اعضاء المحاورات في الندوة النسائية لام سيد

[عليـ***ـاء]

صباااااااااااااااحك سكر

علياء :

دي الندوة التانية للبشمهندسة الاستاذة

الدكتورة الاسطي ام سيد الاول الف الف سلامة عليكي يام سيد وكفارة عملتي ايه بعد ماخرجتي من السجن ؟

ام سيد : الله يسلمك يا علياء انا اول ماخرجت خلعت جوزي الناقص الراجل الا ما سأل عليا ولا طل عليا في السجن عموما يالا ده معفن ولا يسوا

علياء: في داهية يام سيد قطيعه تقطع الرجالة كلهم

علياء : المهم هتتكلمي عن ايه النهاردة يام سيد

ام سيد : هتكلم عن ازاي تتعاملي مع جوزك وتخليه خاتم في اصباعك حاكم الرجالة دول صنف خالف تعرف مبيجوش بالساهل لازمهم واحدة تمشيهم علي عجين ميلخبطهوش

علياء: في مداخلة يام سيد من نانسي

نانسي : يا جماعه الراجل مبيجيش بالشكل ده عشان الست تكسبه لازم تحسسه انه هو الديك اللي عنده ريش ولو معندهوش ريش تحطله ريش وتدلع وتقوله بحبك حب البطة للبطبوط والفرخة للكتكوت والسمكه للارموط

ام سيد : ايه حكاية الريش والفراخ ده يا علياء

علياء : مش عارفة يا ام سيد

علياء : في مداخلة تانية من طماطم

طماطم : ممكن انضم للرابطة بتاعتكم

ام سيد : انتي يابنتي فاكرانا رايحين رحلة وبعدين انتي هفتانا كده ليه جبلها يا علياء باكو بسكوت

علياء : يا حنينه

علياء: ايه ده ؟ في راجل هنا معانا يا ام سيد

ام سيد : عايز ايه ده ؟ انت يافندي ايه اللي جايبك هنا

سيزيف

اخواني العزيزين

بما اني رجل قانون

ان احسن حاجه نعملها مع ام سيد والجماعه دول

اننا نبلغ عنهم النيابه ونقول دول عاملين تنظيم سري

ام سيد . تنظيم ايه ........ ليه شايفنا عايزين نعمل انقلاب ثم دي قاعده حريم بتتخلوا هنا ليه ؟

علياء : الحقي يا ام سيد دا في واحد كمان ؟

هوبسن : انا بعد ماصليت المغرب وطلعت شوية علي البحر عشان اتفرج علي الواظاويظ وهي خارجة من المية اخر النهار شفت الاعلانات بتاعت الندوة دي قلت اجي اتفرج عليكم كده وانتم بتتكلمو وكل واحدة فيكم سايبه اللي وراها وبيتها وعيالها ومجتمعين هنا علي العموم انا عايز اققول حاجة مهمه احنا الرجالة مبنجيش كده احنا زي القط لو قلتله بس وزعقت فيه هيخربشك لكن لو خدته بالراحه ومسحت عليه بحنيه هينونو ويجيلك لوحده ومش هيئذيك

ام سيد : ايه ياختي ده هو انا قاعده فين مرة واحده تقولي ديك والتاني قطط وكلاب مين الناس دي ؟

علياء : الحقي يام سيد في واحد بيعيط هناك

ام سيد : مالك يا ضنايا

النسر المصري : حراااااااااااام عليكم حررررررررام والله يا طنط احنا بنحب بعض اوي احنا يا طنط بنموووووووووووووت في بعض خالص

ام سيد : انتو مين يا خويا

النسر المصري : الرجالة يا طنط والستات ....... ليه بقي بتقولو كده ........

ام سيد : انت جيت غلط هنا ولا ايه ؟

النسر المصري : طيب بلاش ........ في هنا انسات

ام سيد : ليه يا خويا

النسر المصري : اصل انا عايز اتجوز وبدور علي عروسة

ام سيد : دور عليها في حته تانية ........ قال عروسه قال

علياء : في مداخلة من ياشو

ياشو : صباح الجمال علي احلي ام سيد في الدنيا

ام سيد : ازيك يا ياشو يا حبيبتي عامله ايه ؟

ياشو : انشاءالله الندوه دى حتسمع وصوتك هيطلع لاروبا وامريكا ولا انديرا غاندي في زمانها

ام سيد : مين انديرا افندي ده يا علياء؟

علياء : مش عارفة يا ام سيد ....... بس هو جمب عمر افندي علي طول .........

علياء....: في واحد هناك قاعد بيضرب كف علي كف ؟

ام سيد : انت يا حضرت في حاجة ؟

الاسكندرنى: ايه اللي انتم بتعملوه ده .....؟ كله من سوزان مبارك الله يخرب بيت سوزان علي بيت المجلس القومي للمراة ........

ام سيد : هي فين الحريم .........؟

علياء : في واحده اهي عايزة تتكلم .........

نوريه : انا قاعده من الصبح وبرفع ايدي ومحدش بيرد عليا ...

ام سيد : معلش يا عسل مخدناش بالنا منك ........

نوريه : الندوة دي حلوه اوي انا مبسوطه منها بس لازم تحفزو العضوات وتديهم فلوس عشان يبقي دافع قوي

علياء : شفتي يا ام سيد كله ماشي بالفلوس دلوقتي ......؟

ام سيد : لا يا عبيطه مش فلوس وبس ..... ابقي سكتيها بحته حشيش معتبره من الصنف الجديد وهي هتنسي هي جت هنا ليه . ؟ بدل ما تكبر الحكايه في دماغ الحريم ....

علياء : في مداخله من صديقة عمرك يام سيد ؟

ام سيد : مييييييييييييين اسود ؟

اسود وتعالب وارنب :ازيك يام سيد ؟ وحشانا والله

تعيش ام سيد ناصرة الحريم تعيش تعيش تعيش

هتاف حار من العضوات واستنكار حار من الرجال

اسود : واخيرا لقينا اللي هينصرنا علي الرجالة والافتري بتاعهم

بصي يام سيد ياختي انا عيزاكي تتكلمي عن كل حاجة بنعاني منها في كل حته من يوم مالبت بتتولد لحد مابتكبر يعيني وتتهبب تتجوز ...... ماشي ياختي

ام سيد : تعيشي يا اسود ومالو ياختي هناخد البت من وهي في بطن امها لحد ما تذهب للرفيق الاعلي ....ولا يهمك ........

علياء : ام سيد انا ملاحظة ان في واحد قاعد ساكت من الصبح بس اكيد واخد باله من كل حاجة

ام سيد : انت يا استاذ انت مين ؟ وايه اللي جابك هنا ؟

د. خالد : انا د. خالد ........ وجاي عشان اققول حاجة مهمه

ام سيد : حاجة ايه دي ياخويا

د. خالد : امتي بيشعر الانسان بالسلام الداخلي ............ وليه الحصنه متشابهة ؟ ....... الانسان ليه 5 حواس بس افلاطون بيقول ان دي فقاعه وممكن تفرقع في أي وقت بس في حاجة تانيه مهمه مش بس الواحد بياكل ويشم ويحس بس في الافكار والنماذج دي مبتتغيرش .........افلاطون بيقول ان في مكعبات

ام سيد مقاطعه : بس ........بس ........ حصنه ايه ومفلطون مين ده ؟ انت ياجدع هتطير البرج اللي فاضلي في نفوخي

علياء: ام سيد انا مش فاهمه حاجة ابدا

........: انا بقي فاهم كل حاجة ام سيد : انت مين ؟

محمود الشاعر : انا محمود الشاعر وفاهم كل حاجة ...... كل الحصنه بتجري وكلها شبه بعض بس في حصان كبير وفي حصان صغير وفي حصان كويس وفي ......

ام سيد :...... حصنة ايه؟ هو انا قاعده فين ؟

............ ماشي براحتك ياسي مصلحتك شوف ازاي انا هقلق راحتك انا هقلق راحتك ...........

ده تليفون ام سيد

علياء : انا بقيت اتشائم من البتاع ده ..........

ام سيد : الووووووووووو

المتصل : الحقي يام سيد جوزك رفع عليكي قضية

ام سيد : يانهار اسود انت بتقول ايه ياض يا ضبش

ضبش : دا غير انه بلغ عنك البوليس وبيقول انك بتاجري في الحشيش والبوليس هنا في كل حته والدنيا مقلوبة

ام سيد : خليك عندك ياض انا جاية

ام سيد بعد ماقفلت الموبايل قالت في سرها ؟:

بقي هو كده ......بتتحداني يا ابن المفتري ماشي هتشوف انا هعمل فيك ايه ؟ وخدت بعضاها ومشيت علياء : هو كل مرة كده ام سيد .......... يام سيد ..........

خلاص الندوة خلصت وحلني بقي عقبال ما تتطلع من السجن تاني ..........

تم تعديل 9 أغسطس 2006 بواسطة عليـ***ـاء

[nancy]

حلو يا عليا الندوة دى :rolleyes:

[نورية]

يا لهووووووووووووووووووووووووى :blink:

حشيش يا علياء؟؟؟؟ انا بتاعة حشيش بردو... اهئ اهئ اهئ :)

انتى عارفة انا لية فى ايه كويس

ادينى بس حتة ورقة ام صفرين دى و كله يبقى تمام ... :rolleyes:

ولا تحملى هم و لا تلبسى نفسك مصيبة بحتة الحشيش دى

دة احنا ولايا و غلابة و مكسورين الجناح يا حبيبتى

ماتنسيش بس الورقة ام صفرين :D

[عليـ***ـاء]

حلو يا عليا الندوة دى

شكرا يا نانسي علي المرور والرد الجميل

يا لهووووووووووووووووووووووووى

حشيش يا علياء؟؟؟؟ انا بتاعة حشيش بردو... اهئ اهئ اهئ

انتى عارفة انا لية فى ايه كويس

ادينى بس حتة ورقة ام صفرين دى و كله يبقى تمام ...

ولا تحملى هم و لا تلبسى نفسك مصيبة بحتة الحشيش دى

دة احنا ولايا و غلابة و مكسورين الجناح يا حبيبتى

ماتنسيش بس الورقة ام صفرين

شكرا يا نورية علي المرور والرد الجميل ........

اوعي تزعلي دا كله هزار × هزار .......

علي العموم لو مصممه علي الورقه ام صفرين نبعتلك ورقه ب3 اصفار ولا يهمك

انا كنت عايزة اققول ملاحظة مهمة

يا جماعه الموضوع ده للابتسام وانا كتبته للضحك وبس وخاصة بعد الفترة اللي فاتت لان المنتدي كان بيعاني شوية من التوتر فحطيته دعوة للابتسام فمش عايزة ابقي عميتها بدل ما اكحلها .......... مفيش اي حاجة مقصودة من اللي كتبتها كل اللي عملته اني رجعت للردود اللي كانت في موضوع الرابطة واخدت كل رد وحورته بحيث انه يطلع بشكل طريف فمش عايزة اي حد يزعل مني كلكم اساتذتي واخواني واخواتي وانا بحبكم وبحترمكم جدا جدا فمش عايزة اي حد ياخد مني موقف ........

احترامي للجميع

[النسر المصري]

أولا أنا بعتذر لكل أحبائي في المنتدى عن الانقطاع الذي دام أكثر من أسبوع عشرة ايام تقريبا ....

وطبعا هتسألوني ليييييه وانت كنت فين وكده....وطبعا اوف كورس مش هقولكم!!!

هتسألوني ليه يابني كده ..ده احنا عاوزين نطمن عليك....وهقلوكم عشان انا مش قررت اني ماوجعش دماغكم بمشاكلي تاني ابدا...وانسوا بالمره ان حد فيكم يضغط علي عشان يعرف ايه في ايه... وقررت اني مانقلش ليكم ألا الأخبار السعيده واللي مش باينلها هتيجي تاني :D ....

عموما ومن هذا المنطلق فانا حبيت اول رجعه لي بعد الانقطاع ده يكون في اول موضوع ابتسامه الاقيه في وشي...واول مافتحت عيني لقيت كده خير اللهم اجعله خير B) ..حاجة كدة بمبي ف بمبي ..آآوالله... قال ايه ياخويا .. الست علياء عامله روباطيه للمره التالته عالتوالي. :D .. وبتقول ياحنا يا الرجاله.. :ph34r:

المهم عشان ماطولش عليكم ف الكلام.... انا حبيت يكون لي الشرف بس اني اعدي عالست علياء واقولها اني انا مبسوط بس باالكفاح القيادي اللي انت عاملاه ده..وربنا ينصرك انشاءالله..وان الله غفور رحيم....والست فتكات دبحولها الغنمات... وربنا يجيب اللي فيه الخير...وفتوكم بعافيه :D