الرابطة النسائية الجديدة " رابطة يا نساء المنتدي اتحدن "

[اسود وتعالب وارنب]

ايوه ايوه انا موجوده وبتابع بس ساعات بيكون عندي شغل كتير مش بدخل علي طول لكن تحت امرك ضربة مطوه لطشه سكينه احنا موجودين وتحت الامر والناس المشاكل اللي حوليك كل واحد يخليه مطرحه احسنة البنت لسة بتشق طريقها تشجعي ولا يهمك احنا ورنا ستات تاكل الظلط تاكل الحديد احنا لازم نعمل لنا هجاز مخابرات عشان نحمي نفسنا من الاعداء المفتريين ولاد المفتريين

[tmtm]

ممكن انضم ليكم ياعلياء...... :wub:

[hopsan]

ممكن انضم ليكم ياعلياء......

طماطم ...مش معنى انك من الجنس اللطيف يبقى لازم تنضمى ليهم ...العمليه مش مجرد تبعيه ...ده تفكير و تمحيص و قرار ....فكرى كويس يا بنت الحلال ...وجودك معانا حيبقى احسن ...على الأقل حيكون ليكى الأفضليه ..يعنى لما حد يجى يتكلم حيقول سيداتى سادتى و لما تدخلى قاعه إجتماعاتنا حتدخلى الأول و الكل حينظر لحضرتك بعين الإهتمام و حتكونى زى الليمونه فى بلد ......و كده يعنى

[عليـ***ـاء]

[[color=#6666CC]ممكن انضم ليكم ياعلياء......

احلي طماطماية في الدنيا ........ طبعا ياروحي انتي لسه بتسألي انتي دلوقتي عضو فعال ومؤثر في الرابطة

وبصي اوعي تتاثري باي ضغوط خاجية ممكن تاثر علي موقفك ياروحي فاهماني طبعا وسيبك من حقد الحاقدين وحسد الحاسدين .......معايا

[مش بقولك انتى طيبه و ساذجه و على نياتك ...لا وعامله فاهمه كمان ....و احنا اللى سايبينك رئيسه النتدى

لأنك لو كنتى فاهمه الإصه و ملمه بلأحداث كانت مصيبتنا تبقى كبيره علشان كده أحنا صنف الرجاله حيجددولك فى الأنتخابات الجايه

نانسى يا ستى عارفه اللعبه تتلعب ازاى و الأوراق كلها فإيديها و امتى تلعب بالجوكر و امتى تخسر بمزاجها ..علشان الغرور الذكورى و تعرف ان الست متبقاس ست إلا ما جوزها ينفش ريشه و حتى على الفاضى و لو امكن تحطله ريش لو معندوش و تفضل تنفخ فيه لحد ما يقول ...ها ...مين هناك ..و ترد عليه بكل رقه ودعه دنا اللى هنا ...خوفتنى ياسمك ايه...يحميك لشبابك ياخويا.....و الكتاكيت ساعتها تبقى بنى و اصفر و فوشيا كمان...ال خونه ....ال ؟؟؟[

هوبسان ........ انا طيبه اه لكن مش ساذجه .......دي سياسة فاهم يعني ايه سياسة ؟ وانا مش محتاجة منكم يارجالة انكم تجددولي في الانتخابات الجاية انا هرشح نفسي والستات اللي هتنتخبني :wub: :)

ملكش دعوه بنانسي هي هتعرف انها وهي بتكتب الرد كانت مدايقه شوية هترجع تاني ان شاء الله وتعود لادراجها

مش كده يا نانسي ....... شفت بتقول اه ........ اطلع منها انت بس

ال...... فراخ وكتاكيت ...... ال

طماطم ...مش معنى انك من الجنس اللطيف يبقى لازم تنضمى ليهم ...العمليه مش مجرد تبعيه ...ده تفكير و تمحيص و قرار ....فكرى كويس يا بنت الحلال ...وجودك معانا حيبقى احسن ...على الأقل حيكون ليكى الأفضليه ..يعنى لما حد يجى يتكلم حيقول سيداتى سادتى و لما تدخلى قاعه إجتماعاتنا حتدخلى الأول و الكل حينظر لحضرتك بعين الإهتمام و حتكونى زى الليمونه فى بلد ......و كده يعنى

بقولك ايه انت هطفش الاعضاء ....... والنبي بقي كل واحد يخليه في الرابطة بتاعته وخلي روحوكو رياضية شوية ومش عايزن تسخين في العضوات ......... ماشي ...... روحو بقي لمو شملكو وشتاتكو احسن ......

تم تعديل 28 يوليو 2006 بواسطة عليـ***ـاء

[nancy]

علياء يا حبيبتى

انت لية افتكرتى ان كلام هوبسان معناه انه ضدى الراجل بيعترف بذكائى فمرسى على زوقة دى نقطة

وبعدين انا عوزة اديك شوية معلومات حتهمك اوى فى الحاملة الانتخابية وفى تحديد اهداف الرابطة

علشان تنجحى لازم تكسبى الكل ومتحرقيش مركبك

على راى هوبسان الى ملوش ريش نحطلة والى لة ريش ننتفلة معظمة .. ازاى

تضحكيلة وتقوليلة عوزة اعمل مروحة يا طاووسى تعيش معايا العمر كلة وتبقى حتة منك

فيديك ريشة وهو سعيد ويسلم سلاحة بسهولة

الرجالة مينفعش يعملوا رابطة تانيية احنا مش بنعمل جابهه مضادة احنا عوزينهم يسعدونا

وهما حاسين بمدى فاعليتهم واهمية وجودهم

يعنى لو فيه حاجات تقيلة فى الرابطة احنا نشيل لية ممعانا الى عاوز يعرق ويكدح تشجعية يا قطة مش تخربشية

وتخلى من اهداف الرابطة تعليم المراءة كيف تسعد زوجها وعائلتها تقوم الرجالة هى الى تجبلك ستاتهم ويجبروهم على الاشتراك

متخسريش انت عاوزة تبقى سفيرة والسياسة هى علم الدهاء والابتسامة الى تجذب :)

دة اول درس وحديك واحد واحد على مراحل لما احس انك استوعبتى دة كويس :wub:

[hopsan]

علياء يا حبيبتى

انت لية افتكرتى ان كلام هوبسان معناه انه ضدى الراجل بيعترف بذكائى فمرسى على زوقة دى نقطة

وبعدين انا عوزة اديك شوية معلومات حتهمك اوى فى الحاملة الانتخابية وفى تحديد اهداف الرابطة

علشان تنجحى لازم تكسبى الكل ومتحرقيش مركبك

على راى هوبسان الى ملوش ريش نحطلة والى لة ريش ننتفلة معظمة .. ازاى

تضحكيلة وتقوليلة عوزة اعمل مروحة يا طاووسى تعيش معايا العمر كلة وتبقى حتة منك

فيديك ريشة وهو سعيد ويسلم سلاحة بسهولة

هنا يبدأ الخطر ......و الله يا نانسى انا ابتديت اخاف منك ....يا ناس .....يا هوووووو

الست دى ابتدت تعرف اسرار و اغوار الراجل

إنذار ....إنذار .....الست دى خطر علينا صنف الرجاله

هو ده الكريبتون اللى حيموت السوبر مان ....إنذار .....إنذار

تعيش علياء زخرا لينا .....تعيش علياء و نحن نفديها......تعيش علياء ووجودها مقوينا

إحنا اصلنا شجعان اوى ....اقوياء اوى ....مستقوين اوى ..... مفترين اوى ........جدعان اوى...... شطار اوى.......مستعبطين اوى

بس نيجى لحد الحنيه و بنمووووووووت اوى و من عبطنا بنسلم ريشنا بسرعه اوى

الست دى خطر علينا اوى .....إنذار .....إنذار

[nancy]

اية يا هوبسان :D

انت عامل سرينا عالية لية كدة

دة انا غلبان(وش عادل امام) :excl:

انا كتبت الشعار المتبع فى الحياة دلوقت بين الناس عموما

ونتكلم جد شوية :excl:

انا اقتناعى الشخصى ان الصدق هو اقصر الطرق للقلب والعقل

ولو الناس دخلوا فى لعبة زى الى كتبتها يبقى علية العوض فى الصداقة والاخوة والدنيا كلها

مش الجواز بس :excl:

[عليـ***ـاء]

علياء يا حبيبتى

انت لية افتكرتى ان كلام هوبسان معناه انه ضدى الراجل بيعترف بذكائى فمرسى على زوقة دى نقطة

وبعدين انا عوزة اديك شوية معلومات حتهمك اوى فى الحاملة الانتخابية وفى تحديد اهداف الرابطة

علشان تنجحى لازم تكسبى الكل ومتحرقيش مركبك

على راى هوبسان الى ملوش ريش نحطلة والى لة ريش ننتفلة معظمة .. ازاى

تضحكيلة وتقوليلة عوزة اعمل مروحة يا طاووسى تعيش معايا العمر كلة وتبقى حتة منك

فيديك ريشة وهو سعيد ويسلم سلاحة بسهولة

انا فهمت قصدك يا نانسي .......

هههههههههه افتكرت موقف يرتبط بالسياسة دي بس بشكل تاني .......

كان عندنا دكتور في بيدينا السنه اللي فاتت الدكتور ده بتاع بنات سوري في اللفظ بس ملقتش حاجة تانية معبره عن المعني ....... الدكتور ده حطلنا امتحان وكان صعب وغير انه صعب كان بيصحح بمزاجه وكده فلاحظت ايه ؟ البت تيجي تدلع عليه كده والرقة تشتغل ومعرفش ايه ..... والله كان يديها القلم ويقولها اكتبي درجتك اللي انتي عايزاها ...... بصراحه احتقرته

فجه وقال يا جماعه اللي عايز يحسن درجته يذاكر كذا وكذا وانا اساله في المكتب ...... قلت الحمد لله

جت واحده صاحبتي بتنصحني ...... بتقولي ياعبيطه بدل ماتذاكري وتعبي نفسك ادلعي عليه شوية كده وهو هيديكي اللي انتي عايزاه ....... قلتلها بس يابت بلا قلت ادب انا هروحله ويسالني واجاوب وخلاص

رحتله ..... فسالني في اجزاء غير اللي محددها ........ اتخانقت معاه ...... قلتله ايه يا دكتور حضرتك حددت كذا وكذا بتسالني في ده ليه ......؟ قالي اطلعي برة هههههههههه وطرد كل اللي جه معايا

مش عارفة افتكرت او ربط بين الموضوع ده وكلامك ليه بس حسيت ان في علاقة .........

هنا يبدأ الخطر ......و الله يا نانسى انا ابتديت اخاف منك ....يا ناس .....يا هوووووو

الست دى ابتدت تعرف اسرار و اغوار الراجل

إنذار ....إنذار .....الست دى خطر علينا صنف الرجاله

هو ده الكريبتون اللى حيموت السوبر مان ....إنذار .....إنذار

تعيش علياء زخرا لينا .....تعيش علياء و نحن نفديها......تعيش علياء ووجودها مقوينا

إحنا اصلنا شجعان اوى ....اقوياء اوى ....مستقوين اوى ..... مفترين اوى ........جدعان اوى...... شطار اوى.......مستعبطين اوى

بس نيجى لحد الحنيه و بنمووووووووت اوى و من عبطنا بنسلم ريشنا بسرعه اوى

الست دى خطر علينا اوى .....إنذار .....إنذار

عجبني الهتاف اوي .......... مااااااشي فاكرني عبيطة

تعرف بقي يا هوبسان ان الرجال اصلهم اطفال ....... الله يا مسيك بالخير يا كاظم

[hopsan]

يا باشمهندسه

احنا صنف الرجاله احيانا كثيره بيبقى لينا نظره فى الست بعيده خالص عن الشكل العام و المظهر اللى الست من دولم بتتعمد تظهرهم فى نفسها و تعتقد خطأ أن هذا الذى يعجب الراجل من دوكهما ...و انما تيجى واحده زى حضرتك و تتكلم كلام كبير و له معنى و مغزى فمن الأولى بنا نحن صنف الرجاله أن نستقطبها لحزبنا

فعندى لحضرتك صفقه تعد ممتازه لسيده تدرك حدود العلاقه جيدا و لديها القدره لشرح ابعاد القضيه الأزليه و الصراع المحتوم بين الرجل و المرأه و تدرك تماما ان الرجل رجل حتى بدون ريش و ان الست ست حتى لو ليها شنب

و الصفقه ماهى إلا باكدج تؤخذ ككل

اولا نحن صنف الرجاله المتوحشين ( وهنا اتحدث نيابه عن كل ما يمت بصله للرجوله ) نرشحك و من موقعك لتعليم الفتايات اللائى لم يتزوجن بعد و منهن رئيسه الرابطه يا نسوان البلد تعالو نهد البلد المدعوه الآنسه علياء و غيرها و آسف لا تحضرنى الذاكره عمن لم تتزوج منهن ..تعليمهن أن الرجل بالحنيه و الكلام الحلو و معاملته كطفل مدلل حتى لو كان شيّرز و مفترى و مستقوى و مستهبل فيها فحيجى يوم و يفهم إن اللى معاه دى ست بتصون العشره و تستاهل و ان طريقه تبصلى بعين ابصلك بعين و لو محصلش اخزقلك عينيك الإتنين اسلوب همجى حريمى لا يؤتى أوكله و من جهه اخرى تصبر على الراجل و متصرش على هات هات هات ...هو من نفسه حيجيب من غير ما تطلب و طريقه شعنونه طريقه متنفعش بأى حال ..لأن الراجل ميحبش الزن و لو طنش مره او مرتين اكييد حيفتكر فى المره التالته او الرابعه وبلاش طريقه واحده بواحده ..علشان الراجل ميحبش التمثيل فى مشاعره و بالتالى مش حيكون فيه طعم للحاجه اللى بيعملها و كأنه ذنب و رماه فى البحر بس يبعد عن الزن و برضه مش شرط ولا المفروض تكون المبادره من الراجل من دوكهما ولا تنتظر منه المبادره و لكن و بإسلوب حريمى رقيق كلاسيكى من بتوع زمان و بكل رقه ...( متنسيش تركزى على بكل رقه ) انها تشير للى هى عايزاه دون التركيز او إصرار او الضغط ( ده لو كانت عايزاه يبادر ) على اعتباره انها محرجه من ان تبادر هى فسيأتيها طلبها و على طبق من ذهب او فضه ( كل على حسب ميزانيته )

مقابل كل هذا فى موضوع الصفقه الباكدج هو اننا و من منطلق ديموقرطيتنا سوف نرشحك رئيسه منتدانا ايها النسوان المستقويون فى الأرض حنخسف بيكم الأرض و لكى منا كل تقدير و احترام

تعرف بقي يا هوبسان ان الرجال اصلهم اطفال

آل يعنى جابت التايهه إسألى بنت العشره أعوام ....حتقولك كده و اكتر....حاجه غريبه اوى

تم تعديل 28 يوليو 2006 بواسطة hopsan

[عليـ***ـاء]

ماشاء الله الموضوع اتقلب راسا علي عقب ...........

فين البنااااااااااات ......... بيصيفو برده .......... ده وقته .......... مااااااااااشي

علي فكرة يا هوبسان انا عارفة كل كلمة انت قولتها وفاهمه قصد نانسي كويس

يمكن انت فهمت من ردودي والمواضيع دي اني مستقوية ومفترية وووو

انا كتبت كل ده من باب الضحك وبس ....

انا في الواقع عكس كده تماما ......... انا مش عايزة اتكلم عن نفسي بس اللي عايزة اققولهولك ان امي لما تعوز حاجة من بابا بتيجي تقولي انا عشان اققوله وكده

ولما بابا يتعب ولو تعب بسيط انت مش متخيل انا بيجرالي ايه .........؟

وبجد من غير مبالغة .......... انا اكتر حاجة ممكن تخليني ابكي من غير ما احس ......... دمعة الراجل

عشان الراجل مبيبكيش الا علي كل شئ عزيز وغالي .........

انا شكلي كرهت الموضوع ده .......

[سيزيف]

العزيزه علياء

كلنا عارفين ان الموضوع ده بغرض الضحك و الهزار

وكلنا نعرف قدر المراه فهى الام و الاخت و الزوجه و الحبيبه

وان كنا بنشد عليها شويه فى الهزار

فده كله من ورا قلوبنا

و الدليل راقبى اى راجل و هو فى قعده رومانسيه ع الكورنيش مثلا و هو يحدق فى عيون حبيبته كالمنوم مغناطيسيا و تبدو على وجهه علامات البلاهه العاطفيه :excl:

فارجو انك متكرهيش الموضوع ولا حاجه

--------

العزيزه نانسى

ده انتى طلعتى مشكله كبيره

بس مشكله كويسه :excl:

عجبتنى فكره الطربه

و بعدين واضح ان عندك ثقافه قانونيه بدليل انك عارفه الفرق بين الاتجار و التعاطى

من هنا و رايح لازم اعمل لك حساب :excl:

[hopsan]

يا حررررررررام البنيه سلمت بسرعه و كشفت كل ورقها .....بس ده شىء عادى ...واحده بالرقه دى متستحملش كل الضغوط دى ...حتى اللى كانو مساندينك اهم سابوكى و راحو يصيفو ...وده برضه عادى ....ستات بقى....!!! نصيحتى ليكى انك تنضمى لمؤتمرنا الفعال زى طنت نانسى و طماطم و اهو برضه حتلاقى وراكى رجاله يسندوكى مش يسيبوكى و يروحو يصيفو و مش عيب رئيسه رابطه نسويه تسيبها و تنضم للأعداء الخشنين الوحشين واللى دمهم تقيل ..و ممكن تساعدى طنت نانسى فى تبسيط الأمور على البنات اللى مش فاهمه و فاهمين ان الدنيا مخلوقه ليهم و رمشه عين توقع اجدعها راجل

اعملى فى الستات مغرز و سيبك منهم و غظيهم و تعالى عندنا ....عندنا برضه قسم حريمى

[nancy]

مرسى يا سيزيف على تقديرك لتفكيرى

بس لازم يبقى اذن النيابة سليم والتاريخ سليم لحسن القضية تبقى مش مظبوطة

ويطلع المتهم برىء لغلطة فى الاجرءات :huh:

اوكى يا هبسان انا مستعدة انضم لاى حاجة تزيد وعى الناس ان بالمعاملة الكويسة والى من القلب تاخد عيون الى ادامك

انت بس ادينى الميكرفون وقولى راس الموضوع وانا انطلق على طول

علياء مانا كمان وهبسان وناس كتير بنصيف بس بحاول اعمل وقت علشان ادخل النت كل يوم لان الموقع بيوحشنى :)

[اسود وتعالب وارنب]

يالهوووووووووووووووي يافضحتي ياشماته ابله ظاظا فيا يشماته نسوان الحارة اللي وعدتهم ان فيه حد حيدافع عنهم بكلمتين تهديد من الرداله دوكهم تسلمي يافضحتي ياجرستي اصوت ولا اشق هدومي ايه رايك انكش شعري وامشي حافه وحاطة علي راسي حله وانا بصوت واقول علياء هي السبب اه اه اه اه حد يشوفلنا مناديل كده ياعلياء كده يااملنا دنا قلت خلاص مضي عهد الاسبتداد والثوره حتقوم ياخساره احلامي الورديه التي تحطمت علي صخره الواقع المرير لولا ان عارفاكي كويس كنت قولت الموضوع فيه رشوه وكنت حرت مجلس الشعب او نشيتك شكوي في جريدة من جرايد المعارضة حقول ايه حسبي الله ونعم الوكيل انا خلاص انشليت علي اديك

[hopsan]

يالهوووووووووووووووي يافضحتي ياشماته ابله ظاظا فيا يشماته نسوان الحارة اللي وعدتهم ان فيه حد حيدافع عنهم بكلمتين تهديد من الرداله دوكهم تسلمي يافضحتي ياجرستي اصوت ولا اشق هدومي ايه رايك انكش شعري وامشي حافه وحاطة علي راسي حله وانا بصوت واقول علياء هي السبب اه اه اه اه حد يشوفلنا مناديل كده ياعلياء كده يااملنا دنا قلت خلاص مضي عهد الاسبتداد والثوره حتقوم ياخساره احلامي الورديه التي تحطمت علي صخره الواقع المرير لولا ان عارفاكي كويس كنت قولت الموضوع فيه رشوه وكنت حرت مجلس الشعب او نشيتك شكوي في جريدة من جرايد المعارضة حقول ايه حسبي الله ونعم الوكيل انا خلاص انشليت علي اديك

بقولك ايه يا اسود .....صباح الفل اولا ...علشان احنا لسه عالصبح و البحر دلوقتى حصيره ويفتح النفس و الوظاويظ بتوع الصبح بدرى لسه طالعين من الميه و انا بالى رايق و عندى ليكى كلمتين يمكن يعملو مصلحه معاكى ...اولا بعد ما كل الستات و البنات اللى كن فاهمات غلط و معذورات برضه و عدن و لجاده الصواب و اهلا و مرحبا بيهن ...هن مننا و علينا برضه و حنخلى بالنا منهن ونراعيهن بدل القيراط اربعه و عشرين ....شوفى بقى لما الراجل من دوكهما يرضى ...حتلاقى العجب ...ما علينا ...شوفى يا ستى انا ...مفاضلش غيرك فى المؤتمر النسوى ..يعنى لامؤاخذه يعنى حضرتك الرئيسه بعد ما تركتهلكم المحبوبه علياء تضرب تقلب و غير آسفه على مؤتمركم الموقر و السيدات اللائى انسحبن بعد ان فهمن الفوله و اكتشفن بعد توضيح و شرح معالى المهندسه نانسى فلم يبقى ايضا غير حضرتك مستمعه ....حتى المعلمه ام السيد ربنا كرمها براجل ملو هدومه معلم برضه بس فى السلخانه و ارسلت رساله تذكر حقيقه موقفها من المؤتمر المذكور سلفا ...تحبى اقرأ بعضا من سطور الرساله ...طيب استأذنك اتصل بالمعلمه اسألها اذا كان ممكن اقرأ الرساله .....تررررن ترررن ....ترررن تررن ....صباح الخير يا معلمه ..معلش انا آسف انى بتصل بحضرتك فى وقت زى ده ..............انا اسف والله معرفش ان حضرتك.......لالا ابدا.....هما حيحقدو على حضرتك ليه ؟؟؟ انا بتكلم بخصوص المؤتمر.........يا فندم ما هما برضو مصيرهم الجواز ...يعنى حيعيشو كده من غير رجاله ؟؟؟.......عميل ايه بس يا فندم ..... دول الستات زمايلك فى المؤتمر عايزين.....لالا انا خلاص قطعت الرساله ميت حته ...... ربنا يهنيكى يا فندم و يسعدك و يهدى سرك ....لا والله مش بحسد..........حاضر حاضر .....مش حخلى اى واحده فيهم تتصل بيكى ......لا مش معقول شبشب ايه بس مش للدرجه دى!!!....يا فندم الموضوع مش محتاج اقسام بوليس و لا حاجه ..اطمنى خالص ...مع السلامه يافندم و الف مبروك ...كنت عايز ابارك للمعلم ........فى الحمام..ااااه طيب ربنا يهنيه ... ... مع السلامه يا فندم

اسود و تعالب و ارانب ......اسود و تعالب وارانب ...( الإسم طويل شويه ) حضرتك معايا ...اه ...طيب

المعلمه بتسلم عليكو اوى اوى و بتقول لكم انها بتحبكم اوى اوى و نفسها تشوفكم و بتسلم عليكم واحده واحده و اكيد اكيد حتقابلكم قريب جدا بس هى متوعكه حبتين و عندها اللمباجو و لما تنزل من السرير اكيد حتعمل المؤتمر اقوى من الأول و الحقيقه يا اسود و تعالب و ارانب الرساله كانت معايا و معرفش راحت فين اكيد سبتها عند البقال لما جيت اطلع الفلوس

اسود و تعالب و ارانب كلمه فى ودنك...ما تيجى معانا بدل قعدتك لوحدك و حنعملك احتفاليه صغيوره على الضيق....سيبك من الستات المستقويات المفتريات المسترجلات ...انت مش وش كده و ارق من كده كتير

تم تعديل 30 يوليو 2006 بواسطة hopsan

[nancy]

احلى حاجة فيك يا هوبسان انك قاعد فى هوى البحر وشكلك حاطت الكمبيوتر فى التراس وعايش

حياتك

وكانك لميت المؤتمر وفكيت الشادر ولميت الكراسى والعمال بيلموا ازايز البيبسى الفاضية قبل ما يلموا السجاد

ارتحت خلاص

بس تاكد على دخول الشتا بيحصل تركيز عند الاعضاء عالى جدا وحيبتدوا عمل اكتتاب على اهداف الرابطة

وحنهمل الاجتماع فى قصر ثقافة مش فى شادر :)

[اسود وتعالب وارنب]

لا مؤاخذه ياعم هوبسن خلي حضرتك في البحر ونعيمة واحنا هنا في الولعه ماشي نظرا لاننا من اسكندريه فنبلغكم ( خليك في البحر والوظاويظ ( شبه وطاويط ) بدل مانيجوا نغلسوا لمواخذة ونقلولك ابحر ده خالص خليك في حالك ربي عيالك كل عيش

بالنسبة للست ام السيد والنبي كلها بعد شهر العسل وبكتيرة بعد اول عيل وان ماكنتش تيجي جري علينا وهي ( تبوس القدم وتبدي الندم ) ساعتها حنيقي نديها الجواب اللي هي بعتته وخلاص ياجميل الاجازة حتخلص والرححه والدلع حيروح والعصابة حتظهر دي بس فتره هدنه نستعد بعدها للمرحلة الجايه ( معركة تقرير المصير )

[hopsan]

احلى حاجة فيك يا هوبسان انك قاعد فى هوى البحر وشكلك حاطت الكمبيوتر فى التراس وعايش

حياتك

احم احم ...كان عندنا كتكوت صغير و كبر مره واحده

شتا ايه بس يا باشمهندشه ...ما حضرتك عارفه الشتا بيحب الدفا و محدش فاضى منهن تسيب حله الكوارع و تروح المؤتمر فى برد و شتا ..و تقولك اعمله جوزين حمام يرم بيهم عضمه ابرك ميت مره من رابطه شويه ستات حاقدين على المتستتين فى بيوتهم

اسود و تعالب و ارانب ( الإسم طويل شويه )

لا مؤاخذه ياعم هوبسن خلي حضرتك في البحر ونعيمة واحنا هنا في الولعه ماشي نظرا لاننا من اسكندريه فنبلغكم ( خليك في البحر والوظاويظ ( شبه وطاويط )

حقد ده ولا ايه ؟؟؟...برضه كان عندنا كتكوت صغير و كبر مره واحده ..معرفش ازاى.........ايوه بقعد مع ستات كتير ...ماشى!!!

وخلاص ياجميل الاجازة حتخلص والرححه والدلع حيروح والعصابة حتظهر دي بس فتره هدنه نستعد بعدها للمرحلة الجايه ( معركة تقرير المصير )

ايوه انا عارفها عصابه القناع ابو ضفاير ..هو انتو حتحاربو....؟؟؟؟ و بعدين مصير ايه سعادتك اوعى تفتكرى حتحررو فلسطين ولا حاجه

ده كله موقوف على رضا الراجل ابو صوت خشن

تعالى شوفى المعلمه ام السيد على سن و رمح مدلعه الراجل ازاى و اللى كانت مشيبه المنطقه ...تقوليش عليها عصفوره و بتدلع

و بعدين بعد الأجازه حتبتدى المدارس و رمضان و ابقى قابلينى لو واحده قالت يا مؤتمر ...الدنيا تلاهى

و بعدين بلاش نشفان راس....... حتبقى لوحدك و الحيطان حترد عليكى ...هو عند للعند

انا اعرف ستات كده تعز العند زى عنيها و فى الآخر تسلم ...عموما لسه قدامك وقت

اماافتح البلكونه بقى و اشوف بتوع باليل بيعملو ايه و الله اكبر عالحسد و اللى بيحسدو ...بالمناسبه البلد النهارده حر موت حتى باليل

تم تعديل 30 يوليو 2006 بواسطة hopsan

[نورية]

امممم مش عارفة اعمل ايه بس مضطرة اقول الحقيقة :D

بصوا يا بنات ... فيه ناس كتي رمن الجنس الخششششششششن هنا حاولوا يرشونى عشان ماشتركش فى الرابطة العظيمة دى.....

كل يوم المبلغ يزيد.... كل يوم هوبسن يزود المبلغ باكوين و انا بارفض... :)

ماقدرش اخون البنات يا هوبسن... :)

عشان تعرفى يا نانسى انتى و علياء و اسود انا عندى وفاء وولاء اد ايه :)

عرض علية عشرين الف جنيه... و كمان شقة جمبه ( بتطل ع البحر اللى فيه الوظاويظ دة).. و انا بردو رفضت..

المهم دلوقتى

السؤال الذى يطرح نفسه

انتوا بقى راح تدفعولى كام؟؟؟؟؟؟؟؟؟؟؟؟ :)

بس ياريت كاش...هاه؟؟؟؟

B)

[عليـ***ـاء]

صباااااااااااااحكم " لا مش سكر عشان انا مدايقة شوية "

العزيزه علياء

كلنا عارفين ان الموضوع ده بغرض الضحك و الهزار

وكلنا نعرف قدر المراه فهى الام و الاخت و الزوجه و الحبيبه

وان كنا بنشد عليها شويه فى الهزار

فده كله من ورا قلوبنا

و الدليل راقبى اى راجل و هو فى قعده رومانسيه ع الكورنيش مثلا و هو يحدق فى عيون حبيبته كالمنوم مغناطيسيا و تبدو على وجهه علامات البلاهه العاطفيه

فارجو انك متكرهيش الموضوع ولا حاجه

شكرا يا سيزيف علي ردك الرقيق ده بس يمكن انت بس اللي عارف ان الموضوع ده للهزار في ناس تانية قلبته سخرية واستهزاء وتحسسك انك صغيييييييييير لحد ماتندم انك كتبت حاجة او تحس انك كتبت الموضوع ده لناس غلط

شكرا ليك مرة تانية

يا حررررررررام البنيه سلمت بسرعه و كشفت كل ورقها .....بس ده شىء عادى ...واحده بالرقه دى متستحملش كل الضغوط دى ...حتى اللى كانو مساندينك اهم سابوكى و راحو يصيفو ...وده برضه عادى ....ستات بقى....!!! نصيحتى ليكى انك تنضمى لمؤتمرنا الفعال زى طنت نانسى و طماطم و اهو برضه حتلاقى وراكى رجاله يسندوكى مش يسيبوكى و يروحو يصيفو و مش عيب رئيسه رابطه نسويه تسيبها و تنضم للأعداء الخشنين الوحشين واللى دمهم تقيل ..و ممكن تساعدى طنت نانسى فى تبسيط الأمور على البنات اللى مش فاهمه و فاهمين ان الدنيا مخلوقه ليهم و رمشه عين توقع اجدعها راجل

اعملى فى الستات مغرز و سيبك منهم و غظيهم و تعالى عندنا ....عندنا برضه قسم حريمى

انا مبسلمش بسرعه يمكن حضرتك فهمت غلط من الرد انا كنت بوضح حاجة وبس ده مش استسلام و انا غبت اليومين اللي فاتو عشان كنت مشغوله شوية مش عشان حاجة ....... شكرا للدعوة الغالية دي ...... خليكم انتو في رابطتكم واحنا هنا في حالنا .......

..شوفى يا ستى انا ...مفاضلش غيرك فى المؤتمر النسوى ..يعنى لامؤاخذه يعنى حضرتك الرئيسه بعد ما تركتهلكم المحبوبه علياء تضرب تقلب و غير آسفه على مؤتمركم الموقر و السيدات اللائى انسحبن بعد ان فهمن الفوله و اكتشفن بعد توضيح و شرح معالى المهندسه نانسى فلم يبقى ايضا غير حضرتك مستمعه ....حتى المعلمه ام السيد ربنا كرمها براجل ملو هدومه معلم برضه بس فى السلخانه و ارسلت رساله تذكر حقيقه موقفها من المؤتمر المذكور سلفا

انا وضحت لحضرتك اني لا انسحبت ولا حاجة ........انا مش هستسلم ........ ماشي

والاخبار اللي انت قولتها عن ام سيد مش صحيحة بالمرة دي مدسوسه ........ وهي هاتعمل ندوة ان شاء الله وهتكونو انتو الاعضاء دي كانت فكرة نانسي وعجبتني بس لما افضي واعرضهالكم وان شاء هنعمل الندوة قريب .......

.يالهوووووووووووووووي يافضحتي ياشماته ابله ظاظا فيا يشماته نسوان الحارة اللي وعدتهم ان فيه حد حيدافع عنهم بكلمتين تهديد من الرداله دوكهم تسلمي يافضحتي ياجرستي اصوت ولا اشق هدومي ايه رايك انكش شعري وامشي حافه وحاطة علي راسي حله وانا بصوت واقول علياء هي السبب اه اه اه اه حد يشوفلنا مناديل كده ياعلياء كده يااملنا دنا قلت خلاص مضي عهد الاسبتداد والثوره حتقوم ياخساره احلامي الورديه التي تحطمت علي صخره الواقع المرير لولا ان عارفاكي كويس كنت قولت الموضوع فيه رشوه وكنت حرت مجلس الشعب او نشيتك شكوي في جريدة من جرايد المعارضة حقول ايه حسبي الله ونعم الوكيل انا خلاص انشليت علي اديك

جايه دلوقتي ياختي بتقولي يالهوي ........كنتي فين وسايباني لوحدي ضد التيار مش ملاحقة من نانسي شوية ومن استاذ هوبسان شوية ....... جتنا خيبة ........ مش انا قلتلك بلاش تصيفي اليومين دول ......كنتي فين ؟

انا كنت خلاص هقفل الموضوع ده ......... خلاص حصل خير ........ خليكي معايا بقي دلوقتي عشان في شغل جاااااااااامد هنعمله ....... بس هنقضيها رسايل خاصة ........ولا ماسنجر ....... اي حاجة

انتوا بقى راح تدفعولى كام؟؟؟؟؟؟؟؟؟؟؟؟

بس ياريت كاش...هاه؟؟؟؟

حتي انتي يانوريه .......... تعالي ياسود قولي ياشماته كل الظاظات فينا ..........

ماشي يانورية ........ احنا بقي مستعدين ندفعلك الضعف ........ الحمد لله التمويل شغال نار هم ساعات الاعضاء بيستندلو بس الحمد لله الرابطة موجودة والتمويل شغال علي غير العادة لاي رابطة من جنيه لربع جنيه اقصدي لربع مليون اي خدمة ......