طريقة عمل قرع العسل

[بنت النيل]

لو سمحتو ممكن حد يقولى طريقة عمل قرع العسل بس تكون وصفه سهله

وشرط تكون بطريقة مصرية وتكون سهله والاهم من كدا تكون حلوة ولذيذه

واكون شاكرة جدا وياريت تلحقونى لحسن شريته ومحتاسه فيه :lol: :lol:

[سيزيف]

عزيزتى غنوجه

اخشى اننى لا استطيع ان افيدك كثيرا فى طريقه عمل القرع داخل المطبخ

فدخولى المطبخ هو امر نادر الحدوث و محفوف بالمخاطر

و لكن يمكننى ان ادلك على رائد صناعه القرع فى مصر

انه الكاتب الصحفى الكبير سمير رجب

:sad:

[Salwa]

طريقة عمل القرع العسلى ...

http://www.egyptiantalks.org/invb/index.php?showtopic=9400

[بنت النيل]

عزيزى سيزيف بالنسبة للقرع المقروء فهذا بناكله كثييير وعرفينه كويس :P :D

ولكن انصحك بعدم اكله كثير لانه مضر بالصحه ;)

وكمان انصحك بعدم دخول المطبخ منعا لحدوث مخاطر نحنو فى غنى عنها :sad:

عزيزتى سلوى مشكورة حبيبتى على الرد وعلى فكرة انا عرفت طريقة وجربتها وطلعت كتير حلوة وعجبت جوزى اوى وده المهم ;)

وراح اقولك عليها هى سهلة وبسيطة ولذيذة

[بنت النيل]

طريقة عمل قرع العسل

حبه قرع عسل 4 كوب لبن(حليب)

2 ملعقة كبيرة زبده 3 ملعقه كبيرة دقيق

3 كوب سكر زبيب + مكسرات للتزين

الطريقة

يقشر قرع العسل ويقطع قطع كبيرة ويوضع فى الطاسة ويضاف عليه السكر مع نصف كوب ماء ويوضع على النار حتى يتم نضح قرع العسل

ثم يرفع قطع القرع ويترك السكر السائل ثم يهرس القرع جيدا ويوضع فى صينيه ويضاف فوقه الزبيب والمكسرات

يذوب الذبده فى طاسه على النار ويضاف اليها الدقيق ويقلب جيدا ثم يضاف اللبن مع التقليب المستمر حتى لا يتكون مثل الكتل ثم يضاف السكر السائل من القرع ويقلب لمده 3 دقائق ليصير مثل البشاميل

يصب هذا الخليط فوق قرع العسل بالصينية ويوضع بالفرن الاسفل حوالى ربع ساعة ثم تشعل الشواية من فوق حتى يحمر الوجه ويصبح لونه ذهبيا

وبالهنا والشفا

:sad:

[رمضان]

والله بموت في القرع العسل ده

شوقتوني ليه ربنا يسامحكم بقى

[بنت الشاطئ1]

السلام عليكم

ممكن تقوليلى يعنى ايه قرع

ولو فيه ليه صورة يا ريت متبخلوش بيها لأنى سمعت انه جميل وشكرا لكم