أكتب رسالة..وضعها في زجاجة..وارمها في البحر..لمن سترسلها؟

[نورية]

امممم عارفين لما يكون الواحد مجروح و تحط ملح على الجرح..... راح تصرررررررررررخ من الالم

اهو مجرد كتابة رسائل كدة بتخلى الواحد يتألم و فى نفس الوقت اهو بيفضفض

حاولت انى اتخيل ان مافيش حد راح يقرا الرسائل دى عشان اكتب براحتى من غير خجل ..

الرسالة الاولى:

المرسل ايه: خطيبى

طبعا انت عارف انت واحشنى اد ايه....و عايزة اكون معاك باى طريقة

بس خايفة و مرعوبة اوى ... مش عايزة اسافر... مش عايزة اسيب والدى ووالدتى لوحدهم من غيرى..

انت عارف هم كبار فى السن اد ايه.... مش ذنبى انى جيت للدنيا متأخر اوى...

دول تعبوا معايا اوى اوى عشان يربونى و يكبرونى و يعلمونى ... ماتعرفش هم مرتبطين بية اد ايه...

خايفة ييجى اليوم اللى اسمع و انا فى الغربة ان حد منهم ربنا اختاره و انا هناك ماقدرش اجى فى لحظتها..

ساعتها راح اموت... و كل يوم من عمرى راح اموت فيه الف مرة و اندم و ابكى بدموع من نار تحرقنى و تحرق قلبى عليهم....

خايفة .. خايفة اوى... عشان كدة مش عايزة اقدم فى السفارة و كل يوم اقولك الشهر الجاى و اللى بعده يجر اللى بعده..

انا عارفة انك حاسس بية.. بس مش عارفة اعمل ايه...

انت فى كفة ... و همة فى كفة... بس كفتهم اهم..

ساعدنى ارجوك...

الرسالة التانية:

المرسل اليه: اخواتى فى المحاورات

زعلانة منكم اوى... بس بردو وحشتنونى

بقالى اسبوع مادخلتش... توقعت انى لما افتح السايت راح الاقى رسائل خاصة من ناس حبيتهم بجد و كنت باسأل عليهم و باطمن على احوالهم لو حسيت انهم متضايقين او غابوا حتى يومين بس.. كنت باسأل..

حصلتلى حادثة صغيرة كدة.. و الحمد لله ربنا ستر.. و لما رجعت البيت فكرت فيكم..

قولت زمان فيه ناس قلقت علية.. برغم ان ماحدش كلمنى حتى على موبايلى يقولى انتى فين..

حقيقى حزنت...بس التمستلكم الاعذار

عارفين لما تفتحوا الجرنال و تشوفوا صفحة الوفيات او باب الاجتماعيات و تلاقوا مكتوب كلمة(سقط سهوا)...مش عارفة ليه افتكرت نفسى..

و قررت تغيير توقيعى و خايته زى مانتوا شايفينه كدة

بس بردو وحشتونى

تم تعديل 29 يوليو 2006 بواسطة نورية

[hopsan]

انت عارف هم كبار فى السن اد ايه.... مش ذنبى انى جيت للدنيا متأخر اوى...

دول تعبوا معايا اوى اوى عشان يربونى و يكبرونى و يعلمونى ... ماتعرفش هم مرتبطين بية اد ايه...

خايفة ييجى اليوم اللى اسمع و انا فى الغربة ان حد منهم ربنا اختاره و انا هناك ماقدرش اجى فى لحظتها..

ساعتها راح اموت... و كل يوم من عمرى راح اموت فيه الف مرة و اندم و ابكى بدموع من نار تحرقنى و تحرق قلبى عليهم

نوريه

لقد افلحو والديك فى تربيتك...و جعلو منك انسان يحظى بإحترام الجميع

واضح تماما عزمك على ما انت فيه ....إحساسك بكونك انسان حسن الخلق اقوى من نداء الغريزه و التى هى حق مكفول و لكن مجرد رضا الأهل عندك أقوى من حق طبيعى لابد من ممارسته فأبويك رغم رضاهم عنك فهم من اعماق قلوبهم لا يوافقونك الرأى ..فمصلحتك عندهم اهم من وجودك معهم ..و هذا شىء طبيعى ....الثمن غالى جدا و اهلك يستهلون و اكثر

حمدا لله على سلامتك ...و اوحشتينا يا فتاه

انت فى كفة ... و همة فى كفة... بس كفتهم اهم..

لو صبر هذا الخطيب و إن كنت اشك فى انه يفعل كذلك و هذا طيبعى لإنسان طبيعى و لكن امامك المهمه صعبه و لا تدرى اين و متى و من ....ولا تدرى نفس بأى ارض تموت انت فى حيره من امرك و نحن معك فى حيرتك...خليها على الله

صبرا قليلا قد يجعل الله لك زوجا من احسنهم خلقا واكثرهم رحمه بك

نوريه ...رجاء خاص ...قليل من التفائل ......و غيرى الإمضاء فهو اسوء من الأولانى

[Diab]

حمد الله ع السلامة يا نورية

و أدينا بنبعت رسائل عشان ما تقوليش مفيش فيكو سأل عليا

عرفتي بقي أنا احنا يا رجال المنتدي مش حارمنكو من حاجة

أبقوا روحوا بقي و أعملوا رابطو يا نساء المنتدي إتحدن

خلي الرابطة تنفعكوا

علي فكرة الأمضاء بتاعك مش صح

ليست سقط سهوا ............لا لا بل سقط عمدا :)

دياااااااااااااااااااااااااااااااااااااااااااااب

تم تعديل 30 يوليو 2006 بواسطة Diab

[نورية]

hopsan

مرسيه جدااااااااااا على كلامك ...

انت عارف .. كل انسان بيبقى عنده حلم .. و بيحاول يخطط فى حياته عشان يحقق الحلم دة...

و كل واحدة فينا بتبقى بتحلم بانسان ليه مواصفات معينة ... و لما الحلم يتحقق تلاقى التنفيذ صعب..

انا سايباها على ربنا... و الحمد لله هو متفهم .. متفهم جدااااا كمان..و اللى انا واثقة منه ان فى الاخر ربنا عايزلى الخير...الحمد لله

و مرسيه جدا جدااااا جداااااااااااااا على الكلام الجميل اللى فعلا لمس قلبى..

****************************

ديااااااااااااااااااااااااااااااااااااااااااااااااااااااااااااااااااااااب :)

لا لا مش عمدا ... الكلام دة من ورا قلبك انا عارفة

كمان لسة ماشوفتش موضوع الرابطة دى... عامة مهما كان انت عارف اننا ( كائن حى ضعيف)... و مانقدرش نعيشوا من غير ( الكائنات الحية المفترسة) اللى زيكم .... ولا ايه؟

[عليـ***ـاء]

بحثت في ذاكرتي من ارسل له برسالتي

وبخني عقلي لايوجد من احق بغادتي

ويحي انا كيف انسي ذكري سعادتي

اليك يا نور عيني الذي انطفي من مقلتي

تركتني وقد شعرت بمعني الوحدة في دنيتي

اليك يامن هي اغلي من كلمة صديقتي

يامن كنتي تواضعي في عزتي

يامن كنتي ازري في شدتي

يامن كنتي نوري في ظلمتي

يامن كنت البسمة في بهجتي

والدمعه في شدتي

اشتقت لك يا عمري

من لي بعدك يخفف عني المي

تمسح بيديها دمعي

تحفظ سري

تسأل عني

تفهمني من نظرة عيني

اليك يا غادتي

هذه رسالتي

من نبع محبتي

عليـــــــــاء

[Diab]

نورية مشاركة بتاريخ Jul 30 2006, 09:14 PM

كمان لسة ماشوفتش موضوع الرابطة دى... عامة مهما كان انت عارف اننا ( كائن حى ضعيف)... و مانقدرش نعيشوا من غير ( الكائنات الحية المفترسة) اللى زيكم .... ولا ايه؟

:P

أيه

تم تعديل 2 أغسطس 2006 بواسطة Diab

[otaka]

استعير كلمات احمد مطر لارسل لناجى العلى رساله

-------------------------------------------------

الى ناجى العلى

لقد نجوت بقدرة

من عارنا،وعلوت للعلياء

إصعد

فموطنك السماء

وخلنا في الأرض

إن الأرض للجبناء

للموثقين على الرباط رباطنا

والصانعين النصر في صنعاء

ممن يرصون الصكوك بزحفهم

ويناضلون براية بيضاء

ويسافحون قضية من صلبهم

ويصافحون عداوة الأعداء

ويخلفون هزيمة

لم يعترف أحد بها

من كثرة الآباء

--------------------------------------------------

[cute teen]

الرسل لمجهول بس بالenglish

Baby I miss you

soooo much that my life have no meaning now

Because you are

the only person who understand me and felt my pain

I know you are

gone and you are

too far but you are

still with me you are

sole never left

you

are

my life my world me every thing

Without you

I’m like a fish out of water

And you

know that you are

my Oxygen without you

I’m nothing

I’m no one

I wish you

feel the same

And I wish you

would come pick me up and tell me every thing is going to be fine

[ahm_ali_baba]

رسالتى سأقذف بها للسماء لعلها تصل الى ........................ بابا

بابا

كم هى غريبه على تلك الكلمه الميته التى لا معنى لها

أننى اتذكر طوال حياتى ان لسانى لم ينطق بها ابدا ..... فقد كنت استثقلها على لسانى

كانت هذة الكلمه طوال حياتى تجسد لى سيارة الشرطه العسكريه وهى تنطلق بى مسرعه من منزلنا فى مصر الجديدة الى المجهول وصفارتها تصرخ فى باقى السيارات لتفسح لها الطريق بالرغم من أن شوارع مصر فى تلك الايام كانت خاليه من السيارت

لم اكن ادرى ساعتها إلا الان .... اننا كنا نسابق الزمن ونحاول ان نلحق به قبل ان يضيع منا الى الابد ....

ولا ادرى حتى هذة اللحظه أن كنا أفلحنا فى ذلك ام لا

لم أتذكر إلا الان ... وبعد وفاة أمى منذ خمسه اعوام ... اننى نسيت أن أسألها أن كنا سابقنا الزمان ولحقنا به قبل ان يلفظ أنفاسه الطاهرة ويلاقى ربه راضيا مرضيا أم لا

أننى لاذلت اتذكر قضبان الترام وهى تصرخ تحت ثقل سرعه السيارة الجيب وصراخها المتواصل

وماذلت اتذكر وسط الضباب جسد هذا الرجل المسجى بلا حراك على سريرة بمستشفى القصر العينى وهو يرتدى بدله من الشاش الابيض ويخفى وجهه تحت نظارة كبيرة من القطن

وماذلت اتذكر أيضا هذا العلم الملون الذى يغطى صندوقه الموضوع على عربه المدفع والناس يتدافعون لتحيته ودموعهم تغسل شارع القصر العينى بأكمله

كانت كلها ذكريات تحتل عقلى الباطن كغيام الضباب بلا اى معنى او أحاسيس ..

والغريب هو اننى لم أحاول ابدا فهمها والسؤال عنها !

الان فقط وفى هذة اللحظه أدركت كم كنت قاسيا على ...... بابا

الان فقط ادركت كم حرمته من أجمل كلمه يحب الاب ان يسمعها من أبنه

هل من الممكن أن يقسى قلبى هكذا على ............. بابا

هل من الممكن ان يقسى الابن على أبوة كما قسى قلبى على ........ بابا

هل من الممكن أن يعى قلب صغير عمرة اربعه سنوات معنى القسوة فيحرم أباة من أجمل كلمه يحبها ....... بابا

اليوم وبعد فترة نسيان طويله حقيرة أتذكرة لأول مرة فى حياتى وأتذكر كم كنت قاسيا عليه

اليوم وفى ذكرى أستشهادة أحس بألامه عندما شاهدنى لآخر مرة فى حياته وأسترجع معه صورته وهو مسجى على فراشه بلا حراك

اليوم وفى ذكرى أستشهادة عهدا على أن انظر الى السماء وانادى عليه فى كل طائرة حربيه تطير فى سمائنا ........... بابا

فلعله يسمعها منى ويغفر لى قسوتى

ولعله يسمعها منى بعد طول هذة الاعوام ويعرف كم انا احبه وكم انا مشتاق أن أقول له وحشتنى ................. يا بابا

تم تعديل 13 سبتمبر 2006 بواسطة ahm_ali_baba

[otaka]

رسالتى سأقذف بها للسماء لعلها تصل الى ........................ بابا

بابا

كم هى غريبه على تلك الكلمه الميته التى لا معنى لها

أننى اتذكر طوال حياتى ان لسانى لم ينطق بها ابدا ..... فقد كنت استثقلها على لسانى

كانت هذة الكلمه طوال حياتى تجسد لى سيارة الشرطه العسكريه وهى تنطلق بى مسرعه من منزلنا فى مصر الجديدة الى المجهول وصفارتها تصرخ فى باقى السيارات لتفسح لها الطريق بالرغم من أن شوارع مصر فى تلك الايام كانت خاليه من السيارت

لم اكن ادرى ساعتها إلا الان .... اننا كنا نسابق الزمن ونحاول ان نلحق به قبل ان يضيع منا الى الابد ....

ولا ادرى حتى هذة اللحظه أن كنا أفلحنا فى ذلك ام لا

لم أتذكر إلا الان ... وبعد وفاة أمى منذ خمسه اعوام ... اننى نسيت أن أسألها أن كنا سابقنا الزمان ولحقنا به قبل ان يلفظ أنفاسه الطاهرة ويلاقى ربه راضيا مرضيا أم لا

أننى لاذلت اتذكر قضبان الترام وهى تصرخ تحت ثقل سرعه السيارة الجيب وصراخها المتواصل

وماذلت اتذكر وسط الضباب جسد هذا الرجل المسجى بلا حراك على سريرة بمستشفى القصر العينى وهو يرتدى بدله من الشاش الابيض ويخفى وجهه تحت نظارة كبيرة من القطن

وماذلت اتذكر أيضا هذا العلم الملون الذى يغطى صندوقه الموضوع على عربه المدفع والناس يتدافعون لتحيته ودموعهم تغسل شارع القصر العينى بأكمله

كانت كلها ذكريات تحتل عقلى الباطن كغيام الضباب بلا اى معنى او أحاسيس ..

والغريب هو اننى لم أحاول ابدا فهمها والسؤال عنها !

الان فقط وفى هذة اللحظه أدركت كم كنت قاسيا على ...... بابا

الان فقط ادركت كم حرمته من أجمل كلمه يحب الاب ان يسمعها من أبنه

هل من الممكن أن يقسى قلبى هكذا على ............. بابا

هل من الممكن ان يقسى الابن على أبوة كما قسى قلبى على ........ بابا

هل من الممكن أن يعى قلب صغير عمرة اربعه سنوات معنى القسوة فيحرم أباة من أجمل كلمه يحبها ....... بابا

اليوم وبعد فترة نسيان طويله حقيرة أتذكرة لأول مرة فى حياتى وأتذكر كم كنت قاسيا عليه

اليوم وفى ذكرى أستشهادة أحس بألامه عندما شاهدنى لآخر مرة فى حياته وأسترجع معه صورته وهو مسجى على فراشه بلا حراك

اليوم وفى ذكرى أستشهادة عهدا على أن انظر الى السماء وانادى عليه فى كل طائرة حربيه تطير فى سمائنا ........... بابا

فلعله يسمعها منى ويغفر لى قسوتى

ولعله يسمعها منى بعد طول هذة الاعوام ويعرف كم انا احبه وكم انا مشتاق أن أقول له وحشتنى ................. يا بابا

ربنا يرحم جميع الشهداء و الناس اللى ضحت و لسه هيضحوا فى سبيل رفعه هذه الامه العظيمه بتضحياتها الفقيره فى انجزاتها

يا ريت يا عم على بابا تحكيلنا حكايه الشهيد والدك و ازاى اثر على حياتك و اتعلمت منه ايه

[نانو]

نفسي ابعت رسالتي ديه....لاقرب صديقه ليا عرفتها في حياتي

او كانت .....بعد ما بعدت و للحظه ديه مش قادره اعرف ليه...ليه ...بعدت؟؟

ليه بعدتي ...انا ما بعدتش الغربه ما اخدتنيش....الغربه هدتني

ما كانش فيه حد في الدنيا بيفهمني قدك انت....كنت قبل ما افرح بلاقي الفرحه في عينيكي

و قبل ما احزن بلاقي ايديكي بتمسك ايدي و تطبطب عليها

انت فين ...فينك دلوقتي...تصدقي كل اللي شوفته زمان و انا هناك معاكي علي شط اسكندريه ...و تحت المطر

و كنت بحكي ليك و ببكي بين ايديكي.....كل ده ولا حاجه

و لا حاجه لما تكوني في نار و في الغربه ...الغربه نار .....و حرقه قلبي علي ولادي نارين....انا في نار جوه نار

و انت هناك بعيده اوي

عمري في حياتي ما احتجتلك اكتر من دلوقتي ...و اللي بيقتلني انك عارفه ..اكتر واحده عارفه انا في ايه ؟؟؟؟

دورت عليكي كتير اوي ....هناك ....لما كنت هناك ....بس كنت مش بلاقيقي....قالولي انك...هتبعدي ما صدقتش

و لقيتك بتبعدي...و كتمت الجرح ...و كان عندي امل لغايه اخر يوم قبل سفري اني الاقيكي

لكن ما فيش فايده....نفسي اكتب لك من يوم ما جيت

نفسي اقولك انا عايشه من غير وطن....

نفسي اقولك محتجالك اوي ...و مش قادره ....نفسي اسمع حتي صوتك... مش قادره ...نفسي اسمع ضحكتك

و لغايه دلوقتي مش فاهمه ليه بعدتي و مين اللي قسي انت و لا انا

و مين اللي نسي.......اكيد مش انا

ما كانش عندي الجرأه اني اكتب لك الكلام ده...لكن اذا كان هيبقي جوه ازازاه جوه البحر اللي ما لوش اخر

فاديني كتبت و يمكن يوصلك....و يمكن لأ

[bentmasria]

كم اتمنى هذه القنينة منذ سنوات لسن بالطوال لكنى اتمنى ان ارسل رسالة ما كان صديقنا ابو خليل قد كتب موضوعا قديما فيه رسائل لن تصل ابدا الى اصحابها وسوف تندهشون من جمال ما ستقرأون وسأعتبر هذا الموضوع بابا آخر نفتحه فى صناديق الذكرى والشجن

سأضع رابطه فى توقيعى هو وموضوع صديقى المدهش بعد اذن المدهش ولنكمل الحكايا التى غالبا ما ستوضع فى زجاجات الحروف والقلوب وبين سطور الامنيات

اصدقائى

حروفكم دفعتنى للمشاركة وليس جديد على المدهش ان يدهشنا دائما بصولاته بين نبض حروف صدقنا ويجبرنا على البوح بشكل ما دائما

والى زجاجة ما ستذهب بين ثنايا الموج الى عوالم اخرى ربما سأكتب رسالة ما لشخص أيضا ................. ما

رفيق دربى

قبل سنوات

كنت اكتب لك عن الفقد

والوحشة

وبرد يسكن الاضلاع ويتآكلها بعبراته

وكنت اراك تبتسم فى مكان ما طيفى الشكل

بلا خلفيات فقط تلك الاضاءة الباهتة التى لازمت صورتك فى خيالى البعيد

وهذه الابتسامة المطمئنة التى كانت تشرق احيانا فى وجناتنا انا ونصفى الاخر

اصبحت بعيدا

غادرت اطياف الحلم بابتسامتك ليحتلها سواك

بابتسامة واسعة وضجيج طيب اعشقه كثيرا

كم تمنيت بشكل ما لو لم تلق بى الى هذه الطرق الكثيرة

كم تمنيت لو كنت اكثر وضوحا

اكثر تواجدا

لو شعرنا بك للحظة

تلامس اطرافك كفوف ايدينا لنمضى

كل لحظاتى تجسد طول المسافة وقسوتها

وكل لحظاته تتفتح وتبحث عنك وتنشد المزيد

هل تتخيل انه يمسك بالهاتف ويجول بكل الاماكن يحادثك

ويسألك

انت فين

حتيجى امتى

ويعيد ويردد ويصرخ صدى صوته فى قلبى ولا استطيع ان اجيب

يوما ما

تخيلت ان دفء قلبى سيحتويه

وحب من حوله سيغنيه عن هذا السؤال وربما لن يعجل به

لكنه يظل يسأل ويسأل حتى اتركه واهرب الى الورقات اعانق سطورها بحرفى وتهرب الحروف ايضا فأختنق

يلاحظنى فيجرى ليربت برفق على كتفى ويبتسم

يالهى

هى ابتسامتك البعيدة

نفسها

هو انت

اين

اين

اين

اين..............

[Salwa]

بسم الله الرحمن الرحيم والصلاة والسلام على خاتم الانبياء والمرسلين سيدنا محمد النبى المصطفى وعلى آله وصحبه ومن والاه ..

ياغالية يامحترمة ..

تعودت ان احدثك ...او...اكتب لك يوميا ...

لى اكثر من يومين احاول التحدث معك وتخوننى الارادة....

احاول الكتابة فتسبقنى العبرات ..

فضفضت مع شقيقتنا الصغرى اليوم ...بكينا سويا ....لكن معك ؟؟.......كنت ضعيفة ..

وتتساءلين ؟؟..كيف ؟؟..كيف وانت اقوى الثلاثة .

واجيبك ....الا فيم يتعلق بكم وباسرتى الأصغر..

صعب جدا جدا ان اواسى ...ام...تعلم ان ايام ابنها ذو ال28 ربيعا معدودة ...صعب جدا جدااا...صعب ان ارى شعلة النشاط والحياة تخبو ..اعلم ان كل الكلمات وكل الاحاسيس التى اشعر بها تصلك حتى بدون شرح...اعلم ذلك من محادثاتنا اليومية التى هى عبارة عن البكاء فى صمت جليل وترديد ادعية ..و..رغم ايمانك وذكاءك تعلمين ان ما باليد حيلة ...ولكنها رحمة ربى نرجوها ..

رفعت الاقلام وجفت الصحف ..

تعلمين انى بعيدة عنك (( مضطرة لاننا نمر بظروف حرجة وقاسية بعض الشئ نظرا لوضع صحى مفاجئ ))..ولكنه ابدا ابدا ياقرة العين لن يكون اقسى مما تمرين به..

رفقا بنفسك ...رفقا بابنك ..لاتبكى ياشقيقتى الحبيبة الغالية ...لاتبكى ولا ترددى.. بل انا شقية ..

اتذكرين العهد امام الكعبة ؟؟ اتذكرين ؟؟ ...كان العهد هو عدم الحزن على اى شئ الا ما يمس الايمان ...اتذكرين ؟؟

اتذكرين صلاة الفجر ؟؟ اتذكرين كيف كنا كثلاثة اوراق ندية لزهرة واحدة ؟؟ نلتف حول قلب واحد ..قلب الزهرة ؟؟ اتذكرين قولك ؟؟ ...راحت من كانت تجمعنا ....والاخوة الرجال سوف يذهب كل فى سبيله ؟؟ ..اتذكرين ؟؟ كيف تجمعنا فى محراب ...الام ؟؟..رجال ونساء ؟؟ يجمعنا رباط مقدس وحنان بلا حدود ..وتعاطف ...اتذكرين ؟؟

كنا نضحك....كيف يشعر كل منا بالآخر بهذه الطريقة القوية ؟؟ ...كان قولك ...(( كأننا اتينا من كوكب آخر ...شئ غريب ان نفكر جميعا بنفس الطريقة وكل منا يشعر بالآخر ولو كان على بعد اميال ...))

تذكرى ....وتذكرى ..انى لا استطيع ولا توجد قوة على وجه الأرض تجعلنى استطيع ان اقف صامدة امامك...

اتذكر وجه (( ابننا ))..الباسم..وجسده العملاق وصوته الرخيم السعيد وهو يحدثنى من لندن ...وهو يحدثنى من اميركا ..وهو يردد وصوته يغرد ...وحشتينى ياخالتى ...ياخالتى وحشتيييييينى ...تعالى لى هنا اسبوع..ياخالتىىىىى...

اتذكر ضحكتك ....( ماتعقلى ياسلوى واقنعى بنتك تتجوز ابنى ؟؟ ده بنات البلد كلها بيتمنوه ...الصراحة هما انسب اتنين لبعض وانا مستخسرة يتجوز من برة العيلة ..) ...واتذكر ضحكتى... وردى ...( ما ينفعش يابنتى دول اخوات ...زواج اقارب لالالالا...وانا مقدرش اغصبها ...الا الجواز ياختى ) ...

ونضحك سويا ...لا كأنك طلبتى ...ولا كأنى اعتذرت عن تلبية الطلب ...

وياحبيبة الروح والقلب...اتعلمين بكاء ابنتى ؟؟ عندما علمنا بالاخبار الغير معقولة ؟؟ ....بكت ورددت ..( ياريتنى وافقت ..على الاقل كان حقق حاجة هو عاوزها ....مفروض افكر فيه فقط فى الظروف دى ؟؟ ..طيب لو بيقولوا فاضل اسابيع ..طيب لو ده يسعده اعمل كدة ياامى ؟؟ اوافق ؟؟ ...اعيش معاه حتى شهر ؟؟ ..اشعر بالذنب انى رفضت ...) ..

تبكى ابنتى ...وتمتنع عن تناول الطعام وتمتنع حتى عن الضحك ...وفى الحقيقة كل الاولاد فى حالة حزن وقهر لا يتخيلها مخلوق ...فقط يرددون...(( منتهى الظلم ...لكنه قدر ...لكنه مصير لن يفر منه احد ...شئ لا يصدقه عقل ...اين العقل فى كل ما يحدث ؟؟ ولماذا هو ؟؟ ...وكيف اتاه هذا السارق للاحلام ؟؟ ...كيف اتاه هذا المرض ؟؟ وكيف هاجمه بهذه الوحشية وكيف لم يفطن لكل هذا ؟؟ كيف ... كيف ؟؟ ))..

و...

و....

اكتب رسالتى لك واضعها فى زجاجة ......وبكل قوتى ....بكل ما اعطانى الله من قوة ..( ان كان لدى قوة ) ....اطيح بها ...لعلها تسبح حتى البر الآخر ..

احتضنك ياحبيبتى ...وانقل لك بعض (( مما تبقى لى من قوة تحمل ))...وانتظرينى فى القريب ..

اعلم ان كل الكلام لا قيمة له ...لهذا انتظر رؤيتك واحتضانك ..ويهمس كل الدم فى شرايينى صارخا ...اشعر بك ياشقيقتى ياغالية ....ياغالية ...

اعلم قسوة اللحظة ...وقسوة ان ينام الابن فى احضانك ويسألك ؟؟ ...اهو صعب ؟؟ الموت صعب ؟؟ ..لامفر ياامى انها النهاية ...انها النهاية ..

اعلم قسوة ذلك ؟؟ ...ومن كان يستطيع ان يدارى عنه ؟؟ وهو الشاب المتوقد الذكاء ؟؟ ...من ؟؟..

هو غالى ....لكنه ...ونحن...ودائع يانور عينى ...يستردها صاحبها عندما يريد ..

لا تنتظرى المصير ....عيشى كل يوم مع ابنك ...كل ثانية ...قولى له لاتخشى شيئا فانت مؤمن ...

اعطه الامل ....لن نخسر شيئا ...دعيه يحيا نصيبه فى الدنيا بالامل ( حتى ولو كان امل كاذب ) ...

اتركك فى سلام من عند الله...مع نفسك ومع ابنك ومع اسرتك ...

ليرحمنا الله..

ليرحمنا الله ...

[Om Zayd]

موضوع جذاب و آسر

10 سنين محاورات

[مهندس عمرو]

أرسلها الى روح والدي رحمة الله عليه واكتب فيها .......... وحشتني جدا وربنا يتغمدك برحمتو ويجعل تربيتك لينا وتعبك عشنا ومرضك الي صبرت عليه سنين في ميزان حسناتك انشاء الله .