سؤال شخصي..؟؟!!

[بنت شعنونة]

السؤال للرجال...

ازاي بتخلي زوجتك تعرف انها غالية عندك وانك مقدر وجودها في حياتك؟

سواء افعال او اقوال

وكل قد ايه تفعل ذلك

وهل تعتقد ان هذا يرضيها و يكفيها ويسعدها؟ واذا كانت الأجابة لا... ترى ما الذي يرضيها؟ :excl:

السؤال للسيدات..

كيف تعرفين انك غالية عند زوجك؟ سواء فعل او قول؟ وهل يفعل هوا ذلك؟

ماذا يفعل حتى يجعلك تشعرين بذلك؟ وكل قد ايه؟

وهل يكفيكي هذا ام انك تريدين شيئا اخر؟ :excl:

جاوبوا بقى :excl:

[hopsan]

السؤال للرجال...

ازاي بتخلي زوجتك تعرف انها غالية عندك وانك مقدر وجودها في حياتك؟

سواء افعال او اقوال

وكل قد ايه تفعل ذلك

وهل تعتقد ان هذا يرضيها و يكفيها ويسعدها؟ واذا كانت الأجابة لا... ترى ما الذي يرضيها؟

ايه حكايتك يا شعنونه ...انتى اسألتك كترت كده ليه مره واحده ....يا هورهور........ يا تورتور...( انا سمعتها كده )

مافيش حاجه معينه بذاتها و حضرتك طبعا ست العارفين ان الستات عندهم حاسه سادسه تقدر و بسرعه الضوء تشعر ان جوزها مقّّدرها و انه يستعذب معاشرتها و تستطيع تقدير اهتمامه بها من مجمل تصرفاته معها ....العشره و التناغم و عدم افتعال الخلافات اكبر دليل على انها غاليه عنده ....اقول تانى؟؟؟؟

[بنت شعنونة]

هوا انت قلت اولالالالالالالالالالالالاني يارااااااااااجل :excl:

يعني لو جوزي ما بيتخانقش يبقى مقدرني!!!!!!!!!! :excl:

على كدا ثلات ارباع البلد مش متقدرين

والربع متطلقييييييييييييين يا سييييييييييد :lol:

النبي لانت قايل تاني

بس قول بجد :excl:

[hopsan]

و ماله اقول تانى و احنا ورانا ايه؟؟

بمناسبه الخلافات .....طبعا الشغل و ضغطه و تأثيره على الشخص ممكن يخليه فى حاله توتر و تأزم نفسى

إتفاقى معها بخصوص الشغل ما هو إلا عباءه تخلعها بمجرد دخولها المنزل و عندها تكون ام و زوجه و ربه منزل و الترتيب صحيح فى كلامى.....و انا اللى ابادر بالسؤال ...اخبار الشغل ايه..؟ و تحكى و تنفعل و تفرغ الطاقه و الغضب و نضع سويا ما الذى يجب فعله تانى يوم و هكذا ..اذا هنا اهتمامى بعملها و إشعارها انها لا تعمل وحدها

ثانيا ..انا انسان عصبى ...تعودنا عندما تثار مشكله لا نتناقش فيها بأى حال امام الأولاد وحل اى مشكله غالبا يكون بيد الزوجه من رجاحه عقل و هدوء فى التعبير و كلمه انتى عندك حق تعد كبيره فى نظرها ...اليس هذا يعد تقدير؟ ...احيانا تكون الشغاله مش موجوده بالبيت و اقوم انا بغسل الأطباق المتخلفه من الغذاء او العشاء ...اليس هذا يشعرها بنوع من الإهتمام ؟؟....الإصرار على زياره اهلها و ودهم هذا نوع من التقدير و الذى تنظر له بعين الإمتنان ...و اشياء كثيره لا تحضرنى ...هنا اقصد طول العشره و الموده و الرحمه قد يجعل التفانى و التضحيه جزء اساسى لرسوخ بيت هادىء و ليست مبادرات مفتعله

[الاسكندرنى]

السلام عليكم

تسمحى تسمعى منى انا يا شانا عن تجربتى الشخصيه فى الحياة الزوجية

شعور المراه بان زوجها يحترمها يبداء من بعض كلامات الحب

احترمها امام الاخرين و توضيح دورها فى حياتك امامهم

صدق احساسك عند جلوسك معها للحديث فهى تشعر بذلك

يجب عليك ان تجعلها تشعر انك تبذل كل ما فى قدرتك حتى تسعدها

ان تغير من نمط الحياة اى عزومه على المشى فى مطعم او العائليه الكريمه و يوم على البحر او فى حديقه

عند الرفض لى اقتراح قدمته زوجتك يجب ان تبدى اسبابك الحقيقه للرفض و شرح وجهة نظرك (هذا ليس تحقير للراجل ان يبدى اسباب ولكن المشاركه الكلاميه تعطى المراة احساس بانها صاحبة قرار حتى لو لم توافق على كلامها )

اعتقد يا دكتورة ده بعض الافعال المناسبه للرجل للتعبير عن مدى تقديره لزوجته و احترامه لها

بالمناسبه يا قبطان قرصان

عندى طريقه حلوة اوى ليك لو انت عصبى و زوجتك عصبيه جرب لما تكون عاوز تتعرك على حاجه ما تروحش تكلمها روح امسك ورقه وقلم و اكتب اللى عاوز تقوله فى الحاله ديه و خاليها ترد عليك على الورق برده

بجد الطريقه ديه على قد ماهى صعبه لكن فعاله جدا لانها بتعطى لك الفرصه لتقول ما تريد دون مقاطعه و عند كتبتك لهذة الاوراق انت تعلم بانك سوف تعطى تلك الاوراق لزوجتك مما يجعلك تكتب كل ما تريد و تشرحه و تبرر من موقفك و تخيل معى عند ذهابك تانى يوم لعملك كم من الوقت تعطيه لزوجتك لقراءة ما كتبت و تجعلها تقراه مرة و اتنين و تلاته و تتحول من حاله للقراءة الى حاله للاحساس بما كتبت

و بالمثل عندما تكون هى الغاضبه اجعلها تكتب ما تريد ان تقول وعليك انت ان تقراء مره و اثنين و ثلاثه و تفهم ما كتبت لك و افتح قلبك انت ايضا للاحساس بها ولماذا هى غاضبه و بذالك تكون قد عالجت مشكله الخلافات الزوجيه بعيدا عن الاطفال بعيدا عن اسلوب الكلمة بالكلمة و اثارت الموقف اكثر

تم تعديل 23 يوليو 2006 بواسطة الاسكندرنى

[محمود الشاعر]

السؤال للرجال...

ازاي بتخلي زوجتك تعرف انها غالية عندك وانك مقدر وجودها في حياتك؟

سواء افعال او اقوال

وكل قد ايه تفعل ذلك

وهل تعتقد ان هذا يرضيها و يكفيها ويسعدها؟ واذا كانت الأجابة لا... ترى ما الذي يرضيها؟ :blink:

اي انسان مهما كان كويس او طيب لو ثبت معاملتك معاه على وتيرة واحد هيمل وهيتعود ومش هتبقى ذات قيمة

علشان كدة كل فترة بغير من وتيرة الحياة علشان مراتي متزهقش وده مش محتاج فلوس او مصاريف كل اللي محتاجة تجديد فى العلاقة فى الشكل فى المواضيع

ابسط حاجة بعملها اني اشكرها بعد الاكل دي بتعمل مفعول السحر فعلا لأني لما بنسى واكل وخلاص بحس انها زعلت لأنها بذلت مجهود فى المطبخ وعاوزة تعرف النتيجة صحيح ساعات بتطلع منها اوت لكن كلمة الشكر بتحسسها انها عملت حاجة كبيرة واني مقدر ده

لما بجيب حاجة للاولاد شوكولاتة ايس كريم حتى لو شيبسي لازم اجيب لها زيهم بالظبط

رغم ان فى بعض المشاكل بيني وبين عائلتها لكن عمري ما اتكلمت عليهم بشكل وحش

وحاجات تانية كتير صغيرة جدا لكن ليها زي ما قلت مفعول السحر

ابسط شيئ كلمة الشكر بعد العطاء

واياك اياك تقوم من الاكل قبل ما هي تشبع لازم تتاكد انها اكلت هى كمان وشبعت

بس

[Tafshan]

السؤال للرجال...

ازاي بتخلي زوجتك تعرف انها غالية عندك وانك مقدر وجودها في حياتك؟

سواء افعال او اقوال

وكل قد ايه تفعل ذلك

وهل تعتقد ان هذا يرضيها و يكفيها ويسعدها؟ واذا كانت الأجابة لا... ترى ما الذي يرضيها؟ :blink:

جاوبوا بقى :blink:

مش عارف :mellow:

الموضوع مش بالسهوله دى ..

لو الزوج دمه خفيف .. يبقى بيغلوش mfb:

لو معطاء ... يبقى عامل عامله :ph34r:

لو حنين ... يبقى حاسس بالذنب mfb:

الحاجه الوحيدة اللى بتخلي الزوجه تعرف قيمتها عند زوجها هى انه يموت و ساعتها ح تعترف ة تقول : " الله يرحمه .. كان مش مخلينى عايزه حاجه "

طبعاً الكلام ده يعبر عن قله مندسه من السيدات المتزوجات ... انا مراتى سكر :blink:

[بنت شعنونة]

قبطان

فعلا اللي انت قلته ممكن يخلي الزوجة تشعر بالسعادة

وانها غالية عند زوجها

بس مش على طول يعني :blink:

اسكندراني

ياااااااااااااااعيييييييييييييييييني عليييييييييييييييييييييك

اهو دا الجون والا بلاش :ph34r:

ياجدعان حد يجيبلي اي خشبة اعض فيها واخلص :mellow:

بس موضوع كتابة الجوابات وقت العصبية دا صعب موووووووووووت

انا ممكن اتشل على ما اخلص الجواب من كتر العصبية

مرة واحدا عملتها وكتبت في الورق بخط كبييييييييييييييييييييييييييييير زي بتاع " من الصعب على الأنسان" بتاعة مدرسة المشاغبين

من كتر عصبيتي يعني :blink:

محمود

واااااااااااااخ من الملل

اف عليه

بس ليه ما يقومش قبل ما هيا تشبع؟

هيا بتاكل دراعه!!! :blink:

طفشان

ممكن اعرف الصنف اللي حضرتك بتستعمله؟ mfb:

اصله دماااااااااااااااااااغ عالية موت mfb:

مش بقولك

تعى في ريحي :wub:

[Tafshan]

طفشان

ممكن اعرف الصنف اللي حضرتك بتستعمله؟ :huh:

اصله دماااااااااااااااااااغ عالية موت :D

زبادى خلاط حضرتك :P

كنت كاتب حاجه كده برد بيها على واحده كانت كاتبه قصيدة عصماء بتقول فيها انها غلبانه و منكسره و هو مفتري و ما يعرفش ربنا و حاجات من دى ..

المهم ... القصيدة كان اسمها "سوف اغضب " باين B)

شوفى كده :wub:

و ماذا يمنعِك ..

احترامك الزائف ..

ام ان وقارُك يقمعِك ..

اين يسكن فيكِ الغضب ؟

اين يعمل فيك الضجر ؟

اتلومى على حرصى

ام تلومين الغضب !

ان قرْبكِ من ضلوعى ..

ليس قضبان السجان ..

ليس حرمان الرهبان ..

لستِ بأمه ..

بل سيدة ذاك القصر ..

ان تغضبين ..

لن امنعك

و ان ترغبين ..

فلن ادفعك!

حدثُك كغيرك من بنات حواء

نبذل .. تتهمينا بالرياء

نحنوا .. تشتكين من العناء !

نعشق .. توصيمينا بالغباء !

بل اغضبِ

حتى يتفتت فيكِ الكِبرْ

و تنفجر دموعكِ ..

انهاراً من حِبرْ ...

لن اكون هناك ..

اسمع لعناتكِ مسبقاً

اشتم شياط معاناتك ..

حريقاً مُطبقاً ..

و تعودى ..

لتبكى اهتماماتى

تتمنى الموت على صدرى

ترتدين طوعاً اصفادى

و لكن الوقت قد فات

فما عاد القلب يحتمل ..

فلتغضبين كما شئتِ ..

ان كنت تستطيعين الغضب ِ

[nancy]

السؤال للسيدات..

كيف تعرفين انك غالية عند زوجك؟ سواء فعل او قول؟ وهل يفعل هوا ذلك؟

ماذا يفعل حتى يجعلك تشعرين بذلك؟ وكل قد ايه؟

وهل يكفيكي هذا ام انك تريدين شيئا اخر؟

شوفى يا شانا انا حاجاوب على سؤال سؤال

اعرف ازاى انى غلية على جوزى

هو بيعمل دة على طول

باية

بالكلمة الحلوة يعنى لو لابسة حاجة يقولى حلوة عليكى

لو طبخت تسلم اديكى

لو اتكلم فى موضوع مع البنات ولاقها فهمة وبترد كويس يقولى دى تربيتك

لو مع ناس يكبرنى ادمهم

كتير يقولى انا سعيد انك مراتى

انا بتشرف بوجودك جنبى

دى بعض الكلام

بالفعل الهدايا فى المناسبات

وقوفة جنبى ومسعدتى فى شغلى لو طلبت مسعدتة

كل اد اية

كل ساعة

يكفينى دة مغرقنى يا بنتى

بصى من الاخر كونى له امتاً يكن لك عبدا

دة اسلوب تعاملنا

حتى لو قالى كلمة بايخة مستحيل ارد

استنى لما الموقف يعدى وبكل هدوء اقولة انت غلط فى كذا

واخد حقى لانى احترمت غضبة فهو بيحترمنى كلى

الى جانب الحب الى لسة موجود بعد 14 سنة جواز

مش حتصدقينى لو قلت لك ان طول السنين دى عمرى مزعقت فية ولو بهزار غضبى كلة اوجة للبنات علشان مجرحوش ولما اهدى ويهدى نتكلم

فخلاصة الكلام انا اغلى حاجة عندة قبل نفسة حتى

واجبهولك على التليفون وهو يقولك بنفسة لو حسة انى بابالغ :wub:

[مومو الامور]

طيب

جميل

بسم الله الرحمن الرحيم

انا من خلال خبراتى الشخصيه وتخبيطى فى الحياة وترزيعى فى الثكنات وتكسيرى فى العلاقات

اكتشفت اكتشافات رهيبه (محدش علمهانى)

1-- اكتشفت ان كلمه حبيبتى هى اكسجين منزل الزوجيه ولو اتقالت حتى لو بهزار لحد تانى يعكر المنزل باول اكسيد الكربون السام

2-- ان الراجل مننا بسهوله ممكن يسيطر على زوجته من كافه النواحى بكلمات بسيطه جدا مثل اللى قولتهم قبل كدة

3-- ان الراجل بيكون محتاج للزوجه اكتر ما تكون الزوجه محتاجه للراجل

4-- ان الراجل لو خد قرار يوم جوازة ان الست دى تعامل معامله (نفس اللى عاوز اخته فى بيتها تتعامل بيها ) هيحافظ عليها

5-- الراجل بيندم اكتر من الزوجه لما الرزوجه تسيبه او تغضب مثلا عند اهلها.

6-- لو جينا على للزوجه فهى بنتك بل هى ام ابنك وبنتك واللى عملت اسمك عائله واصبح فى يوم من الايام هتكون لقب جد يعنى اصل .

معذرة على الاكتشافات اللى الناس كلها عارفاها بس انا عرفتها من تجارب ومشاكل معايا ومعا غيرى

اخوكم مومو الامور

[المدهش]

مومو الامور..

يسلم لسانك يا مومو..يا أخي رغم إنك مثقف..لكن بتفهم برضه!!

لا ..بجد هذه النقاط التي ذكرتها لو التزم بها كل زوج مع زوجته لأصبحت حياته أفضل..وأهدأ وأجمل.