عم مسعود وبهيه

[haboob]

أنعم الله على مسعود وزوجته بهية بحياة سعيدة بينهما، و رزقهما من البنين والبنات، ولكن في نفس الوقت ابتلى الله الزوج مسعود بعادة التدخين السيئة، والحقيقة زوجته بهية حاولت إقناعه أكثر من مرة بالامتناع عن التدخين فلم يقتنع .. (كعادة الرجال....)، ولم تقف مكتوفة الأيدي بل اتبعت شتى السبل معه .. في البداية اتبعت أسلوب التلميح من بعيد ،،،،،ثم انتقلت لأسلوب التلميح القريب ،،،،،ثم التصريح الواضح بأنها عاده سيئة تتلف المال والصحة ، وتضايق الآخرين منه ومن معه في البيت، زوجته وأولاده.

لكن الحقيقة للأسف الشديد لم تصل إلى أي نتيجة معه ، ففكرت مرارا ماذا تفعل، فخطر ببالها فكرة التحاور معه بأسلوب شيك ومقنع ، فقالت له

أن الفلوس اللي بتصرفها في شرب السجائر هي ملك للأسرة وليس ملكك لوحدك ، وليس لك الحرية في صرفها دون موافقتنا،،،، لذلك مقابل كل علبة سجائر تشتريها تدفع لنا حقها نصيب الأسرة ،،، فإذا كانت علبة السجائر مثلا تمنها 7 جنيه خمسة يبقى عليك تدفع 7 جنيه لنا.

طبعا عم مسعود قال في عقل باله ، حلو الكلام إن كان على قد كده بسيطه، فقال لزوجته بهية، ماشي يا بهية أنا مستعد ادفع عشر لكم 14 جنيه كل يوم أمام العلبتين اللي بشتريهم بس سيبيني براحتي.

بازت خطة بهية اللي خطرت على بالها، واستمر الوضع فترة وعم مسعود بيدفع ال 14 جنيه وهو مبسوط ولم يمتنع عن التدخين، يا خسارة بهية كانت فاكرة إن الفلوس حتضايقه و تخلي يبطل، بس كانت واهمة، بس برده بهية ما سكتتش على كده، فضلت تفكر في خطة تانية وتدعي ربنا يوفقها وتدعي لجوزها مسعود ربنا يهديه و يكرهه في المدعوءة السيجارة.

وفي يوم وهي قاعدة بتشتغل، نطت في بالها فكرة أنأح،،، إيه بأه..... قالت طيب والله لما ييجي مسعود ويقعد وأشوفه بيولع سيجاره لحعمل فيه حتة حركة......وفعلا عم مسعود جه واتغدى ونام وقام وبعدين بهية عملت له الشاي فولع عم مسعود السيجاره،،، راحت بهية قايمه جايبة 14 جنية وراحت حرقاهم بالولاعة اللي بيولع بيها عم مسعود سجايره،،، عم مسعود شاف المنظر ،،،، قام اتنطر وزعق إيه يا بهيه اللي انتي بتعملي ده؟؟؟؟؟؟ بتحرقي نعمة ربنا يا بهيه؟؟؟؟؟ هي مش الفلوس ده أنا تعبان فيها وطالع روح أهلي؟؟؟؟؟؟ بهية بكل برود: بص يا مسعود فلوسك إنت حر فيها وفلوسنا إحنا حرين فيها،،، إنت بتحرقهم بطريقة وأنا بحرقهم بطريقة، على الأقل أنا لما حرقتهم ما بوظتش صحتي، بس إنت بأه حرقتهم وبوظت صحتك وغضبت ربنا.

طبعا الكلام نزل على عم مسعود زي الصاعقة..... ولم يستطيع عم مسعود أن يفوه بكلمة واحدة ،،،، وأخد بعضه وخرج من البيت، بس خارج وهو عمال بيفكر ويقول لنفسه: والله بهيه عندها حق،،، أنا فعلا كل يوم بأحرق 14 جنيه وبأحرق صحتي معاهم، وهي لما حرقت الفلوس حرقتها بأسلوب مختلف عن الأسلوب اللي أنا بحرق بيه، لكن في الحقيقة النتيجة واحدة، بل كمان أنا بحرق الفلوس وبحرق صحتي بضايق اللي في البيت وممكن أأذيهم وبغضب ربنا ........ ياااااااه ه ه ه ه أنا لازم فعلا أبطل سجاير.

وبالفعل قرر عم مسعود يبطل السجاير وكان السبب في ذلك نعمة ربنا على عقل زوجته بهيه.

على فكرة القصة واقعية ومنقولة بتصرف مني لكن إيه اللي ممكن نستفيده منوراء هذه القصة؟؟؟؟؟؟؟؟؟؟؟؟

[أحمد عمر]

ممم

نستفيد ان

السجاير غليت!!!!

[haboob]

ممم

نستفيد ان

السجاير غليت!!!!

صح، برافو عليك يا أبوحميد،، السجاير فعلا غليت،، بس فيه كمان حاجات ممكن نستفيد منها من القصة ده. فكر كده شويه.....

[last_Samurai]

بجد 10 على 10

قصه تخلى الواحد يفكر كويس

شكرا يا haboob

[Om Zayd]

أفكار .. أفكار