كلام فى المليان

[ragab2]

.

كلام فاضى

أو فارغ أو حتى كلام مليان

كله

فى الهجايص وجنان فى جنان

امتى

يكون الكلام فاضى

وامتى يكون خيبان

وامتى

الكلام الفارغ يبقى صاحبه فنان

وكلمة على كلمة تعمل حب

بين الحبيبة ويصبحوا زوجان

والكلمة الفاضية

تعمل مشكلة وصاحبها خسران

ولما الكلام فارغ

ليه نقوله ونعيده كمان

ان

كنت حبيب قول أى كلام

يصبح

كلامك شعر وموزون بالميزان

حتى

لو دشيت وقلت يافجل ريان

يفتح لك حبيبك قلبه ويصغى بالآذان

ولو

انت صاحب حق يظهر الحق ويبان

وحتى لو قلت زور

تبقى صاحب حق بطلاقة اللسان

لو كنت فى الكلام بخيل

يضيع منك الحق وتصبح غلطان

ولو كنت

فى الكلام جميل اللسان

تكسب بدون حق

وتبقى غنى عن البيان

الكلام الفارغ كتير

وفيه منه نوعان

كلام رجالة فاضية

والتانى كلام نسوان

كلام الست

مقبول حتى لو كان بهتان

وكلام الراجل

محسوب عليه ومربوط باللسان

خلى بالك

الحيطان ليها ودان

الكلمة الجامدة زى حجر صوان

اذا اطلقتها تصبح بعدها حيران

ماتقولش كلمة تصبح بيها نادمان

وايه يفيد الندم بعد فوات الأوان

لو فى يوم

وقفت فى الشارع أو فى الميدان

وقلت بالصوت العالى الرنان

وبدل الميكروفون خليهم ميكروفونان

يتلم عليك

ناس كتيرة فيهم بنات على صبيان

حتى لو كان كلامك

فى الهجايص وبنص لسان

تبقى فى نظرهم خطيب وراجل فنان

وكلامك كله حكم  وغنى عن البيان

حتى

الكلام له وقت وله أدان

وممكن

كلمة تشبه كلمة وليها معنيان

وكلمة قتل قالوها تصفية زمان

وتجسس الأخ على أخيه

قالوا

تحالف قوى الشعب الغلبان

ولما تكون معارض

تبقى جاسوس وللوطن خان

ياما سمعنا

كلام وعملنا طرشان

كلام زى السم وكلام آخر جنان

وكلام معسول وكلام بتنجان

بس اللى يميز الكلام

ويكون للعقل سمعان

اصحى للكلام

وابعد عن الكلام الفاسدان

[بنت شعنونة]

لسانك حصانك وان صنته صان

ربك ميزك عن غيرك يا انسان

وادالك عقل وبيان وفصاحة لسان

وبيقولوا في الأمثال

الجواب بيبان من العنوان :)

اكتبها كلام فارغ او كلام مليان

المهم مين ها يسمع او مين ها يفهم او مين يقدر الحرمان

الدنيا دي بقى مالهاش امان

الأسم ناس والفعل للحيوان

سامحوني يا اهل السماح...مجروحة والجرح مالوش الوان

كله وجع واحد..والدم طول عمره طعمه فاسدان

حرص يا ابني من غيرك...ما انا قلتلك ان مالهاش امان

:)

محاولة على قدي

فاااااااشلة انا عارفاااا :inlove:  :angry:

[ســيد مرزوق]

انا عارفاااا

تاااااااااااااااني !!!!!!!! مفيش فايدة؟؟؟؟؟؟؟

فاهماني ياترى؟؟؟؟؟؟؟؟؟

[achnaton]

صباح الخيرات .. وآهى محاولة لتوضيح الصورة .. وسامحونى فالقافية أملت علىَ التالى :

حصانك ده ..حصان من ورق

واخد على الكسل ..ما يعرفش العرق

لو أنه يوم سكت عن الكلام

راحت حقوقه فى بحر الحياة .. وغرق

-------------

أما الجواب ..اللى بيبان من عنوانه

فدى نكته قديمه ..قاله قراقوش لبعض أعوانه

وكان يومها يقصد أن كل الناس

تبطل أكل ملوخية .. ويناموا بالنهار خوفا على عياله

--------------

وكان مزاجه ..يحرم كل غاوى للقمر والنجوم

وعشان صلاح ما يقولش لزكية كلام مفهوم

زى مثلا .. شايفة القمر يا زكيــة ؟

فترد عليه والشمس طالعة ..  حنتعشى إيه وفين مصروف البيت والمعلوم

---------------

ولما كانت الدنيا ملهاش آمان يقوم صلاح هابش زكية

بونيتين وزغد فى الصدر وخبطة فى الراس اللى هيه

ويشخط .. وينطر ولا هو دارى

إنه بيدفن حب عارم فى صدر الوليــة

---------

وبعد كده لما زكيــة تخلص عيــاط

يحكى لها الغبى أن جيبه على البلاط

وأنه شاف قط الجيران بيضرب قطته

لما الأكل انحرق على النار والرز شاط

-----------

وبعد العلقة بطلت تديله الأمان

وراح الحب مع الدموع واللى كان

ومهما عمل الجار عشان يصلح غلطته

عشش الكره جواها طول الزمان

----------

وتوته .. توته  فرغت الحدوته

اخناتون     :inlove:  :inlove:

[بنت شعنونة]

يادي الكسوووووووف

:angry:  :)

انا اسفة اخي سيد

ا

يني بتعلم اكتبها عارفة مش عارفا

بس فعلا صعبااااا

:)

ههههههههههه

بحاول والله

:)

[shahd]

كلمات جميلة.. سلمت اناملك اخي الفاضل