الرابطة النسائية الجديدة " رابطة يا نساء المنتدي اتحدن "

[nancy]

طيب وازاي اتصالح مع نفسي ؟

اتصالح مع نفسى .. افهمها .. اقيمها .. اصلحها .. احبها

جملة مفيدة اهه :rolleyes:

لمادا الخيول كلها متشابهه ؟

معلش يا دكتور خالد الخيول مش متشابهة كل حصان له شخصية مستقلة التركيب الفسيولجى مش معناه تشابه

الحصان دة اكتر حيوان بحبة فية عظمة وانسيابية جميلة فى شكلة وهو بيجرى

معلش دة ان سؤال لمحمود بس حسيت انى عوزة اجاوب

انت عارف يامحمود انا ليه بحب اتكلم معاك انت و نانسي و yachoo و لخبطه طبعا

علشان انا باحس بفيده و انتوا بتاخدوا الموضوع من اكتر من ناحيه

واحنا كمان بنسعد بالحوار معاك

فانا لايشق لي غبار في الفلسفه والتاريخ و الطب ..................كله يعني

شفت التواضع

هو من ناحية التواضح لا متوضع وحطها من عندى على الجد والهزار :rolleyes:

[محمود الشاعر]

شوف يا دكتور موضوع ال

msn

انا موافق مفيش مشكلة

بص حضرتك بقى عاوز ايه

عاوز تعرف السلام النفسي بيجي ازاي

زي ما قالت نانسي

لما افهم مشاعري كويس على سبيل المثال انا بكره فلان طب بكره ليه علشان هو انسان مش كويس طب مس كويس من وجهة نظر مين وهكذا تتوالد الاسئلة و الاجابات لحد ان اصل فى النهاية ان الكراهية هي سبب اساسي لرؤية هذا الانسان او هذا التصرف بالشكل القبيح ( مع وجود ثوابت فى الدين او التقاليد او العرف ) اذا المعيار هو معيار نفسي فاذا فهمت مشاعري ودوافعي جيدا وصلت لتفهم الاسباب النفسية لردود افعالي وبالتالي المصالحة معها والسلام الداخلي

اما بالنسبة لماذا كل الخيول متشابهة

فصدقني ليست الخيول كلها متشابهة وانت تفهمني جيدا

فهناك الخيل الاصيل الذي لا يعوض ان فقد

وهناك خيل عربية الكارو

اهلا يا باشا شغل دماغي شغل

[dr khaled]

:rolleyes: :rolleyes: :rolleyes: :lol:

نانسي و محمود اتفقوا علي ان الخيول ليست متشابهه

اوكيه اتفقنا :wub:

طيب مادام هي مختلفه عن بعضها ا

ماهو الشيء المشترك بينها اللي جعلنا نطلق عليها خيول ؟

[hopsan]

دى آآر/ خالد سأل عن متى يشعر الإنسان بالسلام الداخلى و طلب الإجابه فى كلمه واحده

و هى اجابه بسيطه و سهله و تتلخص فى كلمه واحده زى ما طلبها ال دى آآر / خالد و هى القناعه

و فى حاله القناعه او الرضا بالمقسوم التى قد تجعل الإنسان لا ينظر لما فى يد أخيه ولا يحسده و انما يغبطه على ما أتاه الله من نعمه و بالتالى لا يضمر لأخيه الكره ولا يكيد له ...فعند القناعه و الرضا بالمقسوم يحدث السلام الداخلى و قس على كده كل الأحاسيس البشريه

[محمود الشاعر]

طيب مادام هي مختلفه عن بعضها ا

ماهو الشيء المشترك بينها اللي جعلنا نطلق عليها خيول ؟

الصفات المشتركة سواء الجسدية او النفسية

كذلك وظيفة هذه الصفات وطرق استخدامها

وان اختلفت فى الالوان و الامزجة و العادات فهناك الجواد العفي الشقي خفيف الدم الحبوب

وهناك جواد دمه تقيل رخم وبرطة

السؤال بقى ايه اللي يخلي الخيل خيل والحمار حمار؟؟؟؟؟؟؟؟؟ :rolleyes:

[dr khaled]

طيب مادام هي مختلفه عن بعضها ا

ماهو الشيء المشترك بينها اللي جعلنا نطلق عليها خيول ؟

الصفات المشتركة سواء الجسدية او النفسية

كذلك وظيفة هذه الصفات وطرق استخدامها

وان اختلفت فى الالوان و الامزجة و العادات فهناك الجواد العفي الشقي خفيف الدم الحبوب

وهناك جواد دمه تقيل رخم وبرطة

السؤال بقى ايه اللي يخلي الخيل خيل والحمار حمار؟؟؟؟؟؟؟؟؟ :rolleyes:

محمود ايه ده يا محمووووووووود :rolleyes:

[عليـ***ـاء]

الانسان بيكون متصالح مع نفسه وحاسس بالسلام الداخلي لما يكون راضي عنها وحاسس ان اللي حواليه كمان راضيين عنه ........... دي جملة واحدة

الصفات المشتركة فيها الخيول يمكن الاصالة

مش عارفة بس لما بتيجي كلمة خيل علي وقع سمعي بفتكر علي طول الاصالة ..................

الاختلاف بيبقي اكيد في الطباع زي البشر كلنا بشر ولينا اجساد وحواس وكده بس مختلفين يمكن في الطباع اللي ممكن تكون البيئة او النشأة ..........كده يعني

[اسود وتعالب وارنب]

ياجماعه اولا معلش بتاخر دايما لاني مش بدخل كتير يعني بتاخر شوية

ولا يهم فين الرسالة انا كبر العضوات سنا 40 سنه ينفع يعني ولا نطلع البطاقة

كلكم تكلمتم في كتير مواضيع مع ذلك لم تردوا علي سؤالي

لو نك لاتستطيع الانجاب الا طفل واحد فقط ( يعني مستحيل تخلف تاني ) فماذا تتمني ان يكون نوعه ولو لك حرية اختيار نوعه ماذا سيكون

[dr khaled]

لعل افلاطون كان يريد بهدا السؤال ان يقول

(( لمادا يبقي الحصان دوما حصان لا كائنا مهجنا في منتصف الطريق فادا كانت بعض الاحصنه بيضاء و الاخري سوداء وهده طويله و تلك قصيره

فان بينها جميعا قاسما مشتركا ))

ياتري ماهو ؟؟

[yacho]

والله يا دكتور خالد انا بقى لى كتير ادخل المنتدى ومش باكتب ولا عارفه ارد على اى حاجه

بس انا هنا عشان ارد عليك واقولك انا كمان باسعد جدا بالحوار معاك ..

سسسسسسسسسسسسسسسسؤال ...

لما الواحد مايلاقيش كلام يقوله ولا يكتبه مع ان عنده كلام كتير بس ... مش عارفه اوصف الحاله .. المهم يعمل ايه ؟

ياريت يا د. خالد تخللى السؤال ده بدل سؤال الخيول عشان بيفكرنى بالثانويه العامه :)

انتو بوظتو الرابطه خالص .. ايه يا علياء اسيبكم يومين يتعمل فيكم كده :P

[nancy]

ياشوا وحشتينى مش عرفة تكتبى .. اكيد فكرك مشغول :D

القاسم المشترك فى الخيول انها فيها عظمة وعندها مشاعرقريبة من مشاعر الانسان

مش مفكرة اكتر من كدة

طيب متغششنا الجواب :)

هى الربطة شكلها فكة ياياشو :P

[عليـ***ـاء]

انا حاسه ان اسئلة دكتور خالد سياسة جديدة عشان يتوهنا عن اصل الموضوع دخلنا في الحصنه والفراخ ونسينا كلنا حكاية الرابطة :)

د. خالد ........... سيبك من الحصنه والبطيخ

فييييييييييين نساء الرابطة ؟

"يا نساء المنتدي اتحدن " :P

[dr khaled]

لو عندنا قطع من المكعبات اللي كنا بتلعب بيها و احنا صغيرين

و روحنا قايمين و عاملين بيها شكل حصان

و بعدين فكينا المكعبات و حطيناها في علبه

طبعا لا يكفي ان نهز العلبه لننشا حصانا جديدا

بل يجب ان نعيد تركيب المكعبات لننشا حصانا جديدا

صح كده

وادا نجحنا في اعاده تركيب الحصان مره اخري ومرات عديده

فدلك :

لان لدينا صوره للشكل الخارجي للحصان

وهدا الحصان المصنوع من المكعبات يتكون ادن تبعا لنمودج يظل ثابتا من حصان الي حصان

ان هده النمادج هي التي سماها افلاطون باسم ( المثل ) او (الصور ) او( الاشكال الاولي)

فوراء كل الاحصنه و كل الناس نعثر دوما علي

فكره الحصان او فكره الانسان

فاصل قصير ثم يتبع

تحياتي

[nancy]

جميل اوى الكلام دة يا دكتور خالد

كمل :D

متخلى الكلام دة برة الرابطة احسن يتردونا رسمى

مناخد كراسينا ونروح مكان تانى علشان هما بيجهزوا للاجتماع التانى :D

بس لو مصر تكمل هنا انا قاعدة :o

[محمود الشاعر]

ايه يا دكتور خالد انا كان سؤالي واضح ايه اللي يخلي الصور او المثال المصطلح عليه بالخيل خيل والصور او المثال المصطلح عليه حمار حمار

بمعنى ان الاثنان يحملان الى حد كبير نفس الصفات الشكلية والجسدية ولهم نفس الوظيفة

ومع ذلك من الوهلة الاولى نقول هذا جواد وهذا حمار

انت جاوبت بمداخلتك حين قلت

هده النمادج هي التي سماها افلاطون باسم ( المثل ) او (الصور ) او( الاشكال الاولي)

فوراء كل الاحصنه و كل الناس نعثر دوما علي

فكره الحصان او فكره الانسان

اذا هي الفكرة

لكن متى تتوالد الفكرة

هل قبل الحدث ام بعدة

[عليـ***ـاء]

د. خالد

لو سمحت سيبك من الرابطة خلاص انا هعمل ان شاء الله موضوع تاني ونتكلم فيه عن الرابطة براحتنا واسيبلك الموضوع ده ناخد راحتنا في الكلام عن الحصنه والمكعبات

بس ربنا يخليهملك

راعي فهم المواطن العادي

افلاطون اخره عندي المدينه الفاضلة

الرابطة النسائية تتمني لكم شات سعيد

[dr khaled]

اسف يا جماعه علي التاخير

بس و الله كان عندي شغل كتير

علي قكره ياعلياء : انتي دمك زي السكر

نكمل

نحن نشاهد ونسمع ونحس و نتكلم بحواسنا الخمس

ولكن افلاطون كان يعتقد انه توجد حقيقه اخري وراء عالم الحس و الحواس وهده الحقيقه هي التي سماها

عالم الافكار او عالم المثل او عالم الصور

-------------------------------------------------------

تعالوا نتكلم شويه عن عالم الحواس ( مانشاهده . مانسمعه . مانشعر به )

يري افلاطون ان كل مانراه حولنا في الطبيعه مثل فقاعه الصابون

فما من شيء في عالم الحواس يمكن ان يبقي

( كل الناس و الحيوانات سوف تموت اجلا او عاجلا حتي الكتله الرخاميه ستتغير و تتفتت )

______________________________________

وبهدا نستطيع ان نعرف ان افلاطون كان يقسم العالم الي قسمين

عالم الحواس الخممسه : و هو يتاف من معرفه تقريبيه و غير كامله و يخضع عالم الحواس هدا لقانون التغير

و ليس فيه شيء ثابت

ولا يوجد فيه شيء بصوره نهائيه و الدي يوجد فقط اشياء توجد وتزول

عالم الافكار : و هو يسمح لنا . بفضل استخدام العقل بالوصول الي المعرفه الحقيقيه

فان عالم الافكار ( او المثل ) هدا عالم لا تناله الحواس و[b] بالمقابل فان الافكار او النمازج خالده لا تعرف التغير

___________________________________

مستني تعليقاتكم

ايه رايك ياعلياء شوفتي الراجل اللي اسمه افلاطون ده كان حكايه كبيره اوي

نلتقي بعد الفاصل

[hopsan]

كلكم تكلمتم في كتير مواضيع مع ذلك لم تردوا علي سؤالي

لو نك لاتستطيع الانجاب الا طفل واحد فقط ( يعني مستحيل تخلف تاني ) فماذا تتمني ان يكون نوعه ولو لك حرية اختيار نوعه ماذا سيكون

الحقيقه عن نفسى ...انا احب الولد لأنه ولد و البنت لأنها بنت

يعنى لو عندى الإختيار فى اختيار نوع الجنس فلن اختار ..لأنى عندى اعتقاد ان الخلفه هبه و نعمه من الله و امانه لابد من الحفاظ عليها ...اذا كيف اتحايل على الله فى هديته لى

حتى عندما كانت زوجتى حامل فى ولداى لم اشأ معرفه نوع الجنين و كانت اقصى امنيه لى ان يكون الجنين بصحه جديده ..و قد كان و لله الحمد

.......و بعدين ايه اللى حصل للمنتدى ...اخد منحى افلاطونى....انتم فين يا ستات ؟؟؟؟؟؟

[nancy]

كويس موضوع الحواس الخامسة

بس اعرف عاوز راينا ولا لسة حتشرح اكتر فيكون فية حوار اكتر

عموما فى انتظار طرح باقى الافكار الخاصة بافلاطون ودكتور خالد

[dr khaled]

كويس موضوع الحواس الخامسة

بس اعرف عاوز راينا ولا لسة حتشرح اكتر فيكون فية حوار اكتر

عموما فى انتظار طرح باقى الافكار الخاصة بافلاطون ودكتور خالد

كويس يانانسي ان حضرتك سالتي السؤال ده

انا كنت لسه بفكر اسالكم

هل الموضوع مشوق و بطرحه كويس ؟

تحبوا اكتب باستفاضه يعني هاكتب كتير ولا اختصر ؟

لو حبيتوا اختصر احنا ممكن نوقفه في اي وقت

انا حاسس ان علياء زهقانه مني و شويه هتقفل الباب في وشي :)

حكمه اليوم

قال الفيلسوف العظيم

(( البنت زي الولد ماهيش كماله عدد ))