هل صحيح المصريين بيقفوا جنب بعض في الغربة

[ياسر ابو احمد]

اولا واخيرا انا باشكر كل اللي عبروا عن رأيهم في هذا الموضوع ... فعلا يا جماعه مفيش مشكله نهائي .. يا باشمهندس احمد علي بابا .. متكبرش المواضيع .. مفيش خناقه بين السعوديه والكويت .. الموضوع ابسط من كده .. من وجهة نظري انا مش شايف اي خلاف بل على العكس تماما .. يمكن يكون سوء الفهم البسيط جدا ده قرب وجهات النظر اكتر ..

شكرا يا أخ ^^^hi^^^ على كل ماكتبته فهو يدل على التقارب الشديد لوجهات النظر بيننا .. وان شاء الله نحاول نكتب عن خطورة جهاز التلفزيون العجيب .. وان كنت اتمنى انك انت تبادر بفتح باب الموضوع ده لتحمسك الشديد في اظهار ما لهذا الجهاز من مفاسد .. قد طغت على كل ما هو جميل في حياتنا اليوميه .. وربنا يجعله عامر ان شاء الله :blink: :rolleyes:

[otaka]

مكتوب علينا العراك دائما وابدا لا ننا ومع الاسف لا نجيد التحاور

فلو لم نتعارك كشيعه وسنه تعاركنا

كمسلم ومسيحى

او سادتى وناصرى

او اهلاوى وزملكاوى

والان مابين مغترب فى السعوديه او فى الكويت

يا امه لا اله إلا الله

ارحموا انفسكم يرحمكم من فى السماء

الموضوع يتحدث عن وقوف المصرى مع اخوة المصرى فى الغربه ................ هل يحدث هذا فعلا

لقد عشت فترة مع جيران لى من جنوب الوادى ( سودانيين) واقسم لكم بالله أن بيتهم كان طوال العام مثل لوكاندة العتبه ..... فأى زائر سودانى للبلد له حق التضيف عند صديقى لمدة 3 ايام وعادة ما كانت تطول اكثر من 3 شهور .... اى انه واكل شارب نايم مجانا على حساب صديقى

لونفس الشىء نسمعه عن الباكستانيين واللبنانيين والسوريين ... كلهم يساعدون بعهم البعض فى الغربه

والله كنت اجلس بجوارة فى سيارته عندما لمح بعض السودانيات فأوقف سيارة وقدم نفسه لهم ودعاهم لزيارته ومقابله زوجته .... والله هذا حدث وتمت الزيارة بالفعل ... فهل يستطيع المصرى فعلها ام انه سيلاقى حسن الكلام وما طاب مما يتسير من قاموس السباب سواء من المصريات او من ازواجهم لو تمت الزيارة

اكيد هناك من المصريين ممن يحب مساعدة اخوته من المصريين فى الغربه وعند الزنقات وهم كثيرون .................. فلماذ تتوارى قصصهم خجلا وراء قصص حركات النذاله والتجسس عند صاحب العمل

ولماذا نستندل ونتجسس على بعضنا البعض

هل هو طبع ام ضعف انسانى ام مرض والعياذ بالله

ولماذا نحن يا مصريين وليس غيرنا

الموضوع بسيط جدا فالمصريين اصبحوا ابناء المدينه و فقدوا بعض طباع القريه فمثال على موضوع الضيافه يعيش معنا الان بعض الاخوه من الارياف كما نقول حاجه غايه فى الاخلاق و الجدعنه مش عارف حاسس ان انا بشوف مصر اللى اهلى كانوا بيحكوا عليها زمان لكن لما بشوف واحد من القاهره مهما كان جدع بيكون متحفظ كده و مش واخد راحته مش عارف هل دى طباع المدينه ولا ايه

--------------------

اما بالنسبه لموضوع الاحترام فده شخصى يا اخت غنوجه و ليس موضوع محل تعميم و انا على ما شفت و عاشرت اكتر ناس بتصبر هما المصريين مش عارف هل الرضا ده حاجه كويسه و لا بيخلى الناس تطمع فيهم

اعتقد ان الاخوه السودانين و الفلسطينيه و السوريين فى موضوع الترابط فعلا متفوقين على المصريين و ده مش عيب و لازم نتعلم و نطور

و يا ريت محدش يقولى سبع تلاف سنه حضاره و لما عثمان احمد عثمان بنى الهرم السودانيين كانوا بيلبسوا ورق شجر و الكلام اللى بيعطل عن فعل اى شئ ده

[^^^hi^^^]

الاخ ابو احمد

لا شكر على واجب دى الحقيقه و انا لم ازد عليها اى شى و المهم ان احنا زى ما قولت نكمل النقاش في الموضع الاساسى

موضوع التلفزيون انا كتبوا فعلا و ربنا يستر :blink:

الاخ المحترم اوتاكا

رد ممتاز و حلو اوىىىىىىىىىىىىى موضوع ورق الشجر و عثمان احمد عثمان ضحكت بجد

(و يا ريت محدش يقولى سبع تلاف سنه حضاره و لما عثمان احمد عثمان بنى الهرم السودانيين كانوا بيلبسوا ورق شجر و الكلام اللى بيعطل عن فعل اى شئ ده)

كلمتين في الصميم و انا موافق على موضوع اخلاق ولاد القريه دى حقيقه و ده يمكن عشان لسه الناس متربطه شويه عن المدينه عموما

و طبعا الترابط حيجى منين يا باشا اذا كان في ناس في القاهره ما تعرفش اسم جارها اللى في الشقه اللى جنبها ايه :rolleyes:

ويجعلوا عامر ( بس حلو اوىىىىىىىىىىىىى موضوع عثمان احمد عثمان اللى بنى الهرم ده :) ........ يا ترى الحكومه اديتوا تمنه و لا زى بقيت المشاريع )

[بنت النيل]

السلام عليكم يا اخوانى

مساالخير يا اخى العزيز ابواحمد فى باديه كلامى حبيت اوضح لك انى عندما طلبت منك ان تقول لى مدام فرفوشة او ام محمود والله كانت بينه حسنه ولا لانى ظنيت اى شىء ولكنى بفضل اللى يقولى كدا وبالاكثر ام محمود وليس اكثر

وكمان لما قلت انى على استعداد للتعارف بمن بالكويت ايضا كنت حابه او اقصد اوضح انى بالكويت والفرصه اكيد اكبر ومحتاحه اكثر للتعارف ولكنى على استعداد للتعارف على المصرين باى بلد كان

وكمان ياسيدى انا على استعداد لاستقبالك انت والاخت العزيزة مدام حضرتك والاولاد بالكويت انت بس تأمر والله مش عزومة مركبيه :blink:

دا انتم تشرفونا وبعدين احنا مش بناقش حكايه سعودية ولا كويت ولا اى بلد احنا بناقش تقارب المصرين باى مكان كانوا

وشكرا يا اخ hi على رودوك الجميلة

واحنا فى انتظار الاراء والافكار والمقتراحات من الاعضاء

واخر كلامى احب اوضح مرة تانية لجميع الاعضاء ان انا عن نفسى عمرى ماباخد كلامى اى عضو بسوء نيه ولكن دايما النيه الحسنه احسن بكتير وكلنا هنا اخوه واخوات

وخلوها على الله تسلم

وربنا يجعله عامر :rolleyes:

[نانو]

رساله خاصه الي غنوجه فرفوشه

انا زي ما هتشوفي عضوه جديده في الموقع و عايشه في الكويت و زي ما اكون عليشه في الصحراء لاني ما فيش ناس هنا كتير اعرفهم

و اخيرا حسيت اني مش اوحدي في الصحراء و يسعدني ان احنا نتعرف

تحياتي لكي و لللجميع

[ياسر ابو احمد]

السلام عليكم .. ام محمود .. اثلجتي صدورنا .. برزانة عقلك وحسن خُلقك وخلقك .. يعلم الله الذي مابالصدور .. من حب وتقدير لهذا المنتدى ومن رائه .. ومن هم اعضاء فيه .. وارتباطي بهذا المنتدى (وان كانت هذه اول مره ) جاء نتيجة للذوق العام الذي وجدته بين اعضاءه .. كذلك الثقافه والادب الملحوظ في كتاباتهم .. ناهيك عن اهم شئ وهو اخواني واخواتي في الغربه .. معلش محدش يقدر يفهم اللي في الغربه إلا اللي زيه مغترب .. وده لان لنا مشاكل واحاسيس مختلفه شويه .. يعني على سبيل المثال لما الواحد بيشوف مصري زيه في الغربه بيبقى سعيد جدا ونفسه يقدمله اي خدمه (مادامت في متناول اليد) .. والشعور ده طبعا بيقل كثيرا عندما تشاهد اي مصري في مصر .. ارجو ان اكون قد وضحت المعنى..

أما عن دعوتك لي انا والاسره لزيارتكم في الكويت .. فهذا والله هو كرم المصريين الاصلاء .. وبدوري فقد قبلت الدعوى وبالفعل قمت بحجز تذاكر السفر لي ولأسرتي المكونه من سبعة افراد .. وسوف نصل اليكم بمشيئة الله غدا صباحا ..

ارجو ان تنتظرونا بمطار الكويت على الا تنسوا احضار سيارة نصف نقل لشحن العائله لمنزلكم الكريم ....

وربنا يجعله عامر ان شاء الله ........ :rolleyes: :blink: :)

^^

^^

^^

^^^^

^^

^^

^^

^^

^^

^^

طبعا ان كنت بهزر .... (وان كنت واثق من حسن الاستضافه) ...... حصل خير زحححيح :D :D

بس انا برضه مش قادر اقول ام محمود .. حاسس انها تقيله على نفسي .. انا حقول فرفوشه ورزقي على الله .. خلاص

[^^^hi^^^]

السلام عليكم يا اخوانى

مساالخير يا اخى العزيز ابواحمد فى باديه كلامى حبيت اوضح لك انى عندما طلبت منك ان تقول لى مدام فرفوشة او ام محمود والله كانت بينه حسنه ولا لانى ظنيت اى شىء ولكنى بفضل اللى يقولى كدا وبالاكثر ام محمود وليس اكثر

وكمان لما قلت انى على استعداد للتعارف بمن بالكويت ايضا كنت حابه او اقصد اوضح انى بالكويت والفرصه اكيد اكبر ومحتاحه اكثر للتعارف ولكنى على استعداد للتعارف على المصرين باى بلد كان

وكمان ياسيدى انا على استعداد لاستقبالك انت والاخت العزيزة مدام حضرتك والاولاد بالكويت انت بس تأمر والله مش عزومة مركبيه :blink:

دا انتم تشرفونا وبعدين احنا مش بناقش حكايه سعودية ولا كويت ولا اى بلد احنا بناقش تقارب المصرين باى مكان كانوا

وشكرا يا اخ hi على رودوك الجميلة

واحنا فى انتظار الاراء والافكار والمقتراحات من الاعضاء

واخر كلامى احب اوضح مرة تانية لجميع الاعضاء ان انا عن نفسى عمرى ماباخد كلامى اى عضو بسوء نيه ولكن دايما النيه الحسنه احسن بكتير وكلنا هنا اخوه واخوات

وخلوها على الله تسلم

وربنا يجعله عامر :rolleyes:

ميه ميه مش حقول اكثر من كدا رد في الجووووووووووووووووووووووووووووووووووووووووووووون

يلا يا ام محمود يا بختك لاقيت ناس في الكوووووووووووويت (نانو) ده مش حسد او تفتكرى كدا .............. ده قر بس :)

يا اخونا هى السعوديه رحلت المصررين و لا ايه مافيش حد في الرياض :D

يا ريتجماعه بقى نتفرغ للموضوع الاساسى و اللى في غايت الاهميه

ويجعلوا عامر

[eltayer]

"إبراهيم الطايرللجادين في الصداقة انقر هنا إنك ميت وهم لميتون"

اعتذر عن الكلام في غير اصل الموضوع .. ولكن رأيت ان الفت انتباه زميلنا إبراهيم بك الطاير للآيه القرآنيه ... الآيه تقول بسم الله الرحمن الرحيم " إنك ميت وإنهم لميتون" صدق الله العظيم..

ولا أدري أخي الطاير ما هو المغزى من كتابة هذه الايه القرآنيه في الامضاء بتاعك .. يعني صراحه انا كل مره اشجع نفسي واحاول ابقى جاد في الصداقه واهم بالنقر هنا .. اشوف الايه .. ايدي ترجع سوسته لورا .. اخاف وارجع تاني .. يعني صراحه .. مش عارف ايه اللي هيحصللي لو نقرت هنا .. :rolleyes:

وماتشفش وحش ان شاء الله :blink:

اخي العزيز انا لم اقصد بــ إنك لميت وهم لميتون بالايه القرآنية ولك اقصد المعني هنا فقط ولذلك كتبتها يالشكل ده وانا لا احب وضع القرآن في غير موضعة

ياريت تكون الملحوظة وصلت

[بنت النيل]

مساالخير اخوانى واخواتى

الاخ ابو احمد كيفك وكيف الحال انشاالله بخير احب اقولك مافى مشكلة لما تقول فرفوشة ياسيدى عادى كل اللى يجى منك طيب وخير وعلى العموم نعتبرها اخ كبير بيدلع اخته الصغيرة هههههههههه :) :D :blink:

انابهزر بس لحسن نضرب :rolleyes:

وعلى فكره ابتداءا من اليوم سوف اعلن حاله طوارىء بمطار الكويت وخصوصا بصاله كبار الزوار وانا جهزه ومعى 2اليموزين المخصوص

اما عن الاخت نانو هلا بيكى حبيبتى اتشرف بمعرفتك والله باى وقت انا تحت امرك وانا كمان سعيدة لوجودك معنا ولانك كمان بالكويت ولا تترددى باى شىء ممكن او باستطاعتى انى اقدر اعمله لك وكمان بدون اى شىء لكى عندى او عندك طبعا الاهم هو التعارف بينا للمحبه والتقارب وده هدفنا وليس للمصحله طبعا ياريت تكونو فهمنى قصدى

وعلى فكره نانو انا موجوده بالفروانيه

[ahm_ali_baba]

اسعدنى ردودكم بقدر ما سأنى سوء ظنى وتسرعى

جميل جدا ان نرى تحابب المصريين مع بعضهم البعض فى الغربه وفى غير الغربه

[نانو]

حبيبتي انت كلك ذوق و انا مبسوطه بمعرفتك و ربنا يخليكي علي ذوقك انا متشكره ليكي اوي انا مش محتاجه غير بس اني الاقي حد قريب في نفس البلد اتكلم معاه

انت عارفه يعني هنروح فين في الكويت و عد غنماتك يا جحا هما مارينا مول وسوق شرق و دمتم

المهم اني حسيت اني لقيت ناس محترمين اوي و مثقفين في المنتدي ده وشويه بيطلع الكبت اللي جوا الواحد و خصوصا ان اجازتي في مصر كانت قصيره السنه ديه ولسه بدري علي دخول الولاد المدارس معلش انا دوشتك ودوشت الناس معايا

انا ساكنه مش بعيد عنك انا في الجابريه و اشوفك بكره في المنتدي ان شاء الله تصبحي و تصبحوا علي خير كلكم

[بنت النيل]

صباح الخير يا اختى نانو

مشكوره حبيبتى على ذوقك انتى وانا سعيدة بيكى خالص

وعلى فكره احنا من مدينة بورسعيد

وكلامك صح هنروح فين بالكويت بس تعرفى انا لما بلاقى نفسى ذهقانه باخد السيارة من زوجى واخد الاولاد ونطلع

بس احنا بنروح اماكن اكثر من مارينا وشرق وخصوصا كمان اننا ماسفرنا السنة دى اجازة يعنى قضيناها هنا :D

وذى ما قلت لكى انا تحت امرك باى شىء وسعيدة بمعرفتك

[النسر المصري]

الاخ ياسر والاخت نانو ووالاخت فرفوشه.......

يعني انا سجلت مداخله باني في الكويت وباشتغل هنا وباعمل ووووو.....

وبعدين ولا حد عبرني!!! انا مش فاهم بقى ده تطنيش ولا ايه النظام

انتو كلكو متفين عليا ولا اييييييييييييييييييييييه (وش محمد صبحي ف المسرحيه اياها) :D :ph34r:

[بنت النيل]

السلام عليكم

ياهلا وغلا يا اخ نسر (النسر المصرى )

اذاى مافى حد معبرك دانت عمنا ياسيدى ولا نقدر على زعلك بس ذى ماتقول العتب على النظر :ph34r:

وبعدين تعالى هنا بقى بتقول انك فى الكويت طب يا سيدى ملاقيش عندك واسطه ولا حاجة مندى لوظيفة تصدق بقالى سنة بدور على وظيفه بالكويت مع انى بقالى فيها 10سنوات وكنت بشتغل بس لظروف قوية اجبرتنى على ترك العمل لفتره وبعدين لما فكرت اشتغل بقى الموضوع صعب كل ماروح اقدم لشغل الاقى حد جاى بوسطه ومعارف وتبوظ الحكاية وارجع تانى ادور وادينى مقدمه بشركة بس شكلها كدا هتروح لنفس السبب

ادينى رديت عليك ياسيدى واديك جلبت لنفسك B)

وعلى العموم من غير حاجة انت منورنا ومشرفنا وحامينا ياعم نسر :D

[النسر المصري]

الاخت العزيزة فرفوشه. انت حضرتك تأمري أمر...انا حاضر لأي خدمه ياست الكل...انت بس عليك تبعتيلي عالخاص السي في بتاعك وانا وحيااتك هاعمل كل اللي اقدر عليه باذن الله.. وهلا وغلا بيك ياسيدتي :D

[ياسر ابو احمد]

هلا وغلا .. اللي بنظره منه تخلينا ولا .................... حاجه طبعاً :wub:

مرحبا دائما ابدا بكل من هو مصري وبالأخص المغتربين منهم ... مرحبا بالنسر المصري .. مرحبا بالمغتربين بالكويت و من جاورهم .. وباعتباري لم ازر الكويت من قبل وان كان لنا مكتب هناك ..

ده انت حتى اسمك لا يمكن ان يتجاهله مصري فله معنا ذكريات طويله في المصالح والدوائر الحكوميه المصريه ....

(مجرد دعابه بريئه .. اوعى تزعل مني :huh: )

[نانو]

حبيبتي غنوجه انا لسه جايه الكويت من سنتين بس و لسه مطلعه رخصه السواقه و مش حافظه اي طريق غير الدائري الرابع و دمتم

و مستيه الاقي شغل زي حالاتك علشان اتشجع و اخذ العربيه من جوزي واخرج انا والعيال بس مش مشكله كفايه اني بشوفك هنا و بشوف كل اصحابنا هنا

و مش عارفه ازاي اعرف ايميلك مثلا علشان نتعرف اكتر

rolleyes

: هلا و الله يا نسر مصر

و الله غصب عني انا ما اعرفش انك بالكويت

ده انا بلالي من الصبح و بدور علي حد مصري في الكويت علشان انا حسه اني في الصحراء

و عموما احنا كلنا اهل و كل ما نزيد البركه هتزيد يا نسر بس انا مش عارفه ازاي بنتعرف علي بعض

معلش انا عضوه جديده وجاهله شويه في الموقع ياريت حد يقولي ادخل في اي مكان علشان اتعرف علي بيانات الاعضاء و احط بياناتي

و تاني ما تزعلش يا نسر مافيش تجاهل لا سمح الله مقصود...... هو احنا نقدر ....ما كنا ولا عشنا

[ياسر ابو احمد]

يا نانو ... اسمحيلي اقولك .. مساء الخير ..

لو عايزه تعرفي القليل عن بيانات الاعضاء ... اطلعي فوق الى بداية الصفحة .. حتلاقي على الشمال كلمتين .. وهما ... لوحة التحكم ... انقري بالماوس عليها و خلاص .. ممكن تضيفي اصدقاء او تعملي اللي انتي عايزاه ... واذا كنتي عايزه تعرفي اكتر .. روحي على الصفحه الرئيسيه للمنتدى .. وانزلي اسفل الصفحه .. حتلاقي اسماء الاعضاء .. انقري بالماوس على اي واحد منهم .. وانتي تشوفيه بيعمل ايه ... وبياناته ايه..

بس خلاص وربنا يجعله عامر .....

[بنت النيل]

صباح الخير على الكل

اختى العزيزة نانو

اولا ربنا يوفقك وتحصلى شغل انا وانتى يارب :huh:

انابقى ياستى بالكويت من 10 سنوات وعلى فكره احنا ساكنين ببورسعيد بمساكن اسمها التعاونيات

اما بقى بخصوص الخروج لا لا انا اشطر منك انا عارفه معظم مناطق الكويت وباخد السيارة والاولاد وبطلع الفها حته حته

طبعا الاماكن اللى فيها المجمعات والاسواق ولو تحبى والله تيجى معاى مفيش اى مشكلة امرك واخدك انا بخرج ذى مابقولك لوحدى والاولاد محمود وخلود واطمنى السيارة فورد اكسبلورا يعنى تاخد وتشيل وتساع من الحبايب الف :wub:

ودى مش عزومه مراكبيه والله بكلمك جد دانا مصرين وكمان بلديات يعنى مش محتاجين عزومه

وكمان بالنسبه لو عاوزه تقوللى حاجه خاصه ممكن تبعتيلى رساله على الخاص اقولك اذاى

شوفى باخر الكلام اللى بكتبه فى تحت مربع مكتوب عليه رساله خاصه اضغطى عليه هيفتح معاكى كانك بتبعتى اميل بظبط

واكتبى اللى انتى عاوزاه وانزلى تحت اضغطى ارسل وهى هتوصلنى

وعلى فكره ابقى تاكدى من اللى مكتوب فوق المرسل اليه هتلاقى اسمى غنوجه اتفقنا

[نانو]

صباح الفل علي الجميع

الف شكر يا ياسر و تسلم علي المساعده

معلش اصلي كنت حاسه اني تايهه في المنتدي و الغباء وحش و قعده البيت صدت المخيخ

غنوجه هارسلك دلوقتي علي الخاص و ربنا يستر (ايدك معايا والنبي :huh: