لقيت لسانى بيتحرك...!!!

[achnaton]

بسم الله الرحمن الرحيم

فى جريدة المصرى اليوم كتب الاستاذ خليفة جاب الله يقول :

وزير الثقافة يؤجل نقل «رمسيس» إلي أكتوبر بسبب الحر وأحداث لبنان

كتب خليفة جاب الله

قرر فاروق حسني وزير الثقافة تأجيل نقل تمثال رمسيس الثاني إلي يوم ٦ أكتوبر المقبل بدلا من ٢٥ أغسطس الجاري، حتي يتمكن العالم من متابعة الحدث العظيم من خلال موكب رمسيس الثاني في شوارع القاهرة، إلي أن يستقر في موقعه الجديد بالمتحف المصري المزمع إنشاؤه بمنطقة الهرم.

ومع آخر رشفة من كوب الشاى .. لقيت لسانى بيتحرك وكأنه يحادث ملائكة عزرائيل .. فكان يقول :

يمكن لغاية اكتوبر يزور المحروسة عزرائيل .. فنبنى بمناسبة الترحيب به الف شقه للمحتاجين .. حتى ولو كان الايجار 300 جنيه .. يا عالم دى الناس محتاجة لكل مليم .. يعنى رمسيس حيقع من طولة خلاص ؟؟؟ الله يقصف عمركم .

تم تعديل 8 أغسطس 2006 بواسطة achnaton

[Diab]

الناس دي مش عارفة تودي فلوسنا فين

كل حاجة عشان السياحة السياحة خلونا كرهنا كل الأجانب بسبب التصرفات بتاعتهم دي

ده أنا بحمد ربنا أن أحنا منظمناش كاس العالم 2010 - قال يعني كنا حنكسب جنوب أفريقيا- لأن ده لو حصل

أكيد كان حيمنعوا المصريين يمشوا في الشوارع عشان ما يضيقوش السواح و مش بعيد يحبسونا في الدواليب عشان السواح متتأذاش مش مناظرنا

للعلم بقي أن رديف السياحة في العالم هما اللي بيجوا مصر " سواح درجة تالتة يعني " ومع ذلك

كل الأهتمام ده ......... غريبة فعلا

تم تعديل 9 أغسطس 2006 بواسطة Diab

[احمد موسى]

موضوعك جميل جدا والله انت ما اخطأت فى كلمه قولتها لكن هنقول ايه فى الظلم والقهر اللى احنا بنعيشه

لما بنقول كلمه حق وبندافع عن حقوق الغلابة المصرين بنلاقى العربات الطائشة تيجى تخدنا للمعتقلات

حسبى الله ونعم الوكيل فى كل ظالم