ما هيى الحالة النفسية التى تمر بها الان؟؟

[سهيلة]

يا ترى اية الحالة النفسية التى تمر بها الان وانت تكتب

مبسوط لحدث ما شخصى :lol:

عندك حالة ملل :ph34r:

حزين لما تمر بة المنطقة العربية هذة الايام ودة ماثر على حالتك النفسية :ph34r:

تعيش حالة حب :wub:

دمعة ف عيونك لفراق حبيب

نجاح

فشل

او غير ذلك؟؟؟؟؟؟؟؟؟؟؟؟؟

افتح قلبك وبوح ببعض مكنوناتة لعل التحدث وبعض من الفضفضة تريح النفس

خاصة اذا كنت تحدث من يحبك ويحرص عليك ويتمنى لك الخير

واظن اننا هنا كذالك يساند كل عضو الاخر ولو بالكلمة والنصيحة لعل هذة الكلمة تكون سبب ف تخطى احزانك او رفع معنوياتك

سابدا بنفسى

انا ف حالة سكون هذة الايام مع نفسى فلا يوجد جديد ف حياتى

اعيد ترتيب اوراقى

افكر ف البدء بمشروع جديد لة علاقة بعملى ولكنى احتاج لدفعة نفسية كى ابدا

خايفة من الفشل بصراحة؟ :

اترقب ظهور نتيجة الماجيستير ف الايام المقبلة

ادعولى عشان اعملكم حفلة كبيرة :wub:

المستوى العام حزن طبعا لما يمر بة الشعب البنانى ولا يجد مؤازرة من العرب فقط متفرجين كعادتهم

[أسد]

اولاً ... ربنا ينجحك ويوفقك إن شاء الله ..

الحالة النفسية التي أمر بها الآن ..

على المستوى الشخصي .. الأمور بخير ولله الحمد .. اللهم أدمها علينا نعمة ..

ولكني للأسف .. أبكي كل يوم أمام شاشة التليفزيون وأنا أشاهد أخبار تجبر إسرائيل ..

أبكي بالدموع .. بكاء حقيقي ..

أشعر بالقهر والظلم الشديدين ..

[khedr]

حزين لما تمر بة المنطقة العربية هذة الايام ودة ماثر على حالتك النفسية :ph34r:

موضوع في وقته

بس وسعي صدرك معانا

ده اول الغيث..... لا..... اول السيول

[مومو الامور]

هتصدقوا انى بمر باسوأ ايام لحالتى النفسيه

ظروف اجتماعيه + وحدة + ظروف عمليه (بالعمل) + ظروف العرب + ظروف الغربه = حاله نفسيه زى الزفت

انتوا اللى سألتوا مش انا سوررررى اذا كنت فضفضت معلش

ربنا يستر ويعدى الايام دى على خير

[سهيلة]

الاستاذ اسد

متشكرة جدا ليك

ويا رب يزيدك من فضلة ونعمة

اما بالنسبة للشعور بالقهر على ما يحدث كلنا عندنا نفس الشعور ولا نملك الا الدعاء للة عز وجل كى يزيح هذة الغمة عنا

ويا ريت يا جماعة نكثف الدعاء ف الصلاة هذة الايام لاخوانا ف لبنان وفلسطين

الاستاذ خضر

اشكر لك مرورك الكريم

وكن معهم بدعاءك لهم ف صلاتك

مومو الامور

هتصدقوا انى بمر باسوأ ايام لحالتى النفسيه

ظروف اجتماعيه + وحدة + ظروف عمليه (بالعمل) + ظروف العرب + ظروف الغربه =

وحدة

لالا موش ليك حق ق الكلمة دى وعيلتك الكبيرة ف المنتدى كل يوم معاك وبتسمعك وبترد عليك كمان

اما الظروف الاخرى

ربنا يحلها قريب ان شاء اللة

[نورية]

جميل اوى يا سهيلة موضوعك دة

بالنسبة لى انا حالتى النفسية مش اد كدة... عندى ظرووووووووف كتييييييييييييير بامر بيها

حولت الملم اوراقى و ارتبها زيك بس ماعرفتش..

عارفة لما تحسى انك غريبة بين ناس قريبين اوى منك؟؟؟

عارفة لما تحسى انك عايزة تنتهى من شعور جواكى بالوحدة و ان الناس اللى بيحبوكى بعاااااااااااااد اوى و بيبعدوا واحد ورا التانى لحد ما تلاقى نفسك وحدك فى دنيا كبيييييييييرة اوى و تخافى حتى من ضلك...؟؟

عارفة لما تخافى من الفشل؟؟؟

عارفة لما قلبك شوية يطمّن و يروح الخوف.. فتخافى احسن تخافى تانى ؟؟؟؟

مش عارفة.....ساعات كتير بتحاولى تبقى متفائلة.... بس للاسف حتى نشرة الاخبار بتخليكى باصة للدنيا بنظرة تشاؤمية

الحمد لله على كل شئ...

[khedr]

سيدتي وسادتي اهلي وعائلتي الكبيره

الرضا

هذه الفضيله نسينها مع مرور الايام

وليس الرضا الاستسلام لا الرضا بمعناه الشامل الواسع ان تنهض بعد ان تلملم نفسك

وتبدأ وستجد من يمد لك اليد

ولكن ارضي بما قسمه الله لك ......ولكن لا تستسلم

ارض الله واسعه

سبحان الله .....

شوفوا اناممكن اكون فين وانتم كل واحد فيكم في شتي بقاع الدنيا لكن يجمعنا الله

ارض الله واسعه

مهما ضاقت ستفرج ان شاء الله

ولكن ممنوع الاستسلام

انهض ومن الاول وهكذا الايام

الرضا

[اسود وتعالب وارنب]

الحاله التي امر بها الان اعتقد انها حالة من الاستسلام والياس مش بس عشان وضع الحرب في لبنان بس بعد ماربونا اننا حاجه عظيمة وقوم والمصريين اهم وحاجة مش ممكن بس حد يقرلنا وهو يطير وفي اللاخر تكتشف انك ولا حاجة وانك مجر ريشه في الهوا ملكش اي قيمه ولا سعر احباط حقيقي + مشاكل العمل واشياء كتيرة مثاليه اتربينا عليها وبتكتشف انها ولا ليه اي لزمة وان كل اللي تربيت عليه ماينفعش في هذا العصر وان اجدع حاجة الفهلوة والحداقه وان الانسان المهذب سوري ( عبيط ) والناس بتتعامل معاه علي انه مش بيخوف حد فلوش اي قيمة واكتشفت ان التجسس والنميمة دي مش عيب لكن دي مهمة صاحب العمل بيعرف انك فاهمة شغلك ومش نايمة علي ودانك وان تقولي ايوه بعرف حتي لو مشبتعرفي دي شجاعة وثقه بالنفس لكن وقلت مش عارف في موضوع فعلا متعرفوش تبقي قليل الثقه في نفسك مش فاهم يعني لازم تفتي في لك ومش لك باختصار احباط وياس وزهق

[مصرية يعني مصرية]

سهيلة

موضوعك جميل زيك

ربنا ينجح مقاصدك

نورية

إنتي بتتكلمي بلساني و قلتي كل إلي أنا عايزة أقولو

ربنا يقويكي و يريح قلبك يارب

خضر

والله مش مسألة عدم رضا حاشا لله

فعسى أن تكرهو شيئا وهو خير لكم

و قدر الله و ماشاء فعل

إنما هو إحساس قهري بالعذاب

و الألم من جواك

متعرفش حتعمل فيه إيه؟؟

.

تم تعديل 21 يوليو 2006 بواسطة مصرية يعني مصرية

[khedr]

إنما هو إحساس قهري بالعذاب

و الألم من جواك

متعرفش حتعمل فيه إيه؟؟

هو ده اساس المشكله

طيب كده كده امر واقع ومفروض عليك

يبقي زي ما يقول الاخوه العسكريين نعمل عليه احنا حركه التفاف

يعني بعد ان نتلقي الصدمه الاولي

نلملم الاوراق وما تبقي .....لنبقي

[سهيلة]

العزيزة نورية

والعزيزة مصرية يعنى مصرية

فين الاصرار على التفاؤل الذى يحقق المستحيل

لية الخوف؟؟؟ لية الالم؟؟؟

لية التشاؤم؟؟؟

عارفين المشكلة فين

المشكلة فينا ...... التشاؤم والنظر فقط للنصف الفارغ من الكوب

عارفين ان استقرار الروح بيدى طمانينة للنفس والاحساس بالتفاؤل والرضى

الانسان عبارة عن قوتين

قوة روح وقوة جسد

سيطرة احد القوتين على الاخرى هية المشكلة

عشان كدة حرص الاسلام على توحيد القوتين

ليعملا معاً لصالح الفرد، ولصالح الجماعة تفادياً للإزدواجية التي تعمل في أغلب الأحيان على تقوية أحد الجانبين على حساب الجانب الآخر، الأمر الذي يعود بأسوأ النتائج على الفرد، وعلى المجتمع، وتصيب إحدى هاتين القوتين بالشلل، أو توجهها لغير الوجهة السليمة التي كان يجب أن تتجه إليها.

استقرار الروح

ازاى؟؟؟

بقدرة الفرد على التوافق مع نفسه،

المجتمع الذي يعيش فيه،

وهذا يؤدي - بالضرورة - إلى التمتع بحياة هادئة سوية، مليئة بالتحمس، وخالية من التأسي والاضطراب.

وهذا يعني أن يرضى عن نفسه، وأن يتقبل ذلك، كما يتقبل الآخرين فلا يظهر منه ما يدل على عدم التوافق الاجتماعي

بل يسلك السلوك الاجتاعي المعقول، المتسم بالاتزان، والمتصف بالإيجابية، والقدرة على مواجهة المواقف، ومجابهة المشاكل التي تقابل الفرد في مختلف نواحي حياته

وبناءً على هذا فالصحة النفسية لا تعطى للفرد، ولكنه يكتسبها بجده واجتهاده، فكل فرد مسؤول عن صحته النفسية وعن نموها.

ومما يساعد في الاستقرار النفسي هو التفاؤل

التفاؤل ومعناه:

توقع النجاح والفوز في المستقبل القريب، والاستبشار به في المستقبل البعيد.. ولا يكون ذلك إلا بالاعتماد على المولى سبحانه وتعالى، الثقة فيه.

وأعلى مراتب التفاؤل توقع الشفاء عند المرض، والنجاح عند الفشل، والنصر عند الهزيمة وتوقع تفريج الكروب، ودفع المصائب والنوازل عند وقوعها.

فالتفاؤل في هذه المواقف عملية نفسية إرادية تولد أفكار ومشاعر الرضا والتحمل والأمل والثقة وتبعد أفكار ومشاعر اليأس والإنهزامية والعجز.

والمتفائل يفسر الأزمات تفسيراً إيجابياً، ويبعث في نفسه الأمن والطمأنينة، وينشط أجهزة المناعة النفسية والجسدية، وهذا يجعل التفاؤل طريق الصحة والسلامة والوقاية.

عن الإمام علي عليه السلام (يا ابن آدم لا تحمل همّ يومك الذي لم يأتك على يومك الذي قد أتاك، فإنه إن يك من عمرك يأت الله فيه برزقك).

ويتفق علماء النفس على ضرورة أن يعيش الفرد يومه متفائلاً، حتى في الظروف الصعبة، ولا يقلق على المستقبل

، فلكل مشكلة احتمالات لحلها، وعلى الفرد أن يجهز نفسه لأسوأ الاحتمالات، ثم يحاول تحسين هذا الأسوأ بهدوء وتعقل.

ومن ناحية أخرى لا إفراط ولا تفريط، صحيح أن المتفاؤل بالخير يجده، ولكن الأحوط أن لا يفرط أو يغالي في التفاؤل، لأنها تدفع بالفرد إلى المغامرة، وعدم أخذ الحيطة والحذر في حياته.

سؤال وارد لذهننا جميعا وذكرتة الاخت نورية ف كلامها

كيف لى ان اتفاءل في هذا الزمن العصيب الذي لا يبشر بخير؟؟؟؟

ليس للمشتكى إلا هو سبحانه وتعالى.

وربنا قال ف كتابة

(بعد العسر يسرا)

فيا من إذا سأله عبد أعطاه، وإذا أمل ما عنده بلغه مناه، وإذا أقبل عليه قرّبه وأدناه،

وإذا جاهره بالعصيان ستر على ذنبه وغطاه.

وإذا توكل عليه أحسبه وكفاه.

اسألك بكرمك أن تمن على من عطائك بما تقر به عيني،

ومن رجائك بما تطمئن به نفسي ومن اليقين بما تهون علي مصيبات الدنيا وتجلو عن بصيرتي غشوات العمى،

برحمتك يا أرحم الراحمين

دعاء الخوف

لا الة الا انت سبحانك انى كنت من الظالمين

على فكرة دة موش كلامى دة كلام اختصرتة ونسقتة

من مقال عجبنى ف احدى المجلات عن التفاؤل

وحسيت انة هنا وقتة وهنا مكانة لعلة يحمل بعض الافادة

تحياتى

[محمود الشاعر]

حالتي ايه

مش عارف حاسس اني فاضي من جوا فعلا مفيش حالة بعنها يعني مش فرحان ومش زعلان

يمكن حالة ترقب على المستوي الشخصي

مستني قرار الهيئة العامة للاستثمار والرتين الممل علشان مشروعي اللي مش عارف هيخلص ولا لسه كل ما اختار اسم لمنتج اكتشف ان في ناس مسجلة بنفس الاسم لحد ما زهقت

كمان مطلوب مني شغل ادبي مش عارف اخلصه لأنشغالي بشغلي الحالي وبالمشروع

يعني صاحب بالين كداب وثلاثة منافق وانا بقيت بميت بال لحد دماغي هنجت وحاسس انها فضيا قوي

على مستوي الوطن

الاسعار زادت بنسبة خمسين فى المية والحمد لله ولا عزاء للمواطنين الشرفاء

على المستوى القومي

ربنا يستر وتعدي على خير

ليه كدة يا د.سهيلة

ما كنا ساكتين

[نصراويه]

ممكن اشارك ؟!!! :blink: :D ;)

انا مش مصريه

اناجديده في المنتدى

انا حالتي النفسيه الخاصه

سعيده لأني لقيت المنتدى بتاعكم

انا مش مصريه مش بس اسمي وكمان وطني بس انا بحب مصر جدا واهل مصر عشان كده سعيده

على الصعيد العام

برضه سعيده بالنصر ...

وعندي شعور انه دي بداية نهاية البعض ....

[السويفي]

السلام عليكم:

اليكم تقرير شامل وكامل عن حالتي النفسيه الان.

1_الحاله الدينيه:

الحمد لله في افضل حال بع فتره ليست بقصيره من البعد والجفاء وتملك القلب وحشه وشوق الي الله .....والمشكله اني كنت اعرف الالحل ولم افعله ولكني الان بدأت خطوات التقرب الي الله شبرا وانتظر بجوده وكرمه القبول

2_ الحاله العمليه:

نظرا لظروف الدكتور صاحب العياده قطع الاجازه في هيئه التدريس في الكليه وعليه فقد قفل العياده وبقيت صايع وابحث عن عمل

3_الحاله العلميه

حاله من الكسل الفضيع وعدم القدره على قرأه او استيعاب اي شئ

الحاله الجتماعيه

انتظر سفر امي لتلحق باقي عائلتي بالخارج ولاكمل باقي السنه وحيدا بين الجدارن حتي عودتهم في السنه القادمه :blink:

احزن لما اراه في المنتدي من خلافات

:D ;)

الحاله الوطنيه :

فرح بدرجه كبيره للانتصار الكبير في لبنان وفي نفس الوقت في حيره من امري لما سمعت ان حزب الله من الشيعه الروافض الذين يقومون بسب الخلفاء الراشدين بدون سيدنا علي وايضا لما قاله عنهم شيخ الاسلام الامام ابن تيميه انهم كفره ومن ينكر كفرهم كافر :o

[Eldisel]

مبادرة جميلة جداً من شخصية واعية ونسأل الله لها التوفيق في الدنيا والاخرة ..... ولنل احنا بردوة -_-

اما حلتي النفسية فلا اخفيكم سراً سيئة للغاية .. والحمد لله

اولاً: انا الفترة دي ابعد ما اكون عن ربنا وانا عارف ان دة هو سبب تعستي وشقائي باختصار شديد

ثانياً: انا لسة مخلص فترة تجنيدي في الجيش وما ادراك ما فترة التجنيد من احساس بالقهر وتنفيذ الاوامر واحيانن حالات من التصلط لمجرد انك تعليم عالي والشخص ذا الرتبة الاعلى تعليم متوسط او امي في بعض الاحيان فواخد فكرة انك مئضيها برة فسح وبنات وما الي ذالك وهو يعيني دخل الجيش بدري .. :huh: طب ماهو دخلو بمذاجو وانا داخلو غصب عني وانا مكنتش بلعب برة دة انا كنت مطحون في الكلية مصاريف ومشاريع ودراسة .. و..و..!

بس الحمد لله انا اتعلمت في الجيش حاجات كتير مكنتش اتعلمتها برة وكسبت علقات كويسة كانت السبب في شغلي

ثالثاً: اني حاس اني متردد جداً اكمل في اني مجال البرمجة عشقي قبل الجيش وكنت متفوق فيها ولا النتورك والدمنستراتور الحاجة الي اتعلمتها في الجيش و شغالها دلوقت وليها فرس شغل كتيرة عن البرمجة + انها تعتبر اسهل كدراسة وشغل من مجال البرمجة والبرجرامنج :) .... نفسي ارسى على بر وابداء

رابعاً: بعد الجيش اشتغلت في مكان بالمقايس العادية هو محترم و في مجال System Administrator الي هو مجالي (مش مجالي بظبط هو مجالي الاصلي هو البرمجة ) بس الحقيقة انا اتصدمت باسلوب الشغل الموجود (القائم على المجاملات والمحسوبية ) والاسلوب دة انا كرة جداً :o انا عاوز ادي الناس حقها واخد حقي لااكتر ولا اقل لكن تلاقي حقك بيتاخد عشان فلان بيجامل فلان وعشان علانة بتضحك مع علان

خامساً: عندي فراغ عاطفي كبير أوي والمشكلة اني مش عاوز اتجوز قبل ما احس بكاياني و بالاستقرار الازم لخطوة كبيرة ومهمة هتتبني عليها حياتي كلها و في نفس الوقت مش عاوز ابداء في قصص حب ملهاش نهاية منطقية (الزواج) لان دة في نظري هو لعب بمشاعر الناس وعدم احترام الاخرين

بس الحمد لله انا احسن من ناس كتير وربنا كارمني عشان خاطر والدي و ولدتي ربنا يخلهملي ويباركلي في صحتهم ... قولوا امين

اما الحالة الوطنية فانا سعيد جداً بانتصار حزب الله في لبنان حتى ولو كان (حزب الله من الشيعه الروافض) روافض راوافض اهم مسلمين وعرب ورفعوا رسنا وذلو امريكا واسرائيل ....... وفي غاية الاسف والخزي من موقف حكمنا العرب من الحرب الاخيرة إن كان

:)الموقف الدولي أو الموقف الحلي الذي يتمثل في استغلال انشغال الناس باخبار الحرب وزيادة اسعار كل ماهو حيوي الي النصف طقريبن ..:blink:

وحسبي الله ونعم الوكيل

فانا مشكلتي في الاول والاخر هو بعدي عن ربنا ... أرجوكم ادعولي بالهداية

[النسر المصري]

الغالية الدكتوره سهيله

شوالك جه وقت غلط خالص بالنسبة لي (معلش أنا كنت أأقصد سؤالك لكن البنت كيوت دي بوظتلي العربي بتاعي)..و مومو قال تلات ارباع حالتي النفسية تقريبا...بالاضافة الى اني أنا في فترة انشغال تام بنفسي وأكاد أن استقيظ للغير في اوقات قصيرة جدا

وهو مايثير حفيظتي من نفسي

اشعر اني اكره نفسي لانني صار لي فترة من الزمن مهمل للناس من حولي....اهملت اصدقائي واصحابي ومعارفي حتى....وهناك من زعل مني ...وهناك من ادار ظهره لي...وهناك من يتمنى ان أرجع باسرع وقت....وفي خضم كل تلك المشاعر...فانا في غيبه تامه......انا الآن مغيب...غير مدرك لشيء من حولي....سوى نفسي....أي لا أفكر سوى في نفسي.....فانا اريد ان أحقق قرار مهم قد اتخذته في مجال عمل ....وهو يشغل بالي بنسبة 95% من يومي...... وذلك في إطار أنانية مطلقة لنفسي.....

أريد ان تنتهي تلك المشكله بسرعة......لكي أعود كما عهدني الناس منذ خمسة عشر عاما

وبداية الاعتذار في النهايه....هي لكم يا عائلتي الماحاوراتيه....سامحوني بالله عليكم لما انا فيه من انانيه....

وخير الختام السلام

تم تعديل 23 أغسطس 2006 بواسطة النسر المصري

[زعلان]

اشعر اني اكره نفسي .................................

............................................................

أريد ان تنتهي تلك المشكله بسرعة......لكي أعود كما عهدني الناس منذ خمسة عشر عاما

:) :)

[واحد تاني]

اقف على باب القرار

تصدني المخاوف

وتدفعني الارادة

وتدق من خلفي

كل اجراس الحرية

[cute teen]

انا حزينا لان هذه السنة هي الاخيرا لي في الدراسا

هذه يعني انني سءغادر البلاد التي انا فيها و اعود الى مصر بلادي الأم

ولن اتمكن من رايت الكثير من اصدقاءي