مذكرات ليلة وفاتي...!!

[شيكو المصري]

احييك على القصة التي عرفتي كيف تعبرين بها عما يعتمل داخلك .

فللاسف كثيرين لا يعرفون كيف يبوحون بآآهاتهم :(

[بنت شعنونة]

الله اكبر الحمد لله صدق توقعى ومعلوماتى طلعت صح ايوه يبقى انت .. صح .. وانا بقول الشعننه دى مش ممكن تيجى من حد طويللللللللللل ابدددددددددددددددا... 

يا واد يا بن مصر يا ألمعى ...... 

ابن مصر

اوبا...

انا اتكشفت :shock: :shock:

وبعدين كل قصييييررررر مكييييييييير يعني :oops:

اخي شيكو..

لن تجد من يعبر عن امي مثلي انا واخوتي

فمن عاش مع تجربة الغيبوبة الكاملة لمدة عام كامل مع امنا

صدقني يملك الالالالالاف الكلمات التي يمكن ان يكتبها ما بين الخوف و الرعب و الجزن والعجز :(

وقاكم الله شر هذا الألم..

وصدقني يا شيكوا

لو جواك ااهه

خليها تطلع

زي ما تطلع

صدقني ها تكون صادقة جدا.. :roll: :oops:

[crossfield]

حبيبتى شعنونة:

قريت القصة دى وقت ما كنتى بتكتبيها فى يناير و لأن وقتها كنت بمر بظروف شبيهة مكنتش بقدر أكملها للأخر كنت باتخيل نفسى فى مكانك او كنت فى مكانك فعلاً بس مع والدى .فعلاً أبشع و أصعب احساس الواحد مننا ممكن يحسه احساس العجز قدام الموت و الأصعب منه انك تبقى متوقعاه بين لحظة و التانية.أنا كنت بروح المستشفى لوالدى و أنا حاطة ايدى على قلبى و مش عارفة هاروح القاه على قيد الحياة و الا …. لحد ما ربنا نجاه و الحمد لله . ربنا يصبرك . معلش يمكن وقتها مقدرتش أقولك كلمتين كان نفسى أقولهم لك لكن الحمد لله أهى جات لى الفرصة تانى و هاقولهم لك:

شانا ؛ حاولى تنسى مش والدتك لكن العذاب اللى شافته صدقينى العذاب اللى الناس دى شافته فى مرضها بيبقى ابتلاء عظيم من ربنا و بيرفع بيه درجاتهم فى الجنة .أنا ما اعرفش والدتك لكن الواضح مدام انتى كربونة منها زى مبتقولى انها كانت انسانة ممتازة فعلاً . ربنا يصبرك و تقبلى عزائى و لو انه متأخر جداً.

[elbana]

أول مرة أقرأ الموضوع ، والحقيقة مش عارف أتكلم عنه كقصة ولا كواقعة ، كل اللي أقدر أقوله إني جربت أمراً مماثلاً مع أبي رحمه الله ، ولذا أدرك ما تكلمت عنه شعنونة ، اللهم ارحم موتانا جميعاً ، واجمعنا بهم على خير عندك في ديوان أهل الجنات ، وأقرئهم اللهم منا السلام وبلغهم منا ما يرضيهم وتقر به أعينهم إنك سميع الدعاء .

[Salwa]

شانا حبيبتى.

ربنا يخليكى ويرحم والدتك ويرحمنا ويرحم امواتنا جميعا.

الحقيقة الوحيدة فى الحياة هى....الموت.

وانا دائما اقول.......قبل وبعد.

اقسم لك انى مررت بتجربة مشابهة تماما لتجربتك ولكن لفترة أقل.

قبلها...

اتذكر أن مرة واحدة صديقة لى هنا قالت لى...

بعرفك بقالى سنين طويلة...نفسى مرة اشوفك مكشرة او زعلانة

أو بتبكى....ورد عليها زوجها هى وقال لها السعادة دى مرض..

ده مش طبيعى ان سلوى تاخد كل حاجة ببساطة انها على طول

تضحك....وانا....جالى ذهول....وحسيت بالخجل انى فعلا سعيدة

وراضية دايما...

ومرضت امى....

وماتت امى.......

ورآنى الناس فى مصر.....ابنتها....صمتى هو هو.....حزن جليل....

احساس ...

كنت فى عالم آخر....ولكنى متماسكة...

ثلاثة أيام العزاء....وذهبت الى مكة.....وهناك....وجدت السلوى.

الحياة تكمل مسيرتها.

ولكن شئ...داخلى....انكسر.

اصبحت انظر للأشياء بطريقة أخرى...

سمائى صافية....ولكن دائما فيها...سحابة.

لاننسى احباؤنا....وكيف؟

ولكن...لابد أن نكمل المسيرة....

أرى نفسى صورة من امى...حتى كلماتها ارددها...حتى قهوتها

الساعة11 صباحا...معرفش ليه؟

ولكن اجدنى..احب تناول القهوة مرة ثانية الساعة 11 صباحا.

اكتبى ياشانا...

قولى كل اللى جواكى...

وصدقينى احساسك صح ....ماما اكيد معاكم وحاسة بيكم وفخورة بيكم ...واكيد لما بيبقى عندك حاجة مهمة بتجيلك فى الحلم...صح.

حاجات كتير ملهاش تفسير.

بس هم بأرواحهم معانا...

وخليكى جدعة....واضحكى.

سلامى.

[بنت شعنونة]

كروساية..

حمدالله على سلامة الوالد وربنا يحفظه ليكم من كل شر..امين يارب العالمين..

وصدقيني صعب انسى العذاب اللي اتعذبته

ومش عاوزا اقولك انه حلتها هيا سبب قبول دخولي الطب

لآن غيبوبة ماما كانت بسبب خطا دكتور

وبعد ما دخلت طب

اكتشفت اني مش قادرا ابقى دكتورة برضه لنفس السبب.. لآني كل ما المس عيان اترعب لآعمل فيه زي ما حصل لماما وابقى سبب لتشريد اسرة بحالها بسبب موت فرد منهم ..:(

استاذ البنا..

ربنا يصبرك يارب ويرحم موتانا اجمعين

ماما سلوي...

مش عارفا ها تصدقيني والا لا..

انا ما عيطتش عليها من يوم ما هيا اتوفت..

والناس كانت مستغربة جداااااااا

ازاي بنت عندها 17سنة ما بتعيطش على والدتها..

بس كل ما كنت اشوف دموع اخواتي ووالدي

اعرف ني لو ما عملتش كدا البيت كله ها يقع

لن انسى يوم عودتنا من المستشفى ودخول والدي غرفته واغلاقها عليه

بينما اخواتي كانوا قاعدين في الصالة كانوا لسا صغرين 11 سنة تقريبا ومش فاهمين حاجا

وخدتهم في حضني وانا بقولهم ماما اتوفت

وكل واحد فيهم انها بالعياط من غير صوت زي ما يكونوا مكسوفين او مرعوبين

وبعدها بنص ساعا اخويا كان عنده مدرسة ليلية في السفارة وخدناه وديناه وهوا لسا بيعيط وبيسالني

يعني خلاص مش ها نشوف ماما تاني؟

لكن بعد كل دا الواحد يقول الحمدلله :lol:

وهيا فعلا زي ما حضرتك قلتي يا ماما سلوى معايا على طول

في كل مناسبة بتجيلي في الاحلام..

معلش بقى نكدت عليكم.. :roll: :roll: :D :D :lol:

[goold]

ياحبيبتى ياشانا :(

معليش والله انى عيط لكن انت جدعه ربنا يرحمها طبعا كل واحد فقد عزيز له بس فعلاً والله الأم محدش بينساها ابداً للأسف امى ماتت وانا عندى 17 سنه والان عندى 41 سنه وعندى عيال كبار لكن هى معى علطول وللان بتألم لذكراها

ولما قرأت كلامك نزلت دموعى بسرعة

لكن انتى ذى العسل

اقلبى على الوش التانى لشانا العسولة والنبى كفايا عياط وحزن بقه

[بنت شعنونة]

:D :D :lol:

لالا مش عاوزين عياط الله يخليكي

انا اسفة والله يا جولد

ورحم الله والدتك واسكنها فسيج جناته...

يالله..

تعاليلي على الأبتسامات احسن انا بهدلت الدنيا في موضوع استاذ البنا هناك :lol:

[بنت شعنونة]

ماما وحشاني اوي :(