ابحث عن عروسة

[رمضان]

ممكن الاخوة والاخوات اللي موجودين معانا في الكويت او في مصر بس من المنصورة يشوفوا لي عروسة تكون بنت حلال

ومش عاوز منها اي حاجة شطنة ملابسها زي ما بيقولوا وانا جاد جدا

لاني بصراحة زهقت من التدوير على عروسة

ويا بخت من وفق راسين في الحلال

[محمود الشاعر]

أخي رمضان نصيحة لوجه الله

الجواز بالشكل ده ممكن يسبب مشاكل بعد كدة

الجواز لازم يكون بناء على تفاهم بين اتنين وقبول بالشكل والحالة

ثم فين الاهل دور على واحدة من اهلك بنت عمك بنت خلتك اخت صاحبك لكن واحدة مجهولة المصدر وخلاص

انا اسف لو ادخلت فى موضوع ميخصنيش

بس احنا كلنا ما دمنا ارتضينا اننا نكون من محاورات المصريين يعني ارتضينا اننا نكون اخوة و اصدقاء وعيلة واحدة يبقى كان لازم انصحك

مع محبتي وربنا يوفقك لما فيه رضاه

[رمضان]

اشكرك جزيل الشكر وعلى العكس اقدر رأيك واحترمه جدا

[مومو الامور]

اخى الغالى رمضان

احب اقولك تجربه واقعيه ملخصه جدا فى واحد فى السعوديه هنا ربنا كرمه بقرشين كويسين واللى يطلبه يلاقيه

قال هتجوز وراح يدور هنا ويسالنى ويسال غيرى ويسال هناك وفى الدمام والخبر

المهم مالقاش حد رد عليه غير واحد بس راجل زميلنا هنا قاله تعالى هوريك عروسه وراح وشافها وطبعا عجبته لانها الوحيدة

فى اسبوعين اتجوز ومتسالنيش ازاى ودلوقتى وبعد مرور 4 سنين على زواجهم البنت عند اهلها شهر وعندة يومين

يعنى مشاكل ووكدة وانتهى الامر بالطلاق المريع وطبعا طفلين فى الهوا راحوا

وسموة زواج الغربه

لذا فمن واقع هذة التجربه اللى شفتها بعيونى وندم الراجل دة انصحك يا بن عمى فك دماغك ومعا اول اجازة انزل اتجوز من بيتكم وجيرانكم

جوازنا اللى نعرفه

ربنا يخليلك اهلك وتفرح وسطهم وتفرحهم بيك وبعيالك

وربنا يديك الزوجه الصالحه اللى تحافظ عليك وعلى بيتك وعيالك

ويخليلى عيالى عبدالله وبسمله ومهاب ويفرحنى بيهم وبعيالهم

قولوا امين يا حلوين

وسمعنى احلى سلام للحج رمضان اللى هيتجوز على نفسه زى اخويا وحبيبى النسر المصرى

مراسلكم مومو الامور من ارض العذاب والضنا السعوديه

باى على رنات بقا

[رمضان]

والله صدقت انا فعلا هتجوز على نفسي ومن زمان

[محمود الشاعر]

بقولك يا رمضان يا اخويا

ما تجيش تتجوز عمة ابويا هى عندها عمارتين

و

يجي بتاع 150 سنة

تنفع

حبة هزار اضحك يا عم محدش واخد منها حاجة

[khedr]

الحديث يا رمضان يا اخويا بيقول

فأظفر بذات الدين

حطه قدامك وسيب الباقي علي الرزاق

عم محمود

كده برضه عندك التحفه دي وساكت عن حبييبك خضر

مومو

عندك اولاد ربنا يخليهم لك

ويطلعوا موموات صغيره يارب

[hopsan]

رمضان يا خويا.. اصبر يا راجل ..متفرحش بنات المنتدى فينا ...مش كده...

فلوسك فى جيبك و كل ما تقعد عندك كل ما تزيد فرصتك

دول 9 مليون عانس قاعدين مرابطين..مستعجل ليه ؟؟؟؟

بس اول ما تحس ان اسنانك بتقع ..الحق اتجوز علطول

تم تعديل 22 يوليو 2006 بواسطة hopsan

[لولوووو]

رمضان يا خويا.. اصبر يا راجل ..متفرحش بنات المنتدى فينا ...مش كده...

فلوسك فى جيبك و كل ما تقعد عندك كل ما تزيد فرصتك

دول 9 مليون عانس قاعدين مرابطين..مستعجل ليه ؟؟؟؟

بس اول ما تحس ان اسنانك بتقع ..الحق اتجوز علطول

استاذ رمضان

كيف يتزوج رجل من سيدة لا يعرفها مانوع هذة العلاقة

ابن بسطا :lol: