تقرير طازه عن فيلم وش اجرام

[سيزيف]

لسه حالا راجع من حفله منتصف اليل بعد مشاهده فيلم هنيدى الاخير - و اتمنى ان يكون الاخير من نوعه - وش اجرام

باختصار كنت مع بعض الاصدقاء و استقر الراى على اننا ندخل فيلم كوميدى

و اختارت الاغلبيه - شوف الديمقراطيه - فيلم وش اجرام

و دخلنا الفيلم للاسف

الفيلم عباره عن كتله من السماجه و السذاجه

خال من القصه و المضمون و هذا شىء عادى فى فيلم مصرى

ولكن المصيبه انه كان خاليا من الضحك

با ستثناء افيهات متفرقه - بعضها قديم - كاد الفيلم ان يكون مأساه لا ملهاه

نفس حركات هنيدى لا تتغير فى اصطناع العبط و التخلف العقلى ليضحك الناس و التنكر فى اشكال مختلفه - لحسن الحظ لم يكرر هنيدى تنكره النسائى - المؤسف اننى شخصيا اعتقد ان هنيدى لديه اكثر من هذا ليقدمه لجمهوره و لكن مشكلته الكبرى سوء اختيار افلامه

لبلبه قدمت واحدا من اتفه و اسوأ ادوارها ادت دور ام هنيدى و لم تتوقف طوال الفيلم عن مشاركه هنيدى الرقص و الغناء بمناسبه و بدون مناسبه

بشرى تفوقت على نفسها فقد كان النقاد يظنون انه بشرى قدمت اسوأ ما لديها فى فيلم العيال هربت - الذى لم اشاهده طبعا - و لكن بشرى اخلفت ظنهم و اثبتت انه مازال فى جعبتها الكثير من الاسوأ لتقدمه

طوال الفيلم و هى تستعمل لزمه الضحكه البلهاء ظنا منها ان ذلك نوع من الكوميديا

احمد عز فى دور قصير لضابط اداه بشكل نمطى و محاولاته فى الاضحاك باءت بالفشل

خالد ذكى و احمد عبدالوارث مجرد اشتراكهما فى هذا الفيلم بتلك المساحه الصغيره للغايه هو اهانه لكل ما قدماه من ادوار

باختصار

الفيلم اسوأ ما مثله هنيدى

و اسوأ ما كتبه بلال فضل

[عطر]

أنا هنيدي فقدت فيه الأمل من بعد فيلم فول الصين العظيم وحلفت ما انا داخلة له فيلم تاني

بصراحة من الإشارات واضح انه سمج وسخيف وخسارة فيه الفلوس

لكن مثلا أحمد حلمي مازال فيه الرمق شوية وممكن تدخل له فيلم عائلي نظيف غير مبتذل وتضحك فيه كم ضحكة مش بطالة

[Diab]

سيزيف مشاركة بتاريخ اليوم, 03:59

احمد عز فى دور قصير لضابط اداه بشكل نمطى و محاولاته فى الاضحاك باءت بالفشل

هو انا مشفتش أحمد عز خاااااالص في الفيلم

جايز تقصد أحمد صلاح السعدني اللي قام بدور الضابط

في مشهدهنيدي بيسوق العربية bmw ومعاه أهل خطيبته وأهله و بيسوق عشرة علي عشرة

مشهد تاني بقي بعديه بيسوق عربية العصابة و عمال يخبط بالعربية و مش عارف يجيب الأول

طب تيجي أزااااااااااي دي :rolleyes:

[سيزيف]

عزيزتى عطر

الخطأ الذى ارتكبته اننى لم اتعلم من درس فول الصين العظيم

بس على فكره حتى فيلم فول الصين يعد فيلما رائعا بالنسبه لفيلم وش اجرام

------

عزيزى دياب

نعتذر لهذا الخطأ المطبعى

و الحق هو ما ذكرت فهو احمد السعدنى مش احمد عز

بس ما قلتليش

ايه رايك ف الفيلم ؟

[Sherief AbdelWahab]

أحمد حلمي لا يقل سوءاً عن هنيدي في نمطيته ، فهو يؤدي منذ دخوله عالم التمثيل شخصية "اللي سايق الهبل على الشيطنة" وما بين القوسين لحلمي بالمناسبة ، وجاءت إفيهاته - التي شاهدتها من خلال التريلر- قمة في الافتعال ، مثل ذلك الذي يحرص فيه على الصحيان مبكراً علشان يلحق الخطف من بدري ، أو الاسقاط المفتعل على بن لادن والظواهري..

الحمد لله أنني لم أفقع نفسي بدخول فيلمي حلمي وحمادة هلال .. ويكفي أن الوسط ازدحم بممثلين من عينة حلمي و غادة عادل وتامر عبد المنعم ، الذي سنشاهد له قريباً فيلماً بعنوان "أشرف حرامي"!

خلص الكلام

[nancy]

عموما انا من الاول كنت حاسة انة فيلم فاشل لان هنيدى خلص بس الاطفال بيحبوا الافلام دى

فكانة فيلم كرتون

بوديهم لحد السنيما واستناهم برة لانى مش باستحمل السخافة دى

فاشكرك انك اكدة احساسى دة

بس لو قولنا على فيلم احمد حلمى برضة هو هايف بس ياخد نمرة واحد فى المستوى الهايف السنه

دى على الاقل الافيهات جديدة مش متكررة

ويمكن انا دخلتة فى وقت كنت تعبت من الافلام الى تجرى الدموع وتجيب ااكتئب فضحكت من الهم

المهم انة محتمل

[سيزيف]

الاخت العزيزه نانسى

اتفق معك و ان كان واجب على احذرك انك تخللى بالك من اولادك و بلاش تفرجيهم على هنيدى كتير حرصا على سلامتهم :rolleyes:

بالمناسبه فعلا الاطفال اللى كانوا بيتفرجوا على الفيلم هما الوحيدين اللى استمتعوا و كانوا بيضحكوا من افيهات هنيدى مثل تكراره لكلمه باشا باشا بطريقه لحوحه و خرجوا من الفيلم يرددونها

اما بشان فيلم احمد حلمى فلم اشاهده بعد و ان كنت سافعل

كما ساشاهد فيلمى هانى رمزى و محمد سعد ان شاء الله

فنحن نحاول البحث باى شكل عن ابتسامه قصيره فى زمن غلبت عليه الدموع

و انا لست ضد مبدأ الضحك من اجل الضحك او مشاهده فيلم كوميدى خال من المضمون طالما ان الفيلم لم يحاول ان يكذب علينا و يحاول ان يفتعل مضمونا

عندك مثلا فيلم " اللى بالى بالك " بتاع محمد سعد فهذا فيلم لا يمكن الزعم ان له مضمونا

و مع ذلك فهذا الفيلم كنت هموت من الضحك وانا باتفرج عليه

ولا زلت احرص على مشاهدته

ولكن هذا الفيلم مكتوب و مصنوع بحرفيه شديده ادت الى تميزه كوميديا و فنيا

--

ملحوظه : الكوميديا فى السينما الامريكيه مثلا تنقسم الى كوميديا اجتماعيه مثل التى يقدمها ستيف مارتن و روبين وليامز و هناك افلام ضاحكه دون مضمون معين مثل التى يقدمها ليزلى نيلسون و جيم كارى - احيانا - و كلا النوعين يلاقى اقبالا

[محمود الشاعر]

ماشي ماشي

يا بختكم عارفين تروحوا السيــــــــــــــــــــــــــــــــــــــــــــــــما

انا نفسي اروح مش عارف

عموما ربنا يخلي لينا نانسي وسيزيف هما بيتفرجوا وبعدين بيفرجونا

اشكركم واحد بيحب السيما ومش عارف يروحها

[عطر]

أحمد حلمي لا يقل سوءاً عن هنيدي في نمطيته ، فهو يؤدي منذ دخوله عالم التمثيل شخصية "اللي سايق الهبل على الشيطنة" وما بين القوسين لحلمي بالمناسبة ، وجاءت إفيهاته - التي شاهدتها من خلال التريلر- قمة في الافتعال ، مثل ذلك الذي يحرص فيه على الصحيان مبكراً علشان يلحق الخطف من بدري ، أو الاسقاط المفتعل على بن لادن والظواهري..

الحمد لله أنني لم أفقع نفسي بدخول فيلمي حلمي وحمادة هلال .. ويكفي أن الوسط ازدحم بممثلين من عينة حلمي و غادة عادل وتامر عبد المنعم ، الذي سنشاهد له قريباً فيلماً بعنوان "أشرف حرامي"!

خلص الكلام

لا والله لسة فيه الرمق شوية عن هنيدي لأنه مش واخد شكل معين بيمثل به وبيستهبل زي هنيدي

يعني فيلم ظرف طارق تضحك فيه من اول لقطة لأخر لقطة وسمعت ان جعلتني مجرما لا يقل عنه لكني لسة ما شفتوش

لكن الحق ان الأتنين افلامهم لا تعتمد على الإبتذال وقلة الأدب زي عادل امام مثلا

[سيزيف]

ماشي ماشي

يا بختكم عارفين تروحوا السيــــــــــــــــــــــــــــــــــــــــــــــــما

انا نفسي اروح مش عارف

عموما ربنا يخلي لينا نانسي وسيزيف هما بيتفرجوا وبعدين بيفرجونا

اشكركم واحد بيحب السيما ومش عارف يروحها

الاخ العزيز محمود الشاعر

احيانا بيبقى عدم التمكن من الذهاب الى السينما نعمه لما يمون فيها فيلم زى وش اجرام :angry:

و على كل حال احنا ف الصيف

و هو الموسم الرسمى لدخول السينما و ان شاء الله تلحق اى حاجه من الموسم

---

اتفق معاكى

بس برضه مش كل افلام عادل امام مبتذله و الحقيقه ان عادل امام فنان كبير و نجم وقدم افلام جيده كثيره

و لكن نجوميته لا تشفع له فى بعض الافلام السيئه التى قدمها

[Sherief AbdelWahab]

لم تظهر فكرة اللي بالي بالك بسبب محمد سعد!

وإن كان محمد سعد نفسه هو الذي أظهرها في مشهد واحد ، وهو المشهد الذي يكتشف فيه اللمبي المعدل أنه جسم مركب على مخ آخر.. هذا المشهد هو ماستر سين الفيلم ، أما طوال الفيلم ظل صاحبنا يدور حول كوكب اللمبي!

هذا أولا..

ثانياً ..أنا معك يا سيزيف في أن العديد من أفلامه صارت مبتذلة ، وخصوصاً في مرحلة يوسف معاطي ، وهي المرحلة التي يريد أن يؤكد لنا فيها أن الزمن لا يحد من انطلاقته ، وأنه لسة فيه الرمق والبنات مقطعين بعضهم عليه ، تذكروا السفارة في العمارة!

خلص الكلام

[MZohairy]

الأسبوع اللي فات قضيته كله في سينيمات الرياض كنت بحضر حفلات منتصف الليل لأسبوع مهرجان الفيلم الفرنسي

بصراحه الأفلام كلها جميله والمضمون رائع و .............................. :P

مش قادر أكمل

يابختكم :ph34r: