اذهب إلى المحتوى
محاورات المصريين

دى خسارة كبيرة .. خسارة لاسرائيل .. وخسارة للبتاع ده..!!

صبح

بواسطة صبح
في الإعلام المصرى

 مشاركة

Recommended Posts

صبح عضو جديد

صبح

بتاريخ:
بتاريخ:

أستعرضت قناة الجزيرة بالأمس مواقف وتصريحات الرؤساء العرب تجاه احداث الحرب الجارية فى لبنان بين حزب الله والكيان الصهيونى .. وكان استعراض قناة الجزيرة لتصريحات الرؤساء عبر تنقل سريع بين تصريح كل رئيس وآخر .. أما تصريح السيد الرئيس محمد حسنى مبارك فقد جاء على هذا النحو :

" دى خسارة كبيرة .. خسارة لاسرائيل .. وخسارة للبتاع ده " .

وقد توقف المحللون السياسيون كثيرا أمام هذا التصريح الخطير للسيد الرئيس الذى يعكس مدى الأزمة التى تعيشها المنطقة العربية والشرق الأوسط .. وإن كان المحللين الساسيين اختلفوا حول تفسير المقصود من " البتاع ده " .. فقد ذهب البعض إلى أنه يقصد " فلسطين " بينما ذهب آخرون إلى أنه يقصد

" لبنان" .. و آخرون قالوا أنه يقصد " حزب الله " .. وقال آخر أنه يقصد " المنطقة العربية " .. بينما الغالبية استقرت على أنه يقصد " حاجة قلة أدب " ..

وليس من المستغرب أن يتذكر السيد الرئيس جيدا اسم اسرائيل .. بينما يغيب عن ذهنه أسم لبنان أو حزب الله فيستعيض عنهم بكلمة " البتاع ده " .. وهذا أمر طبيعى طبقا لسياسة سيادته .

إلا أن ما يهمنا بالطبع فى تصريح سيادته هو ما يعكسه من مواقف سياسية وتاريخية .. فى توقيت تمر فيه الأمة بلحظات فاصلة .. فقد جاء تصريح سيادته كما عودنا دائما طوال الخمسة وعشرون عاما الماضية .. ليس له معنى ولا لون ولا طعم .. مجرد أى كلام مع مزيد من التشويح باليد لاظهار مدى التأثر وصعوبة الموقف وصعوبة اتخاذ القرار علما بألأن سيادته لم ولن يتخذ قرار طوال حياته ولا حتى بعد مماته .

استمعت الى تصريحات سياسية على مر حياتى من كل لون وطيف .. من زعماء ومن رؤساء ومن غير ذلك .. من مثقفين وغير مثقفين .. فى مؤتمرات وندوات ومظاهرات .. فى اعلام وصحافة وفضائيات .. لكننى لم أسمع فى حياتى تصريح سياسى ينتهى بكلمة " البتاع ده " ...

فكلمات الرؤساء وتصريحاتهم منها ما يصبح ملازم لقائلها تاريخيا .. فمثلا عبد الناصر دائما ما تتذكر معه العبارة الشهيرة " تؤمم الشركة العالمية لقناة السويس شركة مساهمة مصرية " .. والسادات تتذكر معه عبارة " سوف أذهب الى اخر العالم .. الى بيتهم .. الى الكنست ذاته " .. فهل تعتقد أننا سوف نتذكر مع حسنى مبارك العبارة الشهيرة " دى خسارة للبتاع ده " ؟؟؟

كان الله فى عون مصر .. وشعب مصر .. والبتاع ده !!!!!

و غطينى وصوتى يا أمه !!!

منقول

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
عصام عضو جديد

عصام

بتاريخ:
بتاريخ:

يا للي فتحت

البتاع

فتحك على مقفول

لأن أصل البتاع

واصل على موصول

فأى شئ في البتاع

الناس تشوف

على طول

والناس تموت في البتاع

فيبقي مين مسؤول ؟

وإزاي حتفتح

بتاع

في وسط ناس بتقول

بأن هذا البتاع

جاب الخراب مشمول

لأنه

حتة بتاع

جاهل

غبي

مخبول

أمر بفتح البتاع

لأنه

كان

مسطول !

وبعد فتح البتاع

جابوا الهوا المنقول

نكس عشوش

البتاع

وهد كل أصول

وفات في غيط البتاع

قام سمم المحصول

وخلا

لون البتاع

أصفر

حزين

مهزول

وساد قانون البتاع

ولا عله

ولا معلول

فالقاضي بتع البتاع

فالحق ع المقتول

والجهل زاد في

البتاع

ولا مقري

ولا منقول

والخوف

سرح في البتاع

خلا

الديابه تصول

ويبقي البتاع في البتاع

والناس صايبها ذهول

وأن حد

قال دا البتاع

يقولوا له

مش معقول

وناس تعيش بالبتاع

وناس تموت بالفول

وناس تنام ع البتاع

وناس تنام كشكول

آدي

اللي جابه البتاع

جاب الخراب بالطول

لأنه حتة بتاع

مخلب

لراس الغول

باع البتاع بالبتاع

وعشان يعيش على طول

عين حرس بالبتاع

وبرضه مات

مقتول

أحمد فؤاد نجم طبعا ..

لو مش مكانها سامحونى .. أنا ما قدرتش امنع نفسى :blink:

[وسط]!Question everything

[/وسط]

رابط هذا التعليق
شارك
Cleo عضو جديد

Cleo

بتاريخ:
بتاريخ:

بسيطة..... يعنى مبارك يعترف بإسرائيل ولا يعترف بالبتاع التانى..

فكما أن حزب الله يرفض التلفظ بكلمة "دولة إسرائيل" ويستعيض عنها بكلمة "الكيان الصهيونى" لتأكيده على عدم الاعتراف بإسرائيل، فإن الرئيس "المصرى" محمد حسنى مبارك ينكر وجود شىء اسمه حزب الله ويشير إليه بالبتاع ده اللى ما ستسماش ...

حسبنا الله ونعم الوكيل.... إن الله لا يهدى القوم الظالمين

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
متفائل عضو جديد

متفائل

بتاريخ:
بتاريخ:

أنا أسف

حاجة برا الموضوع

أرجوكي أختي العزيزة كليو

تشيلي الصورة المنيلة دي من توقعيك

كل ما بشوفها بيترفع ضغطي وباشعر بمنهى الغيظ والمهانة

وأعتقد أن ده شعور كل الي بيشوف الصورة دي

يعني ببساطة إحنا الي مفقوعين

رابط هذا التعليق
شارك
مومو الامور عضو جديد

مومو الامور

بتاريخ:
بتاريخ:

البتاع دة ^^^^^^

البتاع دة اللى بيعمل كرامه للعرب

البتاع دة اللى بيحارب اليهود الكفرة

العوض عليك يا رب

العوض عليك

a5b1a75a2d.gif

التوقيع و الصورة الرمزية هدية من الاخت مصرية يعني مصرية

أشكرك

رابط هذا التعليق
شارك
علي البدري عضو جديد

علي البدري

بتاريخ:
بتاريخ: (معدل)

البتاع كلمه دارجه مصريه لها معني واحد لا ثاني لها

تم تعديل بواسطة علي البدري

بسم الله الرحمن الكريم

فَأَمَّا مَن طَغَى * وَآثَرَ الْحَيَاةَ الدُّنْيَا * فَإِنَّ الْجَحِيمَ هِيَ الْمَأْوَى * وَأَمَّا مَنْ خَافَ مَقَامَ رَبِّهِ * وَنَهَى النَّفْسَ عَنِ الْهَوَى * فَإِنَّ الْجَنَّةَ هِيَ الْمَأْوَى *

صدق الله العظيم

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

على العموم انطلق التصريح ويبقى المعنى فى بطن الرئيس!!

كلنا فداء "البتاع".. يا ريس!!

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
لخبطه عضو جديد

لخبطه

بتاريخ:
بتاريخ:

لأ أستنوا الموضوع كبير شويتين

أن لم أكن مخطأ فمبارك منذ توليه ما سمعتش منه كلمة الإخوان المسلمين فعلا حد يقولى مبارك ذكرهم امتي بالاسم دا

مبارك لما ببيتكلم عليهم بيتكلم بلفظ أقل من كلمه البتاع وحتى بعد بقا لهم 88 مقعدفي مجلس الشعب مازال بينكر حاجه أسمها الاخوان المسلمين ............. الراجل دا عنده أزمه معينه بجد وعايز كشف مستعجل ........... كون الراجل يشمئز حتى أنه يذكر لفظه الإخوان أو لفظ حزب الله ويستعيض عنها بأي بديل حتى لو كان بيتكلم في مؤتمر صحفي يبقا الموضوع كبييييييييييييييير جدا

أنا لا أكتب الأشـــعار فالأشعـــــــــار تكتبني

أريد الصمت كي أحيا ولكن الذي ألقاه ُينطقني

رابط هذا التعليق
شارك
New عضو جديد

New

بتاريخ:
بتاريخ:

انا شايف ان الريس كبر حبتين و بدأ يتوه والذاكرة ما بتسعفوش قد كده...

للاسف ده مش تهريج... من حوالى سنتين كان بيعمل لقاء مع مذيع امريكى (Charlie Rose) وكان فيه واحد جنب الريس للمساعدة فى الحاجات اللى زى كده!!!!

بس سيبك قصيدة احمد نجم فظيعة. :ph34r:

ربنا يكون فى عوننا...

رابط هذا التعليق
شارك
Cleo عضو جديد

Cleo

بتاريخ:
بتاريخ:

مش عارفة ليه كل ما تيجى سيرة البتاع ده أفتكر الشيخ شعراوى رحمة الله عليه وكلمته التاريخية... :ph34r:

الله يرحمك يا مولانا ويستجيب لدعاك :ph34r:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
محمد علي عامر عضو جديد

محمد علي عامر

بتاريخ:
بتاريخ:

لأ أستنوا الموضوع كبير شويتين

أن لم أكن مخطأ فمبارك منذ توليه ما سمعتش منه كلمة الإخوان المسلمين فعلا حد يقولى مبارك ذكرهم امتي بالاسم دا

مبارك لما ببيتكلم عليهم بيتكلم بلفظ أقل من كلمه البتاع وحتى بعد بقا لهم 88 مقعدفي مجلس الشعب مازال بينكر حاجه أسمها الاخوان المسلمين ............. الراجل دا عنده أزمه معينه بجد وعايز كشف مستعجل ........... كون الراجل يشمئز حتى أنه يذكر لفظه الإخوان أو لفظ حزب الله ويستعيض عنها بأي بديل حتى لو كان بيتكلم في مؤتمر صحفي يبقا الموضوع كبييييييييييييييير جدا

حسني مبارك يكره كلمة إسمها "إسلام" و لذلك لم يضبط مرة يستشهد بآية قرآنية أو بأي شيئ له دخل بالإسلام, أو بتاريخ الأمة .

وهو أيضاً كاره لشيئ إسمه ثقافة أو قراءة , فلم يضبط ولو مرة واحد يستشهد ببيت شعر أو بحكمة أو بمقولة تنم عن أنه قرأ كتاب في حياته

.

... حكامنا جواسيس .....

... حكامنا جواسيس .....

... حكامنا جواسيس .....

... حكامنا جواسيس .....

... حكامنا جواسيس .....

... حكامنا جواسيس .....

... حكامنا جواسيس .....

رابط هذا التعليق
شارك
ابو محمود عضو جديد

ابو محمود

بتاريخ:
بتاريخ:

انتو لسة عارفين انة بيكرة الاسلام دة لايطيق حديث عن اى شيء يمس للاسلام وممكن تعرفو الست هانم مراتة بتاخد الجوايز لانها يطلق عليها فى فرنسا عدوة الحجاب وممكن نعرف من سعادتها انها تقوم بخدمة جليلة لتحديد نسل المسلمين فقط وممكن تسالو عن كشوف العيادات بتاعة تحريم النسل وليست تنظيمة وكم من العمليات لرفع المبايض لكل سيدة يتم معرفة ان عنده اكثر من طفلين اما هو ولة القداسة فيوجد اكبر مستودع سجون فى اى بلد فى العالم ولاكن ليس للخارجين على القانون ولاكن لمن يقول ربى اللة ويأمر بالمعروف وينهى عن منكر .وحسبنا اللة ونعم الوكيل....

على فكرة البتاع اللى بيقول علية دة قاصدة وهو السيد المجاهد اخينا فى اللة (ح نصر اللة)

نصرة اللة واعز ة ولو كان شيعيا فهو مسلم وينطق بالشهادة خلص الكلام؟

لا تقلق من تدابير البشر، فأقصى ما يستطيعون فعله معك هو تنفيذ إرادة الله .

رابط هذا التعليق
شارك
نورية عضو جديد

نورية

بتاريخ:
بتاريخ:

انا شايف ان الريس كبر حبتين و بدأ يتوه والذاكرة ما بتسعفوش قد كده...

للاسف ده مش تهريج... من حوالى سنتين كان بيعمل لقاء مع مذيع امريكى (Charlie Rose) وكان فيه واحد جنب الريس للمساعدة فى الحاجات اللى زى كده!!!!

بس سيبك قصيدة احمد نجم فظيعة. :unsure:

ربنا يكون فى عوننا...

New نورت المحاورات من تانى

_______________________

بالنسبة للبتاع دة ... قصدى مبارك.... ربنا يشفيه

تقريبا عنده خلل فى نطق الحروف شوية.....اممممم ممكن حد يدله على دكتور تخاطب يا جمااااااااااااعة

حبيبتي ان يسالوك عني يوما

فلا تفكري كثيرا

قولي لهم بكل كبرياء

يحبني..يحبني كثيرا

حبيبتي

ان عاتبوك يوما

كيف قصصتي شعرك الحرير

وكيف حطمت إناء طيب

من بعد ماربيته شهورا

وكان مثل الصيف في بلادي

يوزع الظلال والعبير

قولي لهم

انا قصصت شعري

لان من احبه ..يحبه قصيرا

حبيبتي ان اخبروك اني لا املك المال والقصور

وليس عندي في يدي بضع جنيهات تكف عنك تقلب الدهور

قولي لهم بكل كبرياء بانك حبي الاول والاخير

كفاني بانه يحبني كثيرا

وسامحيني لانني احبك كثيرا

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

ردود أفعال متباينة بين قادة العالم : أثارها تصريح السيد الرئيس حول البتاع ده

ففى مدافن رام الله صرح المرحوم ياسر عرفات قائلا : يا بتاع ما يهزك ريح .. هذا شعب المقهورين

بينما علق محمود عباس أبو مازن قائلا : لا يحق لمصر التدخل فى البتاع الفلسطينى

وعلق جاك شيراك قائلا : إن عدوان اسرائيل على لبنان يعرض عملية البتاع للخطر .

بينما صرح العاهل الأردنى بأن حزب الله يتحمل نتيجة البتاع الدائر فى المنطقة العربية

عمرو موسى الأمين العام لجامعة البتاع العربية صرح قائلا : أن الحديث عن البتاع مجرد أوهام .. فالبتاع مات ودفن منذ زمن

رئيس الوزراء الصهيونى أولمرت صرح قائلا : وقف اطلاق النار معلق على نزع البتاع ده بتاع حزب الله .

بينما جورج بوش صرح قائلا : لابد من محاسبة سوريا على البتاع ده

وزير خارجية الإمارات قال : لسنا مستعدين للحرب الآن .. ولا تحملوا البتاع ده اكثر مما يحتمل

الأخ العقيد معمر القذافى قال : اعلان قيام دولة اسراطين سوف ينهى مشكلة البتاع ده .

متحدث باسم حزب الله صرح قائلا : اذا لم تتوقف اسرائيل .. سوف نقصف حيفا بالبتاع ده .

كوندليزا رايس وزيرة الخارجية الامريكية قالت : أن سوريا وايران يمدنا حزب الله بالبتاع ده .

مصدر سعودى حمل البتاع ده مسئولية ما جرى وقال : هذه مغامرات يتحمل نتيجتها شعوب البتاع ده .

ولازالت ردود الفعل تتوالى ....

وكما قال أحمد فؤاد نجم فى قصيدة البتاع :

يبقى البتاع فى البتاع والناس صايبها الذهول

وإن حد قال ده بتاع يقولوا .. مش معقول

منقول من ايميلي

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
Tafshan عضو جديد

Tafshan

بتاريخ:
بتاريخ:

طيب بمناسبة الاعلام و البتاع .. ننقل آراء الاذاعات و السياسين في البتاع :D

ال BBC : هذا و قد وصف ايهود اولمرت البتاع السوري على حسب وصفه بانه سوف يزايد من وتيرة التوتر في المنطقة

ال CNN : هذا و قد وصف ايهود اولمرت البتاع السوري بانه السبب الرئيسى في تدهور السلام في الشرق الاوسط

الجزيرة : هذا و قد وصف ايهود اولمرت البتاع السوري بانه السبب الرئيسى في تدهور السلام في الشرق الاوسط بشهادة حكام عرب في المنطقة :angry2:

الحرة : هذا و قد وصف ايهود اولمرت البتاع السوري بأنه السبب الوحيد لتدهور السلام في الشرق الاوسط

المصرية الفضائية : هذا و قد وصف ايهود اولمرت البتاع السوري بانه تصرف غير مسئول :blink:

مسئول سوري : سوريا تنفي بشدة اي تدخل ايرانى في البتاع السورى

مسئول مصري: معروف تدخل ايران في البتاع السورى .. فكما ذكرنا من قبل كل الشيعة ولائهم لايران .. معظمهم ولائهم لايران

مسئول سعودى : معروف تدخل ايران في البتاع السورى .. و انا احذر سوريا من اي مغامرة غير محسوبه .. و نتعهد بدفع تكلفة تصليح البتاع :D

مسئول اماراتى : معروف تدخل ايران في البتاع السورى .. هذا و قد تم ارسال معونات عاجله لنجدة المتضررين من البتاع

مسئول فلسطيني : معروف تدخل ايران في البتاع السورى .. و نحن نؤيد البتاع

مسئول يمنى : لا يوجد تدخل لايران في البتاع السورى ..

مسئول ليبي :معروف تدخل ايران في البتاع السورى .. و هذا بناءً على توجيهات الاخ الركن العقيد

مسئول فرنسي : معروف تدخل ايران في البتاع السورى .. و لكننا نطالب بضربهم "بشويش"

مسئول امريكي : معروف تدخل ايران في البتاع السورى .. و يجب ازالة حلفاء الشر من المنطقة

مسئول اوروبي : معروف تدخل ايران في البتاع السورى .. و نشعر بالاسف تجاه ذلك

مسئول عربي : معروف تدخل ايران في البتاع السورى .. مش قلت لكم عملية السلام ماتت ;)

حمدى قنديل : السفلة ... بيقولوا في تدخل ايرانى في البتاع السورى ... و ماله :blink:

منى الشاذلى : اممم .... اسرائيل بتقول في تدخل ايرانى في البتاع السورى ... مش عارفه يقصدوا ايه .. ما علينا

الماتش متباع

رابط هذا التعليق
شارك
  • بعد 4 أسابيع...
KANE عضو جديد

KANE

بتاريخ:
بتاريخ:

elbea3%20copy.preview.jpg

"نحن شعب ينتحر -بمزاجه- إنتحاراً جماعياً ببطء كين

~~~~~

قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة

~~~~~

فكيف إذا جئنا من كل أمة بشهيد وجئنا بك على هؤلاء شهيدا (41) يومئذ يود الذين كفروا وعصوا الرسول لو تسوى بهم الأرض ولا يكتمون الله حديثا (42){النساء}

رابط هذا التعليق
شارك
otaka عضو جديد

otaka

بتاريخ:
بتاريخ:

الله معاك و معاك فلوسنا

ما انت البتاع و انت حابسنا

و انت البتاع فى بحرنا

الله معاك و معاك فلوسنا

تن تن تن تن تننرررررا تن تن تن

ادى ارضنا و ادى بحرنا و ادى البتاع اللى بنا

و البتاع هيجى بعده بتاع

و انت البتاع فى بحرناااااااااااا

و بكينا.. يوم غنّى الآخرون

و لجأنا للسماء

يوم أزرى بالسماء الآخرون

و لأنّا ضعفاء

و لأنّا غرباء

نحن نبكي و نصلي

يوم يلهو و يغنّي الآخرون

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

الله معاك و معاك فلوسنا

ما انت البتاع و انت حابسنا

و انت البتاع فى بحرنا

الله معاك و معاك فلوسنا

تن تن تن تن تننرررررا تن تن تن

ادى ارضنا و ادى بحرنا و ادى البتاع اللى بنا

و البتاع هيجى بعده بتاع

و انت البتاع فى بحرناااااااااااا

تن تن تن تن تننرررررا تن تن تن :wub: :ninja:

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...