أسعار البنزين ترتفع بنسبه 30% ربنا علي المفتري

[nash]

يا صباح الورد والياسمين..

صباحكم نادي بإذن الله وربنا ينصرنا علي اليهود

......................................................................

رفعت السلطات المصرية في الساعات الأولى من صباح اليوم سعر البنزين بنحو 30% مما أدى إلى ازدحام شديد في محطات الوقود في كافة أنحاء مصر. وينتظر أن تؤدي هذه الزيادة إلى ارتفاع في كافة أسعار السلع باعتبار أن البنزين أحد أهم مصادر الطاقة. وكانت السلطات المصرية نفت اتجاهها لرفع سعر البنزين واعتبرت أن الأمر مجرد شائعة إلى أن طبقت القرار بصورة مفاجئة

............................................................................................................................................

الله لا يوفقهم..والله طحنوا الشعب ..أكثر ماهو مطحون..

[wagdi]

يا أخ ناش... البنزين لو إرتفع 30% يعني بدل جنيه يبقى جنيه وتلاتين قرش برضه لازال الأرخص في العالم...وحتى لو بإتنين جنيه برضه الأرخص في العالم...

وبعدين خلينا واقعيين...حندعم البنزين والعيش والصحة والتعليم...بأمارة إيه...يعني الفلوس بتاعة الدعم دي حتيجي منين...برضه نقول إلى لينا وإلى علينا...

وبعدين إنت بتدعي ليه ربنا مايوفقهمش...المفروض تدعي ربنا يوفقهم للي فيه الخير...لو هما بقى مش عايزين يتوفقوا يبقى أوقع تدعي ربنا ياخدهم...:unsure:

تحياتي...

[otaka]

قرار رفع البنزين ممتاز

قرار رفع السولار اعفن قرار ممكن الحكومه تعمله

[مومو الامور]

جريدة الاهرام اليوم تقول:-

لازيادة في سعر البنزين‏80‏

تحريك البنزين‏90‏ إلي‏130‏ قرشا والسولار إلي‏75‏

تقرر اعتبارا من اليوم تحريك سعر بيع لتر البنزين‏90‏ أوكتين للمستهلك إلي‏130‏ قرشا‏,‏ وتحريك سعر لتر السولار إلي‏75‏ قرشا‏.‏ مع عدم المساس بسعر البنزين‏80‏ أوكتين حفاظا علي محدودي الدخل وتعويضا للمخابز عن فارق سعر السولار بما يضمن ثبات سعر زغيف الخبز‏.‏

الله المستعان

[nash]

يا أهلا وسهلا..أخي الكريم waqdi

أولا أنا أخت مش أخ..يعطيك العافيه.. ثانيا معني إرتفاع البنزين ,,إرتفاع أسعار غالبيه السلع...

وده معناة زيادة العبء علي الغلابه المطحونين..قد لا تكون زيادة ال30 قرش مهمة لي أو لك أو للكثير من المصريين ..وخاصه للذين مثلي..الموجودين في دول الخليج..ولكن قد تعتبر كارثه بالنسبه لمن كان مرتبهم الشهري لا يزيد عن 200 جنيه..ربي معاهم..

بالنسبه لدعم العيش والتعليم والصحه والتعليم ..<<<<<<< بتتكلم جد ؟ يعني أنت شايف فعلا خدماتهم جيده؟

...................................................................................................................

بالنسبه للدعاء..أنا أسفه والله...بس أعمل أيه ...مقهورة

[أسد]

البنزين لو إرتفع 30% يعني بدل جنيه يبقى جنيه وتلاتين قرش برضه لازال الأرخص في العالم...وحتى لو بإتنين جنيه برضه الأرخص في العالم...

تصحيح بسيط .

البنزين في السعودية 92 وسعره 0.6 ريال .. أي 90 قرش حسب سعر الصرف المعلن

فليس صحيح أن أسعار البنزين في مصر هي الأرخص ..

ولكن هناك ما هو أرخص وينبغي رفع الدعم عنه .. ومضاعفة الضرائب عليه

السجائر والمعسل

[khedr]

الحكومه .....ماهي هذه الحكومه وما مقوماتها ومدي دستوريتها

الحكومه......اعتقد مجموعه من الافراد اختلفوا في كل شئ الا شئ واحد

وهو كيف يجعل هذا الشعب كله مجموعه مطحونين افواههم مكبله

يعاني المواطن ويكد ويتغرب ويعرق وهم بجره قلم وبقرار

قرار لا تعرف من الذي يصدره وكيف يصدره

يجعل الشعب يمشي يكلم نفسه

اين مجلس الشعب

اين الرقابه

اين الاحزاب

اين الجمعيات الاهليه

اين المجتمع المدني

اين الشعب

اين الشعب

اين الشعب

[otaka]

يا اخوانا رفع سعر البنزين مهم جدا اولا المفروض نظريا انهم بيقيسوا المرونه على طلب المنتجات البتروليه فى مصر للاسف الموضوع ده معقد جدا لان انت عندك تسعيره للبنزين المهم الحاجات اللى ممكن تتحقق

1 التلوث يقل

2 الفلوس اللى هتتوفر يتعمل بيها اسطول نقل عام

3 لازم الضرايب على السجاير و الخمور تزيد و لو انها هتضر بشركات معينه لكن هتوفر فلوس علاج لناس كتير

4 الضرائب اللى على تملك السيارات لازم تزيد و لازم يكون فى نظام تامين اجبارى و ده هيخلق وظايف بالهبل و كمان هيقلل عدد العربيات

انا نفسى اعرف لما احنا شحاتين العربيات اللى فى مصر دى جت منين

طبعا اللى رفع سعر السولار ده ممكن ياخد لقب حمار برخصه مستريح

[otaka]

بعدين اصلا واحد واصل قالى انهم عملوا كده علشان يجبروا اسرائيل على ايقاف الحرب شوف بقى طلعه الطياره هتكلف كام

[ابوعمار]

انا فاض بي الحقيقه وبكل صدق قررت ابيع العربيه

[عبدوس الوزير]

أوتاكا، اسمح لي:

التلوث يقل لو فيه مستهلك واعي بيربط سعر البنزين بميزانيته وبيتجاوب بمرونة معاه. المشكلة هي إن الفئة القادرة على القيادة في مصر مش هتفرق معاها:

* هتفضل تحط بنزين وتسوق مائة كيلو في اليوم من 6 أكتوبر لحد القاهرة الجديدة ومش هتفكر تاخد المواصلات اللي أصلا ماتتركبش

* مش هتصلح العربيات القديمة

* مش هيكون فيه حلول متفتحة مثل ال car pooling وخلافه

وهكذا يتضح ان المتضرر الوحيد من رفع أسعار البنزين ليس مستهلك البنزين بل مستهلك السلع الأخرى الأساسية. يعني من الآخر ال 30 % مش هيفرقوا مع المهندسين اللي رايحين الشغل كل يوم، هيفرقوا مع عمال التراحيل اللي بيصبروا اليوم كله على نص سندوتش فول.

أما عن حل مشكلة التلوث فلعلك تتفق معي أن لحل المشكلة ينبغي اتخاذ حلول أخرى جذرية مجدية أكبر من رفع الأسعار، مع تغيير ثقافة الشعب الاستهلاكية كلها وده مش شيء سهل

وأما عن مقارنة سعر البنزين في مصر بالدول الأخرى فهذا لا يتم إلا بمقارنته بمتوسط دخل الفرد، يعني مقارنة نسب وليس سعر بحت. السعر في مصر أقل سعر ودخول مصر أقل دخول!

[wagdi]

يا جماعة الخير... هو سؤالي يعني هو رفع سعر...ولا قرب السعر لسعر السوق إلى المفروض يتباع بيه....

أنا بس عايز أفهم هو التصور إيه بالظبط...يعني هل نحن متصورون أن الرغيف لازم يفضل بعشرة صاغ أو حتى ربع جنيه إلى الأبد... والبنزين يفضل بجنيه لعشر سنين فاتوا وعشرين سنة جاية.... والجامعة مصاريفها في السنة 40 جنيه... وبعدين نزعل إن الرغيف وحش وجامعاتنا ملهاش أي إعتبار عالمياً...

يعني إلى أعرفه إن سوق صحي قابل للنمو لازم يمشي بسياسة العرض والطلب... كل حاجة يبقى لها سعر حقيقي يعكس قيمتها ودرجة الطلب عليها والمعروض منها... حتقوللي الفقير أقولك فيه برامج تأمين وبرامج إعانات وشرائح ضريبية وحاجات كتيرة الناس برة بتشتغل بيها وبيقدروا يوصلوا بيها المساعدة الحقيقية للي فعلاً محتاجها... مش إبن المليونير يدفع 40 جنيه مصاريف وإلى راكب مرسيدس تمنها مليون جنيه يحط بنزين بجنيه...

الأخت ناش...نؤسف للخطا المطبعي والعتب على التعليم الأميري...:blink:

[Tafshan]

زيادة سعر البنزين ليست المشكلة .. المشكلة هى انخفاض دخل الفرد و قيمة هذا الدخل الشرائية ..

بالنسبه لمن يسأل عن سعر البنزين في مصر بالمقارنه بالدول الاخرى يجب ان يضع في الاعتبار معدل استهلاك / سعر لتر البنزين بالنسبه لدخل الفرد في هذه الدول يمثل كم في المائة من دخله و يقارنه بالمثيل له في مصر لتكون المقارنه حيادية .. بالتأكيد سيجد ان لتر البنزين في مصر اغلى بكثير من لتر البنزين في اي دولة في العالم..

اما عن تأثير ارتفاع تكلفة النقل 30 % على السلع و الخدمات فتلك هى المشكلة حيث ستتسبب في ارتفاع جميع الاسعار في السوق مما سيترتب عليه مزيد من الاعباء على الدخل الضعيف اصلاً ..

اما عن الحلول ، فسنجد الموضوع ليس بالسهولة التى قد نظنها .. مع ارتفاع سعر البترول اصبح دعم الوقود خارج عن الحد المخطط و بالتالى اصبح عبئ كبير على الدولة و لذلك لا يوجد لديها حل سوي تقليص هذا الدعم برفع سعر الوقود .. لكن هذا قد يكون حل قصير الامد ، لأن البترول قد يرتفع الى معدلات قياسية في السنوات القادمة .. و مع عدم تحرك مستوى الدخل في مصر سيكون من الصعب رفع السعر مرة اخرى و بالتالى فهذا حل ليس دقيق ...

الحل هو تغير السياسة الاقتصادية في مصر و التخلى عن الدعم بصورة تدريجية مع رفع مستوى الدخل للمواطن بصورة فعالة و ذلك عن طريق رفع اجور العاملين في الدولة بنسبه فعاله لا تقل عن 50% من اجورهم الحالية و التى تعتبر مؤشر اجور القطاع الخاص ايضاً مما سيساهم في رفع اجور القطاع الخاص .. و بالتالى معدل استهلاك الوقود بالنسبه لسعره لكل فرض ثابت برغم ارتفاع قيمة الوقود

اما عن موارد هذه الاجور فيكون عن طريق ادخال خدمات حكومية غير عادية اختيارية باسعار مرتفعة تقوم بتمويل الاجور

[أسد]

زيادة سعر البنزين ليست المشكلة .. المشكلة هى انخفاض دخل الفرد و قيمة هذا الدخل الشرائية ..

وهذا هو مربط الفرس ..

فإذا كانت الأسعار ترتفع كل عام بنسب متفاوته ..

هل ترتفع الدخول بنفس المنعدلات لتصبح قريبة من المستوى الطبيعي لدخل الإنسان ..

[the sad man]

اه و الف اه

والله حرام والله حرام

الناس لم تستلم بعد راتب شهر 7 و به الزيادة لتفاجئ بارتفاع سعر البنزين

و طبعا المشكلة ليست فى البنزين لاننا و الحمد لله من الشعب المطحون الذى لا يمتلك سيارة...

و لكننا من الشعب المرعوب الذى يخشى ارتفاع البنزين اكثر من اصحاب السيارات لا اصحاب السيارات يفترض بهم انهم من الطبقة الاقطاعية فى مصر وذلك لارتفاع سعرها عنه فى اى مكان فى العالم...

و لكننا نرتعب خوفا من هذه الزيادات لاننا عارفين ان سعر البنزين يعنى ارتفاع سعر كل شئ فى مصر ما عدا الانسان المصرى الذى هو كل يوم من رخيص الى ارخص

و لا عزاء لنا و ربنا يرفق بنا

وحياكم الله

ودمتم سالمين

وسلمولى على المتر علشان و حشنى جدا

[Sherief AbdelWahab]

بالفعل أغفلنا أمراً مهماً جداً.. أثر زيادة أسعار المحروقات على أسعار كل شيء في مصر..

متن الخبر بيقول إن أثر زيادة سعر المحروقات لن يتعدى 5% من التكاليف ، بناء على الأبحاث والدراسات التي ظهرت "فجأة" .. مثلما يحدث كل شيء في هذا البلد تقريبا!

تفتكروا الكلام دة صح؟

خلص الكلام

[otaka]

أوتاكا، اسمح لي:

التلوث يقل لو فيه مستهلك واعي بيربط سعر البنزين بميزانيته وبيتجاوب بمرونة معاه. المشكلة هي إن الفئة القادرة على القيادة في مصر مش هتفرق معاها:

* هتفضل تحط بنزين وتسوق مائة كيلو في اليوم من 6 أكتوبر لحد القاهرة الجديدة ومش هتفكر تاخد المواصلات اللي أصلا ماتتركبش

* مش هتصلح العربيات القديمة

* مش هيكون فيه حلول متفتحة مثل ال car pooling وخلافه

وهكذا يتضح ان المتضرر الوحيد من رفع أسعار البنزين ليس مستهلك البنزين بل مستهلك السلع الأخرى الأساسية. يعني من الآخر ال 30 % مش هيفرقوا مع المهندسين اللي رايحين الشغل كل يوم، هيفرقوا مع عمال التراحيل اللي بيصبروا اليوم كله على نص سندوتش فول.

أما عن حل مشكلة التلوث فلعلك تتفق معي أن لحل المشكلة ينبغي اتخاذ حلول أخرى جذرية مجدية أكبر من رفع الأسعار، مع تغيير ثقافة الشعب الاستهلاكية كلها وده مش شيء سهل

وأما عن مقارنة سعر البنزين في مصر بالدول الأخرى فهذا لا يتم إلا بمقارنته بمتوسط دخل الفرد، يعني مقارنة نسب وليس سعر بحت. السعر في مصر أقل سعر ودخول مصر أقل دخول!

شاكر على الاهتمام

ناخد الموضوع واحده واحده

اولا الاخوه الاغنياء الحكومه لازم تزود الضرائب على العربيات ذات السعه اللتريه اللى فوق ال 1300 اللى عاوز يركب عربيه كبيره لازم يدفع دم قلبه حتى لو مش هتفرق معاه فدى طريقه لاعاده توزيع الدخول

و حينما اقول دم قلبه فانى اعنيها يعنى اذا كانت ضريبه الاقل من 1300 سي سي الف جنيه اللى اكبر تكون 5000 جنيه

الضرائب المبالغ فيها على السيارات ذات السعه اللتريه العاليه قانونى ميه ميه و لا تستطيع منظمه التجاره العالميه انتقاده كما تنتقد التعريفات الجمركيه

ثانيا انا اشرت فى مداخلتى ان رفع سعر السولار خطا كبير اولا لان السولار هو المغذى الاساسى للسلع اللى الناس خايفه انها ترتفع و خصوصا تكاليف النقل و لذا انصح الحكومه بمراجعه القرار

اولا لانه بياثر على مناخ الاستثمار ثانيا لانه بيضر فئات الشعب اللى طالع عين ابوها

انا لا اعتقد ان عامل الترحيله يتعامل مع البنزين ابدا كل تعامله بالسولار فاذا تم تخفيض سعر السولار هيكون مفيد جدا

اخر حاجه و هى الثقافه العامه للمجتمع اللى حضرتك اشرت ليها انا متفق تماما محتاجين برامج توعيه شامله و قوانين جبريه و كمان ثقافه الاعتراض على جشع التجار اللى هما يتحملوا جزء كبير من ارتفاع الاسعار لازم الشعب يتحرك صحيح الحكومه تستاهل ضرب القباقيب بس الشعب مش ملايكه برضه

و شكرا

[لين الكلام]

يا جماعة والله العظيم مش كل اللى معاه عربية ميسور الحال لكن الظروف بتحكم يعنى لو فكرتوا فى سكان المراكز الصغيرة والقرى حياتهم تصعب عليكم لا يوجد خدمات بالمرة ولا يتصور احدكم أن ينتقل مع عائلته فى الميكروباص الاجرة لانه حاجه كده شبه الميكروباص وليس هو ممكن متلقيش باب وطبعا مفيش شباك وغالبا لايوجد فرامل طبعا ده للنقل للبلاد المحيطة القريبة لكن لو رايح مدينة بيخاف من المرور هناك وبتذهب العربيات الجيدة عشان كده ممكن تعمل ميت جمعية وتستلف وتبيع دهب المدام وتدين خمس سنين قدام عشان تجيب عربية مستعملة وكمان يغلواالبنزين ... رحمتك يارب

[Dr.mmfriend]

انا مع الاخ لين الكلام

فكروا شويه في سكان المدن والمراكز الصغيره

دول مش فارقه معاهم ارتفاع اسعار اى حاجه

لسبب بسيط

كده كده ممعاهمش تمنه

وبعدين فعلا متفكرش في الميكروباص

لانك مش حتلاقيه اصلا <_<

عموما رغم ان زي ما قلتم بنزين 80 سعره زى ماهو بس المواصلات زادت

واهو المترو بقي بجنيه

من 75 قرش لجنيه

يعني زياده حوال 33 %

شوف بقي المرتب بياخد كام سنه علي ما يزيد كده

سلام