خواطر ..... لك انت ...

[لولاتي]

بحبك .. بحبك .. بحبك..

كلمة صغيره

اصلها من حرفين اثنين

اتقالت كثير و يمكن من غير ما تتحس بجد

عشان كده نفسي القي لك كلمة جديده

ماتقلتش قبل كده

و لا حتتقال بعد كده

كلمه ليك لوحدك

اعبر لك بيها عن اللي جواية

انت في بالي .. وفي خيالي..

مليت قلبي .. و شغلت فكري ..

و بقيت كل منايا .. و حلم عمري

دايما مشتاقه لك .. و نفسي..

اسمع صوتك .. ضحكتك .. همستك ..

احس فيها بملامحك

بقلبي اللي شايفك

انت فرحتي .. اغلى شيئ حصل في .. حياتي .. دنيتي ..

ازاي حقول كل ده في كلمه واحدة ..

صعب ..

ومهما قلت من كلام ..

ابدا ..

ابدا..

محقدر اوصف لك اللي في قلبي ولا الشعور اللي بيخالجني

والله

حاسه ان كل اللي قلته قليل بس

مليش في الاخر غير كلمه واحدة اقولها لك ..

بــــحــبـــــــــــــــــــــــك

تم تعديل 23 يوليو 2006 بواسطة لولاتي

[khedr]

فعلا ...الواحد بيحس ان فيه كلمات لا تعبر عما يحس به الواحد

لكن زي ماقلت في النهايه......أحبك

...................

بساطه الكلمات ومعاناتنا من التجربه

جعلتها الي القلب مباشره بدون حواجز

..................

تحياتي لكلماتك الرقيقه ولسيادتك

[مصرية يعني مصرية]

جميلة جدا كلماتك يا لولو

بس الأجمل

إنك لما بتقراها بتحس إنها طالعة من القلب

للقلب........... :wub:

بس يا ترى لمين ؟؟

و مين السعيد الحظ إلي نفسك تقوليله الكلام ده؟؟

تلاقيه حد بايخ و رخم :wub:

و أنا عارفاه كويس هه ;)

ماهو إنتي صاحبيتي و حبيبتي و أن محستش أنا بيكي مين هيحس ؟؟ :mellow:

طيب أقولك حاجة سر؟؟؟

الناس دي مابتجيش إلا بالعين الحمرااااااااااا :angry:

أه ياختي حمرا أوي كمان هه :)

انا هقولك تعملي إيه:

إنتي تخوشي حالا لرابطة النسائية بتاعت المنتدى

و ترفعي عليه قضية طلاق :blink:

أصدي نفقة... mfb:

لا....لا....مش دي

طيب أنا نسيت كنت عايزة أقول لك إيه

المهم ياختشي

أنا مش عايزة أكون شريرة

بس مادام هو مديها طناش

رغم إنك قاعدة بتلاغيه و تكتبيله كلام حلو

أنا بقترح إنك

تفضحيـــــــــــــــــــه أيوة يا ختشي

حكم الرجالة دول .........

هه و خللي إلي ما يشتري يتفرج

ههههههههههههههه وجه محمود المليجي في المال و البنون

[لولاتي]

اريد ان ابوح لك باسراري

و اضع اصبعي على شفتيك

اريد ان اقول لك

ان ابتسامتك

تاخدني الى قمة النشوة

جعلتني اكتشف عوالم كانت مجهولة بالنسبة لي

اريد ان اعترف لك :

صدى همساتك يتردد بداخلي

يرجني ... يخذرني...

اريد ان اهمس لك : "احبك الى الابد"

ولن تجرؤ على عدم تصديقي

لان كل لحظة تمر علي بعيدا عنك

لا اجدني الا و انا افكر فيك و احن لصوتك

احبك اكثر فاكثر

كل لحظة ... مع كل نفس

رغم بعدك عني

احس برعشة تعتريني... تهزني...

اشكرك حبيبي

على كل الحب الذي جعلتني اكتشفه ...

على وجودك ...

هناك بعيدا عني :sad:

[لولاتي]

اسفه على الاسلوب الركيك في اللي انا بكتبه

بس ده اللي طلع معايه ساعتها فما دقـقـتـش في الحاجات ديه

كل اللي كان هاممني اني اكتب و اطلع اللي جوايه بس :rolleyes:

[khedr]

اسفه على الاسلوب الركيك

:angry:

الرقيق

....بتتكتب كده

:blink:

[dr khaled]

يا سلام يا لولتي

والله احلي كلام و طالع فعلا من القلب

واكيد الانسان ده عظيم و رائع ويستاهل الاحساس الجميل ده

و اوعي تسمعي كلام صاحبتك

اصلها انسانه حساسه اوي بس زياده عن اللزوم :angry:

و اكيد برضه هو عنده نفس الشعور والمشاعر

تم تعديل 1 أغسطس 2006 بواسطة dr khaled

[لولاتي]

خضر، صححت لي :angry2: متشكرة قوي (يا رافع معنوياتي )

د. خالد، انا بسمع كلام صحبتي حبيبتي في كل حاجة بس في الموضوع ده مفيش غير قلبي الاهبل اللي صمم لي وذاني و عميلي عنيه :D .

هو انسان يستاهل قوي بس ما بيبذلش اي مجهود :sad:

و انا مش بغــــصـــب عليه ولا بـزعـل منه رغم انه بيخليني حزينة وممكن يبكيني كمان، فعشان كده بتلاقي سيسي - مصريه يعني حبيبتي - :) بتزعل قوي عشاني و تغضب مكاني. "ربنا يخليك ليا يا اختي الحبيبة ولا يحرمنيش من حنانك ابدا ".

"و اكيد برضه هو عنده نفس الشعور والمشاعر" : من بقك لباب السما.

بشكرك يا دكتور. :o

تم تعديل 8 أغسطس 2006 بواسطة لولاتي

[لولاتي]

اتاخرت قوي على نفسي و ما بقيتش اكتب

من هنا و رايح مش حاكتب خواطر عشانه - عشان كده انا عايزه اغير عنوان مشاركتي

اصله ما بقاش يستاهل

ولا كان من الاول

و انا سبق و قلت على نفسي "بليدة" بس ماحدش صدقني "فهمي ثقيل" و بصدق كل اللي بيتقال لي

بس الحمد لله المهم اني عرفت انا كنت مع مين

هو صحيح خذ وقت معايه بس المهم اني فهمت

عارفه المثل اللي بيقول " ادفع نص عمري ... " ؟

انا بقه بقول " ادفع نص عمري واعرف انا مع مين" و الحمد لله اديني عرفت

صحيح متأخر شويه بس عرفت

سمحيني يا نفسي

[bentmasria]

الصديقة العزيزة لولو

جميل احساسك ورغم انك تحسين ببعض الحزن فى النهاية الا انك دائما ستظلين سعيدة انك اكتشفت الحقيقة فى حينها

ووضعت كل شخص فى مكانته الحقيقية

وفقك الله للخير والسعادة مشاعرك الرقيقة اسرت وسرت الجميع :wub:

[Folana]

السلام عليكم ورحمة الله...

رقيقة انت جدا يا لولاتى....كلماتك جميلة وصادقة...بس الموضوع ما خدش كده كام شهر...بس كويس كده ...انت كده مش بليدة ولا حاجة ده انت فى منتهى الذكاء...

ربنا يوفقك للخير دائما.....

خضر...انت انسان رقيق جدا ..بالقاف...:wub:...ربنا يسعدك ..

[Ahmad Farahat]

لولاتي

لا أدعي لنفسي موهبة كبيرة في الشعر غير أنني أستطيع أن أدعي الفهم في جوانبه العميقة ولا يمكن للرقة وحدها أن تكون السبيل الأسمى في الحب

فالرقة ضعف إن تمادينا في استخدامها..............

والرقة عجز إن أغرقنا أنفسنا فيها...........

أنت رقيقة للغاية ولكنني كنت أتمنى أن تكوني رقيقة فقط ............

فالحب كأي شئ في الوجود لايخلو من القسوة والأنانية وحب التملك وإلا ما ذهب رامي بعيدا وقال (أصون كرامتي من قبل حبي)

ولا ذهب أبو فراس لأبعد من هذ وقال

معللتي بالوصل والموت دونه إذا مت ظمآنا فلا نزل القطر

أنتي رقيقة وتملكين نفسا شاعرة للغاية ولكنك تبحثين عن الحب بين أكوام الحرير وليس بين أحجار الجبال حيث يكون الحب دائما للأسف!!!!!!.....

بقي شئ آخر عزيزتي

حاولي أن تصقلي موهبتك بالعلم فالموهبة ناقصة أبدا بغير العلم.........................