انت كنت طفل قبل كده ؟؟.. اكيد كنت طفل ..بس كان نوعك ايه؟؟

[hopsan]

يختلف الاطفال في سلوكهم وتصرفاتهم ونفسيتهم ..

لذلك .. هناك نماذج مختلفه من الأطفال كنا في يوم من الأيام مثلهم ..

يالله تعالوا وطلعوا الفضايح

الطفل البريء

في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مش بيدافع عن نفسه ..

الطفل العنيد

يطبق نظام البيت بالعكس .. يعمل اللى فى دماغه ..

لا يخاف من الأب أو الأم .. لو قلت له ده خطر متقربلوش .. عناد فيك يقربله يُــضرب كثيراً في طفولته .. ومع ذلك عنيد ميغيرش رأيه ..

الطفل الحنّـان

يستخدم وسيلة الحنية لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..

الطفل المادي

هذا الطفل ميردش السلام الا ( بفلوس )

تعامله مع اهل المنزل .. مادي بحت ..

يستخدمونه لتوصيل طلبات المنزل .. , ونقل الحكايات.. وكل شي بحسابه

الطفل الفتّــان

تجد عند هذا النوع جميع اخبار المنزل ..

يجد المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية

الطفل الدلوع

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ما يطلبها .. شخصيته اتكاليه جداً ..

الطفل العله

يزعجك بأسئلته اللى مبتخلصش.. يستفسر عن كل شي .. حتى لو عطست

يقولك ليه عطست ..وإزاى عطست و العطسه جت من ايه؟ ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات متلاقيش اجابه لاسئلته .. لانك في الحقيقه تجهلها ..

الطفل المتشرد

هذا الطفل مستحيل يجلس في المنزل ..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح شيخ حاره

الطفل الصريح

الأهل معجبين بكلامه ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..

الطفل اللزقه

تلقاه واقف عند باب البيت ما فيش حد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من شبابيك البيت للهروب منه ..

ولكن للأسف يجدونه بانتظارهم فى العربيه ..ويسألهم تأخرتوا ليه عليّ ..

الطفل الهادي

هذا الطفل مالوش صوت ابدا منين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ميتكلمش

في كثير من الاحيان تلقى اهله ناسينه فى السوق او عند الاقارب اثناء الزيارات ..

الطفل القوي

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في منطقتهم تلاقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..

اي نوع من الاطفال كنت أو كنتىِ؟؟؟

[محمود الشاعر]

والله يا قبطان يا اخويا مش عارف

فى حاجات خليط من كل دول وفى حاجات مش موجودة اصلا

يمكن اكون من كوكب تاني

بس اللي اعرفه كويس اني كنت بحب العب بالالوان واصلح اي حاجة بايظة اقصد ابوظ اي حاجة متصلحة

تفتكر انا عندي ايه يا دكتور

[hopsan]

بس اللي اعرفه كويس اني كنت بحب العب بالالوان واصلح اي حاجة بايظة اقصد ابوظ اي حاجة متصلحة

تفتكر انا عندي ايه يا دكتور

شوف يابنى يا حبيبى

انت تشيل الأفكار الوحشه دى من دماغك و تبطل أكل خالص و الميه ممنوع و حتبقى فل و تجينى بعد 3 ايام .....و لا اقولك متجيش خالص ...انا حجيلك

و آخد العزا

تم تعديل 24 يوليو 2006 بواسطة hopsan

[المدهش]

هوبسن..موضوع جميل ووصفك أكثر من رائع..

لكنك نسيت الطفل الفضيحة..الذي بمجرد أن تدخل به بيت صديق حتى يفتح التلاجة ويأكل وكأنه محروم ولم يذق طعم الأكل في حياته ..

والطفل الفنان الذي تظهر موهبته منذ الصغر فيعزف على كل شئ يقابله أمامه بداية من الحلل وحتى ترابيزة السفرة..

والطفل الزنان..الذي ما أن يبدأ البكاء حتى تشعر بأنك تريد أن ترميه من البلكونة

[عليـ***ـاء]

الطفل المتشرد

هذا الطفل مستحيل يجلس في المنزل ..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح شيخ حاره

+ا

لطفل القوي

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في منطقتهم تلاقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..

= الطفل المفتري

اعتقد اني كنت النوع ده

دانا هعمل موضوع خاص عن مذاكراتي في طفولتي واطلع الفضايح بجد

انا كنت فظيعه تقولش الطفل المعجزة وسبحان الهادي بعد ما كبرت الناس بقت تشوفني تشاور عليا دي علياء المفعوصه المتشردة اللي كان كل اطفال الشارع يخافو منها ومجيش البيت الا اما اكون عملت مصيبة واسيب امي هي اللي تتفاهم مع اهل الضحية

دانا كنت نموذج نادر ياتري يا دكتور هوبسن دي حالة مستعصية اوي يعني امي فشلت في علاجي وانا صغيرة لو اتكررت الحكاية دي مع عيالي مستقبلا مهم هيجيبو الاجرام من برة اكيد من امهم اققدر اعالجهم

[khedr]

يا ساتر يارب

ده الواحد وهو صغير مكانش ينطاق

اسكت ربنا يكرمك......شقاوه ...عفرته...تهور....لسان طويل

بس كل الحاجات دي وفيها برأه

برأه ايه ياعم الدكتور.....ربنا مايوريك

سبحان من هدانا او قل هدنا

[hopsan]

هوبسن..موضوع جميل ووصفك أكثر من رائع..

لكنك نسيت الطفل الفضيحة..الذي بمجرد أن تدخل به بيت صديق حتى يفتح التلاجة ويأكل وكأنه محروم ولم يذق طعم الأكل في حياته ..

والطفل الفنان الذي تظهر موهبته منذ الصغر فيعزف على كل شئ يقابله أمامه بداية من الحلل وحتى ترابيزة السفرة..

والطفل الزنان..الذي ما أن يبدأ البكاء حتى تشعر بأنك تريد أن ترميه من البلكونة

صديقى المدهش شىء جميل ألاقى حد يساعدنى فى البحث العلمى بتاعى ...هى دى الروح المصريه المعطاءه ..... عندكش عيال عايزين يتعالجو؟؟؟؟....أصلى بجرب دوا جديد و خايف اجربه على الحيوانات

دانا كنت نموذج نادر ياتري يا دكتور هوبسن دي حالة مستعصية اوي يعني امي فشلت في علاجي وانا صغيرة لو اتكررت الحكاية دي مع عيالي مستقبلا مهم هيجيبو الاجرام من برة اكيد من امهم اققدر اعالجهم

اهلا يا مدام ....اتفضلى حضرتك .....يا سنيه هى المدام دفعت الفزيته ...طيب ... لا لا شكرا

ايوه يا مدام ...امال فين الولاد الحلوين ؟؟؟ ...اوووه سورى ....مكنتش اعرف

ممكن تفتحى بقك .............................................لا حول ولا قوه إلا بالله .... اطمنى خيرإنشاء الله ....هو جوز حضرتك فين ؟ عايز اكلمه ......اوووووه سورى ......مكنتش اعرف ....طيب باباكى ؟؟ ......مسافر ؟؟

شوفى ...انا مش حخبى عليكى ....ولازم اتكلم بصراحه ...طالما مش لاقى راجل أكلمه.......

انا مش لاقى غير صفين لولى......

انتى بتاكلى جلاس؟؟؟؟

[shahd]

اممممممممممممممممم يعني لازم تفكرونا بالطفولة المهببة دي :sad:

فيما اتذكر اني لا اعرف للطفولة لا شكل ولا معنى :blink:

كل الي افتكره اني كنت اطوائيه جدااااااااااااااااااااااااااا

هاديه جدااااااااااااااااااااااااااااااااااااا

كنت دايما بقلد الكبار

لااعرف لا لعب ولا جنان وجري ولا اي حاجة من دي خااااااااااالص

رغم ان كل الوسائل الجميلة كانت متاحه

بس تقول ايييييييييييه ناس عايزة تكبر قبل يومها B)

فكرتونا بالذي مضى mfb:

تيتا شـــــــــــهد

[hopsan]

اممممممممممممممممم يعني لازم تفكرونا بالطفولة المهببة دي

يا ساتر يارب

ده الواحد وهو صغير مكانش ينطاق

اسكت ربنا يكرمك......شقاوه ...عفرته...تهور....لسان طويل

بس كل الحاجات دي وفيها برأه

برأه ايه ياعم الدكتور.....ربنا مايوريك

سبحان من هدانا او قل هدنا

اخويا خضر ...انت اللى حتنقذ مستقبلى المهنى .....محدش عايز يجرب الدوا الجديد بتاعى فياريت يعنى ....لو تسمح.......تجربه؟.....هما حبتين بس و تقولى حاسس بإيه...............ولا اقولك انا حشوف بعينى

فيما اتذكر اني لا اعرف للطفولة لا شكل ولا معنى

كل الي افتكره اني كنت اطوائيه جدااااااااااااااااااااااااااا

هاديه جدااااااااااااااااااااااااااااااااااااا

كنت دايما بقلد الكبار

لااعرف لا لعب ولا جنان وجري ولا اي حاجة من دي خااااااااااالص

رغم ان كل الوسائل الجميلة كانت متاحه

بس تقول ايييييييييييه ناس عايزة تكبر قبل يومها

فكرتونا بالذي مضى

كبارتنا الحاجه شهد ليه بس يا ستى تطلعى السلم على رجليكى ...تليفون صغير و هوا تلاقينى قدامك ...هو حضرتك بتشتكى من إيه؟ ......ايوه ايوه عارفها اعراض الطفوله ....انا عندى دوا لسه جايبه من بلاد بره ...بس اشوف نتيجته على خضر الأول ......خضر .........خضر .......هو راح فين..؟.....يا سنيه ....هو الأستاذ خضر عدى قدامك؟؟؟......لا ....أمال راح فين بس؟؟؟

[بنت شعنونة]

لسا يا قبطان لسا

فيه الطفل العبيط mfb:

اللي دايما تلاقيه صوته مسرسع كدا او اخنف وبيقول اييييييييييي حاجا في اي حتة

بس ابن حلال يعني .. يصدق اي حاجا.. ويساعدك في المطبخ لو حبيت.. ويبتكر حاجات عشان يسعدك

ويعمل خناقات عشان تدافع عنه

ومافيش اشكال من كذبة صغنونة كدا والا كدا تعمل جو... B)

تم تعديل 24 يوليو 2006 بواسطة بنت شعنونة

[hopsan]

لسا يا قبطان لسا

فيه الطفل العبيط

اللي دايما تلاقيه صوته مسرسع كدا او اخنف وبيقول اييييييييييي حاجا في اي حتة

بس ابن حلال يعني .. يصدق اي حاجا.. ويساعدك في المطبخ لو حبيت.. ويبتكر حاجات عشان يسعدك

ويعمل خناقات عشان تدافع عنه

ومافيش اشكال من كذبة صغنونة كدا والا كدا تعمل جو...

ايه الحكايه هو كل ما اقّفل البحث بتاعى يطلعلى عفريت جديد بشخصيه عيل جديد

اعتمدنا العيل بتاعك يا دكتوره ...حد عنده عيل بصفه جديده .....حقفّل البحث خلاص ...محدش يجيبلى عيل تانى ...والله خايف الدكتور يقطّع البحث اللى طلعت عينى فيه و يرميه فى وشى ....عارف انا اشكال الدكاتره بتوع اليومين دول........طيب ...مافضلش غير الدوا الجديد اللى انا عامله ....اخويا خضر بعد ما اخد الحبتين و فص ملح وداب ....اختفى الراجل ........تعمليش فيا ثواب يا شعنونه و تاخديلك حبتين ....نجرب ..مش حنخسر حاجه .....و لكى عليا اقولك على كل التطورات اللى حتحصل .....و سيبك من خضر و اللى حصله

[اسود وتعالب وارنب]

فيه الطفل البطل اللي عامل نفسه كبير ودايمنا بيدافع عن اي كبير او صغير وايمه يحط نفسة في وش المدفع يعني بيورط نفسة من اجل الاخرين حتي لو مش فاهم حاجة اهو بيدافع عن بقيه العيال واسلام ولو تطلب الامر انه يضربلهم مافيش مشاكل

[hopsan]

فيه الطفل البطل اللي عامل نفسه كبير ودايمنا بيدافع عن اي كبير او صغير وايمه يحط نفسة في وش المدفع يعني بيورط نفسة من اجل الاخرين حتي لو مش فاهم حاجة اهو بيدافع عن بقيه العيال واسلام ولو تطلب الامر انه يضربلهم مافيش مشاكل

بصى يا اسود بالعند فيكى مش حعتمد العيل ده ...كنتى فين من زمان ..و انا نابح صوتى و اقول حد عنده عيل بشخصيه جديده وأدينى قفلت البحث و بعته مع الواد فرغلى الفراش و انشالله يولع الدكتور فيه بكره ..منش عامله تانى و انشالله ما نقشت الرساله و مش عايز دكتوراه.....يلا .....بس

[عليـ***ـاء]

اهلا يا مدام ....اتفضلى حضرتك .....يا سنيه هى المدام دفعت الفزيته ...طيب ... لا لا شكرا

ايوه يا مدام ...امال فين الولاد الحلوين ؟؟؟ ...اوووه سورى ....مكنتش اعرف

ممكن تفتحى بقك .............................................لا حول ولا قوه إلا بالله .... اطمنى خيرإنشاء الله ....هو جوز حضرتك فين ؟ عايز اكلمه ......اوووووه سورى ......مكنتش اعرف ....طيب باباكى ؟؟ ......مسافر ؟؟

شوفى ...انا مش حخبى عليكى ....ولازم اتكلم بصراحه ...طالما مش لاقى راجل أكلمه.......

انا مش لاقى غير صفين لولى......

انتى بتاكلى جلاس؟؟؟؟

مدااااااام .......... مدام ايه يادكتور ......... هو يعني عشان بقولك عيال المستقبل ابقي مدام لا يا بشمهندس انا انسه .......وزعيمة حزب يا نساء المنتدي اتحدن ..........ما علينا

اانتى بتاكلى جلاس؟؟؟؟

هو انا غلط ورحت لدكتور اسنان ......... فين الباب بتاع الموضوع ده ....... ولا بكلم عبد الوهاب ....... ايوة انا باكل قلقاس وبضرب كلاب الناس ....... حلو كده زي الفلم بالظبط

[اسود وتعالب وارنب]

ماشي ياعم هوبسن عيل بعيل ان مالمتلك العيال دي كلها واتهمتك انك بتاجر بمشاعر الاطفال ومستقبلهم وانك تستغل مشاكل الاطفال ( من اجل الاستغلال المادي والكسب غير المشروع) علي طريقة كلام الجرائد وعندي عنوان حقوق الانسان وافقعك رسالة مليانه بالكلام عن الاستغلال والحاجات الكبيرة دي وابقي اقف في طريقي بقه لما نشوف يحنا ( معشر الستات ) ياانتم ( معشر الرجال ) وياانا ياانت ياعم هوبسن ومافيش هوبس ومافيش سلاموعليكو ( من النهارده مافيش ولاد ابو اسماعيل ) ( مع تحيات بوحه ) <_<

[nancy]

شوف انا كنت زى محمود مجموعة من صفات كل الاولاد دول

يعنى باحب استكشف وابوظ الاجهزة بحب ارسم واقراء بحب العب واضرب العيال وهما يضربوا اخواتى او قرايبى الى يعرفوهم بدالى

كنت باحب اضرب اخواتى

كنت مسيطرة ومخربة ودعباسة وافتش فى شنطة ماما من وراها واوراق بابا

احيانا افتن لجدى وجدتى عن بابا

كنت بافكر جوة دماغة كتير اوحلل امور كتير جوايا من غير ما اناقش حد لان ماما مكنتش بتدينى فرضة اوى اقول كل الى عندى

كنت عندية وباكذب عليهم لو ليا مذاج فى اى حاجة اعملها حتى لو هما مش موافقين

كنت جريئا اكلم اى حد واصاحب الاغراب

ستر ربنا انى متخطفتشش لانى كنت وانا صغيرة مخفش انى امشى مع اى حد

[khedr]

اخويا خضر ...انت اللى حتنقذ مستقبلى المهنى .....محدش عايز يجرب الدوا الجديد بتاعى فياريت يعنى ....لو تسمح.......تجربه؟.....هما حبتين بس و تقولى حاسس بإيه...............ولا اقولك انا حشوف بعينى

دكتور هوسبن.....انت اديتني ايه

ياماما..

[yacho]

مش عارفه ليه كل ماقرا الموضوع ده احس ان عندى شيزوفرنيا

وانا صغيره كنت حسسسسسسسسساسسسسسسسسسسسسه

نظام ماتكلمش عشان ماحدش يكسفنى واعيط .. ماغلطش عشان

محدش يانبنى .. كنت هاديه mfb:

ايه الى حصل انا بقيت العكس تماما :P

هوبسن .. انا ممكن اجرب الدوا بتاعك :angry:

[محمود الشاعر]

انزار انزار

الى كل المحاورتييي القاطنين فى دير النحاس

الدواء فى سم قاتل

هوبسن يا قبطان

انت حاطط ايه فى الدوا

يا دكتور انت رحت فين اوعى تكون خد الدوا بتاعك

[khedr]

اوعوا تجربوا الدوا

اديكم شايفين اللي حصلي

انا عايز ارجع تاني

لأ...مش هاشرب اللبن