الشرق الأوسط الجديد ~ خرائط

[عبد الله غريب]

محاربة فكرة القائد الرمز و الترويج لفكرة أن النظام الديمقراطي ينص على أن الرئيس هو موظف لدى الشعب و الانتقاص من مهابته و تقدير الشعوب له، و ذلك لحرمان الأمة من ظهور قائد رمز كصلاح الدين الأيوبي، و الظاهر بيبرس يستطيع أن يقود الأمة ضدهم.

يا سيدي لو جالنا واحد زي صلاح الدين أو الظاهر بيبرس أنا هبصم بالعشره انه رمز وليس موظف

بس المشكله إن كل اللي بيحكمونا هم من نوعية القذافي وبن علي وحسني مبارك

ودولا مش هعتبرهم رموز ولو السما انطبقت على الارض

أوافقك .. تماماً .. bv:-

علشان كده نفسي ربنا يوفقنا ف المرحلة دي لشخص "بيحب مصر بجد".

يا رب هيئ لمصر هذا القائد .. آمين.

[عبد الله غريب]

حتى لو خطة التقسيم دي حقيقية و هما مرتبين ليها

فين احنا من يمكرون و يمكر الله و الله خير الماكرين

حتى لو الخطة دي موجودة و بينفذوا فيها مش هاتحصل الا اذا كان مقدر من الله انها تحصل

و على فكرة لو الله مقدرها علينا فا اتأكدوا انها هاتكون خير مش شر

ممكن شر في الظاهر لكن في الباطن خير

عارفين ليه

لان الله حافظ الدين دا و يمكن يكون دا حافز اننا نرجع لدين الله و ساعتها لازم و حتما الله هايستخلفنا على الارض من اول و جديد

لان هي دي سنة الله في ارضه

ثقوا في الله يا جماعة انه كله بامره

و لله الامر من قبل و من بعد

ادعوا من قلوبكم ان ربنا يرد كيدهم في نحورهم

يااااا رب كل من اراد بدينك شر رد كيده في نحره

اللهم آمين

اللهم آمين

اللهم آمين

كلامك صحيح ياريم ربنا سبحانه وتعالى حافظ الدين ده بس خلي بالك هو مش بالضرورة حافظ للـ (العرب ).. هو سبحانه حافظ الدين وحافظ الي يحفظه بغض النظر عن جنسه او جنسيته .. فهل احنا حافظين الدين ده ياريم ؟؟

وبناء عليه فمفيش اي ضمانة لنا اننا نفضل كويسين لمجرد ان دينا لازم يبقى ولمجرد اننا بننتسب اليه بالقول اكثر منه بالعمل .. وارد جدا اننا نضعف وننمحي ولكن ينتقل دينا ذاته لدول اخرى قوية يسيطر فيها وتكون له الغلبة .. بغض النظر بقى الدول دي هتكون شرق آسيا او حتى قلب اوروبا او امريكا لكن انتقال الاسلام اليها وارد جدا ولا يوجد لنا كعرب اي حصانة او منعة لمجرد اننا مسلمين تضمن لنا بقائنا فضلا عن سيادتنا ..

مثل هذه الدعوات الي بتقول اطمنوا ربنا حامينا لمجرد اننا مسلمين هي احد اسباب تخلفنا اختي العزيزه وقد تكون السبب الاساسي في اختفاءنا ـ كعرب ـ من الوجود ..

الشعوب اللي بتتكلمي عليهم بالملايين يا ضحى

و أنتي بنفسك اعترضتي من دقائق على الطعن في توحيد المسلمين

ازاي تحكمي على الشعوب دي كلها بضعف الدين؟؟؟

مين قال لك إن العرب من المحيط للخليج كلهم عصاة و الدين عندهم ضعيف؟؟؟

الأمة بخير

و ده كلام الرسول عليه الصلاة والسلام

(الخير في أمتي حتى قيام الساعة)

الرسول عليه الصلاة والسلام قال

(بشروا ولا تنفروا)

و هو أحق أن يتبع من الحسن رضي الله عنه

وحتى من أبو بكر وعمر رضي الله عنهما و أرضاهما

أعلى درجات الصحابة رضوان الله عليهم مقاما

عفوا .. لكن أنا لا أجد في كلام الأستاذة ضحى كل هذا المعنى الذي ذكرتيه أستاذة مصرية و هذه العبارات الجديدة التي سوقتيها كتفسير لكلامها دون أن تتفوه هي بها أو بمعناها.

أحب دائماً الالتزام بروح ما هو مكتوب فعلياً و ليس محاولة تأويله، فضلاً عن الزيادة عليه بعبارات جديدة تحمل معاني أوسع.

أستاذ عبد الله

برجاء الاطلاع على مداخلة الفاضلة ضحى في هذا الموضوع

و اللي كلامي كان رد عليها

http://www.egyptiant...ndpost&p=701948

و بالتحديد على الجزئية دي

من السهل اوي اني ادغدغ المشاعر بكلمتين حلوين واقول كلمه تمام ومفيش اي حاجه وحشة ممكن تحصل وساعتها كلامي هيلاقي القبول من الاغلبية .. بس هل تفتكر حضرتك اني هبقى كده صح ؟ ولا ابقى عملت خير ؟؟

وده يذكرني بمقولة قرأتها زمان ..

قيل للحسن: يا أبا سعيد.. كيف نصنع، نُجالس أقواماً يخوفونا حتى تطير قلوبنا.. فقال: والله إنك إن تخالط أقواماً يخوفونك حتى يدركك أمن، خيرٌ لك من أن تصحب أقواماً يؤمنونك حتى يدركك خوف..

وكل واحد في النهاية حر ياخذ بالكلام الي يشوفه بيخاطب عقله ويطمئن له قلبه ام بالآخر الي لايتجاوز عواطفه وامنياته ..

شكراً أستاذة مصرية،

قرأتها .. فعلاً كنت بسأل نفسي إيه دخل الحسن في الموضوع،

بس انا كنت بقصد السطور الأخرى بردك و ليس موضوع الحسن،

بس شكراً بجد على اهتمامك بالتوضيح.

كل الاحترام لك.

[doha]

الفاضل عنبي ..

مش عارفه ان كنت قرأت كلامي السابق في محاولة للفهم وامكانية تقبل ماجاء فيه ولا من باب البحث عن ثغرات للنقض فقط لا غير وعليه كان ردك .. عموما هعتبر انها الاولى ولتسمح لي بناء على ذلك اجيبك على تساؤلاتك الي وردت في كلامك لي وبعتذر بشده من صاحب الموضوع الاصلي لتشعب موضوعه وارجوا لو المشرفين شايفين في كده خروج بالموضوع عن مساره انهم يفصلوا المداخلات الخاصه بالشرق الاوسط الجديد في موضوع مستقل ..

ولنبدأ القصة من اولها .. ومعليش اعذروني لو هتكلم في موضوع تاني خالص ملوش علاقه مباشرة بالي كنا بنقوله بس ضرروي لاجابة بعض من اسئلة الفاضل عنبي ..

كلام حضرتك مخالف لما جاء فى القرأن والسنه كيف يحرف الدين والله من تعهد بحفظه ؟

ثم حضرتك رابطه بين بعث الله لنبى بعد الاخر بناء على تحريف ديانة الاخر وهذا ايضاً مخالف للقرأن والسنه فكثير من الانبياء والرسل كانوا فى نفس الوقت زى سيدنا ابراهيم وسيدنا لوط وغيرهم

ثم ازاى هى خطه من قديم الازل ؟ طيب عرفتى منين انها خطه ؟ طيب ومين اللى كان بيخطط من زمان ده ولسه بيخطط لحد دلوقتى يعنى ؟

بعث الله سبحانه آدم بشرعه ويفترض ان الناس من وقتها كانت أمة واحدة بتعبد اله واحد وهم الي حاكمين الارض على قلة عددهم في تلك الفترة .. مرت السنين وضعف الدين فكان ربنا سبحانه بيرسل انبياء تذكر الناس بالدين ده واحيانا بيكون النبي مرسل لعدد محدود من الناس في مكان معين .. مرت السنين اكتر واستطاع ابليس الي اقسم من قبل انه مش هيهدأ له بال قبل ان يعقد الصراط المستقيم لبني آدم ـ استطاع انه يحرف الدين تماما لدرجه ان الناس خلاص تقريبا نسيته وعاثت في الارض فساد .. هنا ارسل الله تعالى رسول جديد وهو نوح .. مات كل من على الارض من الكفار وبدأ عهد جديد بناس كلها مؤمنه بشرع واحد وطبعا كانوا هم سادة العالم في ذلك الوقت لان مكانش خلاص باقي على الارض غيرهم ..

رجع بني نوح تفرقوا لشيع وتفتت "الدولة " ومعادش الحكم لشرع ربنا ولا المؤمنين بيه .. ظهر رسل وانبياء اخرون ويهمنا هنا ماحدث بعد بعثة موسى.. نزع الله الملك من يد فرعون واعطاه لاضعف اهل الارض في ذلك الوقت وهم بني اسرائيل ..حكم سليمان بالشريعه اليهودية وساد بها الارض شرقا وغربا .. ثم نفس ماحدث مع ابناء نوح تكرر مع اليهود الي ضيعوا شرع ربنا مع السنين فنزع منهم الملك على الارض كما نزعت منهم النبوة واعطيت لمن كان اضعف واقل منهم في ذلك الوقت وهم العرب الذين سادوا الدنيا بعدها وقادوها كأمه اسلامية حكمت العالم لفترة من الزمن .. ثم دارت الدائرة وضعف الدين وتفتت الدولة الى دول وهي حاليا في طريقها لتكون دويلات ..

ليه ربنا سبحانه دائما وابدا بينزع الملك من الطغاة ويعطيه لاكثر اهل الارض ضعفا وقلة حيلة ؟ ببساطه عشان يثبت لبني آدم ان الملك والغلبة بيده لن يعطيه الا لمن يعمل بأمره .

الي بحكي عنه ده كله تاريخ لامجال فيه للتشكيك او المعارضة .. الخطه من البدايه خطة ابليس وبينفذها اعوانه والحافز لديهم هو ( الملك ) وسيادة الارض .. وطبعا الكلام ده مذكور سواء في التوراة او في القرآن .. اما عن الجزئية الخاصة بوجود اكثر من نبي في وقت واحد كابراهيم ولوط فاتمنى حضرتك تنتبه للفرق بين النبي والرسول ده غير مراعاة ظروف ذلك الزمان وعدم امكانية نشر الدعوة لكل الناس في ذات الوقت بواسطة شخص واحد ..

وبتقولي كيف يحرف الدين وهو ثابت في القرآن انه لن يحرف .. صحيح سيدي الفاضل ربنا سبحانه تعهد بحفظ الذكر في الارض وعليه فكلما اضمحل كان بيجدده ببعثة نبي او رسول جديد .. ولما كان محمد صلى الله عليه وسلم هو خاتم الانبياء والمرسلين فخلاص ربنا تعهد ان الدين مش هيضمحل ثاني .. الدين سيدي الفاضل مش أحنا المؤمنين بيه ..اذا فزوال دولة العرب لايعني بالضرورة زوال الاسلام الي بالتأكيد هينتقل وقتها لدولة اكثر قوة وتمكن .. ده الي ربنا سبحانه تعهد بيه مش حاجه تانية ..

اذا فلو ان الخطة هي القضاء على الاسلام في مهده بتدمير ارض العرب فالجانب الخاص بالاسلام مضمون انه مش هيتنفذ لان ربنا تعهد بحفظة لكن الجزئية المتعلقة بأرض العرب دي الي معليهاش اي ضمانات ..

يفترض بكده اني اجبتك على اسئلتك ليه منطقتنا مستهدفة وليه بنقول في خطة ومين الي وضعها والاهم ليه تعهد ربنا سبحانه بحفظ دينه لايعني بالضرورة نهائيا تعهده بحفظنا او بقائنا نحن المسلمون ..

وفي المداخلة الجايه باذن الله اكمل رد على بقية الاسئلة ..

[مغتربة]

كان الهدف الرئيسي من احتلال جميع أو معظم دول المنطقة التي تحتوي على (أرض الميعاد) و ما حولها هو تفتيت هذه الدول و تحويلها إلى كيانات هشة ليس لها وزن في ميزان القوى لتتمكن القوى الخارجية من بسط السيطرة عليها لتحقيق الحلم، فلما وجد المحتلون أن الشعوب تزداد تمسكاً ببلدانها و تصر على تحريرها من المحتل إذا أتاها هذا المحتل على صورة جيش خارجي، و نجاح جميع الشعوب في تحرير بلدانهم المحتلة، بدأ التفكير في طريقة جديدة للوصول لنفس الهدف السابق و هو تفتيت المنطقة لإضعافها و التحكم فيها و فرض (النظام الجديد) و تحيق الحلم.

لذلك فالمؤامرة أعقد قليلاً من ظاهر الأمور الحاصلة الأن، فهي تعتمد على:

- دعم حكم دكتاتوري لمجموعة من الحكام من قبل هذه القوى الخارجية صاحبة المصلحة في تفتيت المنطقة بحيث تعاني شعوب دول المنطقة من ظلم حكامها الدكتاتورين بحيث يتمنى كل شعب خلع زعيمه،

- و في نفس الوقت ترسيخ مصطلحات الحرية و العدل و المساوة و غير ذلك من الشعارات ظاهرة المثالية التي لا يختلف عليها اثنان في وجدان الشعوب بغرض إستخدام هذه الشعارات (مستقبلاً) عندما تحين اللحظة المناسبة (لهم) لانقلاب الشعوب على حكامها،

- محاربة فكرة القائد الرمز و الترويج لفكرة أن النظام الديمقراطي ينص على أن الرئيس هو موظف لدى الشعب و الانتقاص من مهابته و تقدير الشعوب له، و ذلك لحرمان الأمة من ظهور قائد رمز كصلاح الدين الأيوبي، و الظاهر بيبرس يستطيع أن يقود الأمة ضدهم.

و بهذا يتحقق الهدف الرئيسي المذكور عاليه و هو تفتيت المنطقة لكن بأيدي الشعوب و بدون تدخل خارجي بجيوش أثبتت التجربة أن استخدامها في احتلال الدول سيفشل فشلاً زريعاً بسبب حماس الشعوب و استماتتها ضد المحتل الخارجي، لكن بواسطة هذه الطريقة ينجح التفتيت.

و حتى هذه اللحظة لم يحدث بعد الجزء الأخير (الأخطر)، ألا و هو تفتيت البلد ، لذلك لن أوافق على مقولة أنه لو استطاع الغير التآمر ضدي فليس لي الحق أن اقرر مصيري، لكن أقول أنه و بعد أن سار السيناريو على هذه الوتيرة و تحقق معظمه، علينا ألا نستسلم لبقية المخطط بل نسعى و أقصد شعب مصر خصيصاً (و ممكن نفس الكلام ينطبق على بقية الشعوب) و نحاول في اللحظة الأخيرة أن نقلب السحر على الساحر، و أن نستفيد بحدوث التغيير الذي تم بأيدينا و تخلصنا بفضل الله ثم بفضل سواعد شبابنا الثائر و هو للعلم شباب حر مكافح و ليس مغرر به، و قد قام بالثورة لأن البلد كانت تحتاج لثورة، لكن هذا لا ينفي قوة تأثير المخطط على مسار الحياة السياسية في مصر، نحاول أن نستفيد مما حدث و في نفس الوقت نمنع الجزء السئ من الحدوث . فعلينا ألا نستسلم لبقية المخطط .. بل نقف عند هذه النقطة و عند هذه اللحظة من التاريخ .. و نحمي بلدنا بأيدينا من التفتت و يكون ذلك بالوقوف صفاً واحداً لعودة النظام للبلد، و يكون كذلك و هو أمر غاية في الأهمية بالالتفاف حول قائد يحبه الشعب، مع العلم أنه من ضمن المخطط زرع فكرة أن الرئيس ليس إلا خادم للشعب و أنه موظف فقط ، ما ذلك إلا لإلغاء فكرة القائد الرمز الذي يمكن أن تلتف حوله الأمة و التي أرقت مضاجعهم طويلاً و حرمتهم من اقتطاع أجزاء من الأمة بسطوة المال في السابق إلى أن نجحوا (و بالتآمر أيضاً) في الإطاحة بالسلطان عبد الحميد و بالخلافة في الربع الأول من القرن السابق.

و يجب أن تتوفر في هذا القائد صفة رئيسية و هي :

بيحب مصر بجد

و معها دعم الشعب له و التفافهم حوله و القيام معه بحماية البلد من أي محاولة لتفتيتها، و معروف أن مثل هذا التفتيت لن يأتي واضحاً كأن تدخل قوة خارجية مصر لتقسيمها لكنه سيأخذ طرق متخفية تعتمد على سيناريوهات متنوعة منها حماية إسرائيل لحدودها، و محاولة القيام بما يؤدي لفتنة طائفية و تدخل خارجي من أجل فض النزاع أو فرض حماية دولية مثلاً ..إلخ

لذلك الله الله يا شعب مصر في الفترة القادمة .. بلدكم أمانة بين أيديكم و كلنا يعلم أن هذا الوقت هو الوقت المرتقب لهذه القوى الخارجية لمحاولة تحقيق الهدف، فعلينا أن نثبت لأنفسنا و للعالم أننا لسنا بهذه السذاجة و أننا سنحمي بلدنا ضد من يحاول سرقتها منا.

استاذى الفاضل

حضرتك كاتب كلام رائع جدا لكن معلش اسمح لى علشان اى انسان يقتنع بهذا الكلام لازم الاول حضرتك تجيبه على الاستفسارات البسيطه دى

من هم من يقوموا بالمؤامره التى تتحدث عنها ( لكن من فضلك ليس رد عام نريد تحديد لاشخاص بعينهم او دول بذاتها او حتى منظمات بالاسم )؟

ما هى الادله التى تحت يد حضرتك التى تقول ان سيناريو هذه المؤامره مرسوم بالضبط كما حضرتك اسلفت و شرحت ؟

لكى نصدق ان هناك من يخطط لنا يجب ان نعرف اولا من هذا الذى هناك و يجب ايضا ان تكون هناك براهين واضحه لا شك فيها على ذلك اما مجرد الاستنتاجات او الافتراضات او التوقع بسبب العداء التاريخى فلا يكفى ابدا اى مفكر لاتخاذ هذه النظريه كامر مسلم بيه

المشكله انه كثر الحديث عن مخططات و مؤامرات تحاك و لكن للاسف كل الكلام الذى يستعمله المروجون لهذا الموضوع يكون مبنى للمجهول

اريد ان ارى مره واحده نفس الكلام عن نظريه المؤامره و هو مبنى للمعلوم و بالتاكيد ساعتها لن اتردد لحظه واحده فى الانضمام لمعتنقيها لكن التصورات او الافتراضات او التوقع الشخصى لا تكفى بمفردها

أستاذة مغتربة .. أهلا بك

هل هناك شك في محاولة كل أمة على مر التاريخ أن تتفوق على الآخرى؟

بنفس المنطق يمكن فهم كل ما ذكرته بمداخلتي،

أتمنى نهتم في هذه المرحلة بأهم شئ، و هو بلدنا..

الحمد لله عبرنا مرحلة تاريخية عظيمة و هي ثورة الشباب و اللي اتحولت مباشرة بعد انطلاقها لثورة الشعب كله بدون استثناء دلوقتي عاوزين نحمي مكاسب الثورة .. عاوزين نفكر لبكرة .. تفكير إيجابي يساعد البلد و يحميها من أي خطر.

حضرتك قلت إنه كثر الكلام عن مخططات و مؤامرات تحاك لنا ..

و انا موافقك .. فعلاً كتر الكلام عن هذا

لذلك أقترح بدلاً من إنفاق الوقت في الكلام و تشتيت الذهن أن نبدأ في العمل

يكفينا أن نفهم و نتفق على أمور و نتلاقى عندها دون الخوض في الكلام الكتير اللي انتشر.. عاوزين:

- حماية بلدنا في المرحلة دي من اي خطر محتمل و مش حنخسر حاجة لما نعمل حساباتنا على احتمال حدوث الأسوْ فإذا لم يحدث يبقى مخسرناش حاجة بدلاً من أن نتوقع الشئ الأفضل ثم إذا حدث ما لم نحسب حسابه ضعنا فهذا بنبغي أن لا يحدث ..

كل الاحترام لك.

بالتاكيد اخى الكريم هناك دائما و ابدا مصالح متعارضه بين الشعوب و الامم ولكن هذا شيىء و الحديث عن مؤامره محدده من جهه ما اكاد اجزم ان معظم المتحديثين عن نظريه المؤامره المزعومه هذه لا يعرفوها على وجهه التحديد و لو سالتهم لوجدت ان كل شخص منهم سياولها على مخاوف مكنون صدره هو دون دليل و لا برهان و تسسير وفق خطه محدده ايضا لو سالت عنها لما وجدت اجابه فالكل اتفق على وجود المؤامره دون ان يتفق على اى شيىء اخر خاص بها و اعتقد ان ابسط مثال على ما اقول هو الموضوع الاصلى المفتوح للمناقشه هنا فهو يتحدث عن اجراءات كلا الدولتين المعنيتينن بها هم المفروض فى خندق واحد و هو خندق المعرضون لتلك المؤامره فلا افهم كيف يمكن تحور الكلام من هذا الاطار لاطار ان الحديثي عن هذه الاجراءات من ضمن المؤامره نفسها

و مع تفنيدى لهذا الجزء تحديدا من حديثك الا اننى اتفق معك قلبا و قالبا فى باقى حديثك كله الخاص بترتيب الاولويات ووضع النهوض بامتنا على راسها و هو ما ليس اتفق معك فيه فقط بل و احييك عليه بشده ايضا و تعضيدنا لهذه الدعوه فانا ارى ان نكف عن الصاق اى حدث يحدث حتى و ان كان ان شخص ما عطس فى السودان على شماعه نظريه المؤامره و نلتفت لما هو اهم بحق

فحتى و ان صح وجود تلك المؤامره الخياليه فنقطه الاتفاق بين رافضيها و متبنيها هى ان نجاحها من فشلها معلق على ارادتنا نحن

لذلك فلنريد العمل و البناء و لدوله قويه و حينها باذن الله لن يستطيع حائك لاى مؤامره ان ينول مبتغى له

مره اخرى سعدت بالتحاور معك اخى الكريم

تحياتى

[doha]

ونتابع ..

هناك فرق بين تجاهل الخطر وبين ان اكون اداه لتحقيق الخطر نفسه انا سألت ليه الشعوب بقت ساذجه لدرجة استخدامها كاداه لتدمير نفسها هذا وفقا لنظرية المؤامره التى تتحديثن عنها

.

كلام حضرتك غير صحيح بالمره لان فى ال 110 سنه الاخر مقمتش فى مصر غير ثورتين

.

حضرتك الموضوع مكنش تقسيم ولا حاجه هى اساسا كانت متقسمه لوحدها يعنى كان فيه حاكم على مصر وحاكم على بلاد الشام وحاكم على الحجاز

.

ونعود لخطة التقسيم أو مايطلق عليه " الشرق الاوسط الكبير " . . وقبل مااتحدث عن هذه الخطة احب اؤكد ان وضعها او حتى البدأ في تنفيذها لايعني بالضرورة انها ستكتمل في النهاية وتصل الى غاياتها القصوى .. الكلام عنها ليس من باب اقرار وقوعها لامحالة وانما للتذكير او لنقل .. التحذير .. وكمحاولة لفهم مايحدث حولنا الآن بشيء من الصحة ..

قلنا بان الاسلام سيستمر طالما هو دولة واحدة تحكم بأسمه .. والطريقة المضمونة التي سبق تجربتها على مر السنين للقضاء عليه هي بتفتيت مصدر قوته وهو اتحاد اهله تحت لواء دولة قوية لها قوة ومنعه وتحت يدها موارد وامكانات غير محدوده .. ومن هنا كانت المؤامرة في البدايه للقضاء على الدولة العثمانية والي منعرفش عنها في وقتنا الحالي الا انها كانت دولة استعمار لمقدراتنا كشعوب عربية وده طبعا الي ذكر في كتبنا التاريخية الي بطبيعه الحال بيكتبها المنتصر !!

حضرتك بتذكر ان الدول دي كانت مقسمه بشكل طبيعي من قبل الاتفاقية وبتعلل ذلك بوجود حاكم لكل من مصر والشام .. الخ .. لا ادري هل حضرتك بكده بتساوي مابين الحكم الذاتي المستقل الي عليه كل من هذه الدول الآن بالحكم بأسم الخليفة ووجود مرجعيه واحدة لجميع اقسام الدولة برغم التفويض للبعض بادارة كل قسم على حده ؟؟ هل حضرتك متأكد باقتناعك بان الامرين سيان ؟؟ اسمح لي لو كنت مقتنعه بالعكس ..

نرجع لاتفاقية التقسيم ..

اجتمع الخواجة سايكس مع الخواجة بيكو وقرروا تقسيم التركة العثمانية لدول تفصل مابينها حدود ملهاش علاقه بجغرافية هذه الدول ولا بطبيعه سكانها او توزيعهم وانما راعت في المقام الاول مصالح الدول الاجنبية الي ستؤول لها هذه التركه وملائمة كل جزء يخصها لاحتياجاتها .. فاخذت انجلترا مصر وتولت فرنسا أمر لبنان والجزائر وتونس فيما كانت ليبيا من نصيب ايطاليا ..

الوضع وقتها كان دول ضعيف كبناء سياسي ولكنها شديده القوة كبناء سكاني واقتصادي معتمد على موارد طبيعية غنية ومتوافرة .. احتاج الامر لسنوات طويلة لتفكيك هذه المنظومه وتغيير طبيعتها الداخلية .. خذ عندك .. مصر كدولة رائده تم وعلى مدار السنوات تحطيمها اقتصاديا ومعنويا وعسكريا والاهم تدمير مايطلق عليه ( قوتها الناعمة ) لتفقد ( زعامتها ) بين الدول الاخرى .. مطلوب ان ميكونش للدول دي قائد او دولة يمكن اعتبار رأيها هو المحرك لآراء البقية ..

لتحقيق ده كان لابد من وقت للثاني ( قلب كيان الدولة المصرية ) وتغيير تركيبتها وده كان بيحصل زي ماقلت لحضرتك كل ثلاثين سنة .. حضرتك بتقول ان محصلش غير ثورتين بس .. ده من وجهة نظرك احترمها ولكن اعذرني لو لم آخذ بها لان تسميتك لما حدث في 52 بالانقلاب وعليه استثناءك له من قائمة ( الثورات ) لن يعفيه من المسؤوليه عن تغيير وجه مصر الحديثة تغييرا تاما .. والى الابد ..

ده بالنسبة لمصر في المرحلة الاولى من التقسيم ..

دول الخليج تم مراعاة تقسيمها من البدايه لتكون كما يقولون "على رأس كل بئر بترول .. أمير " .. دول شديده الغنى ومع ذلك لن تجد فيها صناعة واحده ثقيلة .. هل هذه صدفة ؟ دول تعتمد بالكامل على ثروتها النفطية ولايوجد تطوير الا على مستوى البناء فقط لا غير .. استحق الخليج ان يطلق عليه (( اكبر ثروة مهدرة على مدار التاريخ )) ..

دول مجاورة لاسرائيل ترزخ تحت وطأة الاحتلال او تعاني من تدخلات خارجية فيها .. لاقيمة لها على المستوى الاقليمي فضلا عن قيمتها في الاوساط العالمية .. ولايختلف الامر كثيرا بالنسبة للمغرب العربي وشمال افريقيا ..

اذا فالوضع وعلى مدار الخمسين سنة الماضية تقريبا كان بالكامل لصالح الدول الغربية .. قد تفضل ان تعلق ماحدث في رقبة الحكام وربما يفضل آخرون نسبته لظروف اخرى ولكن تبقى المحصلة واحدة وهي ان خطة التقسيم تسير في طريقها سواء تم ذلك بالصدفة او بفعل فاعل ..

نأتي للمرحلة الثانية من الخطة ..

على حسب ماهو معلن فيفترض ان يتم تقسيم مصر كما التالي ..

دولة قبطية في الجنوب تمتد من الفيوم وحتى الاسكندرية التي ستكون العاصمة .. دولة نوبية ينضم لها جزء من شمال السودان الذي استقل مؤخرا .. دولة تتبع السياده الاسرائيلية تمتد من سيناء لتشمل ساحل البحر الأحمر بما يحاذي الدولة القبطية .. واخيرا دولة سنية وهي ماتبقى من اراضي مصر بعد التقسيم .. هذا بخلاف التقسيم السابق ذكره والخاص بالسعودية ودول الخليج وسوريا ..

طبعا الكلام منشور من قديم ولاي يعني انتشاره انه غير حقيقي فالحكمه تقول (( اكتبوا فالعرب لا يقرأون واذا قرأوا لا يفهمون واذا فهموا فهموها بعد فوات الأوان )) ..

واستكمل بأذن الله في المداخلة القادمة ..

[الســـاري]

المناقشات حول نظرية المؤامرة و نظرية التقسيم تؤكد كل كلامي السابق الذي قلته من قبل عن خصوصية الشعب السعودي الذي يصر البعض ان يجعله بالقوة يكره قيادته ونظامه

المسألة مادامت تنظيمية يحق للمملكة ان تفعل ما تشاء ... طالما الامر في سيادتها

وان كانت عقابية كما روج البعض .. فاعتقد ان هذا كلام فارغ .. واقولها باللفظ الصريح .. كلام فارغ .. فلم تعاقب المملكة حجاج ايران الذين عاثوا فيها فسادا وافسادا وازهاق وقتل للانفس والممتلكات .. ولم تمنع العراقيين في زمن الحرب معهم .. او باقي كارهي النظام .. حق العمرة لم تمنعها منهم ... و اعدادهم وحصتهم تزيد يوما بعد يوم

اعتقد ان هؤلاء كانوا اولى بالعقاب لو كانت المسألة عقاب ..

بالطبع خبر مثل هذا يعطي فرصة للكثير للطعن في الانظمة السعودية .. وهذا الشيء رأيناه كثيرا .. واعتدنا عليه .. وتعايشنا معه .. ولم يعد يجدي .. في النهاية تمارس المملكة ما تشاء وقت تشاء ساعة تشاء في تنظيم امورها الداخلية ومن ضمنها ادارة شؤون الحرمين الشريفين ..

اما فتح بيت الله الحرام لزواره ومعتمريه فلم تمنع المملكة ايرانيين او عراقيين في زمن الحرب كي تمنع المصريين

تم تعديل 26 فبراير 2011 بواسطة الســـاري

[الباشمهندس ياسر]

مش عارف ليه يا مدام ضحي بقالي فترة كل ما افرا مداخلاتك .

يقوم الضغط يعلي يا اختي

من اول ما كنتي بثبطي الهمم و تقولي انا من عواجيز الفرح و قاعدة و ببص عليكوا و مكش هتعملوا حاجة ف المظاهرة بتاعتكوا

و مكنش فاضل غير تقولي و قوموا العبوا بعيد

اللي فات ده علي جنب

بالنسبة لخوفك الشديد علي السعودية

اطمني

ال سعود اصحاب سياسة و حاجة كده تزيد عن دهاء بني اسرائيل شويتين تلاتة

و اصحاب امكانيات غير محدودة

و اصحاب سطوة فكرية علي جموع غفيرة من الناس

و قبل كل ده ... و رغم مصايب كتير بيعملها امراء ال سعود

تبقي العوائل السعودية من اكثر العوائل صيانة لدين الله

اما عن مسألة منع التأشيرات .. مش حقيقي و ميعملوش كده

و المسألة تنظيمية مش أكتر

[doha]

حيث ان النقاش لم ينقطع في الموضوع الاصلي فبكده تبقى مشاركاتي دي خارجه تماما عن سياق الموضوع.. بارجوا من الساده المشرفين فصلها هي والمشاركات الاخرى المتعلقة بالشرق الاوسط الجديد في موضوع مستقل ..

وحتى يتم هذا الفصل فاسمحوا لي اكمل هنا ..

هقولك حكايه

قولت له واحد مخنوق من واحد قوى قام حب ينتقم منه انه يخليه يطلق مراته

وضع حجر كبير امام بيت الراجل علشان وهو طالع رايح الشغل رجله تخبط فى الحجر

يقوم الراجل يروح الشغل متعصب المدير يقوله ليه اتأخرت يتعصب على المدير

المدير يرفده من العمل يرجع البيت مخنوق مراته تقوله ايه اللى جابك بدرى

يقوم متعصب عليها ويطلقها

قولت له تصدق ان واحد ممكن يخطط خطه زى دى وتنجح قالى لا طبعا ازاى يعنى ؟

قولت له اهو الناس عاوزينا نصدق نظرية المؤامره

حاجه كده عباره عن خطوات بتسلم بعضها وكأنهم عارفين ردة فعل الشعوب او وكأنهم استغفر الله العظيم يعلمون الغيب

الكلام الي حضرتك بتقوله ده سيدي الفاضل منطقي جدا لما نفكر بالعقلية العربية الي يبدوا ان حضرتك مقتنع بالتفكير بيها وهي العقلية التي تعمد الى غرس الحب ثم انتظار الزرع من الرب .. العقلية الي مفيش في قاموسها ذكر لمصطلح ( التخطيط ) و ماينبثق عنه من كلمات ..

لكن لما يكون احد اطراف قصتك هو عقلية غربية .. لا تؤمن بما يطلق عليه صدفة .. حياتها بالكامل عباره عن خطة منظمه محبوكه التفاصيل .. مفيش عندهم شيء يترك للظروف او الاحتمال ففي الحالة دي الوضع هيختلف ..

اسمح لي اعدل في قصتك شويه والقي الضوء على بعض الجوانب الخفية الي يمكن فاتتك اثناء السرد او لنقل .. الافتراض ..

لو قلنا بان واحد مش مخنوق من صاحبه وعلى هذا سيكيد له وانما له اطماع في منزل هذا الصاحب .. اطماع مش هيطولها غير لو انفصل الرجل عن زوجته واصبحوا كيانين مستقلين .. هنا في دافع وفي مبرر يخليه يتعب ويخطط والاهم يتحمل الانتظار في سبيل تحقق اهدافه ..

خلاص هو الراجل حط الخطه زي ماانت قلت .. وخليها على بساطتها ولا منطقيتها زي ماهي .. هيحط الصخرة وهيتكعبل فيها الضحية هيروح الشغل يتخانق وهيترفد ويرجع يزعل مراته ويطلقها .. هي هتمشي كده ..

طبعا في الف سبب يمنع مضي الخطه في طريقها وهنا يجي دور العقلية العلمية المخططة مش العشوائية الاتكالية .. على مدار السنين هيقوم الصاحب الغير امين بطبيعه الحال بدراسة نفسيه صاحبه .. هيلاقيه شخصية مهزوزه غير مستقلة بتاخذ قراراتها غالبا بالانفعال العاطفي وليد اللحظة .. مبيفكرش لقدام ولا بيهمه الا ايجاد قوت يومه ويخلي بكرا لرب بكرا ..

هنا الصاحب هيلازم الضحية لسنوات طويلة .. طول السنين دي وهو بيزرع فيه ان مديرك في الشغل بيكرهك .. مراتك دي ست نحس .. البيت الي انت ساكن فيه ده قدمه شؤم .. والاهم .. انه وقبل اليوم الموعود لوضع الصخرة وبفترة كافية هيبدأ يغير النغمه من ان المنظومه الفاسده الي انت عايش في وسطها لازم تتغير وانك مش مضطر تفضل في شغلك ده للابد وان لو خلصت من مراتك الدنيا هتتغير من حواليك والأهم ان سمعنا ان جار لكم ظهرت له اشارة من السماء عباره عن صخرة سقطت ليلا امام بابه وكانت دي علامه الفرج ودليل انه لازم يبدأ فورا .. في التغيير ..

سنين والراجل بينغسل مخه وسنين وهو بيتم تجهيزه لرد الفعل المناسب الي هيحصل لما تيجي الاشاره .. واهو حصل .. وصحي الراجل الصبح ولقي الصخره ومش بس كده ده تعثر فيها كمان .. خلاص وصلت معاه آخرها .. راح لمديره الي هو خلاص مدرك يقينا انه لايجوز له توجيهة بالاوامر بعد اليوم وانه لو راجل ففرض عليه يثور على قراراته ويضرب بيها عرض الحائط .. في طريقه للعمل وصاحبه ملازمه بينفخ في اذنه .. لو سكت النهرده هتسكت العمر كله .. دي فرصتك الاخيرة .. الصخرة نزلت ولو مستغلتش الحكايه دي فلا تلومن الا نفسك ..

هيوصل الشغل وهيحصل الي خطط له الصاحب بالحذافير .. هيتخانق وهيقدم استقالته .. ده شيء متوقع بنسبة 90% ولان العقلية الغربية لا تترك شيء للصدف فعشان نضمن العشرة في المائة الباقيين فلا نستبعد ابدا ان الصاحب وطول السنين السابقة برضه ارسل الي يلعب في دماغ المدير ان مش من حق الراجل ده يرفع حتى عينه فيك .. ولو جاك في يوم وهو متنكد بس مجرد نكد اديله بالجزمه وقوله الباب يفوت جمل ولو راجل استقيل ..

رجع صاحبنا لبيته وهو بينفخ .. وبرضه صاحبه ملازمه وبيلعب في ودنه بس المرة دي بيسخنه على مراته .. هي وش النحس السبب في كل ماحصل .. لو فرض وكلمتك في حاجه شوط فيها .. انت خلاص بقيت راجل حر .. اذا كان وقفت لمديرك ( وكيلتله ) ومقدرش يفتح بقه معاك بكلمه يبقى دي الي هتسكتلها ؟ عملت الصعب هتيجي دلوقت تقف على السهل ؟

ويدخل الراجل بيته على مراته الي طبيعي هتسأله عن سبب حضوره المبكر وهيحصل الي قلت عليه سيدي الفاضل وهتوصل للطلاق ..

الراجل فقد شغله وطلق مراته ومعادش له لزوم البيت الي قاعد فيه ومش عارف يدفع مصاريفه .. هيعرضه للبيع وهيتدخل صاحبه ويشتريه .. وتوتا توتا ..

احنا هنا بقى لا هنتكلم ونقول ان المدير فعلا كان ظالم ولا ان كانت الست فعلا نحس والبيت قدم شؤم ولا ان الراجل مغيب او مضحوك عليه .. مش موضوعنا دلوقت ان كان الي عمله الراجل ده صح او غلط .. ان كان قدامه حل تاني او مكانش .. احنا بنتكلم فقط عن كيفية تحديد الهدف ثم دراسة الوضع ومن ثم وضع الخطه الي تحقق لنا هدفنا ده معتمدين على طبيعه الوضع الي درسناه ..

قصتي الطويلة هي ذاتها قصتك المختصرة ولكن بتناول اعمق قليلا من مجرد نظرة سطحية تصف ماحدث ..

واسمح لي بمداخله اخرى اكمل فيها الرد على اسئلتك لعل يتضح لك قليلا كيف استطاع الصديق طوال السنوات الماضية اقناعنا بأن المدير مفتري .. والست دي .. نحس ..

[doha]

مش عارف ليه يا مدام ضحي بقالي فترة كل ما افرا مداخلاتك .

يقوم الضغط يعلي يا اختي

من اول ما كنتي بثبطي الهمم و تقولي انا من عواجيز الفرح و قاعدة و ببص عليكوا و مكش هتعملوا حاجة ف المظاهرة بتاعتكوا

و مكنش فاضل غير تقولي و قوموا العبوا بعيد

اللي فات ده علي جنب

بالنسبة لخوفك الشديد علي السعودية

اطمني

ال سعود اصحاب سياسة و حاجة كده تزيد عن دهاء بني اسرائيل شويتين تلاتة

و اصحاب امكانيات غير محدودة

و اصحاب سطوة فكرية علي جموع غفيرة من الناس

و قبل كل ده ... و رغم مصايب كتير بيعملها امراء ال سعود

تبقي العوائل السعودية من اكثر العوائل صيانة لدين الله

اما عن مسألة منع التأشيرات .. مش حقيقي و ميعملوش كده

و المسألة تنظيمية مش أكتر

ايه ده هو حضرتك كنت موجود وقت ماكنت بكتب في بدايه الاحداث واقول حرام الي بيحصل ده وقليلا من التروي ؟ غريبة اصلي كنت فكراك محضرتش الفترة دي حيث مكانش لك ولا مداخلة وقتها ومشفتش مداخلاتك غير بعد مالامور هديت ويبدوا ان حضرتك ظنيت ان خلاص الموضوع انتهى وعليه جيت تبشرنا انك لسه راجع من ميدان التحرير .. ها مقلتلناش عملت ايه امبارح في الميدان ؟ ولا صحيح ممكن ضغطك وقتها كان مرتفع من قراءة مداخلاتي فمرحتش المرة دي .. عموما هاردلك تتعوض ان شاء الله الجمعه الجايه ومتنساش تبقى تحكي لنا . .

بالنسبة للسعودية فوجهة نظرك حيال الوضع فيها تبقى في النهاية مجرد وجهة نظر تماما كوجهة النظر الاخرى الي بتقول انهم زيهم زينا في خطر ربنا وحده القادر يسلم منه .. ويبقى الاخذ باي من وجهتي النظر متروك لكل واحد وقناعاته وطريقة تفكيره وحكمه على الامور ..

تحياتي ..

[الباشمهندس ياسر]

ايه ده هو حضرتك كنت موجود وقت ماكنت بكتب في بدايه الاحداث واقول حرام الي بيحصل ده وقليلا من التروي ؟ غريبة اصلي كنت فكراك محضرتش الفترة دي حيث مكانش لك ولا مداخلة وقتها ومشفتش مداخلاتك غير بعد مالامور هديت ويبدوا ان حضرتك ظنيت ان خلاص الموضوع انتهى وعليه جيت تبشرنا انك لسه راجع من ميدان التحرير .. ها مقلتلناش عملت ايه امبارح في الميدان ؟ ولا صحيح ممكن ضغطك وقتها كان مرتفع من قراءة مداخلاتي فمرحتش المرة دي .. عموما هاردلك تتعوض ان شاء الله الجمعه الجايه ومتنساش تبقى تحكي لنا . .

بالنسبة للسعودية فوجهة نظرك حيال الوضع فيها تبقى في النهاية مجرد وجهة نظر تماما كوجهة النظر الاخرى الي بتقول انهم زيهم زينا في خطر ربنا وحده القادر يسلم منه .. ويبقى الاخذ باي من وجهتي النظر متروك لكل واحد وقناعاته وطريقة تفكيره وحكمه على الامور ..

تحياتي ..

طيب بما ان الحوار هيتحول لامور محبشس اني اتكلم فيها

اولا : ال سعود ادري تماما بأمرهم و أقدر علي صيانة اوضاعهم

ثانيا : الشيك اللي حضرتك بعتيه بعد ما رجعت من ميدان الحرية و انا عندي 6 اصابات

تقدري تاخديه تاني

[doha]

ايه ده هو حضرتك كنت موجود وقت ماكنت بكتب في بدايه الاحداث واقول حرام الي بيحصل ده وقليلا من التروي ؟ غريبة اصلي كنت فكراك محضرتش الفترة دي حيث مكانش لك ولا مداخلة وقتها ومشفتش مداخلاتك غير بعد مالامور هديت ويبدوا ان حضرتك ظنيت ان خلاص الموضوع انتهى وعليه جيت تبشرنا انك لسه راجع من ميدان التحرير .. ها مقلتلناش عملت ايه امبارح في الميدان ؟ ولا صحيح ممكن ضغطك وقتها كان مرتفع من قراءة مداخلاتي فمرحتش المرة دي .. عموما هاردلك تتعوض ان شاء الله الجمعه الجايه ومتنساش تبقى تحكي لنا . .

بالنسبة للسعودية فوجهة نظرك حيال الوضع فيها تبقى في النهاية مجرد وجهة نظر تماما كوجهة النظر الاخرى الي بتقول انهم زيهم زينا في خطر ربنا وحده القادر يسلم منه .. ويبقى الاخذ باي من وجهتي النظر متروك لكل واحد وقناعاته وطريقة تفكيره وحكمه على الامور ..

تحياتي ..

طيب بما ان الحوار هيتحول لامور محبشس اني اتكلم فيها

اولا : ال سعود ادري تماما بأمرهم و أقدر علي صيانة اوضاعهم

ثانيا : الشيك اللي حضرتك بعتيه بعد ما رجعت من ميدان الحرية و انا عندي 6 اصابات

تقدري تاخديه تاني

آخذه ازاي بس انت متعرفش اني مستشهده في موقعة الجمل ؟

الله يكرمك يا "باشمهندس " المحاورات مش مكان استعراض ولو مصر تخليه كده فعلى الاقل خليها في حوارك مع حد تاني غيري ..

[الباشمهندس ياسر]

حاضر يا اختي

مش هستعرض خالص ابدا

لا معاكي ولا مع غيرك

هفرح بنفسي و بشبابي و بكل الشباب اللي زيينا اللي وفقنا وقفة رجاله و عملنا اللي متعملش في تاريخ الوطن

في تاريخ الوطن كله .. يا ضحي

و كسرنا صورة الفرعون الاله و ذلناه و جيبناه الارض و دوسنا عليه برجلينا و فرجنا عليه الدنيا كمان

و فرح بنصرنا المؤمنون بالوطن و بالحرية و بقدرتنا علي اننا نعمل اللي ميعملوش غيرنا و اننا لو عايزين نمس الشمس هنمسكها .. بأمر الله طبعا..

طب و بالمرة برده

بس بما اني مسلم .. مش الاخت مسلمة برده

تعرفي ايه اللحظة الوحيدة اللي يسمح بيها بالخيلاء و بالتنطيط علي الخلق كمان

و اننا نحط رجل علي رجل و نرفع رأسنا لفوق اوي

هي اللحظات دي اللي مبتتكررش ف التاريخ كتير

و قبل ما انسي

لما تبقي تبصي من بلكونتك المرة الجاية و تشوفي التغيير (( ان ربنا كرمك و خلاكي تشوفي يعني

))اللي حصل في مصر

ابقي ساعتها افتكرينا و افتكري الرجاله اللي ماتت عشان انتي و غيرك تعيشي

و بالمناسبة

ايه يا تري الاسباب الكامنة لعدائك للثورة بأكملها وكأننا بنمشي علي كبدك

هي الاخت من المستفيدين من النظام البائد و لا اصحاب متلازمة استكهولم

[White heart]

اللى فهمته كدة انهم قسموا العراق؟؟؟؟ صح

طيب فين تقسيم السودان الجديد؟

طيب وايه اخبار ايران؟