هل صحيح المصريين بيقفوا جنب بعض في الغربة

[El-Masri]

أنا فى الغرب والفيصل الوحيد هو مدى التدين، سواء مصرى وللا باكستانى وللا حتى كوسوفانى، لو يعرف ربنا حيقف جنبك، لو سيكو سيكو يبقى حتلبس إسود.

[^^^hi^^^]

الاخوه الكرام

بجد انا سعيد جدا بالمنتدى دى اللى بيجمع المصريين شى اكثر من رائـــــــــــــــــــــع :)

وسعيد اكثر بان الناس اخيرا ابتديت تفتح قلبها لبعض و نكلم نتناقش نقول اة نقول لا بس من غير عصبيه ومن غير ماحد يحجر على راى الثانى :P

الكلام اللى كنا افتقدناه خلاااااااااااااااااااااااااااااص و اتنسى وبقيت كل مناقشتنا المناقشات الجاهزه بتاعت التليفزيونات و القنوات الفضائيه (الله يحرقها)

و اللى طبعا بتبقى معموله و متضبطه انها تصب في الاخر لراى معين هما عايزينوا و الناس تشوف و تقتنع و السلام

المهم ده مش موضوعنا بس دى مقدمه بما انى اول مره ارود :D

انا مش حطول انا معجب براى الاخ اسد و الرد الرائع بتاع الاخ ياسر مع اختلافى معاه في بعض النقاط

على فكره انا مغترب جديد لانج مابقاليش شهرين في السعوديه لم اطلب من اى فرد برغم من وجود اصدقاء ليه ووجود اقارب اى حاجه من ساعه لما جيت

لكن هنا لازم نقول حاجتين

1- انهم عرضوا المساعده و لم يبخلوا بيها (مع العلم انى من كتر ما سمعه عن المصريين في الخارج و المعامله السيئه و مش عارف ايه لم اتوقع هذا)

لكن لاقيتوا بجد منهم و في مصرى عرفتوا لما جيت عن طريق صديق يعنى هو صاحب صاحبى (بس مش محمد هنيدى :D ) الراجل لم ارى منه غير كل خير بجددددددددددددد مجدعه غير عاديه رجوله و اخلاق و انا ماعرفوش ...... تخيلوا بقى صاحبى ناقص يتبنانى :D وده كان من الكل بجد و بامانه ومن اكثر من مصرى لا اعرفوا حكمت ظروف العمل ان يكون فيه بينى وبينه تعامل (لدرجه انى بقيت افرح جدا لما الاقى انى اللى حتعامل معاه مصرى)

2- وده الاهم انا ماحولتش انى استغل ده حاولت انى اعتمد على نفسى زى اللى قبلى ما اعتمد على نفسه (ومع العلم بقى انى انا احسن لانى عندى ميزه ان فى حد قبلى لو انتوا فهمينى ....... يعنى اللى قبلى ده ماكنش عنده حد كان لازم يعتمد على نفسه فى كل شى اما انا لو خلاص الامور ازمه ممكن اسالوا و الاقيه جنبى)

يبقى يا جماعه انا ماجيش ارمى نفسى على الناس و عايزهم يعملولى كل حاجه لاما ما يبقوش رجاله ......... حاول تعتمد على نفسك و حتى لو حد عرض عليك المساعده ليه انت ماتجربش لوحدك الاول قبل ما يساعدك ليه ما تحاولش و تتعب عشان تعرف و تتعلم ليه

ومافيش حد فينا كان متوقع يجى يلاقى الدنيا مفروش رمل و التشريفه وقفه على الصفين

ولو قبلت الوحش دور و اتعب شويه و اكيد اكيد حتلاقى الحلو

ارجوا ان محدش يكون زعل من اول رد ( يارب :) ) عشان ما يبقاش اول واخر رد :D

ويجعلوا عامر (على فكره يا ياسر ده مش اقتباس انا ديما كنت بنهى كلامى كدا في اكثر من منتدى سابق اقتباس من الرائع احمد رجب)

[otaka]

انا بقالى 6 سنين فى الغربه و قابليهم 2 ووسطهم قعدت فى مصر 4 سنين

عجوز يعنى :)

كل الوقت كنت لوحدى ليه اصحاب مصريين بس فى فارق سن كبير بينى و بينهم و دايما ما بيكون اعز اصحابى مش مصرى ليه معرفش الصراحه

المهم انا بسمع مشاكل الناس و بحاول اتدخل و اصلح بس الحمد لله عمر ما حد قل معايا

المصريين كويسيين بس بينقصهم النظام مهما كانوا بيحبوا بعض موضوع التنظيم ده عله لا يمكن القضاء عليها لذا تلاقى المصريين دايما يتحسروا و يقولوا شوفوا الفلسطينيه شوفوا اللبنانيه

الصراحه عمرى ما اشتغلت مع مصريين فمقدرش احكم بس اللى اعرفه انه فعلا ينفع تزعق لواحد مصرى بس مينفعش تزعق لفلسطينى مثلا

يمكن المصريين طيبين و طبيعتهم فيها جزء من الثقافه الفيضيه مش عارف

[بنت النيل]

خير خير يا شباب

دا المثل بيقول انا واخويا على ابن عمى وانا وابن عمى على الغريب

بس اللى بحصل ده انتم خليتو المثل انا والغريب على اخويا وعلى ابن عمى كمان :P

مش معنى ابدا ان الواحد يقابل ناس وحشة ومش كويسه يبقى باقى الناس كلها كدا بالعكس انا مغتربه من 10 سنين وبكل صدق وامانه وبدون تزويق للكلام الحمدلله كل المصرين اللى عرفتهم من احسن ناس ومحترمين ده كفايه فرحت الواحد لمابيروح يشترى حاجة او يسال عن شىء بمكان ويسمع اللهجه المصرية يااااااااااااااااااه والله بكون سعيدة

على الاقل الواحد بينسى بالحظة دى الغربه

وبعدين عيب اقوى والله عيب علينا لما نقول على بعض كدا عارفين اهو ده العيب صحيح بقى اللى بتقولو عليه وبعدين كل واحد بيقولو نفس الكلام تقولش يعنى هو اللى ملاك ولا جمع كل الصفات الحسنة فيه :)

يا ناس اصحو بقى وفوقو من اللى انتم فيه عارفين ليه بتقولو على المصرين فى الغربه كدا

لان معظم واكرر معظم اللى بيسافر لاى بلد ويشوف نفسه فيها يبقى خلاص بينسى ناسه وبلده ويمكن كمان اهله ويفكر نفسه بقى ياما هنا وياما هناك مع انه لو قارن نفسه بمواطن من البلد دى ويمكن ساعتها ينتحر خلينا ساكتين :)

محصلتش او مش هتخلوهم يوصولونا لكدا عيب بجد عيب

لما احنا نقول على نفسنا كدا اومال الناس تقول ايه بقى ياريت نبطل نشوة صورتنا قدام الناس

ونرجع نقول دول مش بيحبو المصرين ماهو من ايه مش من كلامكم ده

اللى ملوش خير فى اهله وبلده ملوش خير حتى فى نفسه

من فات قديمه تاااااه

واظاهر كدا اننا بداءنا نتوووه

[^^^hi^^^]

الاخت غنوجه فرفوشه

انا متفق معاكى في اغلب ردك (ولو قريتى ردى الاول حتلاقى الكلام ده موجود)

لكن بختلف معاكى في شى اكيد مش كل المصريين كويسين ده اكيد(وده بالنسبه لكل الجنسيات الاخرى ) فمش عيب ان احنا نشوف او نناقش ليه ده مش كويس ليه الكلام ده بيتقال .

عشان احسن صورتى امام الاخرين لازم احسنها امام نفسى الاول يعنى اشوف لو ده بيتقال يبقى اكيد مش من فراغ اكيد في ناس كدا فعلا :o

لكن في نفس الوقت انا بتفق معاكىىىىىىىىىىى بشده ان ما ينفعش اعمم و اقول الكل كدا و اشوه صورتى وصوره بلدى :angry2:

معلش مهما كان فيها فده مش مشكلتها دى مشكلتنا احنا مصر دى كلمه كبيره وامه طول الزمن فوق العيب مش عيبها اذا كانت مش كدا دلوقتى :sad:

اخيرا يا اخت غنوجه النقاش ده ظاهره صحيه طالما ما بيخرجش عن الاصول و الصح و مش بيبقى نقاش لمجرد النقاش و خلاص .

نقول عيوبنا ايه ماشى بس المهم نقول حلول العيوب دى ايه بلاش تناقش في العيوب كتير (وده ديما اللى بيحصل للاسف) وننسى نتناقش في المهم وهو حلول العيوب :)

ويجعلوا عامر بالحلول

[eltayer]

ياجماعة للمره الثانية بكررها انا معممتش لما عرضت الموضوع بس الموضوع بينقسم الي قسمين هما :-

في فرق بين المصري معاك في الشغل - والمصري الي انت اتعرفت عليه في الغربة وميكنش معاك في الشغل

الي معاك في الشغل اعرف تماما انه ممكن يوقعك في الغلط عشان يطلع هو البطل وده لو كان في نفس درجة الوظيفة فالواحد يخلي باله من ده

اما المصري الي انت اتعرفت عليه في الغربي ومش معاك في الشغل ده بيكون صحبك تتفسح معاه وتلعب معاه وتسهر معاه وده مفيش منه ضرر لانه مفيش مجال للغيره لانه مش معاك في الشغل ومفيش مصالح مشتركة

وبعدين المصريين الي ربنه بيفتحها عليهم شويه ويعله بيخاف يقابل مصريين عشان محدش يطلب منه حاجة

والمثال ده قبلته عندي في الشغل يعني شغلي هنا كلك هنود جه لنا راجل اعمال مصري اول معرف اني مصري في وسطهم تجنب الكلام معايه ولا يسئلني مصر عمله ايه ولا حاجة لانه مفكر ان اول حاجة هقولهالوا شغلني معاك

والمشكله اتكلم معايه بالانجليزي

يعني تقولوا ايه علي المثال ده

[بنت النيل]

السلام عليكم

فى بدايه كلامى اتمنى ان ماحد يزعل من كلامى بجد انا كل اللى اقصده واتمناه اننا لانشوة صورتنا قدام الناس لان صدقونى احيانا الكلام ده بيسبب احراج للواحد فى مواقف كثير مع ناس من اجناس تانية

وبالنسبه للاخ hi طبعا لا ضرر من الحوار وعشان مشكلة تتحل لابد من الحوار والنقاش للوصول الى حل مثالى

بس ياريت اللى يحب يقول عن شىء او مشكلة لا يبداء كلامه بالتعميم على الكل ولما يواجه الهجوم يرجع يقول انا ماكنت اقصد اعمم على الكل ممكن يكون كلامه صحيح ومايقصد بس دايما الكلمة الاولى هى اللى بتسيب الاثر عند الناس

اما بالنسبه للاخ الطاير العزيز انت كلامك صحيح وفى ناس بتعمل كدا بخصوص كلامك عن رجل الاعمال بس برده فى كتير احسن واجدع منه وعن تجربه شخصية انا كنت بعمل فى شركة وكنت بقسم المحاسبه وكنا كلنامصرين حتى مديرنا

كان راجل مصرى وطيب الله يرحمه ويجعل مسواه الجنه كان كل ما الشركة تحتاج موظفين وخصوصا بالقسم عندنا

كان بيحاول جاهدا انه يشغل موظف مصرى

وكمان حكايه لو كان معاك بشغل ده برده فيه صح بس والله مش احنا بس بس مش معنى كدا اننا نقول ماهو مش احنا بس اللى كدا لا طبعا علينا نحاول نغير من نفسنا ونخاف على بعض اكثر ونتقرب من بعض اكثر

طيب مش يمكن عشان اننا مش بنتقرب من زملاءنا بالعمل اكثر وبالعكس بقى ده المفروض اللى الواحد يتقرب منه اكثر من اى شخص تانى خارج عمله مش يمكن لو عملنا كدا ماراح يكون فيه المصلحه

وعلى العموم يارب مايفرق بينا ويهدى جميع المسلمين ويوحدهم مع بعض

وربنايجعله عامر بوجودنا :angry2:

[ياسر ابو احمد]

انا بقالى 6 سنين فى الغربه و قابليهم 2 ووسطهم قعدت فى مصر 4 سنين

عجوز يعنى :angry2:

كل الوقت كنت لوحدى ليه اصحاب مصريين بس فى فارق سن كبير بينى و بينهم و دايما ما بيكون اعز اصحابى مش مصرى ليه معرفش الصراحه

المهم انا بسمع مشاكل الناس و بحاول اتدخل و اصلح بس الحمد لله عمر ما حد قل معايا

المصريين كويسيين بس بينقصهم النظام مهما كانوا بيحبوا بعض موضوع التنظيم ده عله لا يمكن القضاء عليها لذا تلاقى المصريين دايما يتحسروا و يقولوا شوفوا الفلسطينيه شوفوا اللبنانيه

الصراحه عمرى ما اشتغلت مع مصريين فمقدرش احكم بس اللى اعرفه انه فعلا ينفع تزعق لواحد مصرى بس مينفعش تزعق لفلسطينى مثلا

يمكن المصريين طيبين و طبيعتهم فيها جزء من الثقافه الفيضيه مش عارف

تعقيب صغير على ما كتبه الاخ "اوكاتا " .... غير صحيح على الاطلاق انك متنفعش تزعق لفلسطيني او اي جنسية اخرى .. طبعا ممكن تزعق للامة جمعاء .. لكن انت بتزعق عن حق ام باطل .. هو ده السؤال .. اما اذا كان مديرك فلسطيني (حسيته من كلامك) فطبعا مش حتقدر تزعق فيه .. بسبب قضية الرزق الازليه وان الواحد مش عايز يقطع عيشه .. ويبدأ الانسان في النزول .. عن اشياء كثيره لا يتسع المجال هنا لذكرها .. المهم ان الحق معك فلا عائق امامك في رده وان عفوت (من موقف قوه) فلك الاجر عند خالق الخلق ..

وربنا يجعله عامر ان شاء الله :sad:

[^^^hi^^^]

كلام تمـــــــــــــــــــــــــــــــــــــــــــام جدا فرفوشه

ويمكن لو اتقربنا من زميلنا في الشغل نبى قوه كويسه و ماحدش يقدر يزعق لحد فينا :o

مع انى انا مستغرب من موضوع المصري بيتزعقلوا و اى جنسيه لا............يعنى ايه الكلام ده انا مش فاهم و تقبل ليه ان حد يزعقلك اساسا (هو انت ممكن تقبل ده في مصر ) اللى متقبلوش في مصر لا تقبلوا هنا و لا في اى مكان في الدنيا :sad:

لازم الانسان يحترم نفسه عشان الناس تحترموا مش عشان انا لاقيت مصرى حد بيزعقلوا وقبل ده اقوم اقبلوا على نفسى لحد لما الاقى الناس هنا بتقول المصريين بيتزعقلهم و اى جنسيه تانيه لا :)

امال بقيت الجنسيات بتقول علينا ايه بقى اذا كنا احنا بنقول كدا على نفسنا :o

سبحان الله الرزق بتاع ربنا سبحانه و تعالى و القرش يا اخى اللى ممكن يجى على كرمتك بناقص منه نهائى :angry2:

اما الاخ الطاير فتوقع مقابله انواع كتيره من البشر هو في مصر مش في الكويس و الوحش و انت هناك بتتقبل ده يبقى لازم تتقبلوا بره مصر عادى

وموضع انه يوقعك في الغلط ومش عارف ايه بردوا موجود في الشركات في مصر و بالذات القطاع الخاص لانه فكرتوا قريبه من السفر بردوا

فاهم قصدى ايه

ويجعلوا عامر بالمصريين الجدعان بجد :D

[ياسر ابو احمد]

"إبراهيم الطايرللجادين في الصداقة انقر هنا إنك ميت وهم لميتون"

اعتذر عن الكلام في غير اصل الموضوع .. ولكن رأيت ان الفت انتباه زميلنا إبراهيم بك الطاير للآيه القرآنيه ... الآيه تقول بسم الله الرحمن الرحيم " إنك ميت وإنهم لميتون" صدق الله العظيم..

ولا أدري أخي الطاير ما هو المغزى من كتابة هذه الايه القرآنيه في الامضاء بتاعك .. يعني صراحه انا كل مره اشجع نفسي واحاول ابقى جاد في الصداقه واهم بالنقر هنا .. اشوف الايه .. ايدي ترجع سوسته لورا .. اخاف وارجع تاني .. يعني صراحه .. مش عارف ايه اللي هيحصللي لو نقرت هنا .. :angry2:

وماتشفش وحش ان شاء الله :sad:

[النسر المصري]

بالراحة ياجماعة بالراحة...هدوا اعصابكم كده وصلوا عالنبي

مين قال انك عشان مصري يبقى اللي يقف جنبك لازم يكون مصري...من هنا بتطلع الفكره الغلط!!

انا متغرب بقالي سبع سنين ...ومازلت منذ إلى يومنا هذا على وتيره واحدة فيما يخص العلاقه بين زملائي سواء مصريين او غيرهم...ولإني بتعامل مع الجميع بمبدأ المساواه...فلقيت ان معظم المصريين بيحبوني وبحبهم...وكذلك جميع الجنسيات الأخرى...ويوم لما وقعت بعيد الشر عنكم جميعا..كان حولي مصريين وسوريين ولبنانيين وكويتين وهنود كمان

منهم المسلم والمسيحي كمان!!...ا

ذن الحكايه مش حكاية مصري او غير مصري...الحكاية محترم وغير محترم.....أصيل وغير أصيل...بيفهم ومابيفهمش....خلوق وفاسد....كيت او كت كيت.... هي دي أصل الحكايه....!!

فلما تكون شخصيتك واخده شكل ما في حياتك وبتفرضها بقوة شخصيتك ..هتلاقي اللي بيقفوا حوليك زيك....والطيور على اشكالها تقع...

أما لو انت محترم..بس ضعيف الشخصيه...يبقى هتلاقي الطوب بيتحدف عليك من هؤلاء الغير محترمين...لييييييييه..لانهم غير محترمين....... واللي بيتو من إزاز بقى....

وتوته توته خلصت الحدوته...وفوتكم بعافيه يا أحبائي المحاوراتيين..

[otaka]

انا بقالى 6 سنين فى الغربه و قابليهم 2 ووسطهم قعدت فى مصر 4 سنين

عجوز يعنى :angry2:

كل الوقت كنت لوحدى ليه اصحاب مصريين بس فى فارق سن كبير بينى و بينهم و دايما ما بيكون اعز اصحابى مش مصرى ليه معرفش الصراحه

المهم انا بسمع مشاكل الناس و بحاول اتدخل و اصلح بس الحمد لله عمر ما حد قل معايا

المصريين كويسيين بس بينقصهم النظام مهما كانوا بيحبوا بعض موضوع التنظيم ده عله لا يمكن القضاء عليها لذا تلاقى المصريين دايما يتحسروا و يقولوا شوفوا الفلسطينيه شوفوا اللبنانيه

الصراحه عمرى ما اشتغلت مع مصريين فمقدرش احكم بس اللى اعرفه انه فعلا ينفع تزعق لواحد مصرى بس مينفعش تزعق لفلسطينى مثلا

يمكن المصريين طيبين و طبيعتهم فيها جزء من الثقافه الفيضيه مش عارف

تعقيب صغير على ما كتبه الاخ "اوكاتا " .... غير صحيح على الاطلاق انك متنفعش تزعق لفلسطيني او اي جنسية اخرى .. طبعا ممكن تزعق للامة جمعاء .. لكن انت بتزعق عن حق ام باطل .. هو ده السؤال .. اما اذا كان مديرك فلسطيني (حسيته من كلامك) فطبعا مش حتقدر تزعق فيه .. بسبب قضية الرزق الازليه وان الواحد مش عايز يقطع عيشه .. ويبدأ الانسان في النزول .. عن اشياء كثيره لا يتسع المجال هنا لذكرها .. المهم ان الحق معك فلا عائق امامك في رده وان عفوت (من موقف قوه) فلك الاجر عند خالق الخلق ..

وربنا يجعله عامر ان شاء الله :sad:

لا و الله يا عم ياسر

المدير مش فلسطينى ولا حاجه

ده حتى عمرى ما اشتغلت مع عرب من الاساس و لا مصريين حتى الا ايام النشاطات فى الجامعه

بس المصرى بيبلع و بيسكت و كذا مره اقول لاصدقائى لما يحكولى على مواقف اقلهم و ليه سكت يسكت و ميردش عليه

[بنت النيل]

مساالخير على الجميع

والله انتم ناس حلوة وذى العسل وده اكيد طبعا مش مصرين يابنى :D

بجد الحوارات بينا شيقه وادينا بنتواصل وبنقرب وجهات نظرنا لبعض المهم بدون زعل B) :sad:

اما بخصوص حكاية ان حد بيزعق للمصرين ومايقدر يزعق مثلا للفلسطينى ذى مابيقول احد الاعضاء

شوف ياسيدى ده مافيش فيه حاجة اسمها عشان جنسيته لا لا ولكن بيرجع الامر لشخصية الانسان نفسه

اقولكم على حاجة مثلا خاصه بيا اناكنت اعمل بشركة كبيرة ماسبق وذكرت رغم اننا كنا ثلاثه مصرين فقط بالشركة كلها

الا اننا وعن نفسى الحمدلله كانت كل موظفين الشركة تحبنى جدا لانى كنت بتعامل معهم بكل احترام عشان كدا كنت الاقى الاحترام منهم

اما عن رؤسائى بالعمل وبالاخص اصحاب الشركة نفسهم والله بجد كانو يحترمونا جدا ومش هقول ماكنوش يقدرو يزعقلونا لا ولا لكن هقول كانو بيحترمونا لانهم شايفين فينا الشخصية المحترمه وبعدين لما رئيسك بالعمل ينبهك لشىء غلط ومثلا يتطور الحديث وممكن سوطه يعله شوية وبتحصل ده مش معناه ابدا انه بيهينك او عشان فى نفسه حكايه مصرى ولا اى جنسية تانية لا ابدا

ونرجع تانى ونقول برده ترجع لشخصية الواحد نفسه وذى ماقولت لكم انا عن نفسى عمرى ما اقبل اى اهانه من صاحب العمل نفسه واخر شىء افكر فيه ان رزقى عنده لا طبعا الارزاق على الله المهم راحه الواحد واحساسه بعزة نفسه وكرامته

اناحره مكانى فوق عالى

جبل مايهزه من الناس واطى

لو سألوك انت مصرى ؟؟ قولهم ايوا مصر وابن مصرى

وابن مصر الله عليه

[ياسر ابو احمد]

اولا عايز اقول ان الكلام في اصل الموضوع اللي طرحته سندريلا المنتدى (رأيي الخاص) .. مسز فرفوشه .. خلانا نطرح سلبياتنا وايجابياتنا في حوار ايجابي جميل وشيق .. ليه .. لاني شخصيا افتقدت لغة الحوار التي اعشقها منذ امد بعيد .. عندما سيطر علينا جهاز التليفزيون العجيب .. واصبح المرء ** خصوصا المغتربين - وبالاخص المتزوجين منهم ** يجد فيه سدا لكل فراغ يمكن ان يستفيد به المرء في اي عمل آخر مفيد .. فانا اجهاد نفسي مرارا وتكرارا لمقاومة هذا الجهاز العجيب الذي اصبح يشكل خطرا على ابصارنا واسماعنا وديننا و و و .... والمفسده منه عظيمه والفائده منه عقيمه .. فطول الساعات التي اقضيها كل يوم بعد رجوعي من العمل حتى ينقضي الليل .. جعلتني افتقد لمتعة الحوار .. ايجابيا كان ام سلبيا .. المهم ان يكون هناك حوار .. ولذلك اشكر هذا المنتدى بما له وبما عليه الذي آمل ان ينجح في قهر جاذبية التلفاز ..

ارجع للموضوع الرئيسي .. للمصريين ايجابيات وسلبيات .. وطرح هذه الافكار والمواقف التي تقابلنا في حياتنا اليوميه ليس بالعيب ولا بالسئ .. وده لاننا بنشارك برأينا فيها وكل واحد بيدلو برايه في اي موضوع انما يطرح فكره جديده قد تساعد او قد تنير الطريق لشخص آخر ويمكن ان تفيده في تعامله مع الاخرين .. ياريت دلوقتي كل واحد فينا يطرح فكره جديده او قديمه عن كيفية التغلب على المشكلات التي تقابلنا وقمنا طرحناها سابقا.. يعني احنا طرحنا المشكله .. دلوقتي عايزين نفكر في الحل .. مثلا ازاي المصريين يكونوا كويسين مع بعض في الغربه .. وهكذا ..

ارجو ان لا اكون قد اطلت عليكم ... ووو

وربنا يجعله عامر غن شاء الله :sad:

[بنت النيل]

مساالخير ياجماعة

طبعا مافيش مشكلة ابدا من الحوار وسبق وقلنا هذا الكلام واحنا دلوقت ناقشنا المشكلة وذى ما تفضل الاخ ابواحمد وقال نحن الحين نريد الحل تعالو نفكر مع بعض ولو ان فى نظرى الموضوع مش محتاج تفكير كتيير لان حله بسيط

وهو التعامل مع بعض بالنيه الحسنه ومراعاة الله فى كل شىء يعنى الواحد يراعى ربنا فى تعامله مع اخوه المصرى وخصوصا اننا متغربين يعنى محتاجين لبعض اكثر نتقرب لبعض اكثر نناقش مشاكلنا مع بعض

والاختلاف فى الراءى لا يفسد للود قضيه ولا ايه ؟؟

اعتقد هو ده الحل ( النيه الحسنه ..... مراعاة الله فى التعامل .... حرصا وخوفا على بعض.... التقرب اكثرمن بعض)

ده الحل اللى انا فكرت فيه واحب طبعا اسمع راىء باقى الاعضاء

وعلى فكره يا ابو احمد تقدر تقولى ( يامدام فرفوشه ) او ام محمود

وانا عن نفسى كما سبق وقولت اننى على استعداد للتقرب والمعرفه وتكوين صدقات وتعارف انا وزوجى مع اخوانا المصرين الموجودين بالكويت

[بنت النيل]

مساالخير عليكم

بس كان ودى اسئلكم عن عضو كان موجود معنا وكان دايما بيشاركنا برايه وبقالى فترة ملاحظه عدم وجوده

نتمنى ان يكون المانع من المشاركة خير ويكون باحسن حال

وانا بسال عن عضو اسمه ( رمضان ) اكيد عرفينه كان بيشارك معنا من الكويت

نتمنى له الخير وعودة مشاركته معنا

[ياسر ابو احمد]

مساالخير ياجماعة

طبعا مافيش مشكلة ابدا من الحوار وسبق وقلنا هذا الكلام واحنا دلوقت ناقشنا المشكلة وذى ما تفضل الاخ ابواحمد وقال نحن الحين نريد الحل تعالو نفكر مع بعض ولو ان فى نظرى الموضوع مش محتاج تفكير كتيير لان حله بسيط

وهو التعامل مع بعض بالنيه الحسنه ومراعاة الله فى كل شىء يعنى الواحد يراعى ربنا فى تعامله مع اخوه المصرى وخصوصا اننا متغربين يعنى محتاجين لبعض اكثر نتقرب لبعض اكثر نناقش مشاكلنا مع بعض

والاختلاف فى الراءى لا يفسد للود قضيه ولا ايه ؟؟

اعتقد هو ده الحل ( النيه الحسنه ..... مراعاة الله فى التعامل .... حرصا وخوفا على بعض.... التقرب اكثرمن بعض)

ده الحل اللى انا فكرت فيه واحب طبعا اسمع راىء باقى الاعضاء

وعلى فكره يا ابو احمد تقدر تقولى ( يامدام فرفوشه ) او ام محمود

وانا عن نفسى كما سبق وقولت اننى على استعداد للتقرب والمعرفه وتكوين صدقات وتعارف انا وزوجى مع اخوانا المصرين الموجودين بالكويت

السلام عليكم يا ام محمود .. كويس كده .. علشان ما تزعليش او يكون عندك اي شبهه لسوء نيه من طرفي .. فأنا كذلك ابو احمد وناس تانيه .. ولا اجيد سوء النيه لما كتبته مسبقا .. وكنت متوقع ردك في حال ما اذا كانت الحساسيه مفرطه اذا ما مدح الجنس الخشن اللي زيي .. الجنس الناعم اللي زيك .. B)

لكن انا اكن كل الاحترام لكل من في المنتدى من الجنسين .. وقرأت ناس بتمدح في ناس بدون اي حساسيه وذلك لكتاباتهم او نشاطهم الزايد في المنتدى.. :sad:

ثم انك ختمتي بشئ من العنصريه عندما قلتي انك على استعداد للتقرب والمعرفة و و و و مع اخوانا المصرين الموجودين بالكويت .. يعني ايه لو في يوم من الايام جيت ازوركم انا والمدام والاولاد حتقوليلي لا .. انت من السعوديه .. بالتأكيد لا اظن ذلك .. وده لأنك انسانه محترمه وبالتاكيد زوجك محترم وكذلك انا محترم كمثل باقي من في المنتدى .. واعتقد ان احنا في مرحله عمريه متقدمه لا تسمح لنا بسوء الظن .. وهي واحده من ضمن مشاكل المغتربين ... واشكر لك حسن الاستماع .. :D

وبرضه ربنا يجعله عامر ان شاء الله :huh: :D

[ahm_ali_baba]

مكتوب علينا العراك دائما وابدا لا ننا ومع الاسف لا نجيد التحاور

فلو لم نتعارك كشيعه وسنه تعاركنا

كمسلم ومسيحى

او سادتى وناصرى

او اهلاوى وزملكاوى

والان مابين مغترب فى السعوديه او فى الكويت

يا امه لا اله إلا الله

ارحموا انفسكم يرحمكم من فى السماء

الموضوع يتحدث عن وقوف المصرى مع اخوة المصرى فى الغربه ................ هل يحدث هذا فعلا

لقد عشت فترة مع جيران لى من جنوب الوادى ( سودانيين) واقسم لكم بالله أن بيتهم كان طوال العام مثل لوكاندة العتبه ..... فأى زائر سودانى للبلد له حق التضيف عند صديقى لمدة 3 ايام وعادة ما كانت تطول اكثر من 3 شهور .... اى انه واكل شارب نايم مجانا على حساب صديقى

لونفس الشىء نسمعه عن الباكستانيين واللبنانيين والسوريين ... كلهم يساعدون بعهم البعض فى الغربه

والله كنت اجلس بجوارة فى سيارته عندما لمح بعض السودانيات فأوقف سيارة وقدم نفسه لهم ودعاهم لزيارته ومقابله زوجته .... والله هذا حدث وتمت الزيارة بالفعل ... فهل يستطيع المصرى فعلها ام انه سيلاقى حسن الكلام وما طاب مما يتسير من قاموس السباب سواء من المصريات او من ازواجهم لو تمت الزيارة

اكيد هناك من المصريين ممن يحب مساعدة اخوته من المصريين فى الغربه وعند الزنقات وهم كثيرون .................. فلماذ تتوارى قصصهم خجلا وراء قصص حركات النذاله والتجسس عند صاحب العمل

ولماذا نستندل ونتجسس على بعضنا البعض

هل هو طبع ام ضعف انسانى ام مرض والعياذ بالله

ولماذا نحن يا مصريين وليس غيرنا

[النسر المصري]

النسر المصري

مدير فني ومراقب عام الجوده الفنيه في المنظمه العربيه الإقليميه لتطوير البرمجيات التعليميه التابعه لمنظمة UNDP

الكويت

عضو قديم بمحاورات المصريين...منذ عام ????

أكثر من الف وخمسمائة مداخله ولظروف عجيبة فقدت العضويه الأصليه

تربيت في الكويت طول عمري

اتمنى بقى ان نعمل اجتماع للمحاواراتيين المصريين بالكويت...على غرار محاواراتين الإمارات والسعوديه

ها مين عاوز يشارك ويعرف نفسه

[^^^hi^^^]

رائــــــــــــــــــــــــــــع اكيد رائع

رد ام محمود (مدام فرفوشه ) :D رائع بجد و بيلخص حاجات كتير

ام رد ابو احمد فبجد مش عارف اقول ايه اكثر من رائع و فعلا ياريت نعمل كدا ونفيد بعض يا جماعه بخبرات و افكار في التعامل ام المهم في الرد

فانى اخيراااااااااااااااااااااااااااااااا لاقيت حد واخد بالو من مواضيع التلفزيون غيرى .. احمدك با رب

انا كنت يائست خلاص انى الاقى حد فاهم اللى انا قصدوا عارفين السم في العسل اهوه ده بيدونا افكار سم في قلب حوار يبان انه حوار متمدن و كبير

يا ريت يا ريت يا ابو احمد او يا ام محمود حد منكم يعمل موضوع عن قصه التفلزيون دى يبقى ثابت نبين فيه و نناقش فيه البرامج الخادعه دى عشان الناس تفهم يا جماعه اقسم بالله انى في مصايب و الله مصايب في البرامج دى كوارث و اعمق اعماق الافكار الخارجه و التطرف الى الاسوء بس ماحدش واخد بالوا يا رررررررررررررررررررررررررررررررررررررررررررررررررررريت يا ابو احمد او يا ام محمود انا يمكن جديد لان يلتفت لموضوعى احد و الموضوع مهمممممممممممممممممممممممممممممممممممم جدا فوق ما حد يمكن ان يتخيل و لما تعملوا الموضوع شوفوا اللى حيكتب فيه ايه :rolleyes:

عموما ده مش موضوعنا و للاخ ahm_ali_baba

انا مش شايف خناقه و لا اى حاجه بين السعوديه و لا الكويت انا شايف احترام متبادل ليس اكثر

انسانه محترمه اعتقدت ان في حاجه مش عجباها في رد حتى لو مش مقصوده (وده اكيد ) من اللى كتبها بس ممكن اى حد من اللى بيقراها يفهم غلط راحت رد رد محترم وواضح

ورد كاتب الكلمه بردددددددددددددددددددددددددد انا بعتبروا اكثر اكثر من رائع بجددددددددددددددددد وفى من الادب و الاخلاق اللى وضح فكرتوا و انتهى الموضوع

فيها ايه لما نختلف مع بعض ما فيش اى مشكله

لكن المشكله و الللى وصلت الامثله اللى انت ذكرتها دى للنزاع و الخلاف ان ماكنش فيه مناقشه واعيه هدفها الاصلاح و تقريب وجهات النظر بمعنى

ان مش لازم اطلع صح انا مش علامه و لا الراجل اللى مش بيغلط عادى لما اغلط و انت تفهمنى انى غلط بالادب و الذوق لازم اتراجع و اقتنع بالصح

ايه العيب فى ده انا مش فاهم

عموما انا بايد فكره ابو احمد ان احنا نقول راى او فكره تساعد على حل القصه دى و تساعد على التقرب بين المصريين في الخارج و نبقى يا رب زى الاخوه السودانيين ده مثل رائع فعلا بجد و الله حاجه تفرح :D

الاخ النسر المصرى

محاورتين السعوديه لسه متقابلوش ................... او بيتقابلوا و انا معرفش :blink: لو بيتقابلوا عيب واحد محاور اخوك عايز يتعرف عليكم :D يا ريت حد يبعتلى و يقولى المقابلات دى فين :)

و اسف اذا كنت راديت عن ناس مش وجوده (لو ده ممكن يضايقكم انا اسف ) بس انا معجب بردود الناس دى و افكارها وحاسيس انى فاهم ردودهم عشان كدا رديت

ويجعلوا عامر بالحب و الاخوه