اذهب إلى المحتوى
محاورات المصريين

يسخطوك حاكم عربي يابعيييد !!!

صبح

بواسطة صبح
في موضوعات خفيفة

 مشاركة

Recommended Posts

صبح عضو جديد

صبح

بتاريخ:
بتاريخ:

منقول من ايميلي......

الحكايه كبيره لكن هختصرها

كنت ماشي في احدي المناطق الشعبيه ولقيت ست بسيطه لابسه جلبيه سوده بتبيع فاكهه في مشنه وقاعده علي الارض

وجه الراجل بتاع القهوه القريبه منها علشان يديها الشاي بتاع الصبح غالبا

لان الساعه كانت حوالي 11 صباحا بتوقيت المنهوبه

المهم لقيتها بتقول للقهوجي وفي تلقائيه شديده جدا جدا جدا

"ينيلك ...الشاي كله نشاره وسكره خفيف ......روح ياشيخ إلاهي تتسخط حاكم عربي"

يانهار اسود ياجدعان

مهمشين ايه ومغيبين ايه بقي ..دول انصح مننا بكتيييير

الست قالت كلمه ابلغ من مليون مقال واحسن من ألف مظاهره

الست دي مع انها بسيطه جدا وبتسترزق من البيع في حي شعبي

ولكنها قالت حكمه

هيه ولا شجبت ولا استنكرت ولا اتظاهرت

لكن خلقت جمله ضاحكه ساخره عظيمه من وجهة نظري

بترتب عليها ان لما حد يعمل حاجه ويخاف من رد فعل الناس عليها

يقول هيعملو ايه يعني.... هيسخطوني رئيس....تووظ

واكني دي هيه اقل درجه ممكن يوصل ليها البني ءادم

ده ان اعتبرنا ان الرؤسا والحكام العرب بني ءادمين يعني

او اذا اعتبرنا ان الانسان لما بيتسخط بكون لسه إنسان

وان السخط ده مش هبوووط لاقبح ما خلق الله

ويترتب علي جمله السيت البسيطه برضه

اننا نخوف اطفالنا ..ونقولهم

لو مشربتوش اللبن الصبح

الساحره الشريره هتحولكو حكام عرب

بدل من قوض الفيران يعني وكده

والام تدعي علي ابنها العاق وتقول

بكره ربنا يسخطك حاكم عربي بذنبي

ولو دعوة الام اتقبلت

يبقي انته مش من سعداء الحظ في الدنيا

تخيل كده اولادك هيبقي ابوهم حاكم عربي

عارف يعني ايه

ولادك هيودو وشهم فين بس لما حد يسئلهم بابا بيشتغل ايه

أبنك هيقولها وهو حاطط وشه في الارض ....بابا بيشتغل حاكم عربي

وساعتها هتودي وشك فين من الناس اللي تعرفك

طب وهتقدر تسمع النكت اللي بتتقال عليك كل شويه

هتقدر تستحمل كلام من السيده كونداليزا وهيه بتبصلك من فوق لتحت وبتقولك" احنا واثقين انك هتتصرف في الموضوع ده بحكمه" وانته

لا تستطيع الا هز الراس بعلامة الخضوع لاوامر السيده كونداليزا

وياسلام بقي لو الدعوه استجابت اوي

وربنا طول في عمرك علشان يجعلك عبره لمن يعتبر

وتبقي مسخره ...بتعمل مؤتمرات صحفيه وانته قاعد عالكورسي

والكلام يتوه منك وتروح مستبدله بكلمه" البتاع ده"

وتبقي "كهل" مسخره لكل اللي عايز يتمسخر علي حاجه .. ما عليه فقط الا انه يبص في وشك اللي زادت فيه علامات تقدم السن

او يسمع حواراتك ...ويسمع كلامك اللي مش محسوب .... وكأنك ناسي خالص انك من المفترض انك بتعبر عن راي دوله بحالها مش رأيك الشخصي

وادي كلام السيت البسيطه بياعة السوق الشعبي

حبيت انقله علشان تعرفو ان اد ايه الكلمه اللي قالتها مش المفروض تعدي كده

ويمكن ده هوه اللي خلاني اقف سرحان قدامها لمده خمس دقايق - اقل قليلا -اكثر قليلا - مش فاكر ..لاني مفوقتش الا لما صوت رن في ودني وهوه بيقول سكه ياأستاذ

وخلي بالك بأه ...لانك وانت خارج من الجامع او معدي من اي حته

وتلاقي شحات بيقول لله ..وبعد ما تعدي من جنبه من غير ماتديله حاجه

يغير الدعوه ويقول ..ربنا يعلي مراتبك كمان وكمان

اوعي تقول ءامين

انته مش ناقص ....تتسخط حاكم عربي ولا حاجه تبقي مصيبه وسيرتك تبقي علي كل لسان وتبقي راجل ولامؤخذه في دي الكلمه مسخره

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
محمود الشاعر عضو جديد

محمود الشاعر

بتاريخ:
بتاريخ:

والله انت مشكلة يا صبح فعلامشكلة

روح يا شيخ منك لله

اضحكتني وابكيتني

البحر موعدنا ...........وشاطئنا العواصف جازف فقد بعد القريب ومات من ترجوه واشتد المخالف لن يرحم الموج الجبان ولن ينال الأمن خائف القلب تسكنه المواويل الحزينة ......... والمدائن للصيارف خلت الاماكن للقطيعة من تعادي أو تخالف جازف ولا تأمن لهذا الليل أن يمضي ولا أن يصلح الاشياء تالف هذا طريق البحر ................لا يفضي لغير البحر والمجهول قد يخفى لعارف جازف فان سدت جميع طرائق الدنيا امامك فاقتحمها ولا تقف كي لا تموت وانت واقف

محمد ابراهيم ابو سنة

رابط هذا التعليق
شارك
last_Samurai عضو جديد

last_Samurai

بتاريخ:
بتاريخ:

بجد يا صبح انت عسل ههههههههههههههه

:::ملف النصرة بكل اللغات:::

ملف دعوي شامل لنصرة النبي صلى الله عليه وسلم ينطق بأشهر لغات الأرض

up19_com0224091024.jpg

awae.gif

ta2aaa.gif

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

والله انت مشكلة يا صبح فعلامشكلة

روح يا شيخ منك لله

اضحكتني وابكيتني

للأسف

أصبت كبد الحقيقة وطحالها

بجد يا صبح انت عسل ههههههههههههههه

شكرا جزيلا :angry:

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
عطر عضو جديد

عطر

بتاريخ:
بتاريخ:

ومين قال ان الناس دول مغيبين ولامهمشين

الناس دول طحنتهم الدنيا وقلبتهم يمين وشمال وعصرتهم عصر

يمكن دول اكتر ناس تحس بحال الحاكم أكتر من اللي عايشين مرتاحين

كل اللي بيعملوه انهم يمصمصوا شفايفهم على اللي بيحصل ويتلهوا بعد كدة في حياتهم وتاخدهم الدوامة

بجد جملتها دي أفصح من مليون جملة ممكن تتقال عن حكامنا

3333.jpg

إذا أحبك مليون فأنا معهم .. وإذا أحبك واحد فهو أنا ..

وإذا لم يحبك أحد.. فاعلم انني مت

رابط هذا التعليق
شارك
نانو عضو جديد

نانو

بتاريخ:
بتاريخ:

اخ ياني منك يا صح انت علي طول كده بتفوقنا وتبكينا وتضحكنا

تفتكر ممكن يجي اليوم اللي نضحك فيه بس تفتكر هنشوفه بعينينا واللا ولاد ولاد ولادنا هم اللي ممكن بس يشوفوه

اه ..... و بحبك يا بلدي

there is a miracle called friendship,that dwells in the heart

you donot know how it happens

or when it gets its start

رابط هذا التعليق
شارك
صبح عضو جديد

صبح

بتاريخ:
  • كاتب الموضوع
بتاريخ:

صبح................... صبحك الله بالخير

صبحك وأمساك بكل خير

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...