انا نايم وبحلم بـــــــــــــــــــــــــــــــــ -----> ارجوا الأهتمام من اى واحد مصرى

[bakeer22]

احلام واحد نايم من 25 سنة ولسة ماصحيش

اختيار رئيس (حاكم) يتصف بالعدل والصدق وان يكون رجلا (صفة)

يقوم على الأتى

1- اختيار نائب لة ممن يثق بهم الشعب وهو على سبيل المثال عمرو موسى (راى شخصى)

2- اختيار رئيس للوزراء يتصف بالأمانة والنزاهة والخبرة العلمية والعملية والأنتماء على سبيل المثال احمد زويل(راى شخصى)

3- اختيار وزير مناسب لكل وزارة يكون مشهود لة بالكفاءة ونظافة اليد والحزم والأنتماء والطموح والخبرة على ان لا يكون من رجال الأعمال

4- الغاء فكرة وجود حزب حاكم واصدار قانون يمنع الرئيس من الأنتماء الى اى حزب او مؤسسة اخرى اثناء فترة رئاستة

5- الغاء فكرة تمديد الفترة الرئاسية وجعلها حق فى يد الشعب على ان يكون الأنتخابات الرئاسية كل عامين .

6- ضم مجلس الشعب والشورى فى مجلس واحد على ان يكون اعداد اعضائهم مساويا لعدد المناطق السكنية فى مصر جميعها اى ان كل عضو

يمثل منطقة على ان تكون الأنتخابات نزيهه بدون تزوير او تلاعب

7- العمل على استقلال الأزهر عن السلطة وتكون قراراتة واحكامة نابعة من ارادتة دون التدخل من اى جهة اخرى . على ان ينتخبوا بأنفسهم من

يرؤسهم(كفاية اوى على اللى موجود دلوقتى لحسن العملية وسعت معاة على الأخر)

8- الغاء وزارة الأوقاف وجعلها هيئة تابعة للأزهر

9- العمل على تفعيل احكام الشريعة وتطبيقها بدلا من القانون المصرى (الفرنسى) .."الدين لله والوطن للجميع"

10- القضاء على ظاهرة الفساد والمحسوبيات والرشاوى

اهداف الرئيس الجديد وحكومتة .

1- العمل على تطوير الجيش المصرى افراد ومعدات

2- انشاء مصانع حربية خاصة بإنتاج اسلحة محلية الصنع

3- مراعاة الجنود والأهتمام بأحوالهم المادية والأجتماعية

4- انشاء مصانع و مشاريع وطنية عملاقة ومؤثرة مثل السد العالى تابعة للقطاع العام

5- انهاء فكرة الخصخصة

6- العمل على انتاج وتصنيع سلعة او عدة سلع محلية معينة تناسب الخامات المحلية والموارد المتاحة والكفاءة القادرة على انتاجها بجودة

عالية وتكاليف قليلة وبشكل يميزها عن مثيلاتها لنغزو بها السوق العالمى

7- العمل على تطوير وسائل المواصلات واستغلال النيل فى النقل البحرى مساعدا للنقل البرى

8- العمل على توسيع الرقعة الزراعية على قدر المستطاع

9- انتاج محاصيل زراعية استراتيجية مثل القمح والقطن

10- القضاء على استخدام المبيدات والكيماويات فى الزراعة واى عنصر خارجى من شأنة الإضرار بالصحة العامة ومنع استيراد اى من

هذة الكيماويات نهائيا

11- العمل على الأكتفاء الذاتى للمحاصيل الزراعية

12- تحسين الأنتاج الزراعى وتصديره بدلا من استيرادة

13- اقامة مشاريع عملاقة خاصة بالثروة الحيوانية

14- فتح سوق خارجية تكون بديلة عن السوق الأمريكية (اسيا واوربا والخليج) وذلك بعد تحسين جودة المنتجات التى سوف يتم تصديرها

15- العمل على تدريب الشباب عمليا اثناء دراستهم الجامعية تدريبا جادا موازيا للدراسة (فترة الأجازة) كل فى تخصصة

16- مساعدة الشباب حديثى التخرج فى انشاء مشاريع صغيرة للذين لم يحصلوا على فرصة عمل بدون فوائد وعلى فترات ميسرة

17- تطوير وتحسين المناهج الدراسية لمواكبة العصر مع مراعاة المواد الدينية

18- زيادة ميزانية البحث العلمى والأهتمام بة وتحفيز الشباب على الأبتكار فى جميع المجالات

19- انشاء مدارس و جامعات حكومية اخرى لإستيعاب الأعداد الهائلة من الطلبة

20- الأهتمام بالمدرس بتدريبة قبل ممارسة عملة وتحسين الحالة المادية لدية للقضاء على ظاهرة الدروس الخصوصية

21- العمل على زيادة دور الأسرة وتوعيتها فى تربية ومتابعة ابنائها

22- العمل على غرس القيم والمبادئ فى الشباب الصغير عن طريق التحفيز و البرامج الهادفة

23- الغاء الضرائب والأكتفاء بالذكاة

24- انشاء هيئة او مؤسسة تابعة للأزهر لمن يريد التبرع وتقوم على توجية هذة التبرعات لمستحقيها (مستشفيات - دور ايتام - الخ...)

25- تقسيم العمل على فترتين 8 ساعات صباحا ومثلهم مساءً مما ينتج عنة حل للبطالة ومضاعفة الأنتاج والقضاء على ازمة المرور

26- الغاء الرقابة على جميع الأعمال الفنية بمختلف انواعها وضم وزارة الثقافة والأعلام فى وزارة واحدة تخضع للأشراف من الأزهر

27- استرجاع بعض الشخصيات الدينية التى تم تردها او الظهور فى التلفزيون المصرى امثال عمرو خالد ولونة راجع ووجدى غنيم

وغيرهم وتفعيل دورهم

28- العمل على زيادة البرامج الدينية والثقافية الهادفة

29- عمل قناة تلفزيونية مخصصة للأخوة الأقباط

30- الأهتمام بأصحاب المعاشات ومحدودى الدخل ومن لا يملك دخل اصلا بإنشاء مشاريع صغيرة لهم تكون مشاريع حرفية يدوية

(الأسر المنتجة) ولكن بشكل مؤسسى لضمان جودة الأنتاج وحسن التوزيع

اسف لو كنت نسيت حاجة

ياترى ممكن لما اصحى من النوم الاقى الحاجات دة اتحققت

يـــــــــــــــــــــــــــــــــــــــــــــــــــــــــــــــــــــــــــــــــــــــارب

تم تعديل 22 يوليو 2006 بواسطة bakeer22

[bakeer22]

معقول مافيش حد بيحلم معايا نفس الحلم ولا انتو صاحين

[Diab]

-

انشاء هيئة او مؤسسة تابعة للأزهر لمن يريد التبرع وتقوم على توجية هذة التبرعات لمستحقيها (مستشفيات - دور ايتام - الخ...)

أفتكر أن اللجنة اللي أنت قصدك عليها قائمة بالفعل و تنفذ ما ذكرته

[رمضان]

بص يا ابني الحاجات دي بسهولة جدا تتحقق بس لو احنا عاوزينها تتحقق وزي ما انتي قلت انا نايم وباقي الشعب نفسك نايم والنوم يا ابني لا بيودي ولا بيجيب

في روسيا الثورة البلشفية مات منهم كتير علشان الحرية وكل شعوب العالم اللي عايشة في حرية وديمقراطية دفعت ثمن غالي جدا للاسف احنا مش مستعدين ندفعه او بمعني اصح بنحلم ببطل واحنا نمشي وراه ايا كان

من الاخر محتاجين تشي جيفارا

[bakeer22]

بالنسبة للأخ دياب هبقى اشارحلك وجهة نظرى لما نتقابل

اما بالنسبة لبابا رمضان <_< .. انا خايف اصحى من النوم ألاقى نفسى صحيت لوحدى والمشكلة ان كل الناس عايزة تصحى بس برضة الكل خايف يصحى يلاقيه صاحى لوحدة عايزين بقى نتجمع واحنا نايمين علشان لما نصحى نبقى نصحى كلنا مع بعض :lol:

ودة راى فى مشاركة هذا عنوانها

http://www.egyptiantalks.org/invb/index.ph...78entry225478

تم تعديل 22 يوليو 2006 بواسطة bakeer22

[Diab]

عارف الحاجات دي لو تم تنفذيها مش حيكون في

مشاااااااااااااكل خااااااااااااااااااااااااالص وده ضد سياسة الدولة

تحياتي

[bakeer22]

عارف الحاجات دي لو تم تنفذيها مش حيكون في

مشاااااااااااااكل خااااااااااااااااااااااااالص وده ضد سياسة الدولة

تحياتي

منا عارف وعلشان كدة انا قولت انى بحلم بـــــــــــــ

ولكن زى مبتقول الأغنية ( الحلم ما هو مستحيل مادام تحقيقة مباح والليل لو سار طويل اكيد من بعدة صباح)

[علي البدري]

حلم ليله صيف

[bakeer22]

حلم ليلة صيف

قصدك يعنى علشان فى الصيف مافيش غطة

[Eldisel]

الحلم دة عمرة ما هيتحقق .... انت بتحلم بمدينة افلطون لية؟

انا اعتقد انا الناس الي ماسكة البلد دلوقت (أتباع الثورة ) كانوا زينا كدة قبل الثورة مش عاجبهم حال البلد ونفسهم البلد تبئ حرة وكل راجل فلاح عندة كام فدان عشان ميتزلش لحد ...... الخ وبعدالثورة ..... وبعد ما قعدوا على الكراسي الكبيرة وجلهم مبقتش تلمس الارض بقوا اسخم من اللي كانوا اعدين قبليهم(راي الشخصي) ودة عشان حاجة اسمها فتنة الحكم او فتنة السلطة .... فامين الي هيجي ينفذ الالكلام دة ؟ واش عرفك انة بعد مايعد ويستريح مش هيبقي ذي الي قبلة..