عائلة مصرية..

[محمود الشاعر]

انا قلت كدة اهي نسيت زي موضوع شربة النورس

ماشي يا شانا ماشي

[ياسر ابو احمد]

كملى يا حبيبتى ولا يهمك ..

اصل ماعنديش عربى خالص .. انا حاضبط نفسى على الساعه 7:30 كده كل يوم

اجى افتح التليفزيون قصدى الموضوع واتفرج على كام حلقه .

تصدقى حسه انى شفت المسلسل ده قبل كده خصوصا الحته بتاعت الشنط اللى

بتدخل قبلينا البيت بقدرة قادر .. :P

مش ممكن .. ياشو ..

والله اني ضحكت من قلبي على تعليقك .. وحسيت ان تعليقك نابع من الاعماق فعلا

;) :P :D

[ياسر ابو احمد]

واحد تاني

حمدالله ع السلالالالالالالالالامة :P

انزلي البحر والنبي :P

الحلقة الثانية...

سنة تانية غربة...

الشغالات وسنينهم..

زينب امراة جاهلة.. مهما حدث فهي لن تهتم ب منى مثل امها

- زينب دي متخلفة.. دي تاني مرة منى تعيى بسبب اهمالها؟

- ما قلتلك اقعدي وخلي بالك من البنت؟

- سيف!! احنا اتكلمنا في الموضوع دا قبل كدا ومش ها نفتحه تاني انتهينا!!

واخذت في هز الطفلة بعنف وهي تحملها بين ذراعيها

- طب بالراحة ع البنت بس...

- تبطيء شهيرة من هزها للطفلة وتنظر لها نظرة اعتذار...

- مافيش اخبار من محمد؟

- اخبار عن ايه؟

- عمل ايه في العمارة؟ يعني اخر مرة قالنا انه رمى الأساسات و طلع بالدور الأول.. وادي وش الضيف!! والا هوا ما يعفرناش الا في ادفع يا سيف و ابعت يا سيف!

- يا شيخة ما تظلمهوش بس.. الراجل عنده مكتبه كمان.. كتر خيره انه وافق يعملنا العمارة اصلا....! :P

- كتر خيره؟ هوا كان لاقي شغل اصلا!! والنبي انا مش عارفا امتى ها تبطل طيبتك دي!

- اهو نصيبك بقى كدا.. جوزك طيب ;)

اجبرها على الأبتسام رغم غضبها ف قالت في لهجة اخف حدة..

- طب هوا ناوي يعملها كام دور؟

- اربعة

- وكل دور كام شقة؟

- اتنين

- طب واسعار الشقق هناك كام

- يووووه يا شهيرة.. يا ستي قدمي المشيئة بس.. تخلص العمارة ويحلها ربنا...

- طيب :P

في نفس التوقيت في المحلة دار الحوار التالي..

- انا لازم اطلق يابا

- استهدي بالله يا فيفي وبلاش هبل .. طلاق ايه وبلا ايه؟ انتي ناسية ان عندك عيلين و التالت على كتفك اهوة؟ وبعدين احنا ما عندناش بنات تطلق

- ماهو يابا انا مش ها اعيش في بيت حمايا دا لو قطعتوني حتت.. انتهى الموضوع دا

- خلاص تعالوا عيشوا معانا

- فين بس يابا.. دا انتوا كوم لحم في اوضتين

- لقمة هنية تكفي مية

- انا عاوزة شقة زي مخاليق ربنا.. حاجا لوحدي يابا.. افهمني بقى

- هوا مش سيف بيبني عمارة؟ (ليلى)

- ايوا ..( الحاج)

- خلاص.. ما يدي فيفي شقة فيها.. هوا خسران ايه يعني.. ماهو قاعد في السعودية واكل شارب متهني هوا ومراته ومش عاوز حاجا من العمارة اصلا.. خلاص اخته اولى

نظرة تفكير من الأب و صمت

- بس تفتكري ها يرضى؟ ( فيفي)

- وما يرضاش ليه.. دا اخونا الكبير ولو ابوكي كلمه مش ها يرفضله طلب

- اصلا العمارة لسا قدامها كتير على ما تخلص.. وانا مش ها استنى كل دا..

يذهب الحاج الى التلفون ويطلب رقما..

- الو.. ايوا يا باش مهندس

- اهلا يا حاج... خير في حاجا؟

- قولي يا ابني.. هيا عمارة اخوك قدامها قد ايه وتخلص؟

- يعني اقل من سنة يابا؟ ليه ؟

- يعني لو حبينا نسكن اختك فيفي في شقة ينفع؟

- ينفع

- امتى؟

- انا ممكن اشطبلها شقة من الدور اللي خلص يعني قول 4 او 5 شهور من دلوقتي يا حاج

- ماشي.. كتر خيرك...

ويغلق السماعة وفي عينيه نظرة رضا ويقول

- اخوك بيقول بعد 5 تشهر... ها تصبري

همت فيفي بالحديث لكن ليلى زغدتها وقالت

- وما تصبرش ليه يابا.. اللي صبرها سنين تصبر كام يوم

اومأت فيفي براسها وتركت الأمور في مجراها...

- خلاص.. ها اتصل ب سيف اقوله يدي شقة لأخته

ابتسامة نصر على شفاه ليلي.. وقلق على وجه فيفي...

ياشو؟؟؟؟؟؟؟؟؟؟

دا مسلسل بجد

يعني انا لسا بادية في الحلقة التانية وانا كنت ناوية على 30 حلقة بجججججججججججججد

=========================================================================

بس كده انا مش قادر اكمل المسلسل .. انتي فعلا شعنونه .. خلتيني اضحك من قلبي والله مع ان ده صعب جداً .. نفس الطيبه اللي في المصريين .. سذاجه مع استهبال مع خبث فلاحيين مع اماني من القلب انه مايحصلش اللي الناس بيفكروا فيه .. كلام كتير نفسي اقوله بس الوقت لا يسمح .. بس السؤال اللي نفسي تجاوبيني عليه بصراحه .. القصه دي فيها حقيقه كتير .. صح !!! :D

===========================================================================

الله معك يا فتاااااااااااااة :P