خواطر وهموم

[houssin abo habaga]

يارب ندعوك تبعد عن امتى الغمه

وبلاش تجمع العرب يوم ابدا فى قمه

انقسموا شوية مع العدو وشوية مع الأمه

قرارهم شجب وتنديد لعدويضرب ولايهمه

"""""""""""""""""""""

دقيت على الأبواب اشكى من الوجع اللى فيه

كبد معلول بالفيروس من ضغط ايامى الآسية

وغسيل كله لقلب معلول ونظر ضعيف 6 على 100

سألونى ايه رأيك ف الريس تمام بس شوفوا اللى فيه

"""""""""""""""""""""

ياشكى من ظلم العبد والعله

اوعى تظن ان العبد حاكمك بالزله

بكره يموت العبد وتذهب العله

تذكر يا أبن آدم الشكوى لغير الله مزله

""""""""""""""""""""""

انت اللى جايبه لنفسك يا مصرى ومحدش جابهولك

تشكى لمين همك وللخلق تحكى لما مش حتلاقى فولك

بكرة النيل من سكوتك حيجف وابنك مين يحمولك

ويتراكم عليك العفن والمرض يا فرحتى بطولك

""""""""""""""""""""""

يا قايل كلمة الحق قولها واتفانا فيها

قولها فى وسط الناس والأسواق اروى واحكيها

اوعى تظن ان الظلم يقدر فى يوم يفنيها

تشيلك الناس على الراس لو فهمه معانيها

""""""""""""""""""""""""

صياد وراح يصطاد من سوق الخضار كوسه

رمى الشبك اتشبك فى القرع وهربت الكوسه

علشان صياد فقران ملا الشبك خضار مفهوش ولا كوسه

ياللى انت رايح تصطاد اعتمد على الله وسيبك من الكوسه

""""""""""""""""""""""""

يارئيسنا يا غالى زيك ما شفناش

انت والحكومه اسياد والشعب اوباش

وحياة غلاوتك عندى امشى ولا تستناش

لوحد ف مصر قال استنى قول انا بكاش

""""""""""""""""""""""""

يارب استجيب خلى تسونامى يوم تجينا

تسيب كل الشواطىء فى مصر وتروح مارينا

تكون الحكومه عامله اجتماع فى المينا

يضربهم تسونامى ضربه واحده وينور لالينا

""""""""""""""""""""""""""""""""

حسن عمران

www.dastor.net

:wub: :P :P