ستي ام ابراهيم عضوة في المخابرات !!!

[عليـ***ـاء]

يا جماعة انا عارفة انكم مستغربين اوي من اسم الموضوع بس الكلام اللي جاي هيوضحلكم كل حاجة ....

شاء الله اننا انا وستي ام ابراهيم "هي مبتحبش حد يقولها يا نانا ولا تاتا هي ستي ام ابراهيم " ما علينا .....المهم قعدنا انا وهي في بيت واحد لمدة 3 شهور بس كانهم 3 قرون الايام اللي فاتت دي خلتني ايقن انها عضوة في المخابرات

مرة كانت نايمة او ده اللي انا كنت متصوراه يعني واحدة نايمة وبتديها مزيكة حسب الله تفتكر ايه ......اكيد نايمة اي انسان طبيعي يقول كده المهم رحت عشان اتكلم في التليفون كانت الساعة عشرة تقريبا قلت اما ارغي شوية مع واحدة صاحبتي هم برده فشلة وبيسهرو والوقت مش متاخر اوي رحت اتكلم معاها من تليفون الدور التاني وهي في الدور الاول .......خلي بالك ..

وانا باتكلم سمعت حد رفع السماعه التانية انا خفت بصراحة استاذنت زملتي ونزلت تحت لقيت ستي نايمة ..........امال في ايه ؟........رحت عشان اتكلم تاني حسيت السماعه اترفعت تاني المرة دي وانا نازلة تاني بفتح باب الشقة لاقيتها قدامي !!!!!!!!!! ;)

انا اترعبت قالتلي بتكلمي مين ؟ قلتلها بكلم فلانة ..........شوية تانيب علي توبيخ ازاااااااااي اتكلم الساعه عشرة ليه هو انا مش متربية ......ووووووو المهم الليلة عدت

بس اللي كان غايظني انها مبتقدرش تمشي ازاي تطلع الدور التاني ........فظيعه ........بقولكم طلعت الدور التاني .......

قلت لنفسي انا لازم الاقي حل ..........رحت عاملة ايه ؟؟؟؟؟؟؟

شلت فيشة التليفون اللي تحت قلت كده هي مش هتسمع حاجة وطبعا مش هتعرف تحط الفيشة دي اخرها تشغل التليفزيون وطلعت اتكلم فوق بصيت لاقيت برده السماعه اللي تحت اترفعت .......يانهار مالوش ملامح ..........نزلت تحت لاقيتها نايمة والفيشة مش راكبة :P

وبعدين بقي شوية ورجعت اتكلم تاني وانا باتكلم لاقيتها قدامي ........اتخيل منظري .......قلتلها. انتي مش كنتي نايمة يا ستي .وخد بقي من اللي قلبك يحبه......خلتني من الفاسقين المجاهرين بالفسق .........المهم قلت مش هستسلم .......رحت شايلة التليفون خالص وخبيته ........ماانا زهقت بقي :D

مرة تانية كنت باخد كورس انجليزي في الجامعه يوم الجمعه فبروح بدري عشان اوصل هناك الساعه 9 قبل ما امشي ستي قالتلي انتي راحة فين .؟ قلتلها راحة الكورس قالتلي ....كرسي ايه؟

قلتلها درس ياستي قالتلي هو فيه درس يوم الجمعه .........كنت عايزة انتحر :sad:

وخالتني اتصل بخالتي الساعه 6 الصبح عشان تعرف انا قلتلها ولا لا ...............والحمد لله ربنا نصفني قدامها

ده غير التفتيش المستمر في الدولاب والشنطة مش عارفة بتدور علي ايه هكون شايلة بانجو يعني .........مش عارفة ؟

شفتو كان عندي حق لما قلت انها بتشتغل في المخابرات ولا لا ..............؟؟؟؟؟؟؟؟؟

[msox37]

دمك خفيف اوي يا علياء فكرتيني بجدتي الله يرحمها كانت اما حد يتكلم في التليفون يسال علي حد منا (الاحفاد) كانت تبدا معاه ب انت مين و ممكن توصل معاه بالاسئله لحد هو جوز خالتك اتغدا ايه النهارده طبعا مرور ب تعرفه منين واسم ابوك وامك وخالتك وعمتك وكده

[محمود الشاعر]

يا علياء تيتا خايفة عليك ويهمها مصلحتك

علشان كدة بيتعمل اللي بتعمله ده

ثم ما تنسيش ان زمنها غير زمنا ده اقصد زمنكم (اصل انا عجزت قوي ).صح :sad:

فمتزعليش منها وحاولي تفهميها بالراحة

[nancy]

لا يا علياء جدتك ظريفة بس انت الى مفترية عليها

انا جدتى كنت اروحلها لما احب ازوغ من ضغط ماما فاروحلها واخليها تسبنى اتمشى على البحر انا واختى وبنات عمتى ونرجع تانى نقول لماما

احنا طول الوقت كنا عند تيتا

كانت بتصدق لحد ما افشتنا مرة بنتمشى على البحر .. بس الحمد لله فوتتها :sad:

وكانت تعمل حركة ظريفة اوى تنزل بليل تتمشى على البحر هى وعمتى وتدخل اى فرح فى مسارح كليوباترا والى يسئلها تسالة الاول الا انت تبع مين فيقولها تقولة على العيلة التانية على طول :P

[otaka]

طيب ده انتوا فى نعيم انا ستى كانت الله يرحمها من محبى السفر و الترحال

فمره و كانت قد شارفت على الثمانين ظابط فلحس فى المطار قالها انت بتشتغلى ايه يا حاجه فستى قالتوا بهرب قنابل و سلاح و ده كان اول اعتراف رسمى لاشتراكها فى المقاومه :P