اهلاً و سهلاً يا عرب

[Tafshan]

اهلاً و سهلاً يا عرب

شرفت بيتنا اللى انضرب

شرفتنى ... و سترتنى

و كنت سقفى اللى اتخرب

تشرب قهوة ؟ .. و لا بلاش

لحسن تحمى عليك بالليل

شرب القهوة للاوباش ..

اللى بيصحوا طول الليل

بس الليل ما عاد له نهار

لسه بينزف ابنى في ايدى

شايفه بيطالع فى الروح

اما البت التانية فسبقت

خرجت تلعب ويا صحابها

كانت طالعة في وقت القذف

قبل ما انادى عليها لترجع

سبقت ليها قذيفة يهودى

ساحت بنتِ لحم في عظم

و الشارع بقى بركة دم

سيبك م الغم ...

عايز تأكل ؟؟

لسه عندى شوية زيت ..

عايز زعتر ؟!!

يا غالى يا ريت !!

ده ما فيش لقمه جوه البيت

حتى البقال ..

ضربوا محله من ساعتين

و الشارع مضروب نصين

ح نروح على فين ..

مالك مخضوض ؟؟

غارة و ح تروح ..

احكيلك ..

الواد امبارح ..

جسمه كان بيطلع نار

و ضربوا ع الضيعة

فوق الميت طن بارود

من صوت الضرب ..

نزفت ودن الواد بالدم ..

وقعت ام الواد ع الارض

سجدت تطلب م الرحمن

يلطف بالواد ..

و بكل العباد ..

و دعت لك .. اه و الله

بتبكى ليه ؟

ده حالنا احسن من ناس تانين

رايح على فين ؟؟

قبل ما تمشى .. اسأل اهلك ...

دم ولادنا في رقبة مين ..

[صبح]

رائعة كعادتك دائما

ودم ولادها في رقبتنا كلنا

[shahd]

استاذ طفشان كلماتك هزت وجداني

اسلوب فوق الرائع سلمت اناملك ودمت مبدعا متألقا ...........

لك مني ارقى واعظم تحيه

تيتا شــــــــــــهد

[nancy]

كلامك حلو اوى يا طفشان ويوجع القلب

حسة كلامك عامل جوانا كلنا زى الشرخ فى الازاز

مش ممكن تشوف اى حاجة من وراه مظبوطة او جميلة

دمهم وضعفنا فى رقبة حكمنا الى شيفين الدنيا دايمة

[مصرية يعني مصرية]

كلام جميل

رقيق

حزين

مؤلم

رائع كعادتك

بلاش تغيب كثير

ننتظر جديدك دائما

[khedr]

تشرب قهوة ؟ .. و لا بلاش

شرب القهوة للاوباش ..

دم ولادنا في رقبة مين ..

كلماتك الموجعه التي نزلت علينا هي اشد ايلاما من الرصاص

ولكن مع ناس عندها النخوه والاحساس

فقدنا الدم علي الارض وعلي العرض

ولم يعد يحركنا شئ....

نمصمص الشفاه وتعجبنا الكلمات

ونعود الي قهوتنا وننادي ...اين العَشاء وصلاه العٍشاء

في رقبه مين

في رقبه مين

[سيزيف]

صديقى العزيز طفشان

رائعا كعادتك

صادق الاحاسيس

منك لله

اثرت فينا شجونا وقلبت علينا المواجع

[Tafshan]

رائعة كعادتك دائما

ودم ولادها في رقبتنا كلنا

بالضبط

استاذ طفشان كلماتك هزت وجداني

اسلوب فوق الرائع سلمت اناملك ودمت مبدعا متألقا ...........

لك مني ارقى واعظم تحيه

تيتا شــــــــــــهد

شكراً عزيزتى لاطرائك ..

كلامك حلو اوى يا طفشان ويوجع القلب

حسة كلامك عامل جوانا كلنا زى الشرخ فى الازاز

مش ممكن تشوف اى حاجة من وراه مظبوطة او جميلة

دمهم وضعفنا فى رقبة حكمنا الى شيفين الدنيا دايمة

دمهم في رقبتنا .. اما الزجاج فقد تركناه دون تنظيف منذ زمن حتى اعتادنا الظلام ..

كلام جميل

رقيق

حزين

مؤلم

رائع كعادتك

بلاش تغيب كثير

ننتظر جديدك دائما

شكراً عزيزتى لأطرائك ...

تشرب قهوة ؟ .. و لا بلاش

شرب القهوة للاوباش ..

دم ولادنا في رقبة مين ..

كلماتك الموجعه التي نزلت علينا هي اشد ايلاما من الرصاص

ولكن مع ناس عندها النخوه والاحساس

فقدنا الدم علي الارض وعلي العرض

ولم يعد يحركنا شئ....

نمصمص الشفاه وتعجبنا الكلمات

ونعود الي قهوتنا وننادي ...اين العَشاء وصلاه العٍشاء

في رقبه مين

في رقبه مين

ما اشعر به و يؤلمنى هو ان العرب بعد الانتهاء من متابعة كأس العالم بدأوا في متابعة حرب لبنان و قد اعدوا لها المثلجات و الفشار و جلسات السمر ..

صديقى العزيز طفشان

رائعا كعادتك

صادق الاحاسيس

منك لله

اثرت فينا شجونا وقلبت علينا المواجع

و الله يا اخى انى لمكتئب و محبط الى اقصى الحدود و اشعر بأنى منافق لتشدقى بأنى عربي مع عدم حراكى في اي اتجاه ...

اما الدم .. فهو في رقبتى و سيظل يلاحقنى ما حييت حتى افعل شيئاً حقيقياً ..

[khedr]

ما اشعر به و يؤلمنى هو ان العرب بعد الانتهاء من متابعة كأس العالم بدأوا في متابعة حرب لبنان و قد اعدوا لها المثلجات و الفشار و جلسات السمر ..

وهو الشعور الذي يحطمني ويزيدني قهرا مع نفسي

[مصرية الهوى]

منتهى الروعة يا طفشان ..

كلماتك تشعرنا بقهرنا وعجزنا ..

فلا نملك الا ان نقول حسبنا الله ونعم الوكيل ..

[Tafshan]

منتهى الروعة يا طفشان ..

كلماتك تشعرنا بقهرنا وعجزنا ..

فلا نملك الا ان نقول حسبنا الله ونعم الوكيل ..

نملك ايضاً الدعاء و نملك المساعدات الانسانية و منظماتها منتشرة في جميع الدول العربية ..

تحياتى و شكري على مرورك الكريم