هل صحيح المصريين بيقفوا جنب بعض في الغربة

[eltayer]

ياجماعة خلينا في الموضوع وبلاش الاحاديث الجانبية ولا هي دي طبيعة المصريين

[ياسر ابو احمد]

تعقيب صغير على الاخ ابراهيم الطاير ...

ايوه ياستاذ ابراهيم فيه تعاون والله .. اخت من الاعضاء سألت عن شئ واحنا جاوبناها .. يعني الاجابه على سؤال الموضوع الرئيسي .. هل المصريين بيقفوا جنب بعض في الغربه ..

نعم .. انهم لكذلك .. وإن اختلفت النسب .. وطريقة المساعده .. .وقد اجبنا عليه بشكل عملي ..!!

وياريت حضرتك تحكي لنا عن ما شاهدته من اختلاف المصريين في دبي مثلاً... ولا اذا كان ده حيضايقك بلاش ..

وربنا يجعله عامر ...

[بنت النيل]

ايوا يا اخ ابراهيم

بصراحه انامش عارفه انت قصدك ايه من حواراتك بجد

وذى ما الاخ الفاضل ياسر تكرم وجاوبك انه كان سؤال واحنا جاوبنا عليه واذا كانت الاجابات فيها محاورات بين الاعضاء ده بس عشان يتاكدو ان فعلا المصرين بيقفو جنب بعض بالغربه

ولكن ياريت لو تفضلت بالحديث نرجو عدم التعميم على الكل لان كماسبق وقلنا دايما الكلمه الاولى هى اللى بتسيب اسر فى النفوس والتفكير

وبعدين ايه قصدك يا اخى بكلمه هى دى طبيعه المصرين ؟؟؟ :wub:

بالمناسبة صحيح الاخ ابراهيم منين ؟؟

[^^^hi^^^]

ايه يا جدعااااااااااااااااااااااااااااااااان كلكم على الراجل و لا ايه :o

صحيح يا طاير احنا كنا منتظرين ردك على اكثر من سوال و ماسمعناش منك رد و ياريت يا طاير بلاش الكلام اللى ممكن يضايق الناس

زى دى طبيعه المصريين ما قولنا بلاش التعميم و اتفقنا عليه و لا حنرجع نعيد الكلام من تانىىىىىىىىىىى :wub:

اما الردود اللى فاتت فهى دليل ان في ناس بتتعاون و بتتفسح يا بختها mfb: وده بقى حسسسسسسسسسسسسسسسسسد طالما القر مش جايب نتيجه ;)

ويجعلوا عامر يا رب بالحب ما بين الناس (اتقبلتوا و لا لا يا نانو ) mfb:

[last_Samurai]

بسم الله الرحمن الرحيم

موضوع بجد مهم على فكره يا طيار الناس مش زى بعضها وممكن تقابل الوحش وتقابل الحلو

والناس لوكلهم حلوه يبقى كده ملائكه

بص يا طيار مشكله المصريين انهم بيبعدوا عن بعض اوى

بس برده مش كلهم

ماشاء الله انتوا كلكم قريببن من بعض

طيب انا فى الصين

حد مصرى فى الصين يا جدعا!!!!!!!!!!!!!!!!!!!!!!!ن

هههههههههههههههههه

وشكرا لكم جميعا

[eltayer]

ياجماعة انا علي استعداد ان اجواب علي اي تسائل لاي حد من الاعضاء ولو لحظتوا انا كررتها اكثر من مره انا مبعممش

[بنت النيل]

السلام عليكم

كيف الحال يا اخوانى فى الغربه

لقد لاحظت شىء يحدث ممكن يكون هو اللى بيسيب اثر او اعتقاد ان المصرين مش بيقفو جنب بعض بالغربه والشىء ده عن تجارب لبعض الناس حدثت معهم بالفعل الا وهى :

ان مثلا واحد يتعرف على شخص ويكون عنده مشكلة او عاوز خدمه لاى شىء كان فيطلب منه المساعدة وباللفعل لا يتردد الشخص المطلوب منه المساعدة فى الرد عليه انت تامر بس كدا انشاالله ربنايسهل واحاول اعمل اى شىء لخدمتك..... شىء جميل جدا

وبالفعل يقوم الشخص بعمل اى شىء لمساعدة هذا الشخص وللعلم انهم الاتنين مصريين ويحاول حل مشكلته

وفى بعض الاوقات ينجح فى مساعدته بالفعل ولكن كثيرا مايستطيع هذا الشخص فعل شىء ولايستطيع حل المشكلة او المساعده رغم انه حاول بالفعل

متفقين لغايه دلوقت معايا...........

المشكلة بقى تاتى من هنا عندما لا يخبر هذا الشخص طالب المساعدة بانه بالفعل حاول عمل اى شىء لمساعدته ممكن اوى يرجع السبب لانه يحرج ان يخبره هذا الشىء ولكن يقول لنفسه انا هسكت او ذى مابيقولو كدا بالعاميه ( اطنش ) وهو مش هيسال تانى

دى بقى اكبر مشكلة لان فى الحاله دى بتسيب اثر عند طالب المساعدة ان المصرين مش بيقفو جنب بعض وان كل ده مجرد كلام وخلاص

ولكن تخيلو اذا كان اخبره بما حاول فعله لمساعدته ولكن الظروف لم تسمح اعتقد ان كدا افضل على الاقل لن تترك هذا الاعتقاد وبالتالى راح يقول طالب المساعدة انه فعلا عمل اللى عليه وبالتالى هيقوم بشكره ايضا

يارب تكونو فهمتو قصدى

[ملاك]

السلام عليكم

انا ممن يؤيد ان الناس تختلف عن بعضها البعض فمثلا انا صدمت فى صديقه لى مصريه وهى دائما تقول اننى مثل اختها تماما ونحن نسكن فى نفس الشارع وعندما وضعت طفلى لم تقف بجانبى ولم تكلف نفسها باحضار طبق شوربه مثلا او اى شئ مما اعدته فى منزلها وكان زوجى يشترى لنا السندوتشات فى هذه الفترة لأننى ليس لى أقارب فى غربتى صراحة صدمت ولم أجد تفسيرا لها ومع ذلك ليس كل البشر سواء

[Lembic]

السلام عليكم

انا ممن يؤيد ان الناس تختلف عن بعضها البعض فمثلا انا صدمت فى صديقه لى مصريه وهى دائما تقول اننى مثل اختها تماما ونحن نسكن فى نفس الشارع وعندما وضعت طفلى لم تقف بجانبى ولم تكلف نفسها باحضار طبق شوربه مثلا او اى شئ مما اعدته فى منزلها وكان زوجى يشترى لنا السندوتشات فى هذه الفترة لأننى ليس لى أقارب فى غربتى صراحة صدمت ولم أجد تفسيرا لها ومع ذلك ليس كل البشر سواء

طبعا المصريين بيقفوا جنب بعض فى الغربة ..... علشان يتفرجوا على مصريين تانيين وافقين جنب بعض :)

[بنت النيل]

الاخت الفاضله ملاك

كويس اوى انك بدءتى كلامك بان الناس مش ذى بعضها

الواحد بيقابل من كل نوع يعنى عندك ناس بتتعرف لمجرد المعرفه اللى بنقول عليها كدا على الماشى

وفى اللى بيتعرف للمصلحه عشان له مصلحه عندك بيسعى لمعرفتك

وفى اللى بتعرف للصداقاه والمحبه والعشرة وتكون ليس لها اى مصلحه عامه

وعلى العموم ياسيتى ولا تزعلى لو انتى كنتى جارتى كنت عملتلك ديك رومى مش طبق شوربه :blink:

انت بس تامرى

وعلى فكره انتى مقيمه فين ؟؟؟

[ملاك]

سلام عليكم

انا اعيش فى الغربة وصراحة اؤمن بأن الناس تختلف عن بعضها فمثلا حينما وضعت طفلى كنت اعتقد ان جارتى المصرية ستقف بجانبى والتى كنت اعتبرها أخت لى ولكنها لم تبد اى أهتمام بى وكنا نشترى سندوتشات ولم تكلف نفسها ولو لمرة واحدة فى مساعدتى فى شئون المنزل وبالنسبة لشعورى فعلا صدمت فأنا بصدق لو كنت مكانها كنت سأسخر نفسى فى خدمتها دون ان تطلب منى ولكن هذه طبيعة فى هذه الشخصية وليس فى المصريين كلهم والناس معادن

[Lembic]

سلام عليكم

انا اعيش فى الغربة وصراحة اؤمن بأن الناس تختلف عن بعضها فمثلا حينما وضعت طفلى كنت اعتقد ان جارتى المصرية ستقف بجانبى والتى كنت اعتبرها أخت لى ولكنها لم تبد اى أهتمام بى وكنا نشترى سندوتشات ولم تكلف نفسها ولو لمرة واحدة فى مساعدتى فى شئون المنزل وبالنسبة لشعورى فعلا صدمت فأنا بصدق لو كنت مكانها كنت سأسخر نفسى فى خدمتها دون ان تطلب منى ولكن هذه طبيعة فى هذه الشخصية وليس فى المصريين كلهم والناس معادن

نصيحة غالية جدا:

إوعى (مذكر و مؤنث) علشان الطرف الأخر مصرى يبقى أصاحبه / أصاحبها. كونه / كونها مصرية ليس المهم. يعنى نظام فى ناس مصريين هناك أهم يالا نصاحبهم هو الكارثة الكبرى. وإلا كان كل المصريين فى مصر صحاب بعض. التصرف فى الغربة يكون أكثر إحتراس منه فى مصر كمان لأن أى واحد ممكن يخبى عيوبه فى الغربة بسهولة.

وشكرا

[se_ Elsyed]

اليوم هو يوم الخميس .. أي نص يوم عمل وبنخلص فيه على الظهر كده .. وبأستغل اليوم ده وبأروح أنام نوم عمييييييييييييييييق .. المهم روحت إتغديت ونمت وماصحتش إلا من حوالي ساعتين ... ولقيت ييجي 20 ميسد كوول من نمره موبيل ما أعرفهاش .. فأتصلت وقولت للطالب : أي خدمه وحضرتك مين ؟ فقالي أنا ما أتصلتش من أساسه .. وخلصت المكالمة وقفلت السكة ... فدخلت المطبخ أدور على مانجايتين في التلاجة أتقوت بهم .. وأذ بي أسمع التليفون بيرن تاني ومن نفس النمرة . فقلت جبته لنفسك .. فقلت للراجل إيه يا عم يا بتاع الميسدات إيه نظامك وحكايتك إيه ؟ فقالي إنه لسه واصل السعودية دلوقت من مصر وإنه أفتكر إن في شخص أستأذنه في التليفون عشان يكلمني .. وطلع الشخص ده هو نسيبي الذي سيصل اليوم .. وهو جاي بالسيارة وعلى ما وصل ميناء الغردقة أكتشف إنه نسي محفظته بمصر وبها إقامته ورخصة القيادة و و و كرت الصراف الآلي وكنت قد وضعت له مبلغ يخصه في البنك أول أمس عشان يسدد فواتير التليفون ويصرف منه في الطريق من ميناء ضبا إلى الرياض ... فالمهم شكرته وقلت له اسف على الأسلوب اللي دخلت بك فيه ..

المهم بعدها بساعة أتصل نسيبي من أحد الكبائن العامة وقالي على القصة وإنه أبيض على الحديدة وفلوسه في البنك ومش قادر يسحب منها وعاتبني على دخولي شمال في الراجل اللي ما يعرفوش واللي عرف القصة راح خرج الفلوس اللي في جيبه وقسموها سوا ..

ملحوظة : الراجل مصري زيه زيينا ..

ملحوظه أخرى : نسيبي عنده تدريب في مدينه جده لمدة 10 أيام والراجل جاي مباشرة على الرياض .. يعني ممكن يفتكر إن نسيبي نصاب وهايضرب على الفلوس .....

نسيبي بقى من النوع البركاوي .. يعني ينزل من العربية يسيبها مفتوحة .. يروح مكان ينسى محفظته .. كل يوم يضيع مفاتحيه ويدوخ دوخة الأرملة على معاش جوزها وهكذا

وسبق أن حكيت لكم السنة الماضية عن موقف حصل له برضوا وهو راجع من مصر لما وصل مدينة تبوك وكان يحمل في جيبه دولارات ولم يجد أي محل صرافة أو بنك فاتح عشان يغير منه فلوس .. وأثناء وقوفه في أحد الإشارات فتح قزاز العربية وسأل الشخص اللي جنبه في السيارة عن اي حد بيغير فلوس - وطلع الشخص ده بالصدفة مصري - ... فقال له إن تبوك مدينة صغيرة وما فيهاش محلات صرافة من أساسة .. واصطحبه إلى منزله هو عائلته وأتعشى وأعطاه مبلغ محترم وحلف 100 يمين ما هو واخد مقابلة دولارات ولما يوصل الرياض بالسلامه يبقى يحولهم في حسابه في أي وقت ( قصص وحكاوي مريخيه مش كده ؟ ) الراجل ده يا جماعة شغال في شركة حافل للنقل البري .. فلما كنا نازلين الأجازة أنا ونسيبي فقط بالسيارة وكانت عائلاتنا قد سبقتنا في أول الصيف إلى مصر .. أتصلنا بهذا الشخص في تبوك عشان يأكد لنا الحجز وإذ به يحلف برضوا 100 يمين إننا لازم نحود عليه في تبوك ونقضي ليلة لديه إلى أن يحين موعد إبحار المركب بدلاً من النزول في فندق وإنه سيجهز المكان وما إلى ذلك ....

وغيرها وغيرها من النماذج المُشرفة التي نفتخر بها في الغرُربة على مدار تلك السنوات الطويلة ...

يبقى من العيب إن إحنا نشوه صورتنا لمجرد وجود نماذج سيئة هنا أو هناك وهي موجودة في جميع الجنسيات .. حيث لم يختص الله عز وجل جنس من الأجناس أو عرق من الأعراق بالصفات الطيبة .. وأختص الأخرين بأرذل الصفات ...

بالمناسبة الأخوة اللي بيشتكوا من ندالة المصريين في الغربة وما إلى ذلك .. ما تبقوا تحكوا لنا شوية عن أنفسكم بأعتباركم ملائكة وسط الشياطين .. وبأعتباركم أيضاً النقطة البيضاء التي توجد وسط الثوب الأسود

[New]

يبقى من العيب إن إحنا نشوه صورتنا لمجرد وجود نماذج سيئة هنا أو هناك وهي موجودة في جميع الجنسيات .. حيث لم يختص الله عز وجل جنس من الأجناس أو عرق من الأعراق بالصفات الطيبة .. وأختص الأخرين بأرذل الصفات ...

الله ينور عليك...

انا ضد التعميم وخاصة فى الموضوع ده... انا مش عارف ليه المواقف الوحشة هى اللى بتلزق فى ذاكرتنا بصمغ حبشى والمواقف الكويسة بتتمسح وما نفتكرهاش؟؟؟

بصراحة لو افتكرت موقف وحش من المصريين فى الغربة ففيه عشرات المواقف الكويسه فى المقابل..

[بنت الشاطئ1]

السلام عليكم ورحمة الله وبركاته

أولا

هل ممكن ان تقبلونى صديقة فى محاورات المصريين وخصوصا فى الغربة

ثانيا

اقول لعزيزتى ملاك اننى مررت بنفس الظروف تقريبا عندما وضعت طفلى ولم أجد من يساعدنى أيضا سواء المصرية او التونسية او السورية وأنا رأيى فى هذا الموضوع ان من يعمل معروف فى الناس فان الثواب عند الله فلو كل انسان تذكر الله فى هذه اللحظه ويسأل نفسه ماذا يريد الله منى فى هذه اللحظه فهذه أخت مريضة اذن لابد ان ازورها لله وألبى مطالبها أو هذا أخ يحتاج للمال وهذا للمأوى فيقوم بالعمل ابتغاء وجه الله وهكذا ليس مع المصريين فقط ولكن مع جميع المسلمين بمختلف الجنسيات وأهمس فى أذن الأخت ملاك ان هذه هى طبيعة الغربة كل انسان لابد ان يعتمد على نفسه ويحتمل أذى الأخرين ويرد الأساءة بالمعروف وما عند الله لا يضيع وشكرا للأخت بنت النيل على ردودها الجميلة

[بنت النيل]

مسا الخير

اولا طبعا لينا جميعا الشرف وعن شخصى بذات بان ارحب بيكى

يا اخت بنت الشاطى وبان تكونى صديقة دائمة لنا :angry2:

وانتى فعلا عندك حق فى كلامك لازم الواحد يعتمد على نفسه وكمان ماينتظر جزاء ماعمله من خير فى اى شخص

كله لله واحده

ايضا احب اقول للاخت ملاك لا تتسرع بالحكم على هذه الجاره ممكن جدا تكون هى مستعده للمساعده ولكن فى ظروف اقوى منها منعتها والله اعلم بكل انسان وحياته يعنى مثلا ممكن تكون هى كويسة وبتحب تساعد الناس ولكن زوجها مختلف عنها فكل واحد يلتمس العذر للتانى

وذى مابيقولو كدا بالبلدى ربنا ما يحوجنا غير لله واحده

ومره تانية نورتينا يا اخت بنت الشاطى

[se_ Elsyed]

إلى أخوتنا سيدات المنتدى الفاضلات

والله يا جماعة أنا شوفت نماذج في مواضيع الوضع دي بالذات وكمان موضوع لما ناس تكون راجعة من رحلة الحج مثلاً بين المصريين وخصوصاً السيدات .. تجعلك تقول إن إنت عايش في المدينة الفاضلة ..

فتجد الجارات يقسموا بينهم وبين بعض خدمة الجارة التي وضعت قريباً ويعتنوا بها ولا كإنهم أهلها من دمها ولحمها ..

كذلك هنا مستحيل تلاقي عيلة مثلاً راجعة من الحج منهكين وتعبانين وما تلاقيش الجيران أول ما يرجعوا يطبخوا لهم أكل أو يشتروه جاهز عشان ما يخلوش الناس دي يتعبوا نفسهم ويحملوا هم الطعام ...

أيوه ممكن يحصل تطنيش أو ندالة من البعض .. لكن تذكروا دائماً إننا يجب أن نلتمس لإخوتنا سبعين عذراً .. قد تكون الجارة دي عندها زوج شديد أو بخيل أو بيمنعها من الاختلاط بجيرانها ... وقد يكونوا بيمروا بظروف صعبة وما يقدروش يعملوا الواجب مع جيرانهم في هذا الوقت بالذات... إلخ

ولكن طالما إحنا بنعتبر نفسنا الجانب المُشرق والجانب الواعي ونُمثل كتلة الخير .. يبقى من واجبنا فعل هذا الخير والمبادرة إليه .. بدون أن ننتظر المقابل أو الرد من الطرف الأخر ....

وأخيراً " إن الله لا يُضيع أجر من أحسن عملاً "

[بنت النيل]

احسنت قولا يا اخ سى السيد

بصراحة انت قولت كلام كتير وعبرت عن اللى كنا عوزين نقوله ونوضحه

والله عن جد وتجربة شخصيه ان حصل فى عمارتنا حاله وافاه لسيدة مصرية مش قادرة اوصف لكم اد ايه الناس كانت واقفه معاهم

لدرجة ان جارى كان فاتح بيته لاستقبال العزى للرجال عنده والله لمده ثلاث ايام وبيته مفتوح لهم والكل كان بيعمل اللى بقدر عليه وطبعا الواحد مش بيعمل كدا وبيكون منتظر اى شىء

وذى ما ذكر الاخ الكريم سى السيد

( ان الله لا يضيع اجر من احسن عملا )

وانشالله مجمعين على الخير والمحبه

وكمان فى حاجة صحيح احنابنقول كدا بس ساعات بيجى علينا اوقات مش بنقدر نعمل شىء او الظروف مش بتسمح لنا بعمل شىء او تقديم مساعدة يعنى المقصود ان مش كل الناس دايما متاحه لهم الفرصه دى

[ياسر ابو احمد]

السلام عليكم ..

لو فرضنا انك ...

- بتدّور على سكن جديد .. ياترى حتدور على جار اجنبي (عربي - هندي - باكستاني ...) ولاّ مصري ..؟؟!!

- عايز تدخّل اولادك المدرسه .. يا ترى حتدّور على مدرسه لا يوجد بها تلاميذ مصريين ام العكس ؟؟!!

- عايز تروح تتغذى في مطعم انت والابناء .. يا ترى اي مطعم سوف تختار ؟؟!!

- عايز تروح تعمل بيكنك .. تتفسح.. في الجناين والمنتزهات .. يا ترى ايه نوع الصحبه (الجنسيه) اللي حتكون معاك .. ؟؟

- عايز تسيب هذا المنتدى وتروح منتدى اخر .. يا ترى حتقدر ..؟؟!!

أخيراً في الرد على الاسئله .. سوف تجد الاجابه التي نبحث عنها ..

عايز اقول انك مش ممكن تلاقي مصري لوحده في وسط اجانب .. لازم يكون معاه سند .. لازم يكون معاه جزء من الوطن .. ألا وهو مصري آخر مثله ..

وربنا يجعله عامر ان شاء الله ..

تم تعديل 26 أغسطس 2006 بواسطة ياسر ابو احمد

[eltayer]

اخواني واخواتي

في البداية لان شخص اراد ان يعرف انا منين في مصر

اولا انا اسمي ابراهيم الطاير من كفر الشيخ اعمل حالياً في دبي ،ولليعرفوا دبي انا بعمل في القوز طبعا رقم موبيلي اللي عوزه عادي بس يبعتلي رسالة علي الخاص ويكتب شوية معلومات عنه ورقم موبيلة وانا هبعتهولة علطول

بس انا عاوز اعرفكم حاجة طبعا ارائكم كلها كويسة طبعا انا متفق مع بعضها ومش متفق مع الاخر وده طبيعة الحوار الجيد طبعا مش ممكن اوافق علي الكل وارفض الكل المهم انا لما عرضت الموضوع طبعا يبقي انا بحب مساعده الاخرين وتكوين اصدقاء جدد وده لان لسة جي دبي جديد ومعرفش حد فيها خالص وللصدفة اول مصري قبلتة في دبي كان لو تسمحولي ندل شوية ومن البداية انا معممتش وصيغة السؤال توضح هل يوجد مصريين بيقفوا جنب بعض ولا لا ؟ المهم عرفت اجابات كتيره وقصص كتيره

ودلوقتي عاوز كل واحد يرد علي السؤال بنعم او لا

الاختيار صعب كلمة واحدة ( نعم / لا )

ارجوا الرد..........!!!

هل صحيح المصريين بيقفوا جنب بعض في الغربة ؟