زى الستات

[ragab2]

.

زى الستات

بس مخَنشَرة

مالهاش وِسْط

ولاَّ حاجة مكوَّرة

البُقْ بلاعة

لو شفته ترجع ورا

حاطت فيه

أحمر حريق دَنْدَرة

والعين شكلها

صينى مكسَّرة

لونها زى

ملوخية مخَضَّرة

عصاية

ماشية ناشفة

ولاَّ حتى عود درة

ولما يِتْهَزْ

يبقى شكله آخر مسْخَرة

واللى يفقع

بيقولوا عليه مَرَه

فى الأول

قلت

راجل دَمِيمْ

وعامل مَسْكَرَة

ناديت عليه

ياعم فلان .. إيه اللى جَرَى .. ؟

قال .. إلزم حدودك

دة أنا واحدة ست

حلوة مكرَّرة

وبلاش تَلقِيح

ولا نَقْوَرة

فين

الجمال .. ياعالم ..

اللى كان

والاَّ انبرى

وفين

النصف الحلو

اللى كان

شايل كِورْ

قُدام وِوَرَا

مَليان تضاريس

مع بَشْرَة منوَّرة

قوامات

ملفوفة ومدورة

نسوان

كانت حلوة

من غير ميكياج ولا عرى

والا الوظايف ..

خلِتْ الستات مدَكَّرَة

Edited By ragab2 on July 13 2002 2:28pm

[ragab2]

ستات دلوقت

للرجالة مكدرة

ان قلت شرق

تقولك غرب ياعنترة

وان طلبت حقوق

تطلب خُلع

وفى المحاكم جرجرة

حب الظهور

استاذة فيه

وتحب الفشخرة

ألوانها صناعى

اشى أخضرة واشى أحمرة

واحدة عصاية

وواحدة تخينة مكعبرة

تشوفها ماشية

تفتكرها مُجنزرة

منظر م . الخارج

وفى الحقيقة ثرى

ايه ياعالم

للحريم جرى

والا أنا اللى بقيت

لا أسمع ولا أرى

Edited By ragab2 on July 13 2002 9:02pm

[whamoda]

فى الجون

الفنان الكبير أستاذ رجب

تحية خاصة لك وودت ان اظهر اعجابى الشديد بشعرك

[disappointed]

مع الاعتذار لعبد الحليم حافظ

================

هىّ دى هيّه

بلوه ورزيّه

زكّ ياقلبى

اعمى يا عينيّا

العيون وارمه

شكلها درامى

هىّ دى حرمه

واللا دا  حرامى

اللى بيشوفها

واللى يعرفها

تلبسه مصيبه

ميّه فى الميّه

:)  ;)  ;)

[disappointed]

.

وفين

النصف الحلو

اللى كان 

شايل كِورْ

قُدام وِوَرَا

مَليان تضاريس

مع بَشْرَة منوَّرة

:)  ;)  ;)  :blush:

;)  ;)  ;)  ;)

[ragab2]

.

فين أمهاتنا

وفين طبيخ الطنجرة

وفين الخبيز

والعيش السخن

وهى مشمرة

والا

حلة المحشى

والبطة محمرة

دلوقت

الأكل سوقى

والميزانية مدمرة

بعد ماقالوا

الست لازم

تبقى محررة

الله يرحم

قاسم أمين

الى جبنا لورا

Edited By ragab2 on July 14 2002 8:24pm

[ragab2]

شكرا جزيلا لأخواننا الأفاضل

الدكتور حمودة

والدكتور وليد ( محبط )

على مواساتى فى اختفاء ستات زمان الفاضلات

تحياتى الخالصة

Edited By ragab2 on July 13 2002 9:36pm

[achnaton]

ستات زمان ..يا رجب لسه عندى موجودين .!!..

طول وعرض .. ولحمه صافى مفيش سمين !..

الكور قدام حاجة ياما.. والرفارف مظبوطين !!   

بس قولى يا رجب .. فين الشباب .. والصحة فين ؟!!!!!

----------------

فقر مصر هو اللى خلا نساءها عود سليل

وفى الحقيقة هن أفضل رغم همهم التقيل

شخشخ  إنت بس جيبك .. وتعالى عندنا المنيا

تلاقى طلبك بكل قرية ..وصنف راقى مش عليل

----------------

    الطواجن فن .. لا تجيده غير بهانه واختها قشطه     ..!!

والحمام المحشى .. والفطير السخن بالعسل والقشطة

والصوانى .. أيش محمر وايش معمر

كل ده جوه مصر فى القرى اللى مافهاش محطة

----------------

لسة هناك بيمشوا على رجليهم .. وما يعرفوش القطر

والبت من دول تشيل الجرة وتمشى على سطر وتسيب سطر !

تقولشى غزال بتنطط ويتمخطر

عاوز رجب يصطاده بكلمة حلوه من بقه بتقطر

----------------

وإذا كان على الخلع يا رجب .. فنسوان القرية مابتعرفوش !!

ويوم ما تزعل .. تعيط وتحط همها فى الطبيخ وكنس الحوش

والراجل عندها هو الآمر الناهى

بس يصرف ويكون حُنّين ومش قراقوش

----------------

مع حبى وتقديرى

اخناتون  :inlove:

تم تعديل 29 مارس 2005 بواسطة achnaton

[ragab2]

يا عم اخناتون

ياراجل يا سكرة

نسوان المنيا

دول ستات جوهرة

لا فيهم

ست عصاية ولا مكعبرة

صعايدة جدعان

مايعرفوش الأنعرة

يارايحين المنيا

هاتوا حبيى الغندرة

أقعد معاه

واشكيله

همى فى المندرة

نتفسح

ع. الكورنيش

ونعمل مشورة

واجيب له خاتم

سوليتير واسورة

.....

خلى بهانة

للواد حسانين

وادينى قشطة

بالعسل ع. الخدين

قشطة كفاية

عليها الغمازتين

وعلامة الحسن

اللى تحت العين

حلوة وشاطرة

ونجيب زيها منين

Edited By ragab2 on July 15 2002 3:53pm

[achnaton]

العزيز الأخ دكتور رجب .. تحياتى يا غالى

حلال عليك ياعم الأخت  قشطة.. وعقبالى !

حاتأكل الطواجن اللى كنت تحلم بيها

واحنا هنا بعيد فى الغربة .. نجوع ونلالى ؟!

---------

أنا قلت آخد لنفسى ..  البت زبده أختها  !!

بيقولوا حلوة .. وواخدة كتير من أمها

العود سرح .. والجلد خمرى ..والشعرمضفر طويل

والفم نبقة.. والبسمة الحلوة طول الوقت ماليا وشها

---------

بيقولوا شاطرة فى الطبيخ .. وناصحة جدا فى خبيزها

فطير ..بتاو ..عيش مرحرح .. كحك ..بسكويت ..كله لواحدها

ولا الكوارع .. والعكاوى .. تقولشى أسطى !!

والحمام المحشى والفراخ بالفريك حسب كلام جوز خالتها !!

---------

طول بعرض .. حسب كلامهم  يا رجب ..

الخصر بوصه .. فوقه عروسة وتحته حاجة للعجب

إنت واخد بالك معايا ..

ولا أعيد تانى .. خايف أنتحر وانت السبب !!

---------

صعبان عليا .. خدت غريبة .. وسبت فى القرية بهية !!

بأحلم ببلدى .. وبنت بلدى ..خضرة وبهيرة.. مهجة وزكية

كل دول كانوا جيرانى أو قرايبى غير الزمايل

باحلم بأكلة من إيد تهانى .. أو حتى لقمة فول ومعاها طعمية !

--------

غلطة .. كان نصيبى  اتحرم من طعم بلدى ..من زمان

لكن حقيقى ..راضى والحمد لله  ومبسوط ومش ندمان

وبقول لأبنى لازم تتجوز مصريـــة

دول لهم طعم تانى .. حتى لوكانت  عروسة بالأنجليزى مان

--------

مع تقديرى وتحياتى

اخناتون

:inlove:  :inlove:

[متسائل]

يا صاحبي يا أخناتون يا سكرة

كل بلد لها طعم و لون و ريحة معطرة

إحمد ربك، يمكن بنت البلد كانت تجيبك ورا

ولا بعد الجواز تتبطط و تبقى مكعبرة

ولا تقصص جوانحك، و تقعدك في المندرة

و هو الراجل يعجبه العجب، مهما كانت الست مدورة؟

صحيح لما تسأل مجرب.. أقولك بنت بلدي برقبة ميت عُصفرة

بس برضه.. أرجع و اقول مش حكاية منظرة

لا الحكاية من منين و لا فين أبص قدام ولا ورا

المهم التفاهم و التوافق حتى لو كانت من طوكيو و أدنبرة

أو حتى برجلين مشققة في الغيط بتلم جرجير أو كزبرة

عيني فارغة،و الواحد نفسه ساعات تهفه على ست كده تكون فارعة

يا بختك يا حاج متولي.. كنت واكلها والعة

نفسي أطير بين الزهور أشرب من رحيق مختلف كل يوم جبعة

Edited By متسائل on July 16 2002 7:00pm

[achnaton]

أهلا وسهلا بيك .. ياعزيزى متســائل

آدى أحنا بتحلم .. ونتسلى مفيش مشاغل

لكن الحق لوجه الله  يتقال

بنت البلد .. تنك عسل ..و ساعات بجلاجل

-------------

تسمع أنت خطواتها تدق الأرض ..من بعيد

مهما كانت .. تخينة ..رفيعة تبقى سعيد

ولما تبص فى وشها تلاقى نهر النيل

بيضحك فى وشك .. ويبقى يومك أحلى عيــد

--------------

المهم لما تختار .. ما تخترش واحدة  شعنونة ..

ترقص لك بالنهار .. ولما يخش الليل تبقى مجنونة

وإذا ربك كتب لك النجاة ورحت لحماتك

حاسب .. دى مستنياك من أمبارح واسنانها مسنونة

-------------

تدبح لها القطة فى اول يوم زى ما بيتقال

تمشى على الصراط ..لا بكا ولا موال

أما إذا غليت ايديك .. وزاغت عنيك

تبقى وقعة البعيد .... يكتبوها فى دفتر الأحوال

-------------

وليه الواحد مع مراته بيبقى بخيل وغاوى تنطيط

يسيب مراته فى السرير نايمة وينط هو سابع حيط

أو يعمل زى الحاج متولى ويتجوز أربعه

حيلاقى عند حماته وابور زلط يبططه تبطيط  

-------------

الست ..ست وكله واحد فى ظلام الليل .. آه يانا

سواء كانت ست الدار ..او نهاد  او الأميرة ديانا

المظهر واللبس المناسب .. ولما الفلاحة بتكسيها

تبقى أميرة .. فشر ستات أوربا ..حتى اللى ويانا

------------

ياعزيزى .. قول للجميع .. بنت بلدى أولى بينا

حلوة .. وطعمة .. بتتكلم لغتنا وتطرب لأغانينا

وإن جيت فى يوم وانزنقت

تلاقى شهامة بنت البلد .. تدر الدمع فى عنينا

         **************

اخناتون  :inlove:

[disappointed]

ياللى بتحب الكوره

وعايزها كده فى الجون

لاتقوللى الواد مارادونا

كسّر بمهارته الكون

ولا حتّى لعب السامبا

على كل شكل ولون

ولا "بيبو" و "زيزو" زمان

أو "فايسا" و "هيلموت شون"

الوان-تو  الصح

بين رجب وأخناتون

:inlove:  :inlove:  :inlove:  :inlove: