بابا حسني.....!

[khedr]

أبي الحبيب حسني

مقدمــه لسيادتكــم بُرعم نشــأ فى عهدكــم وتربّــى فى كنفكــم وشرب من بحــر علمكــم وحكمتكــم التى أذهلــت العــدو قبل الصديــق

تسمـحلي أقــولّك يابابا ؟

بابا أنا تعبــان أوي ....لأ مــش سنانــي دي ودانــي !!!...أيــوه ودانــي ..أصلي سمعــت كتيــر أوي عن حاجــات حلوة حتحصــل لنا وما حصلــش منها حاجــة ...حقول لك شويــة حاجــات منها واخواتي هنا يمكــن يحبــوا يزودوا عليها شــوية حاجات تانيــة جايز أكــون نسيتها ... بابا مــش عايزك تزعــل منى علشان فتحــت لك قلبــي

(1) بابا...مصــر فى السياســة والإقتصــاد وحتى فى الرياضــة بقت في الحضيض.. بقينا في آخــر القايمــة يابابا صــدقنى

(2) الدول اللى كان محــدش بيسمع عنــها خالــص بقت أحسن مننا بكتيــر أوي يعنــى دول زي الهند...الفلبين...حتى تايــلاند عندهم إيــدز وبرضه بيشتغلــوا وبيصدّروا كمــان....إنت نمــت يابابا؟ .....لسه صاحي... طيب أكمــل

(3) بتشــوف قناة الجزيــرة والعربيــة ودبى يابابا....شوف همّه وصلــوا وبقوا إيه واحــنا بقيــنا إيه....الإعــلام بتاعــنا بقه زبــالة بصراحــة يابابا...تفتكــر ده من إيــه؟

(4) المصرييــن اللى عايشيــن بره محــدش بيســأل فيهم خــالص يابابا....تصــوّر لو حــد منهم مات ...السفــارة مابترضــاش تبعت جثته إلا لــو الناس لمّــت من بعضها ودفعــت المعلــوم......ده غير إن سفــاراتنا بتعاملهم بطــريقة أخر جليطــة وقلّة حيا بصــراحة

(5) إحنا مابنزرعــش قمــح ليه يابابا ؟؟؟....أنا عــارف إنــك بتحب الكنتلــوب علشــان طعمــه أحلــى ....مش مهــم

(6) بابا...بيقولــوا إن إسرائيل ممكــن ترجــع تحتلّنا تانى علشــان المعاهدة اللــي عمّــو أنــور مضى عليها دي.....مينفعــش تلغيــها يابابا وندخّل جيــش مصــري في سينا

(7) هــوه ليه عمــو عمرو خــالد وأنكــل يوســف القرضــاوى ملهمش برامــج على التليفزيــون المصــري يابابا ؟؟؟....ليه كل البــرامج بتطلــع فيها روبــي ونانســي ودينا؟؟؟....طــب عمو طنطــاوي مابيزعلــش لما بيشــوف الحاجــات دي ؟

(8) فيه إشاعــة بتقول إن عدد الجــراد اللى هاجم مصــر 70 مليون جرادة يعنى نفــس عدد شعــب مصر وإن عمــو كمال الشاذلى هــوه اللى بعتهــم علشان يقولــوا نعم يامبارك .... صحيــح إنهم كتبــوا ليك مبايعة علــى ورق الشجــر يابابا؟

(9) بابا ..... وزير الزراعة الجديد ده باين عليــه فقــر وقدمــه نحــس .... اوعى تفرط فيــه يابابا لأنــه بقى أملنــا الوحيد

(10) بابا...إنــت صحيح ناوي تجــدد تاني في 2011 ؟؟؟

باباااااااا......سيب شعرررررري ياباباااا.......مين الناس دول يابابااااااااا همّا واخدني ورايحين على فين يابابااااااااا

منقــــــــــــــــــــــــــــــــــــــــــول

الموقع

مصريون بلا حدوووود

[محمد عبدالعزيز]

ياترى هل يجوز عقوق اﻵباء فى مثل هذه المواقف؟

شكراً على التصحيح يا hopsan

تم تعديل 19 يوليو 2006 بواسطة محمد عبدالعزيز

[hopsan]

ياترى هل يجوز عقوق اﻵباء فى مثل هذه المواقف؟

نعم يجوز عقوق الآباء فى مثل هذه المواقف و بالجزمه كمان بس يكون لونها اسود علشان البنى دى لأحمد عز

مش معقول انت تصحح و انا اقف اتفرج

تم تعديل 19 يوليو 2006 بواسطة hopsan

[عمر عباس]

الاخ العزيز / خضر

أولا - نحمد الله على سلامتك وعودتك هنا تانى .....

ثانيا - لا يستحق هذا المنكر لقب بابا ....

ثالثا - ربنا يجعل من غضبه عليه آية لفضحه ويطول عمره الى أرزله الذى بدأ ويكون للعالمين عبرة

[khedr]

عم عمر

الحمد لله عادت الميه الي مجاريها

وعدت الي احضانكم الحبيبه

انا مش معاك في الدعاء

ويطول عمره

اكتر من كده هيخرب المخروب

بابا دي مش لقب...دي غضب

hopsan

الجزمه هتعمل ايه في كل ده

ده باتا من غلبه معاهم هيقفل ابوابه قريب

دي عالم مش عايزه جزم دي عايزه مدافع ماركه اسلامبولي

محمد عبدالعزيز

يجوز... لا طبعا

ده يقين