محاولات يائس - !! قطع علاقات

[leemo]

قطع علاقات !

قررت أقطع علاقتــى بكل تــاء تأنيــث!

واهجر مكانى لو عنهـم حدثــت أحــاديث

وإن شفت بالصدفـــه تمثال عليه فستــان

أصوم تلات ايــام واستغفـــرك يامغيث !

             *****

من يومهــا شفت الحيـاه هاديه مافيها صداع

وكنت من قبلها كتلـــه من الأوجــــاع

غيره وحيره وتنهيــده وبهدله وصـــراع

وتقيد صوابعك لهب تصبــح فى ألـف نزاع

             *****

الدنيا دى حنينـــه بس الحريم قاسيـــات

الرزق فيها انكتب يكفى نعيش باشـــــوات

لكن الحريم شغلهــا إشمعنــا وعايزه وهات

يسرق أخينــا العهده ويطب فى كلبشـــات

             *****

وفى كل بلوه ومشكلـه فتش عن الحرمـــه

افتح عينيك يابن آدم فى النور وفى الضلمــه

وافتل شنابــك ياحمش واخشن وكون طرزان

ليكون غداك مكنســـه وتحلى بالصرمه  !!

  ################

                             زجل د. / يحيى

أحييكم أحباثى النيام من بلاد الإفرنجه !! أتمنى لكم نوماً طويلاً وحلماً جميلاً !! وأعود إليكم بدش ماء بارد آخر بعد قليل إن شاء الله

[ragab2]

.[b:post_uid0]

من غير حريم ياليمو ماتقدر تعيش

هما الغطا والفرش  وهما  التعريش

الحب والحنان غير الست ماتلاقيش

والزوجة الأصيلة على كل حال بتعيش

تسمع  كلامك حتى  لو لبستها خيش

الستات ألوان واحدة غلبانة تعيش

والتانية مغرورة وعلى راسها ريش

وواحدة عاقر والكلمة الحلوة مافيش

وواحدة تتجوزها  كأنك دخلت الجيش

وست من أول يوم ملكش معاها عيش

اذا كنت عاوز تعيش

على مراتك ماتخبيش

واحسن من السهر فى البيت مافيش

من غير طاولة ولا شيش بيش

ياما ستات حلوة عايزة تعيش

من غير نكد وغم ولا تطفيش

[/b:post_uid0]

Edited By ragab2 on Aug. 12 2002 3:11pm

[daktara]

ايه يا عم الدكتور ليمو الغيبه دى كلها

[leemo]

أخى الحبيب رجب .. هذا يعتمد على خبرة كل شخص فى هذا المجال .. وقديماً قالوا : إسأل مجرب ولا تسأل طبيب .. علماً بأنى المجرب والطبيب فى وقت واحد  :D  أحييك على التعقيب .

أخى الحبيب دكتره ... والله برغم مشاغلى .. أحاول أن أتواجد ولو من حين لحين  (بماسك) أوكسجين ... وأمبول ( أدرينالين ) لبث الروح فى المنتدى (الأبنييك)   :D  :colgate: