما تيجي نروح اسكندرية الأول؟

- لا المحلة الاول وبعدين نبقى نتفسح...

-ربنا يسهل!

وجاء اليوم الموعود

نفس الصالة

نفس الشخوص

نفس الأولوان

نفس مفتش الجمارك ونفس الطريقة السخيفة

لكن منى اكبر قليلا

وسيف على راسة بعض شعيرات من الشيب

وكالعادة ذهب الجميع الى بيت عائلة شهيرة....

[Tafshan]

دى قصة كل مغترب ... تكاد تكون اسطنبه بتحصل على طول :angry2:

كملى يا بنتِ .... خرطى على قلبى بصل :angry:

[لخبطه]

شانا رحتي فين .......... فين الباقي

[yacho]

انا بموت .................. بالبطئ

من غيظى من سيف وعيلته :angry2:

ومن انتظار شعنونه :angry:

تم تعديل 19 يوليو 2006 بواسطة yacho

[محمود الشاعر]

لأ زعلت بجد فين الباقى

على فكرة هو أخو سيف اسمه الحقيقي ( فوزي = عمي انا يعني )

حرام عليك قلبتي عيا المواجع

[بنت شعنونة]

انتو نلس مشششششكلة :P

انا ما كنتش متوقعة خااااااااالص ان الحدوتة دي موجودة بالككثرة دي؟؟ :P

وبعدين

دا مسسسسسسسسسسسلسسسسسسسسسل من 30 حلقة

وانا لسا في الحلقة التاااااااااااااااانية :lol:

يعني تيجيبوا كام كيلو لب على لترين بيبسي وتستربعوا كدا :o

[yacho]

يعني تيجيبوا كام كيلو لب على لترين بيبسي وتستربعوا كدا :P

لا انا مش حاجيب لترين بيبسى ..

انا حاجيب لترين بنزين حاولع بيهم ف نفسى :P

يا مفتتتتتتتتتتتتتتتتتتتتتتتريه .. كملى :lol:

[بنت شعنونة]

لحظة انفجار..

منى قاربت على السنتين واصبحت طفلة لذيذة وشقية

- ربنا يحرسهالكوا( والد شهيرة)

- شكرا يا عمي

في الغرفة المجاورة

- وحشتيني اوي يا ماما

- وانتي كمان يا شيري .. على فكرة اخوكي فراس هنا في مصر

- معقوووووول؟؟؟؟؟؟؟ دا واحشني اوي... هوا فين؟

- كان بايت معانا بس خرج يفسح مراته جاكلين و الولاد وها يرجع

- طب كويس اوي عشان انا نفسي اشوف الولاد جدا

- شهيرة

- ايوا يا ماما؟

- ابوكي بيبني عمارة وعاوز يدي كل واحد من اخواتك الصبيان دور وانتي عشان بنت ها يديكي شقة بس كبيرة شوية.. انا ما عجبنيش الكلام بس هوا بيقول عاوز يقسمها شرعي..

- يا ماما انا كفايا اني اشوفكوا ومش عاوزة حاجا من الدنيا.. و سيبي بابا يعمل اللي يريحه

- انا قلت برضه انك ها تقولي كدا.. عموما زي ما تحبي يا شهيرة..

- على فكرة يا ماما احنا ها نروح المحلة بعد بكرا عشان نشوف العمارة بقى

- هيا لحقت تخلص؟

- اماااااااااااال ( قالتها بسعادة) وها نبيع الشقق بقى.. ادعيلنا نكسب فيهم

- يارب يا بنتي يارب..

جرس الباب يرن.. ويفتح الباب

- فراااااااااااااااااس

- شهيييييييييييرة... وحشتيني يا اروبة ازييييييييك

ويحتضن فراس اخو شهيرة الكبير اخته الصغيرة بمنتهى الحب و يقبلها..

- دادي..!

- yes darling come & say hi for ur aunt

- يا خلالالالالالالالالاسي.. مين الملونين دول؟

قالتها وهي تقهقه وتشير الى اولاد فراس الصغيرين ذو الألوان الصفراء و العيون الزرقاء

- دا خالد ودي هادية

- ماشاء الله تبارك الله زي القمر.... ( قالتها وهي تحتضنهما وتقبلهما و تداعبهما في حب)

- دي بقى مراتي جاكلين و بتتكلم عربي

- بجد؟

- شوي شوي

- اهلا يا جاكي نورتينا

- اخلا بيك يا شاهير

ضحكات تتعالى من الجميع و جلس الجميع في الفرندة حيث الضحك و السمر و الاحاديث الودودة..

في اليوم التالي ذهبت شهيرة مع اخيها حسن و زوجها لرؤية شقة النقابة..

- ياه يا حسن دي بعيدة اوي و صغيرة اوي؟؟؟

- مش قلتك يا شهيرة انا حذرتك! (سيف)

- بكرا الصحرا دي تبقى عمار يا شهيرة واهي استثمار

- بس دي معفنة اوي؟؟ ( قالتها بقرف).... دا حتى شبه الأسكان الشعبي!

- انتي اللي قولتلي.. انا ماليش دعوة (حسن)

- عندك حق... انا الغلطانا... قالتها بندم..

ثم خرج الجميع عائدين للغداء في المنزل..

وحينما وصلوا.. كانت جاكلين تجلس بجوار والد شهيرة الذي امسك ب علبة مخملية فخمة

- تعالى يا شهيرة شوفي انا اشتريت ايه لمرات اخوكي ( الأب)

تنظر شهيرة داخل العلبة لترى مجوهرات لا تقل عن الاف الجنيهات وكلها من الماس الحر

ف تذهل و تنظر ل والدها بتعجب

- ايه دا يا بابا

- دي هدية جوازهم مني.. انتي عارفا اني ما عملتش فرح ولا اي حاجا لأخوكي..

- اااه!! :lol:

- اشمعنى انا يعنيييييييييييييييي ما جابليش حاجا يوم جوازي؟

- وطي صوتك يا شهيرة ل باباكي يسمع ؟ (سيف)

- لا بجد.. مين جاكي دي يعني!

- انتي عارفا ان باباكي روحه في فراس اخوكي ( الأم)

-ولو برضه.. على الأقل ما يفرسنيش كدا :P

- و النبي انتي بتتلككي ( الأم)

- ايوااااااااا قوليلها يا طنط... ( سيف ضاحكا)

- ماشي ماشي.. اتقتوا عليا يعني؟ طيييييييب

خلي بالك يا سيف احنا رايحين المحلة بكرا

تجهم وجه سيف في لحظة وقال

ما لسا بدري

- انا قلت بكرا! :P

- ربنا يسهل ان شاء الله...! :o

[المدهش]

شعنونة ..

عايز أقول لك على موقع ممكن يساعدك كتير في كيفية كتابة سيناريو للسينما أو التليفزيون، وهو المدرسة العربية للسينما والتليفزيون..

www.ArabFilmTVSchool.edu.eg

[نورية]

مش عارفة اقولك ايه يا شعنونة

بس انا اول مرة اقرا (المسلسل) دة دلوقتى ....

اخدتها كدة علقة واحدة..............

و فى الاخر ... بعد ما خلصت..... وبافتح (اضافة رد).... و انا مستنية الصفحة انها تحمّل...........

اكتشفت انى مكشرة.... و متغاظة.............و قلقانة.. :unsure: :blink: ;)

اه والله يا بنتى ............ عشات فى الاحداث اوى اوووىىىىىىىىى

ما شاء الله عليكى يا حبيبتى... بس عشان خاطرى بلاش تشلينى و تغيبى كدة فى الكتابة... خللى العلقة تبقى على ودنها زى ما بيقولوا...... ;)

يا ترى اببه اللى راح يحصل لما شهيرة تلاقى عمارتها تم احتلالها من اخوات جوزها؟؟؟ mfb: mfb:

ربنا يــــــــــــــستــــــــــــــــــــــــر :D

[لخبطه]

انتى مش واخد بالك يانورية شانا متورطه :unsure: :blink: mfb: يعني اصلها ما كنتش كاتبه الموضوع كله وبتنزله مره واحد دي بتكتب حلقة حلقه زي بتوع مسلسلات رمضان فطبعا شانا أنور عكاشه دلوقتى واقفه في النص متعلقه :D ;)

عموما شانا لو مزنوقه في فكره ولا حاجه قولى وكله بحسابه

[اسود وتعالب وارنب]

الهوووووووووووووووي كملي ياشانا الواحد حيموت من القهر وبعدين انت سبقلك السفر قبل كده ايه ده يابنتي دا انتي كانك عايش مع المغتربين بالظبط الكل فاكر ان السفر الي الخليج ميغه وان الفلوس هنا بتتوزع مجانا علي الناس بالظبط كل واحد عاوز ياخد منك اكبر قدر من المال ودائما المصريين خصوصا عندك انت ومالك لابيك ولا بعيدا عن الحقوق لكن الولد لازم يعطي كل فلوسه لابوه وهو يتصرف ومافيش فرق بين فلوسه وفلوس زوجته ودي مشكلة كبيره جدا وبسبب مشاكل وه خلط الحقوق كملي وبسرعه وخليها حته واحد عشان مانتعذبش فجري القمبله مره واحده يلي ادينا

[mAs]

شانا انتي عبقرية علمية أدبية معملية فذة... :blink:

كملي الياقي بقي :blink: .. (وش عيل صغير بيخبط على الأرض برجلية) :blink:

تم تعديل 21 يوليو 2006 بواسطة mAs

[محمود الشاعر]

هو الخميس والجمعة اجازة

مفيش حلقات يعني طب النهاردة السبت فين حلقة النهاردة

ولا انت غاوية تعذيب فى خلق الله مش كفايا علينا ماسبيرو

كملى خلينا نشوف اخرتها ايه

[بنت شعنونة]

انا جيت اهو

معلش ع التاخير :blush:

وبعدين انا بكتب كل حلقة بحلقتها زي ما قال استاذ لخبطة :angry2:

يالا هاتوا اللب :lol:

اللحظة الحاسمة...

باتت شهيرة ليلتها وهي في منتهى العصبية و مكفهرة الوجة امام الجميع

غيرة من جاكي و لما قدمه لها والدها من حلي و مجوهرات باهظة الثمن..

تكاد تكون كلها من الألماظ

ولذلك قررت السفر للمحلة حتى لا تزداد حنقا ويفهم الجميع ما يجري...

وفي اليوم التالي اخذت في جمع حاجيتها هيا و طفلتها و زوجها استعدادا للسفر..

في حين كانت زوجة فراس قد خرجت من المنزل ولا يعلم احد اين ذهبت...!

- ماما ما شفتيش جاكي؟

- لا يا فراس ليه هيا مش هنا؟

- مش عارف صحيت الصبح لقيتها مش موجودة؟!!!

- غريبة ها تروح فين دي ؟؟ دي ما تعرفش مصر؟

- مش عارف يا ماما.. ربنا يستر .. اكيد زمانها راجعة! ( قالها كأنما يطمئن نفسه)

خرجت شهيرة من الغرفة وهي تحمل حقيباتها..

- سييييييف.... تعالى شيل معايا الشنط بقى

يحضر سيف من الغرفة المجاورة..

- جاهزة خلاص؟

- ايوا <_<

- على بركة الله :unsure:

- ايه دا؟ انتوا مسافرين يا شيري ( قالها فراس بحزن مما جعل وجه شهيرة يتبسم قليلا)

- معلش يا فراس ورانا حاجات لازم نعملها.. يومين بس وارجع

- طب ها اصحيلك الولاد عشان يسلموا عليكي

-لالالالا... انا ها اروح ابوسهم.. خليهم نايمين يا حبيبي..

- طب ارجعوا بسرعة بقى.. ما لحقتش اقعد معاكوا يا جماعاة و بتوحشونا اوي والله..

- ان شاء الله...

ركب كل من سيف وشهيرة سيارة الاجرة في طريقهم الى المحلة

وفيما حاولت شهيرة تناسي الحر الفظيع واسناد راسها والنوم

كان عقل سيف يعمل كالطاحونة محاولا توقع رد فعل شهيرة وكيف سيعالجة

ولكن انتهى به الأمر الى العجز التام واسلم امره لله

ثم زفر زفرة طويلا قائلا...

- كله على الله.. ربنا يسترها

- بتقول حاجا يا سف؟

- لا ابدا....

وصلت السيارة الى المحلة و وقفت امام باب المنزل

ومع صوت اغلاق الأبواب و تنزيل الشنط بدات البشائر تهل

وتماما كما حدث المرة السابقة اصوات

- سسسسسسسسيييييييييف ججججججه

ويتدافع الجميع الى الشرفة القريبة من الأرض ومن ثم خارجين من باب المنزل وكل واحد يعاون في شيل اي شنطة او اي شيء يمكن حمله للمساعدة واحضان وسلامات و بعض من الدموع..

لاحظت شهيرة ان هناك نظرة غير طبيعية في عيون البعض

نظرة سعيدة زيادة عن اللزوم؟ تكاد تصل للشماتة؟ او سخرية؟ ربما فرح؟

ما هذه النظرة؟

اكاد اجن؟

ما تفسيرها؟

كانت شهرة تحادث نفسها في محاولة فهم نظرة بعض شقيقات سيف لها.. ولكن هيهات...

وبعد السلامات على الحاج و الحاجة

كالعادة اختفت جميع السيدات داخل المطبخ لتحضير الغدا

ثم نصبت الطبلية و وضعت الأطباق و على راسها المحشي

والتف الجميع حول الطبلية....

- اتفضلوا يا جماعا

- يالا الغدا يا ولاد

- حاضر يا حاجة

- يالا يا شهيرة اتفضلي

- يالله بينا .. بسم الله..

وبينما الجميع ياكلون قالت ليلى ضاحكة..

-العمارة بتاعت سيف يا شهيرة بقت بسم الله ماااااااااا شاء الله.. حاجا روعة خالص.. عمايل محمد بقى..

كانت جملتها سهما نافذا للجميع و بداية انفجارات كان الجميع يحاول تجنيها..

بعد ان انهت ليلى جملتها

- ارتسم على وجه محمد نظرة امتعاض و اعتراض لأنه يعلم ان شهيرة لا تعلم شيئا عن فيفي و عرف ان ليلى تقصد اغاظتها!

نظرة بلاهة على وجه فيفي و ابسامة تؤيد كلام ليلى ان العمارة جميلة فعلا

نظرة تفحص في وجه حمدي وهوا يحاول تذكر مجموع ما انفقه في مشاويرة للأطمئنان على العمارة حتى يحاسب سيف عليها

نظرة رعب في وجه نادية فهي تحب اخاها ولا تحب الأذى له من اي شخص كان

نظرة توجس في وجه الحاجا وعدم رضى عن قول ليلى في هذا الوقت

نظرة انتصار في وجه الحاج وشعورة انه مازال رب الأسرة وسي السيد!!

واخيرا...

غصة لقمة الطعام في فم شهيرة وتذكر لكثير من الأحداث و الأسئلة التى في راسها واكثر ما ازعجها قول ليلى عمارة سيف!!!!!!! لأنها تعلم ان الجميع يعلم انهما شركاء فيها!!

ولم تنتظر كثيرا شهيرة فقد فهمت غرض ليلى الدنيء وقررت ان تحقق النصر لها فقالت على الفور..

- اه صحيح يا باشمهمندس.. ايه السقف الليى داب دا؟ :angry2:

وضع محمد الملعقة من يده في صورة تنم على الأعتراض على فتح الكلام في هذه اللحظة قائلا

- سقف ايه يا شهيرة اللي داب؟

- انت بتسالني انا؟ انا اللي بسالك.. حمدي قالي انه داب.. ب امارة ال 20 الف؟

كان هذا الرقم كفيلا بسماع شهقات متتابعة بداية من ليلى وانتهاء ب فيفي

عشريييييييييييييييين الــــــــــــــــــــــــف :o

اهمل الجميع تلك الشهقات الحاسدة ليكملو كلامهم

- المطر عندنا في المحلة يا شهيرة كتير اوي في الشتا وبعدين السقف ماكانش موزون كويس في اتجمعت المية فيه مدة طويلة و بوشته

- ودا طبيعي في عمرة لسا مبنية؟

- لا طبعا بس اللي حصل بقى... قالها في صوت محتد

- طب ودا حصل ليه؟؟ والا انت ما كنتش متابع العمارة يا باشمهندس

- مين قال الكلام دا انا كنت مشرف عليها حتى خليت المسؤول عنها مهندس من مكتبي

- وكدا بقى بقيت مسؤول عنها؟ :angry2: قالتها بعصبية شديدة وبدات نبرة صوتها في الأرتفاع ف تدخل سيف حتى لا يتفاقم الوضع

- يعني انت ما كنتش بتروح يا محمد؟؟

- لا يا سيف.. بس المهندس من عندي في المكتب كان متابعها وانا بشرف عليه

امتعض سيف قليلا في حين استشاطت شهيرة غضبا وقالت

- و الفلوس اللى احنا دافعينها لك..........

قاطعها سيف قائلا

- حصل خير يا محمد

وضغط على يدها بقوة ليفهمها ان تتوقف عن الكلام...

لحظة صمت مملة...

اصوات ارتطام المعالق بالأطباق ثانية و الجميع ياكل بدون نفس... توتر شدييييد !!

شهيرة وصلت لمرحلة الفوران...

ولا تستطيع ان تسكت اكثر من ذلك..

- على فكرة يا سيف انا جايبلك الكراسة اللي كاتب فيها كام مرة عبيت بنزين و الحاجات اللي دفعتها ل عمارتك ( حمدي)

فردت نادي غاضبة وبصوت عالي

- بنزين ايه يا حمدي؟ انت ها تستهبل؟ اش حال لو ماكنتش بتروح بعربية سيف اللي سايبهالك تبرطع فيها طول السنة وبعدين انت بيتك جنب العمارة لزق يعني بتروحه مشي في خمس دقايق.. يبقى عربية ايه!! :angry2:

كدا حمدي ان يرد عليها بعدما تورد وجهه غضبا

ولكن سبقته شهقة شهيرة و ضربها على صدرها بقوة وهي تقول

انت سايب العربية ل حمدي يا سيف؟؟؟؟؟؟؟؟؟؟؟؟ :o

- ماهو يا شهيرة .. اصل...

- وكمان جاي يحاسبك على بنزينها؟؟؟؟؟؟؟؟؟؟؟؟؟؟؟؟؟؟؟

- اصل ها اقولك..

- تقول ايه يا ولا!!!!!!! ( الحاج في صوت جهوري)

انت خايف منها و الا ايه؟؟؟

ايوا سايب العربية لأخوه.. ايه المشكلة يعني.. دي عربيته وهوا حر فيها

اصبحت شهيرة مثل قنبلة موقوتة من غضبها من سيف الذي يتصرف دون ان يعلمها عن اي شيء ف شعرت انها كا الأطرش في الزفة..

او كمن يضرب على قفاه!!

- وبعدين انتي اشي حشرك بين الأخوات ( حمدي)

- بس يا حمدي .. (سيف في نبرة صارمة جدا جعلت حمدي يلتزم الصمت في ثانية... ليس خوفا من اخية .............. وانما خوفا على المال الذي يريد ان يسترده منه!!!!!!)

- يا جماعا اتغدوا وبعدين اتكلموا... ( الحاجة)

- اه فعلا كملوا اكل والنبي او اتكلموا في حاجا تفرح ( نادية)

- على سيرة حاجا تفرح بقى... لالالالالازم يا شهيرة تشوفي شقة فيفي الجديدة دي تجننننن شرحة وبرحة و فرشها حلو اوي (ليلى)

ضرب سيف الملعقة في الطبق كادت ان تكسرة

في حين ان نادية ودت لو تقتل اختها ليلى

واخيرا ردت شهيرة

- بجد هيا فيفي اشترت شقة؟ مبروك... قالتها ب ود شديد

- الله يبارك فيكي يا شهيرة ما كل من خيركم.. قالتها على استحياء

صدمتها هذه الكلمة ف التفتت الى سيف سريعا وفي عيناها تساؤل عن تفسير الكلمة!!!!

وكالعادة تطوعت الشقيقات بالتفسير

- خيرنا؟؟ ( شهيرة)

- انتي ما تعرفيش والا ايه.. ما هو سيف ادا شقة ل فيفي.. و شقة ل محمد ( ماجدة)

تم تعديل 22 يوليو 2006 بواسطة بنت شعنونة