الله؟؟!!! دا انا غرييييب جدا!!!!!

[بنت شعنونة]

عمرك عدا عليك لحظة لقيت نفسك بتقول لنفسك

الله؟!!!!!!!!!! mfb:

دا انا غريب جدا صحيح :ph34r:

:wub:

اصلها بتحصل معايا كتيييييييييييير

مثلا..

كان فيه اعلان في التلفزيون من يجي سنتين كدا عن لمبات النور وكان اول ما نزل عبارة عن شاشة سودا و فيه صوت واحد بيتكلم عمال يقولك

قرب من الشاشة

قرب كماااااااااااان

كماااااااان

حط ايدك على التلفزيون

حاسس ب ايه؟؟؟

هوا دا الفرق اللي بنتكلم عليه

وفضل الأعلان كدا يجي شهر لحد ما قالوا بعد كدا انها لمبات

في يوم من ذات الأيام لقيت نفسي بقرب من الشاشة

بحكم الفضول بس يعني :blink:

وحطيت ايدي عليها :mellow:

لكن ما فيش حاجا حصلت :blink:

حسيت اني متخلللللللللللللللللللفة mfb: :D

غريبة اوي انا

حد حصله حاجا زي كدا؟؟ :blink:

تم تعديل 23 يوليو 2006 بواسطة بنت شعنونة

[hopsan]

هو كان حصل ايه فالأول علشان ميحصلش فى التانى ؟؟؟

[بنت شعنونة]

:blink:

:mellow:

[Diab]

معلش يا شانا لو سمحتي

هو أيه المطلوب بالظبط :blink:

[hopsan]

إحباط مش كده؟

انا قلت ان الليله دى مش حتعدى من الأول

[khedr]

الأغرب اللي نفسي أسأله...شانا

هوتوقيعك اليومين دول

ايه الحكايه انت فين

بلاش الوحده كتييييييييييييييييييييييييير

[بنت شعنونة]

والله العظيم تلاتا انتوا عاوزين تشلوني B)

يعني بجد مش فاهمين؟ :o

نقول تاني

عمرك ما اتصرفت تصرف غريب واستغربت من نفسك

ايا كان التصرف :wub:

حسيت انك عاوز تقول لنفسك ( ايه العبط اللي انا عملته دا :huh: هوا انا عملت كدا ليه؟؟)

بس

هوا انا كتبت الموضوع دا لييييييييييييييييييييييييييييييييييييييييه :D

خضر

اصل عيد جوازي الميمون كان من يومين :P

[hopsan]

خضر

اصل عيد جوازي الميمون كان من يومين

قووووووووووووووولى كده من الأول ....و انا بقول هى ايه الحكايه ؟ عماله تكتب فى ايه اللى يفرح الست من جوزها و ايه اللى ميخليهاش تزعل و ايه اللى يعمله الراجل علشان مراته تحبه و اذا كان ناسى عيد ميلادها ولا لأ و معجبهاش كلامى لما قلت انى مش متعود افتكر و بعتلها الطريقه إزاى من تحت لتحت ....اما انا ساذج بشكل !!

الراجل مفتكرش عيد جوازكم لا السنه دى ولا السنه اللى فاتت ......يا امى الراجل حيفتكر ايه ولا ايه ....ده يشكر انه لسه فاكر البيت يروحله إزاى و تيجى حضرتك و تتصدرى على الصغيره و تعملى منها مشكله

اسألى إزاى تفكريه و حتلاقى بدل الطريقه تلت تلاف .....خودى عندك واحده شغاله ومجربه و تعمل مفعول السحر كمان

روحى حضرتك اشترى بارفان هديه له و زيها ليكى و اكتبى ورقه صغيره على البارفان بتاعك ...من جوزك حبيبك للأموره شعنونه و كل سنه و انتى طيبه ...و ده عيد مش ممكن انساه ابدا و نفس الكلام على الورقه بتاعته و حطى الإتنين بورقهم فى مكان يشوفهم و بس ...صحيح مش حيبان عليه قدامك بس الحرج و الكسوف شغال جوه و مش لازم تضغطى عليه اكتر من كده ...هو كده انضغط و متنسيش الإبتسامه شغاله عالطول......

بالنسبه لسؤال حضرتك

نقول تاني

عمرك ما اتصرفت تصرف غريب واستغربت من نفسك

ايا كان التصرف

حسيت انك عاوز تقول لنفسك ( ايه العبط اللي انا عملته دا هوا انا عملت كدا ليه؟؟)

بس

حصلى كتير ...بس انا مش بقف عند موضوع معين و اندم عليه لأنى متعودتش على الندم على حاجه ...كل اللى اعمله اقول لنفسى ...غيظ الغيظ و احيانا بصوت عالى و لعلمك دى جمله مفعولها ساحر

و انا فهمت حكايه التليفزيون و الإعلان ...معلهش المخ تخين ....و اقدر اقول هنا إنك متأثره بالخيال شويه و نزيد عليها رومنسيه قويه مع إحساس مرهف ...تبقى النتيجه مصيبه ..تركيبه حساسه محتاجه و بشده معامله خاصه ...يادى النيله ....هو حضرتك دكتوره فى ايه ..؟؟؟؟

[haboob]

عمرك ما اتصرفت تصرف غريب واستغربت من نفسك

ايا كان التصرف :wub:

حسيت انك عاوز تقول لنفسك ( ايه العبط اللي انا عملته دا :P هوا انا عملت كدا ليه؟؟)

طبعا أكيد بيحصل وبيحصل أكتر من كده،،، ولو ربنا أعطانا القدرة إننا نقدر نقرا ونطلع على أفكار وخواطر الناس اللي قدامنا حنلاقي حاجات عجب.....لكن اللهم لك الحمد،،، لم يعطنا هذه القدرة.

المهم اللي حصل لك و بيحصل لناس كتير جدا جدا مننا أمر طبيعي جدا جدا،،، ولازم يحصل كده عشان نقدر نقيم نفسنا في تصرفاتنا وأفعالنا،،، نقوم نفلتر افكارنا وتصرفاتنا وأفعالنا اللي ممكن نعنلها بينا وبين نفسنا بس وننقحها ونبقي على الأسلم والسليم.

ده رأيي في القضية يعني......

وشكرا

تم تعديل 24 يوليو 2006 بواسطة haboob

[Tafshan]

مثلا..

كان فيه اعلان في التلفزيون من يجي سنتين كدا عن لمبات النور وكان اول ما نزل عبارة عن شاشة سودا و فيه صوت واحد بيتكلم عمال يقولك

قرب من الشاشة

قرب كماااااااااااان

كماااااااان

حط ايدك على التلفزيون

حاسس ب ايه؟؟؟

الاعلان ما كنش على لمبات .. كان عن حاجه بتتاكل باين .. و في جملة في آخر الاعلان بقة قفشتى المفضلة كانت بتقول " كبيييييره مش كده ! "

طبعاً ما حطتش ايدي :wub:

[محمود الشاعر]

فى يوم كنت فى البلد انا واولاد عمي والعائلة كلهم تقريبا وبعدين رحنا الغيط ورحنا ركبين حمير صبيان وبنات كل اللي جاه فى ايده حاجة راح ركبها حمار جحش صغير المهم انا كنت راكب بغل كبير شوية وشادد حيلة وهما ورايا اعدين يضحكوا ولقيت نفسي بلف واركب البغل بالمشقلب ال ايه عاوز اعرف هما بيضحكوا على ايه طبعا البلد اتفرجت على الخواجات السياح اللي ركبين البغل بالمشقلب وهاتك يا ضحك ونقورة علي العبد لله لحد ما جه فرع شجرة راح ضربني على قفايا رحت وقاع على وشي والبغل ماشي ولا همه المهم وقعت فى حاجات غريبة ومعرفش ايه الهبل اللي جالي خلني اعمل كدة

[مومو الامور]

شعنونه على فكرة انتى ماشاء الله عليكى وحوليكى

مواضيعك غريبه الملامح وشاذة عن قواعد المواضيع

لا وبتكتبى مسلسلسلات

ماهو الحق مش عليكى الحق علينا احنا انا بنقرا كلامك

ههههههههههههههههه بهزرمعاكى طبعا

بس الموضوع بتاعك النهاردة فعلا الى

غريييييييييييييييب جدا

ايه اللى انتى كاتباة دة

وايه اللى انا بقراة دة

وعادة بيكون دة نوع من انواع تفريغ شحنات الحياة الرسميه وفتح افق غريب شاذ للمخ يقدر من خلاله يتفتح المخيخ ويضع اسس غريبه

لقاعدة غريبه خاصه بالحركات المريبه والتصرفات الغريبه

زى اللى انا كتبته فوق دة

ايه دة

هوا انا بكتب ايه اساسا

شفتى

اتعديت منك اهو

قربى وى على الشاشه

قربى

مدى ايدك

شفتى

مفيش حاجه

ماهو دة اللى مجننى

[المدهش]

شعنونة..

اذا كنتي تقصدين التصرفات الغبية أو الحمقاء فالعبد لله ولا فخر أول جمهورية غباء..ومن أكثر المواقف التي تصرفت فيها بغباء..أيام الخطوبة..كنت أنا وخطيبتي-المدام حالياً- نشاهد حفلة موسيقية في الأوبرا..وحين خرجنا وكدنا نركب التاكسي لمحت حقيبة في الخلف ، وتصورت أنها للراكبة الأجنبية التي نزلت لتوها من التاكسي، وناديت عليها لأعطيها الحقيبة، لكنها قالت أنها ليست لها..فركبنا التاكسي، وفتحت الحقيبة ووجدتها مكدسة بالدولارات، وأعطيتها لسائق التاكسي الذي أخبرنا بأنه يعتقد أن أصحابها ركاب عرب سبق أن أوصلهم لفندق سفير، وطلب منا النزول من التاكسي حتى يجري بسرعة ليلحق بهم..ونزلنا وطار بالشنطة....شوفتوا حماقة وخيبة أكثر من كده؟!..

[khedr]

خضر

اصل عيد جوازي الميمون كان من يومين mfb:

الميمون .................ده مين

[سهيلة]

بصى يا شانا

العبط والغباء اللى بيحصل احيانا دة

اظن دة نتيجة ان

المخ هنج وخد اجازة مؤقتة شوية

بتحصل كتييييييييييييييييير

لكل واحد فينا

بس درجات

المهم انا كنت مرة راجعة البيت متاخر شوية واخدت تاكسى المهم وصلنى

وجيت احاسبة لم اجد فكة

المهم اديتة خمسين جنية

ومنتظرة الباقى

لاقيتة قاللى

مستنية اية انزلى

قولت لة الباقى

قال مافيش

المهم الرجل دة وهوة بيكلمنى كان شكة شارب حاجة

يعنى طريقة كلامو موش طبيعية وعنية حمرة شويتين

الغباء بقى انى متاكدة من كدة ورغم دة اخدتنى الشجاعة قصدى الغباء وقولت موش نازلة غير لما اخد الباقى

وكانت النتيجة

mfb:

B)

طلع بالتاكسى فجاة وقاللى احسن ما تنزليش

وساعتها حسيت انى عبيطة اوى لانى ما نزلتش من الاول

المهم فتحت باب التاكسى وهوة ماشى

فالراجل فرمل وخاف لحسن انتحر واعملة مصيبة

ونزلت

بسلامة اللة

وحتى رقم التاكسى ما عرفتش اخدة

:blink: :sad:

شعنونة

اصل عيد جوازي الميمون كان من يومين

قووووووووووووووولى كده من الأول ....و انا بقول هى ايه الحكايه ؟ عماله تكتب فى ايه اللى يفرح الست من جوزها و ايه اللى ميخليهاش تزعل و ايه اللى يعمله الراجل علشان مراته تحبه و اذا كان ناسى عيد ميلادها ولا لأ و معجبهاش كلامى لما قلت انى مش متعود افتكر و بعتلها الطريقه إزاى من تحت لتحت ....اما انا ساذج بشكل !!

الراجل مفتكرش عيد جوازكم لا السنه دى ولا السنه اللى فاتت ......يا امى الراجل حيفتكر ايه ولا ايه ....ده يشكر انه لسه فاكر البيت يروحله إزاى و تيجى حضرتك و تتصدرى على الصغيره و تعملى منها مشكله

اسألى إزاى تفكريه و حتلاقى بدل الطريقه تلت تلاف .....خودى عندك واحده شغاله ومجربه و تعمل مفعول السحر كمان

روحى حضرتك اشترى بارفان هديه له و زيها ليكى و اكتبى ورقه صغيره على البارفان بتاعك ...من جوزك حبيبك للأموره شعنونه و كل سنه و انتى طيبه ...و ده عيد مش ممكن انساه ابدا و نفس الكلام على الورقه بتاعته و حطى الإتنين بورقهم فى مكان يشوفهم و بس ...صحيح مش حيبان عليه قدامك بس الحرج و الكسوف شغال جوه و مش لازم تضغطى عليه اكتر من كده ...هو كده انضغط و متنسيش الإبتسامه شغاله عالطول......

كل سنة وانتى طيبة يا شاناا

وعقبال العيد المئوى

استاذ هوبسن

طريقتك دى عجبتنى اوى

لذيذة موووت

هبقى اعملها لما اتجوز ان شاء اللة

[بنت شعنونة]

يعني يا قبطان

ما يجيش هدية وكمان انا ادفع من جيبيييييييييييييييييي واجيبله هدية B)

امشي من قدامي mfb:

وبعدين

بذمتك

هل فيه طريقة اني افكره بيها اقوى من

اني اقوله انه عيد جوازنا يوم كذا من قبليها بشهر ولمدة كل يوم تقريبا عشان ما ينساااااااااااااااااااااش :blink:

حبوب

رايك وصلني يا فندم

بس

رايك غريب جدااااااااااااااا :D

محمود اسسسسسسسكت فكرتني بمصيبة عملناها زيك كدا

في ليلة من ذات الليالي المقمرة

اخواتي اتفقوا يطلعوا يركبوا حصان في ال فل موووووون

و اصروا اننا نروح معاهم انا وزوجي اللي كان متحمس جدا

كل واحد فينا ضرب الترنج ورحنا

حتة في الهرم كدا مش عارفة اظن اسمها نزلة السمان

بكام يا عم

20

لا 10

المهم ركبنا

كل واحد فينا حصان شكل

طبعا مش عاوزة اقولك انا ومرات اخويا نقينا اكتر حصانين ميتيييييييييييين ;)

عشان ما يجريش بينا

وكان معانا الجايد بتاعنا عشان ما نتهش

وانطلقنا...

مشينا في الحواري جوا البيوت تقريبا

بعدين عدينا على مقابر!!!!!

عوووووووووووووووو

المنظر كان مخييييييييييييف جدا في عتمة الليل ومافيش نور الا القمر

الهم سلمنا ع الميتين وكملنا الطريق لحد ما دخلنا في الصحرااااااااااااااااااء

احنا كنا ااااااااااااااااااااااخر حصانين

و بقيت الشباب قدامنا كلهم و الجايد ماسك حصاني انا ومراة اخويا عشان بنخاف

وكل شوية اسمع اخواتي وزوجي في محاولات مستمييييييييييتة عشان يخلوا الحصنة تجري بسرعة

ابدااااااااا

ولالالالالالالالالالا الهوا

و لا اكنهم ع الحصنة اصلا

المهم لقينا الجايد بيقولنا ما تيجوا اجريكوا شوية احنا بعيد اوي عن المجموعة!!؟

وقبل ما نرد لقيته راح بعلو صووووووووووووووتة مصرخ وقايل

صصصصصصصصصصصصصصصصصصبح صــــــــــــــــــــبّـــــــــــــــــــــــح

لقيتك الاحصنة دي جالها عته منغولييييييييييييييي

وهاتك يا جرررررررررررررررررررررررررري

درجن درجن درجن درجن

واضحك بقى على ضحك علينا

اولا

كلنا اتحدنا اننا بنرقع بالصوت

اشي يالهوي

اشي ياخرابي

اشي وقف يا حيوان

اشي الله يهدك قلتلهم ايييييييييييييييه

مما لذ وطاب

اخويا كان قدامي لقيته ابتدى يميل شمال

يميل شمال

لسا بيميل

وابتدى الحصان يجري بيه وهوا عامودي على بطن الحصان تقريبا

يعني بين الحصان والرض وبيحاول يتشبث بالحياة :D

كللللللل دا مش اشكال

الأشكال ان شبشب اخويا وقع ف اضطرينا نتوقف للبحث عنه بين الكثبان

ودا كان من نعمة ربنا عشان كنا قربنا نموووووووووت و نقع كلنا

المهم اول ما وقفنا

لمحت كدا خيييييييير اللهم اجعله خير حد عمال يزعق ويقول الحصان وقع الحصان وقع

اتاري حصان اخويا التاني قرر فجأة انه يتمرمرغ في الرمل

باينه كان عاوز يهرش باين والا ايه!!!!!!!!

والاقيلك اخويا مستسلم ل حتفه و اتشاهد وتمام التماااااااااااام

لولا مشيئة الله ردت مخه انه يهرب اول ما الحصان ابتدى ينام و يتدحرج ع الأرض -_-

وبعدين كملنا المسيرة في صمت و ووجوم لحد ما وصلنا التلة

فيه نار كدا وناس اشباح بتعمل شاي و سياح كتير راكبة حصنة في الضلمة زينا

وقال ايييييييييييييييييه الواد الجايد ربنا يهده حب يعمل واجب برضه

راح ماسك الحصان اللي انا راكباه وهاتك يا هورسات

و الحصان يرفع رجليه في السما

وانا اصووووووووووووووووت

يتنططط ويرقص وانا اصوووووووووووووووووووووت

قعد كدا يجي خمس دقايق

اول ما خلص

رحت نازلة شاتما الجايد

و متخانقا مع جوزي

ومعيطة :sad:

ازاي زوجي يسبني اعمل هووووورس من غير ما ينقذني

لقيته بيقولي ما انا ما كنتش عارف انزل من ع الحصان اصصصصصصصلا -_-

المهم ابتدينا رحلة العودة

لقيتلك الشباب اتحدوا وراحوا صارخيييييييييين مرة واحدا

يالالالالالالالالالا

وهوبا الحصنة فهمت وهاتك يا درجن درجن درجن

اتاريهم بيجروا بالصويت

و الحصان بتاع اخويا الصغير اسمه زغدانا جري في اتجاه خاص بيه وكان ها يقع من ع التل و الجايد لحقة

وحصان اخويا التاني وابن عمي كان نشيط

اما حصان زوجي ف كان قائد المسيرة عارف سكتة تماااااااااااام

لدرجة انه وصل قبلينا ب ربع ساعا لوحده :D

[سهيلة]

<_< :angry2: :angry2: :unsure:

واللة يا شنشن قعدة اتخيلك وانتى فوق الحصان

وفطسانة على نفسى من الضحك

بس انتى مغامرة بردوة انك تركبى حصان ف عز الليل كدة وانتى موش مدربة

بس مغامرة لذيذة موش كدة <_<

[بنت شعنونة]

اسكتي يا سهيلة يا بنتي

دا كان يوم ما يعلم بيه الا ربنا <_<

رجعنا كلنا عندنا تقوس في الساقين

وانبعاج في الضهر

وتساقط في الشعر

و تورم في الفخذين

وانتفاخ في الاوردة

و ريحة بي بي حصااااااااااااااااااااان في كل هدومنا <_<

[بنت شعنونة]

بنت عمي حكيتلي على موقف برضه استغربت نفسها

كانت خارجا من الكلية ف لقت واحد قاعد على الرصيف

بس شكله غلبان اوووووووووووووي ومنكسر

بس هوا قاعد

فراحت قربت منه واديتله فلوس

راح الراجل بصلها بذهول وقالها.... ;)

لا شكراااااااا!!!!!!!!!؟؟؟؟؟؟؟!؟!؟!؟!؟؟!؟! انا مش عاوز!؟!؟؟!؟!؟!

قالتله

لالالا.. لازم تاخد

خد خد :P

يا ستي مش عاوز؟!؟!؟! انا مش بشحت!؟!؟؟! :o

لالا انت غلبان خد

مش عاااااااااااااااااااااااااااوز :angry:

طيب mfb:

واتكسفت وطلعت تجري من وشه :blush: