مذكرات شعنونة في الوظايف الجديدة!!

[بنت شعنونة]

فاكرين لما قلتلكم لقيت شغل ب 30 جنيه وقلتولي روحي وجربي؟

رحت فعلا

وجربت ومشي الحال

ومن بعدها بكام يوم جالي عرض تاني ل شغل في مستشفى معروووووووووووف بتاع جراحات تجميل B)

ومش عاوزة اقول اسمه عشان مش عاوزين فضايح.. -_-

اول يوم رحت قابلت "البنت" صاحبة المستشفى واللي المستشفى ب اسمها

هي في ثانية ثانوي

بنت عاوجة لسانها انجليزي لكن محترمة معايا واتفقنا ع الشغل 4 ايام في الأسبوع

اول يوم...

فيه بنش كدا عليه التلفونات و السكرتارية و المفروض اننا بنقعد جنبهم لحد ما تيجي حالة نشتغلها

المستشفى جايبانا نسرق خبرة الاخصائيين و الأستشاريين عشان يمشوهم ونقعد احنا مكانهم ب تمن الثمن طبعا!!

المستشفى زحمممممممممممممة موت

بطريقة لم اتخيلها

و الكااااااااااااارثا

انهم اغلبهم ناس غلابا جداااااااااا وناس جايا من كفر الشيخ وناس من الفلاحين ومش عارفا وصلوا ل هنا ازاي اصلالالالالالالالالالا -_-

ومعظمهم جايين يتعالجوا من البهاق

اسمعوا بقى احلى كلام...

علاج البهاق هناك بصبغة زي التاتو ممكن تستنى و ممكن تضيع لكن بيضحكوا ع العيانين وبيقولوا انها مستمرة لمدة سنييييين!!

الكشف المبدءي بي 50 جنيه

وبعد كدا كل جلسة تبدا من 150 الى 400 جنيه!!!!!!!!!!

و الناس بتدفع!!!!!!

الحاجا اللي للمصري ب 500

هيا هيا للخليجي ب 5000!!!!!!!!!!!

وطبعا الست بتدخل عشان تعمل حاجا واحدا تطلع ب يجي 76578465 حاجا تعملها وتدفع تمنها

وكله في الهجاااااااااااااااايص

مش عارفا ليه افتكرت فيلم احمد زكي البيضة و الحجر :sad:

اول ما رحت علمونا من اول ساعا ازاي نحقن البهاق

لكن زي البهايم

من غير ما نعرف ايه الصبغه دي والا ايه دا ولا ايييييييييي حاجا

اعملوا زي ما بنعمل وخلاص!!!!!!

فيه مواد وكريمات في الصيدليات ل تفتيح البشرة

يعني الواحد يبتدي من 300 جنيه

بيشتروها ويعبوها في عبوات بلاستيك ويبيعوها ب 500 جنيه

وبرضة كله في الهجااااااااااااايص!!!!!! mfb:

طالبين دكاترا بالهبل هناك ومافيش ايييييييي نظام

وبنت صاحب المستشفى اللي في ثانوي دي هيا اللي شبة تدير المكان

وبتزعق في الدكاترا اوووووووووي وممكن تهزقهم!!!!!!

ومعظم الخناقات بسببها

طلبت من الدكاترا اللي اشتغلوا انهم يردوا ع التلفون

وقالتلي كدا برضه وانا وافقت

على اعتباااااااااااار انه حد يتصل عاوز يسال في حاجا طبية

انما هيا اجبرت البنات انهم يردوا زي السكرتارية

الو مستشفى كذا الكشف 50 جنيه يا فندم من الساعا 10 ل 10 مساء.. شكرا

!!!!!!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

%$%$#%$#%$#@%$%^$&%&*

ياسلام؟

في لحظة لقيت بنت من السكرتارية واقفة جنبي انا و 3 دكاترة بنات

والتلفونات هارياها رن

ومحتاسا

راحت حادفا تلفون ناحيتنا وقالت

ردوا يا جــــــــــــمــــــــــــــاعة

لقيتلكم واحدا من "الدكاترة" بترد زي السكرتارية وقفلت

رحت ماسكاها مهزقها

قالتلي لا

هما قالولنا لازم نعمل كدا

قلتلها انتي بتستعبطي؟

لو كدا انا ماشيا حالا

انتوا داكترة يا جدعان؟

انا طبعا رسمت الوش الجبس

وكل ما تقول يا جماعا اودي وشي الناحية التانية

لحد ما جاتلي مرة وقالتلي ردي ع التلفون

قلتلها ب الاطة

لاءءء

في مشيت وردت عادي جدا... :D

وبعد كدا لما يبقى فيه استشارة ع التلفون تروح مدياني السماعا وتقول معاكي الدكتورة شانا

اعتقد دا الصح يعني...

المشكلة بقى

اننا كنا متفقين انا وبنت صاحب المستشفى اني اخد 400 جنيه

قالولللللللللللللللللي

انها 200 جنيه وانها هبلة مش فاهما حاجا

رحت سالتها تاني النهاردا اكدت انه 400

قالوووووووووولي اسالي المحامي هوا اللي عارف

سألته

بقى عامل زي الفار المبلول ومش بيقول اجابة ويقولي مادام بنت رئيس مجلس الأدارة قالت كدا يبقى خلاص

- يا عم سيبك من كلامها وقولي الطبيعي ايه

- زي ما قالت

- اكيد

ماردش في حين كان فيه دكتور واقف جنبي هز راسه انه لاءء هوا 200

وانا دلوقتي محتاسا مش عارفا اكمل معاهم او لا

ومش عارفا حلال والا حررررررررررررررررراام اصلا اللي بيتعمل هناك دا

قلت اكمل لحد ما اخلص الكام يوم الفاضلين من الهشر ونشوف ها نتحاسب ازاي

و اهو بالمرة اكون عرفت حلال او حرام :blink:

[بنت شعنونة]

في خضم دا كله بقى

اتصل بيا دكتور كنت بعتله السي في بتاعي عاوزني اروحله

رحت قلت ياريت يكون احسن عشان اسيب المستشفى

لقيته مركز تجميل برضه mfb:

وصاحبه اسمه د.ممدوح

بس راجل صايع صايع يعني B)

الراجل ماصدق سمع اني شغالة في المستشفى اياها وريقة جري

طبعا قالي بقالك اد ايه

قلتله شهرين :sad:

مش ها اقوله يومين يعني

طب اشتغلتي ايه

قلتله

طب بتعملوا ايه هناك

وهاتك يا سين وجيم عن كل كبيرة وصغيرة

المهم بقى

الراجل طلب مني نمرة الأستشارية اللي بتروح هناك عشان يخليها تشتغل معاه كمان ( مش عارفا دا حلال والا حرام) :blink:

واني اعرف بيجيبوا المعدات بتاعتهم من انه شركة عشان يشتري زيها!!!

واني افضل هناك كمان شهر عشان اشرب الصنعة!!!!!!!!!!

قلتله طب بقولك ايه

انت مش عاوز زباين

قالي اه

قلتله ما تسيبلي الدنيا واظبطك انا

- ازاي؟

قلتله على افكار جهنمييييييييييية للدعاية و هاتجيبله زباين بالعبيط :D "غبية"

وقلتله يعمل عيادة تجميل طبيعي

يعني اقنعة بشرة وسنفرة وحاجات كدا كله طبيعي في طبيعي اشي خضروات اشي فاكهة حاجات كدا يعني

خصوصا اني ليا دراية معقولة بالكلام دا

ومع شوية قراية ها ابقى ولا امينة شلباية

مش طب دا اصله دا كدا تفاريح ;)

عجبته الفكرة موووووووت

خصوصا انها مش ها تكلفه الا 1000 جنيه ويمكن اقل في حين العائد ممكن يبقى 5000 مثلا

وقالي احسبيلي التكاليف و اعمليلي صيغة دعاية للأعلان و فكرة لتطوير شكل السنتر

تحمست

واداني كتب للوصفات الطبيعية للبشرة عشان اقراها

وقالي لو عاوزا نكتب عقد لما نقعد مع بعض نكتب وماله

المشكلة انا حاسا انه حلنجي

ومش عارفا اللي طلبه مني دا صح والا غلط؟

بيقول ان عنده استشاريين جامدين موت عاوز يقعدني معاهم عشان اختار اتعلم ايه منهم!!

وبيقول عليا اني بنت سوق مية المية!!! :D

اوني افكاري التسويقية في الجون

مش عارفا بقى بيشتغلني والا بيتكلم جد؟!!!!

خصوصااااااااا

انه حكالي على اخصائية جلدية جاتله عشان الأنترفيو وقعد يسالها بتشتغلي ايه ومن شركة ايه وعمال يكتب وراها

ف سرسب منها كلللللللللللللللللللل المعلومات اللي عاوزها ولما حست هيا ب دا راحت سايباه وخارجة

حاجا تلخبط -_-

نرجع بقى للمستشفى

الشيء الخرااااااااااااااااااااااافي

ان الأخصائييين اللي بيقولوا عليهم لا اخصائين جلدية ولا يحزنون

دول ممارس عاااااااااااااااااااام

لكن الرعيل الأول

يعني ناس ممارس جابوهم من سنين سرقوا خبرة الأخصائي وحفظوا اسطنبة روشتات هما 10 اسطنبات بالتمام و الكمال وعمالين يكتبوها؟؟

واوقات يكونوا مش فاهمين بيعملوا كدا ليه اصلا؟؟؟

تصوروا؟؟؟؟؟؟؟؟

وهما دول اللي بيكشفوا ع العيانين؟

والاستشارية بتيجي تقريبا يومين بس في الأسبوع ويومها بيكون زحمة جداااااااا

وبس

-_-

[Lembic]

أنا مش مستغرب من اللى بقرأه وعلى فكرة أنا نزلت مصر من شهرين أجازة وكانت طويلة شوية (تقريبا شهر ونص) وتعاملت مع الناس فوجدت إنى مش بتعامل إلا مع ناس غاوية نصبXنصب والله العظيم والله العظيم النصب بيسرى فى الدم ووصل الى النخاع! أنا أسف للصراحة الشديدة لكن أنا لم أكن أتوقع أن أرى بلدى الأم بهذا الوضع! الكذب والنصب أصبح سمة حتى إذا لم يكن هناك عائد أو داعى للكذب! وكل المستويات بتكذب من طبيب الآسنان اللى أساسا أستاذ جامعة اللى يتفق مع المريض على أجر معين ثم يرفع الأجر بعد ذلك ويقول "مهو إنت مسألتش! واحنا متفقناش على كل حاجة! " الى موظف البنك الى الشرطى الى بياع الفول والطعمية كله والله العظيم عايش على الكذب والغش! أنا بجد صدمت! وللعلم النصب مش بس من أعلى الهرم لكن فى كل المستويات والطبقات والثقافات!

لماذا يصبح الكذب عادة! والمؤسف أن يكذب الشخص حتى بدون داعى! يعنى مفيش مكسب من الكذب ومع ذلك يكذب! الناس أصبح الغش سمه من سماهم!

حسبى الله ونعم الوكيل!

لن تنجح أمة تعيش على الكذب!

[بنت شعنونة]

والله يا استاذ لمبي

كلامك تعبني جدا

يعني الواحد يمشي ويسيبهم والا نعمل ايه بس؟

مع اننا بنحاول نقول الحقيقة للناس اللي بيسالونا و اجرنا على الله يعني :unsure:

من المواقف المضحكة بقى

جه راجل عندها بهاق

اللي هوا ان لون الجلد يفقد صبغته ويبقى افتح في بقع معينة عن اللون الطبيعي للشخص

الراجل عنده نقطتين في ايده مضايقينه وجالنا يحقن

ف زميلتي قالت ها تحقنه بالصبغة الملونة وانا وقفت معاها عشان كنت زهقانا

الراجل يطلع في الأربعين كدا انما باين عليه بصباااااااص مووووووووووت

ف انا حسيت كدا رحت ضاربة بوز طول الوقفة :ph34r:

انما زميلتي الأصغر مني ب يجي 6 سنين ما فهمتش

فكانت بتتساير معاه في الكلام بسماحة نفس

المهم خلصنا الشغل وجينا نربطه ب بلاستر قال عاوز من البلاستر الصغير

وماله

ف كنت انا ابتديت الف الكبير اصلا

راحت زميلتي تجيب النوع التاني الصغير وانا ابتديت افك اللي انا ربطته على ايده دا

- يعني يا استاذ حضرتك مش عاوز اليلاستر دا؟

- لا .. الصغير شكله احسن بكتير... مش كدا والا ايه يا عروسة؟؟؟؟!

:blink:

عروسة؟!؟!؟! :huh:

دي بدل دكتورة يعني؟ <_<

ايه دا هوا حضرتك دكتورة؟ :o

- امال ايه يعني؟ :angry2:

- لا اصل شكل حضرتك صغير جدا ;) .. اتخرجتي والا لسا

- انا دفعة 2001 سعدتك.. :angry2:

وسيبته وخرججججججججججججججججججججججججججججججججججججت

قال عروسسسسسسسة قال <_<

[impossible]

موضوع تحفة

هو احنا جالنا فوبيا الدكاترة من شوية :unsure: :ph34r:

ومواضيع التجميل و اللذى منة طلع نصب *نصب

خيييييييييييييييييييييير

كويس انك عرفتينى

بيتهيالى يا دكتورة شانا لازم تكونى عارفة انتى عايزة اية من الشغل

يعنى عايزة تشتغلى و لو اى حاجة بمرتب عالى :angry2:

و لا عايزة تتعلمى طب و تاخدى خبرة كويسة و بعدين تشتغلى فى مكان احسن <_< <_< :angry2:

و لا تركيبة دماغك وهرمونات الابداع :blink: :huh: عندك مرتفعة شوية عايزة تفرغيها فممكن تشتغلى فى الدعايا والتسويق و ممكن كمان تصقليها بالدراسة

ولالالا؟؟؟؟؟؟؟؟

[بنت شعنونة]

بصي يا امبوسيبل يا بنتي :angry2:

انا عاوزة اخد من الدنيا ككككككككككللللللللللللللللللللللللللل حاجا

ومش ها تتصوري كلمة اي حاجا دي معناها عندي واااااااااااااااسع ازاي

كل خبرة ممكنة انا عاوزاها

كل قرش انا عاوزاة

كل تجربة انا عاوزاها

كل حاجا مادام حلال يبقى من حقي اني اعيشها؟ و اخدها بالحلال

ليه لا!! :angry2:

دا اختلافي مع كتييييييييير من العقول المصرية

دا متعه انك تجربي كل حاجا

يوم ما كنت ام سمر في سوق الخضار كنت مستمتعه جدا

لما كنت دي جي كنت مستمتهة جدا

لما كنت سكرتيرة ( استمتعت حبة صغيرة)

وانا دكتورة سواء في مطروح او اسكندرية او اي مكان بستمتع

وانا في بيتي ك زوجة استمتعت ( مش قوي برضه <_< ) :unsure:

بس لالالالالالالازم اجرب

اموت لو ماجربتش حاجات جديدة.. غريبة او مش غريبة

ويا سلالالالالالالالام بقى لو بتجيب فلوس

:ph34r:

ف سؤالك كدا يعتبر صعب اوي

سألهولي راجل دكتور محترم صاحب سنتر جراحة تجميل انما هااااااااااااااي جدا جدا لدرجة اني احتقرت نفسي اني اشتغل هناك من كتر ما المكان فظيع

وما عرفتش اجاوب

راح مشاني <_<

[hopsan]

كلام جميل وزى الفل و انتى حتطينا فى الصوره ..و انتى بتتكلمى انا شايف المستشفى دى و بتمشى فيها كمان ...كله فى الدماغ

سيبك مننا و من كل اللى حنقوله ....اللعبه لعبتك يا مدام و اذا كنا احنا ادينا فى الميه فإنتى ايدك فى النار...لسبب صغنون انتى معاكى القسم بتاع الحاج ابوقراط علاوه على الضمير اللى بيموت البنى آدم مننا فى حالات حالات

انتى شايفه الموضوع من اى زاويه؟؟؟ مش عايز اقول كلام ممكن يكون له تأثير على مجريات الأمور و اكيد عندك خطه ( بى )

تم تعديل 24 يوليو 2006 بواسطة hopsan

[سهيلة]

حبيبتى شانا

عاوزة رايي

لو عجبك موضوع التجميل دة اتعلمية على اصولة عشان ما تضحكيش ع الناس

وتعرفى انتى بتشتغلى على اساس اية

مثلا

ممكن تدرسى دبلومة ف الليزر والتجميل ودى ف القصر العينى

وساعتها صدقينى هتبقى مطلوبة جدااااااااااااااااااا

زى الاستشارية اللى انتى بتقولى عليها

وتعملى شغل مقتنعة بية وفاهماة ودرساة وكمان متاكدة انة صح

ما تبصيش تحت رجليكى

بصى لبعيد

وخاليكى متمكنة ف حاجة واحدة بدل ما تكونى بتشتغلى بسطحية ف حاجات كتيرر واحتمال الفشل كدة هيكون اكبر

امسكى العصاية من النص زىى كدة

ادرسى وحاولى تتعلمى على قد ما تقدرى

وف نفس الوقت اشتغلى بس ف مجال نتى دراستية وفاهماة

كتير بيقولوا ان الطب بقى تجارة

والتاجر الشاطر قصدى الطبيب الشاطر هوة اللى بينجح بالطريقة دى

فعلا الطريقة دى هتوصل بسرعة

بس

هتودى جهنم اسرع

اتمنى لكى التوفيق

[impossible]

انا عاوزة اخد من الدنيا ككككككككككللللللللللللللللللللللللللل حاجا

خلاص مانتى عارفة انتى عايزة ايية بالضبط :angry2: :angry2:

عندى واحدة صاحبتى كل شهريين فى شغلانة بتلاقى شغل و بتسيب شغل بالعبيط و كلها حاجات ملهاش دعوة ببعضها

مرة مديرة مبيعات و مرة مدرسة فى حضانة و شوية تلاقيها فى اشغال يدوية و ساعات فى الحسابات فى مستشفى فى نادى كلللللللة شغال و بعد الضهر ممكن ممصمة ازياااااااااااااءءءءءءءءء

و هوايتها المفضلة انها تعمل انترفيو لاى شغل <_< <_<

ايزى

بس .......... متخليكيش ابداااااااااااا الدكتورة اللى الناس و هما خارجين من عندها يدعو عليها

[nancy]

شانا لو عوزة راى

انت دكتورة وحلفتى انك تكونى امينة الاماكن دى حرمية

مش يمكن الى بتحقنى بية الناس وانت مش عرفة تركبتة دة يكون فية حجاة تعمل سرطان ولا مصيبة

انا من راى سهيلة ادرسى تخصص وكونى ممتازة فية وحتنطلبى على اساسة سعتها مهما كانت المستشفى وحشة

انت عارفة تخصصك وبتعملية بضمير والناس بتجيلك انت

بس خليكى فى المستشفى لحد ما تفهمى ابعاد اللعبة بس وخلال شهر تمشى

والدكتور الحلنجى دة بلاش منة احسن

دة راى الشخصى ولو كنت مكانك كنت حاعمل كدة

[أحمد عمر]

شانا ، في كل الخبرات دي كنت بتسيبي الشغل ... اخبار الجواز ايه .....لسه ماشي معاك!؟

[Sherief AbdelWahab]

بداية يجب أن نعترف أن المجال الطبي تسوده فوضى عارمة..

مثلاً الأخت صاحبة مستشفى التجميل الأولاني ، وعشوائية مستشفيات التجميل..بنتكلم على مستشفى .. مش عربية كشري .. لازم له إجراءات واشتراطات سلامة ومعايير صارمة..

وهيام الشاذلي وغيرها من أخصائيي التغذية اللي عملوا نفسهم "دكاترة مستقلين" وفتحوا عيادات وبيعتبروا اللي اسمه "الطب التكاملي" دة اختصاص زيه زي الأنف والأذن والحنجرة..ما كان من باب أولى دكتور التخدير يفتح له عيادة!

مسئولية الهذر اللي شفتيه دة بتقع على كاهل شيء اسمه نقابة الأطباء.. لكن نقابة مين؟

خارج الموضوع : إيه سر الهوس دة بالتجميل؟ كل الناس عايزة تبقى هيفاء ونانسي.. حاجة آخر هيافة!

خلص الكلام

[المدهش]

أنا رأيي يا شانا..انك تكملي الشهر وتقبضي المرتب ايا كان وتتركيهم فورا..لان الواضح انهم جماعة نصابين..وطريقتك في حكي الموضوع دليل على عدم اقتناعك بهم..وبصراحة أنا عند رأيي شوفي الناس بتوع موبينيل..على الأقل جربي وشوفي وربنا يوفقك.

[محمود الشاعر]

شانا حسب ما فهمت انك دكتورة امراض جلدية يا ريت تصلحي لي لو غلط

المهم لو ده حال الدكتور بيشتغل فى حاجة ميعرفهاش امال احنا نعمل ايه

معنى كدة اني افقد الثقة فى الطب

طب فين المستوصفات ما بترحيش ليه تشتغلي فيها على الاقل تزدادي خبرة

ولا انا اللي مش فاهم

شكلي مش فاهم حاجة انا همشي بدل ما تمسكي حاجة تخبطيني بيها

طب ما هو مش مشكلة اهو تعملي لي عملية تجميل

[بنت شعنونة]

لا يا محمود

انا طبيب عام

مش جلدية ولا حاجا

يعني لسا مافيش تخصص

عشان كدا تلاقيني متوهة :P

قبطان

ربنا يستر انا ها اكمل لحد اخر الشهر دا واقرر كدا

سهيلة

موضوع الدبلومة دا عاوز شوية بحث

انتي عارفا اني خيييييييييييييبة في الطب يعني ولا فاهما يعني ايه دبلومة من اصله ولا بيعملوا ايه فين :o

نانسي انتي بتفكري معايا فعلا :sad:

بس الدكتور الحلنجي دا قلتي لا عليه ليه؟

احمد عمر

انت بتفول في وشي يا سييييييييييييييييييييد mfb:

وبعدين انا ما سبتش الوظايف التانية ل فشل

ولكن لظروف اقوى مني :huh:

-_- ربنا يستر بقى

شريف

انا ماكنتش متصورة ان الستات هبببببببل كدا

مش ممكن

لو دخلت المستشفى زحممممممممممممممة خرافية

امبارح بس كان فيه ست سودااااااااااااااانية و ام ل 6 اولاد وعندها يجي 50 سنة جايا هيا مع جوزها ال منتهي الصلاحية تعمل شفط دهون من البطن وشد بطن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

:blush:

مدهش

طب استشيرك بقى

عندي استشارتين

من زماااااااااااان وانا نفسي اكتب كلامي في اي جريدة وكل ما الاقي اعلان اعلم عليه

بس دايما الاقي كلمتين

محررين و مواهب ادبية

انا مش فاهما الكلمتين؟ وانا عاوزا اكتب زي ما بكتب هنا كدا ( قال يعني بقى انا كاتبة خطيرة :angry: )

ف الكتابة دي تندرج تحت بند ايه؟؟

الأستشارة التانية

اخويا جابلي شغل مع طلعت مصطفى in doors sales

اسيب الشعوذة واروح ل طلعت والا ايه رايكوا؟ وبيقولي المرتب بالالاف هناك؟؟ ;)

[khedr]

شانا....والله موضوعك ده الضاحك الباكي

وهذا ما وصلنا اليه من عشوائيه وتخبط في البلد

قلبي معكي...وعقلي بيفكر

ربنا يكرمك في مرادك

بس اللي اقدر اقوله....... عليكي بالله

ولاخاب من استخار ولاندم من استشار

[nancy]

اقولك الحلنجى لا لية

من معرفتى بشخصيتك

انت حتديلة افكار هايلة جدا

والناس عن النوع دة من البشر

مصلحة وتخلص وهو قالهالك بنفسة قالت كل الى عندها فمشغلهاش

انت بقى على اد ذكائك مباشرة وعصبية

منتش من النوع الى تعرف تلف الى قدمها ومتريحوش

فبالتالى مش حتقدرى علية للاخر

ومن الاخر لما تخلص فيدتك حتبقى زى الدكتورة التانية معندكيش جيد وباى انت كمان

دة راى بصراحة

وزى ما قالت سهيلة اكدى نفسك فى تخصص واشتغلى على اساسة

[بنت شعنونة]

رجلي جت في الخية

وشكلي رايحة ورا الشمس قريب :sad:

الراجل اللي مش مريح دا مش مريحني خالص

وكل لقاءاتنا من 10 -1 بالليل!!!!!!!!!!!!!!!!!!!!!!

كته الهم

و عاوز يعمل عقد بيني و بينه عند محامي!!!!!

كتبت شوية كلام كدا لحد ما الاقي وقت اكتبلكم التفاصيل بس يارب يكون مش من وراء القضبان

بجد بجد حاسا اني وديت نفسي في داهية بالفعل ومش عارفا اتصرف ازاي B)

ربنا يستر :D

[hopsan]

بصى يا شانا ...العمر مش بعزقه ...نصيحه من واحد قلبه حديد ...خودى ديل الفستان ( ده فى حاله الفستان ) فى اسنانك و اجرى و الجرى فى الحالات دى و خصوصا مع الستات اكتر من نص الجدعنه و مش لازم يا ستى شغل فى الحتت دى ارجعى زى ما كنتى الأول و اهو كفايه مرتب يكفى مكياج و مزين الستات و كام فستان على كام شوز وموصلاتك و كام عشوايه بره و مش لازم تصيفى السنه دى

[nancy]

بصى يا شانا انا عرفة انك شخصية مستقلة وجامدة

بس فى حالة الهروب من شخصية من النوع دة لازم تعملى عبيطة شوية ازاى

لما يطلبك علشان تروحى وتتكلموا فى تفصيل الشغل والعقد والكلام دة

روحى وقولى بمنتهى الحزن

ولهى يا دكتور انا كان يسعندى اشتغل مع حضرتك بس التاخير ازعج جوزى جدا

وقالى خلاص مفيش شغل .. وانا مش ممكن اخسر بيتى علشان شغل حتى لو عوزاة اوى

بس وباى

ولا تتورطى ولا تحرجى وجيبها على ضمير الغائب وبس

وبعدين انا مبحبش الكلام فى الشغل بالليل كدة .. انا مش قلت لك الشخص دة حلنجى ومش مريح