النجده يا اخوانى

[اليائس]

[النجده يا من عنده المخرج لمشكلتى انا يائس جدا جدا من الحياه بسبب تلك المشكله وهى بخصوص قطعه ارض امتلكها قام شخص معدوم الضمير بتزوير عقد بيع ابتدائى بشرائها ومن مده 3سنوات وانا غير قادر على نزولها حيث انها قضيه متداوله بالمحاكم الرجاء يااهل الخبره افيدونى باالاجراءات التى سوف تحدث او المفروض حدوثها ملحوظه -كان عندى محامى وباعنى وده اللى زود ياسى افيدونى افادكم الله

[khedr]

يا أهل الخبره والقانون

افيدونا في زمن كل شئ يُباع

حتي الحق اصبح يُباع

[اليائس]

rافيدونا يااهل الافاده

[الاسكندرنى]

السلام عليكم

بوص يا صاحبى عليك و على كام بلطجى على حق و الشلة البلطجيه دول اديهم قرشين تقريبا عشر بواكى او حسب سعر الارض المهم الكام بلطجى دول تقتحم بيهم الارض و تعملهم عقد حراسه و بعد كده بيع الارض لاخوك و اخوك يبيع لمراتك و مراتك تبيع لى حد فى العائله يكون تحت السن القانونى و لسه طفل و بكده يدخل معك فى الصراع المجلس الحزبى و بعدين حاول باقصى سرعه بعد علميه الاقتحام نقل معدات بناء الى الارض لانه من البديهى ان السارق حيروح يلم كام بلطجى هو كمان وده يبقى من حسن حظك لانك حتستنه اول مايجى يقتحم عليكم تعمل محضر بالبوليس اثبات حاله و تجيم الكام بلطجى بتوعك مضربين شهود

ملحوظه عقد الحراسه للكام بلطجى دول يكون قديم

انا اسف على الاسلوب اللى بقترحه ده بس ده اللى بيحصل فى حالات وضع اليد

[سيزيف]

الاخ الفاضل اليائس

الحل القانونى هو ان ترفع دعوى طرد للغصب

و الاهم ان تتعامل مع محامى شريف تثق فيه

و يتم الطعن بالتزوير على العقد المزور اثناء الدعوى

للاسف ان تلك الدعوى تستلزم زقتا طويلا

و مع احترامى للاخ العزيز الاسكندرانى فانا لا اؤيده

فالاستعانه بالبلطجيه يمكن ان ترتد عليك بنتائج عكسيه

[Diab]

مع إحترامي للأخ الإسكندراني

فلا يجب بنا العمل بالمبدأ الميكافيللي " الغاية تبرر الوسيلة "

أين الله وأين الدين لو أتجه كل منا لتلك الطريقة

السلوك القانوني يا أخواني أفضل و أن كان أطول

شكراااا

[ياسر ابو احمد]

اذا كنت عايز تسترد ارضك .. اسمع كلام ونصيحة الاسكندراني ..

اما اذا كنت عايز تخسرها للابد .. وتخسر فلوسك كمان .. اجري ورا القانون والمحاكم ..

انتوا ما بتنزلوش اجازات .. مش شايفين ايه اللي ه اللي بيحصل .. البلد اتباعت يا شباب .. احنا في عهد الخصخصه .. والبقاء للاقوى .. وللسيد الكبير قوي قوي ..

تاني اسمع كلام الاسكندراني .. تكسب ارضك .. بس العب صح المره دي وجيب بلطجيه محترمين .. يعني ولائهم للقرش وليك ... وربنا يجعل كلامنا خفيف عليكم .. ويجعله عامر ان شاء الله ..

تحضرني روايه حقيقيه اخرى .. عندما لم يلتزم مستأجر بالخروج من الشقه التي قد سكنها 5سنوات ايجار قانون جديد .. فما كان من المالك الا ان احضر بعض البلطجيه وسياره نصف نقل وتاكسي الى السكن .. وقال للمستأجر قدامك حل من اثنين .. تطلع من الشقه بهدوء واحترام .. ولا الناس دي تشوف شغلها .. وفي دقائق كان البلطجيه شايلين العفش في السياره النصف نقل ومركبين البيه والمدام التاكسي الى المكان اللي هما عايزين يرحوه .. المهم المالك استرد شقته .. بالزوق .. بالعافيه .. مش مهم.. مادامت لا تمثل خطرا على امن الدوله او على السيد الكبير قوي قوي .. وربنا يجعله عامر.. ان شاء الله

[سمـ مصر ــا]

كلام الاسكندرانى فعلا صحيح لان المشى ورا القانون سكتة طويلة

أنا كانت لية قضية فضلت سنين (بناء بدون ترخيص ) والمحامى رايح بورق وراجع بشهود والآخر قال حل الموضوع

بقرشين للقاضى وطبعاً وافقت على طول وطلعت براءة بعد الدفع مباشرة

ورأى أبو أحمد صح شوف حل غير القانون والمحاكم

[رمضان]

رأيي هو ما اخذ بالقوة لا يسترد الا بالقوة

شوية بلطجية واخطفوه وخلوه يتنازل عن الأرض الموضوع سهل جدا

اواخطفوا احد من اولاده

او أجر احد ينصب عليه