احذروا هذا ... !!!!!

[لولاتي]

احذر ...

التفكير قبل النوم

التفكير قبل النوم من أخطر الوسائل السلبية على الإنسان لذلك .. راقـــــــــب

نوع تفكيرك وبالذات التفكير قبل النوم وبعد الإفاقة في الصباح

ومهم جدا معــرفة...هل يستحوذ عليك التفكير الإيجابي أم السلبي ؟؟؟ !!!.

لأن أي احساس بالإحباط أو الاكتئاب أو عدم القدرة على مواصلة اي عمل أو دراســة

بحماس سببه هو البرمجة الذاتية الداخلية في عقل الإنسان اللاوعي نتيجة ما أخـــــتزنه

من الماضي أما سلبيا أو إيجابيا.. وقوة البرمجة الايجابية والسلبية نسبية من شـــــخص إلى آخر بحسب ظروف الإنسان وشخصيته ..

من الأسباب التي تؤدي إلى التفكير والبرمجة الذاتية السلبية :

1 ـ توتر في بادىء الامر

2 ـ ومن ثم التفكير الدائم بالموقف المؤلم

3 ـ أستحضاره ليلا ومن ثم اشغال العقل اللاواعي إلى الصباح.

بالرغم من أن الإنسان نائم ولكن عقله لاينام بل مشغول بالموقف الماضي

4 - ثم الوصول إلى الخوف والرهاب الأجتماعي ..

5 ـ ثم الوصول إلى عيادة الطبيب النفسي.. ( اللهم احفظنا يارب ).

لذا يجب القضاء على هذا التفكير السلبي خصوصا مرحلة ماقبل النوم .

منقول

[khedr]

لولاتي

واجب الترحيب بحضورك

ومرحبا وسط اهلك وناسك

واحساسي بأضافه جميله الينا

لكن الواحد يهرب من عدم التفكير قبل النوم ازاي

وانت عارفه انها ساعه الحساب الصغري

عموما اهلا وسهلا بوجودك مع اخوانك واخواتك

بس ايه لولاتي....!!!!

[مصرية يعني مصرية]

اهلا باول موضوع للولاتي

موضوع جميل

و مفيد فعلا

بس يا خضر هي تقصد بعد الحساب

يعني ماتقعدش تفكر في ديونك :blink:

و لا في البقين الحمضين اللي قليتهم حماتك :D

ولا في رئيسك في الشغل لما غلس عليك :unsure:

وكان نفسك تقول ايه ساعتها mfb:

و ما قولتش

...... حاجات كده يعني ;)

تم تعديل 20 يوليو 2006 بواسطة مصرية يعني مصرية

[yacho]

صعبه قوى ان الواحد مايفكرش قبل ما ينام

تعرفى يا لولاتى انتى فكرتينى بحاجه كنت بعملها وانا صغيره لما كان يييجي لى

وسواس ان ماما حتموت وابتدى اخاف واعيط .. اقوم اقول لنفسى انا حافتكر حاجه تبسطنى

واقعد اغنى اغنيه لبلبه " جدا جدا جدا .. الحب دا هايل جدا .. وبيعزف لحن جميل ..."

مع انها اغنيه هبله :blink: بس فاكراها عشان كانت بتخرجنى من حاله الخوف دى . :unsure:

[المدهش]

موضوع مفيد يا لولاتي..

فعلاً نحن نهزم أنفسنا بأنفسنا نفسياً..والاحباط الذي نختزنه داخلنا نتيجة مواقف سابقة أو كلمات محبطة سمعناها هو الذي يغلق نوافذ روحنا المفروض أن تكون مفتوحة على الحياة..لكن ما هي الوسيلة النفسية أو الوسائل الصحيحة للتخلص من الأفكار السلبية التي قد تطاردنا قبل النوم..

كان عندي واحد صاحبي..دايما بيعمل حاجة تشبه ما تحدثت عنه ياشو..كان مسجل مقاطع من مسرحيات كوميدية..ويسمعها ويضحك ثم ينام!!

[yacho]

موضوع مفيد يا لولاتي..

فعلاً نحن نهزم أنفسنا بأنفسنا نفسياً..والاحباط الذي نختزنه داخلنا نتيجة مواقف سابقة أو كلمات محبطة سمعناها هو الذي يغلق نوافذ روحنا المفروض أن تكون مفتوحة على الحياة..لكن ما هي الوسيلة النفسية أو الوسائل الصحيحة للتخلص من الأفكار السلبية التي قد تطاردنا قبل النوم..

كان عندي واحد صاحبي..دايما بيعمل حاجة تشبه ما تحدثت عنه ياشو..كان مسجل مقاطع من مسرحيات كوميدية..ويسمعها ويضحك ثم ينام!!

على فكره حكايه المسرحيات دى انا بعملها دلوقتى يا مدهش وانا كبيره لما ابقى مش عايزه اركز.

تم تعديل 20 يوليو 2006 بواسطة yacho

[مومو الامور]

طيب مبروك لولاتى اول موضوع عقبال الموضوع ال1000

------------------------------------------------------------------------

سؤالى ل ياشوووووووو

يا ياشو لو مقدرتش انسا الموضوع وانا بضحك على المسرحيه

والموضوع انا مركز فيه اوى لدرجه انى حتى مش قادر استوعب

المسرحيه

هاعمل ايه

بما انه عندك تجربه شخصيه فى الموضوع دة

وانا هسميه التدريب النفسى العقلانى لدخول للعقل الباطن اثناء النوم

او استراحه العقل الباطن

مع تحياتى

مومو الامور

[khedr]

بمناسبه التفكير قبل النوم

زمان ايام الصفاء...كنت اتخيل نفسي سمكه وبتعيش في الميه

وافضل احلم واحلم والاقي نفسي دخلت في النوم

او عصفور اطير واطير واعيش في الاحلام لحد ما ادخل الاحلام

كنت با احاول اهرب من الوضع

لكن حاليا النوم بيجي من التعب والهد وال.....................

[مصرية يعني مصرية]

الله يكون فعونك يا عزيزي خضر

[khedr]

الله يكون فعونك يا عزيزي خضر

في البر واللا البحر

[لولاتي]

انا بافضل بصه عالتلفزيون من غير ما اشوف حاجه معينة و بحط له ا تايمر و بسيبه.

او باخد اي كتاب بس مايكونش فيه صور افضل عشان ماتفضلش في دماغي.

و ده افضل وصفه للنوم من غير ماافكر. هي بتكون صعبه في الاول بس اتعودت.

ربنا يعينك على كلو يا خضر B)

ان شاء الله- متشكرة يا مومو mfb:

[موج البحر3]

شكرا ع الموضوع الحلو ده يا لولاتي