جهاز العروسه المصريه ؟

[متمردة]

السلام عليكم

على فكرة يا اخ على بابا الموضوع ده قديم ابقى شوف تاريخ كتابه الموضوع

اما بالنسبه للموضوع الاخر فمن الواضح ان لكل واحد طريق تفكير مختلفه ومش هنتفق ابدا فى ذات الفكرة

بصراحه وبدون زعل

ملعون دى جوازة

وملعون دى عروسه

قصد ايه حضرتك بالكلام واى الزواج الملعون قصدك زوج اختى ؟؟؟؟؟؟؟

انا عايزة اعرف ايه كميه التشاؤم ده

وانت حضرتك واضح جدا ان مش عايش فى الدنيا او منزل ؟ قتلى حضرتك منين ؟

[بنت النيل]

ماشاء الله على الذكاء

انا مع انى متزوجة ولكنى اول مرة اسمع بهذا الكلام

وانا فعلا قرأت مداخلتك التى قلتى فيها ان القايمة تكون باسم ام الزوجة او الزوج لكن لم افهم ما السبب

على فكرة ما قلته سابقا حصل مع احدى صديقاتى واضطرت الى رفع دعوى بالخلع وتنازلت عن كل حقوقها

ولكن يا عزيزتى تقولين ان وصل الامانه والشيكات تشعر بعدم الثقة اليس موضوع القايمه ان تكون باسم الام او الاب اليس هذا يعد غريبا او يعتبر نوع من التخوف وعدم الثقة ايضا

وكيف يطلب الولى هذا الطلب من زوج ابنته

ولكى جزيل الشكر على المعلومات القيمة

ولكن هل هذا الموضوع متعارف عليه فى مدينتكم مثلا اقصد هل هو وضع عادى غير شاذ

اولا يا عزيزتى بنت الشاطى اللى انا قلت عليه ده ماشى فى بلدنا فى بورسعيد وبيتم بدون اى مشاكل وده راجع لان كل واحد نيته بتبقى خير وسليمة بمعنى العريس بيمضى على القيمة لانه عارف وواثق انه مش هياخد حق زوجتك اذا لا قدر الله حصل اى شىء وبالتالى بيقوم بالتوقيع لاثبات حسن نيته فى جميع الاحوال كمان لا يعترض لان اللى مكتوب بها لايزيد عن المعقول وعن الاغراض الغاليه اللى العروسة جبتها فالمساله عادية جدا

وذى ماقلت القيمه مساله مختلفه تماما عن ايصال او شيك صدقونى اقولها لكم بالبلدى كدا مثلا

القايمه الاب بيقولو انا بكتب حاجات بنتى الغاليه واللى مفروضه عليك ومن حقها فى ايه يزعل بقى ،،، لكن شيك على اى اساس وايصال ليه

وعلى فكره برده اكثر الازواج عارفين ان القايمه بتتكتب باسم ام العروسة او والدها وهى فى الحالتين عادى

[بنت النيل]

يا اخ على بابا

الحكايه مش حكايه ان الزوجة بتخون زوجها ولا حاجة من دى ابدا ولكن برده ضمان الحق ليس فيه اى عيب

وبعدين ياسيدى احنا بقينا فى زمن النفوس فيه بتتغير فى يوم وليلة

ممكن جدا الزوج يكون طيب وكويس ولكن مين عارف الزمن هيحصل فيه ايه ؟؟ طب هقولك على حاجة حصلت

بس الاول احب اعرف الاخت متمرده ان نقاش الموضوع اصبح بعيد عن موضوع زواج اختها تماما وربنا يبارك لها

شوف ياسيدى ده واحد اتجوز كويس وطبعا بيته مجهز منه ومن العروسة ذى المعتاد ولم يكتب هذه القايمه اللى انت معترض عليها ماشى ،،، وبعد شهر من الزواج حصل حادث لهذا الزوج وتوفى الى رحمه الله تتوقع ايه اللى حصل من اهل هذا الزوج قالو للزوجة مع السلامة !! :unsure: طب اخد حاجتى ياجماعة ،، حاجة ايه انتى ملكيش حاجة هنا !!! :unsure:

تقدر تقولى فى الحالة دى الزوجة تعمل ؟؟ لجأت للقضاء اول شىء سالوها عليه معاكى قايمة بالعفش او اللى يثبت كلامك او حقك ؟؟ طبعا الرد لاء ولم تستطيع الحصول على اى شىء ومنهم لله وحصل نفس الشىء مع بنت خالتى عند زواجها والدتى نصحته ان يكتب قايمه قالها انا مأمنه على بنتى يبقى مش هأمنه على شوية عفش وشوية العفش اللى بيقول عليهم دول مقولش لك اديه كلفة لانها بنته الوحيدة وحصلت المشاكل وحصل الطلاق وراح ياخد حاجاتها قاله ملكش حاجة عندى ماهو بقى بيقولك ايه ( العند يورث الكفر ) وفى الساعة دى الواحد مش بيعرف بقى هو كويس ولا وحش ولا امين عند بقى وصدقنى والله والله زوج خالتى ده من حصرته على بنته وهى خارجه بدون حتى فستان لها توفى من الحصره ويقولك ده نصيب طيب ياترى ربنا قلنا نعمل فى نفسنا كدا ونقول نصيب وهو فى اللى يضمن حق الطرفين ومش حرام ولا عيب

وبعدين انت عارف ان الزواج اليومين دول بيكلف اد ايه تخيل انت نفسك فى الموقف ده لا قدر الله ولايسمع منى انه حصل مع بنتك او وحده امرها يهمك ربنا لايقدر يعنى ........ ايه موقفك؟

فيعنى المساله ماتبقاش موت وخراب ديار ذى مابيقولو فى المثل على الاقل ينوبها حاجتها :unsure:

كمان هوضح لك شىء فى ناس تيجى تكتب القايمه تلاقيه كاتبلك العفش بالكامل وكل اللى العروسة جبته وكمان يروح كاتبلك الاجهزة ااه والله فعلا فى ناس كدا طبعا ده بقى غلط واسمه استغلال وتبقى مش جوازه وبالتالى بتحصل المشاكل

لكن هو المفروض اللى يكتب فى القايمه ذى ما انا ذكرت قبل كدا

واخر كلامنا ندعو الى كل الزوجات والازواج ان ينعم الله عليهم بالسعادة والهنا ويجعلهم من الزوجات الصالحات والازواج الصالحين امين

[otaka]

يا اخ على بابا

الحكايه مش حكايه ان الزوجة بتخون زوجها ولا حاجة من دى ابدا ولكن برده ضمان الحق ليس فيه اى عيب

وبعدين ياسيدى احنا بقينا فى زمن النفوس فيه بتتغير فى يوم وليلة

يا اخوانا ده جواز اومال لو الواحد عايز يشارك حد هيعمل فيه ايه

للعلم حالات الطلاق حاجه تشرف

ده الواحد بيسمع عن طلاق اكتر من الجواز لان سورى الناس طماعه و ميملاش عينيها الا التراب رجاله و ستات

و مسايره الطمع و افتراض قله الاصل ده مش نصاحه على فكره و لا مبدا الحيطه و الحذر ابدا ده يعكس الطبيعه الاستغلاليه للمجتمعات الغير منتجه

[بنت النيل]

انا عن نفسى انسحب من الحوار فى هذا الموضوع

الواحد بيدخل هنا عشان يناقش وجهة نظر مش اكتر او يقول رائيه بالموضوع مع احترام رائى الاخرين

ولكن بصراحه ده مش حاصل كل شوية الواحد يلاقى حد جاى يتفلسف ويقول عبارات فيها سخرية من كلام التانى

ايه ده ؟؟

انت عندك وجه نظر قولها بدون تعليقات واستخدام الفاظ سخرية عن كلام حد تانى

ده اسمه منتدى للمحاورات مش لانتقاض الاراء والسخرية ؟؟

[otaka]

نعيب زماننا والعيب فينا... وما لزماننا عيب سوانا

ونهجوذا الزمان بغير ذنب .. ولونطق الزمان لهجانا

وليس الذئب يأكل لحم ذئب.. ويأكل بعضنا بعضا عيانا

ده اللى انا رديت بيه على حضرتك لما قلتى الزمن اتغير و محدش مامن لحد و حضرتك زعلتى

ايه المشكله

الناس بتعيب فى الزمن و العيب فيهم

الناس هما اللى طماعين مش الزمن و على فكره انا مش من حقى اهاجمك كفرد لكن ليه مطلق الحريه انى اهاجم اراءك بعيدا عن شخصنه الامور و انا لما علقت لم اعلق على كلامك لانك بنت النيل انا علقت على اتجاه عام فى المجتمع و هو الاستغلال و ده طبيعه من طبائع المجتمعات الغير منتجه

[ahm_ali_baba]

السلام من عند ربى

يا جماعه انا واحده مغتربه من زمان

واختى انشاء الله هتتجوز قريب فى مصر

وعايزة اعرف ايه هيه متطلبات جهاز العروسه المصريه واللى بتتقال فى العاميه ( الشوار )

ايه هيه متطلبات جهاز العروسه المصريه ( بالتفصيل )

الرجاء من السيدات الافاضل اللى عندهم الخبرة الرد

وطبعا ده ما يمنعش من الاباء الكرام اللى زوجوا بناتهم يدلو ببعض الاسعار ؟؟؟؟؟؟؟

هذة هى متطلبات جهاز العروس بالتفصيل الممل

حصيرة

قله

ستارة

فهذا هو ما حددة الشرع لبيت الطاعه اى بيت الزوجيه

قد نضيف على ماسبق لو كانت الزوجه غير متعلمه وتريد الاستفادة من علام الزوج نزيد على ماسبق

كراسه

وقلم

ومرايه

وشريط الاستاذ قمحاوى

:wub:

يعنى يا اخت متمردة تختفى وتغيبى عنا ولم ترجعى تحضرى معاك موضوع اختلف فيه عباد الرحمن من ايام مرضعه نفرتيتى

-_-

الزواج هو انشاء اسرة وانجاب اطفال صالحين ... ولو خونت الزوجه زوجها وافترضت فيه تلك الافتراضات الشاذة قبل ها الزواج ..... قلماذا نتزوج ... خللى كل واحد فى بيت ابوة وامه ونتزوج زواج المسيار الوهابى .... الزوج يحضر للزوجه فى بيت ابوها مساء كل يوم خميس يلعب معاها عروستى ويروح لحال سبيله

ويسلام لو الاب يكون عندة شويه دم ويروح السيما مع امها حفله من 6 الى 6 وعشر دقائق ... فترة معقوله فى الزمن الاغبر دا قبل العروسه ما تطمع فى محفظه العريس

:P

يعنى الراجل يتغرب ويتبهدل ويستحمل غلاسه اللى يسوى واللى مايسواش وياكل التراب ليشترى شقه وعفش يريحوا ست الحسن زوجته المستقبليه ويجعلها تعيش فى جنته التى رزقه الله بها ..... ليفاجأ بطمع زوجته فى الوراثه منه وهو حى وقبل ان تضمهما عش الزوجيه

بصراحه وبدون زعل

ملعون دى جوازة

وملعون دى عروسه

اختى العزيزة قوى متمردة

يعلم الله اننى فى ردى عليك كنت اتحدث بالعموم ولم اكن ادرى حتى ان الموضوع يخص اختكم الكريمه .... وعليه فأرجوا تقبل اعتذارى الشديد لها ولك

نرجع لموضوعنا ...

يا عنى ايه قايمه عفش ...

العرف بيقول بأن الرجل عليه الفرح والزوجه عليها العفش بعدما يدفع الزوج المهر المتفق عليه

فلمن سيذهب هذا المهر لبيت الزوجيه ام لجيب ابو العروسه ............ طبعا لبيت الزوجيه .... مما يعنى ان الزوج هو من قام بشراء العفش او جزء منه على الاقل

يا أختى العزيزة

الزواج هو فتح بيت واقامه جسور المودة والتراحم بين الزوج وزوجته .... حيث تتجرد المشاعر بينهما من ثياب الظنون ولا تنسى ان الزوج يرى ما لا يراة الاب

ولا اعتقد ابدا ان شويه عفش مستعمل سيكونوا ضمان لمستقبل الزوجه عند طلاقها

اننى اتحدث معك من منطلق انه عيب وحقارة ان يجلس الزوج والزوجه قبل عقد قرانهم للتفاهم على من سيحصل على حله الضغط عند طلاقهما خصوصا وان اغلب عائلات المجتمع هذة الايام اصبحت تتقاضى 25 قرشا كمهر للعروسه تيسيرا على الزوج من ناحيه وترك العروسين يقيمان بيتهما بكفاحهما وحدهما من اجل زيادة الترابط بينهما من ناحيه اخرى

واسمحى لى ان اذكرك بأن قرارات الست جيهان السادات سمحت للزوج والزوجه معا بالبقاء فى عش الزوجيه بعد طلاقهما ..... يعنى عفش البيت سيكون من حقهما معا

واذا كان البعض يرى فى نرابيزة قديمه ثروة ....................................... خللوا القايمه من حق الاطفال B)

مش قلت لك انا من السيدة زينب حارة السد والكليه الحربيه ونادى الطيران امام بيتى لزم B)

[ahm_ali_baba]

اختى العزيزة بنت النيل

تصدقى بالله لى صديق سودانى لا ينادينى إلا بأسم ابن النيل

عموما هذا ردك

يا اخ على بابا

الحكايه مش حكايه ان الزوجة بتخون زوجها ولا حاجة من دى ابدا ولكن برده ضمان الحق ليس فيه اى عيب

وبعدين ياسيدى احنا بقينا فى زمن النفوس فيه بتتغير فى يوم وليلة

ممكن جدا الزوج يكون طيب وكويس ولكن مين عارف الزمن هيحصل فيه ايه ؟؟ طب هقولك على حاجة حصلت

بس الاول احب اعرف الاخت متمرده ان نقاش الموضوع اصبح بعيد عن موضوع زواج اختها تماما وربنا يبارك لها

شوف ياسيدى ده واحد اتجوز كويس وطبعا بيته مجهز منه ومن العروسة ذى المعتاد ولم يكتب هذه القايمه اللى انت معترض عليها ماشى ،،، وبعد شهر من الزواج حصل حادث لهذا الزوج وتوفى الى رحمه الله تتوقع ايه اللى حصل من اهل هذا الزوج قالو للزوجة مع السلامة !! طب اخد حاجتى ياجماعة ،، حاجة ايه انتى ملكيش حاجة هنا !!!

اختى العزيزة

هناك وعد الهى مكتوب فى القران يقول ان الطيبين للطيبات والخبيثون للخبيثيات ..... فهل اكذب كلام الله وعهدة

وهناك مثل بيقول عندما تسأل عن العروس او العريس فسأل عن الام لانها هى التى ربت

وانا لا اعتقد ابدا انه يتم زواج الان دون ان يعى العروسين باخلاق وتربيه عائله الاخر مما يقلل جدا من مخاطر الطلاق

ولا اعتقد ابدا ان كرسى مكسور او صلاجه وفيديو ودش سيفيدون الزوجه بعد طلاقها لان مشاكل الطلاق اكبر من ذلك بكثير كما ان القانون انصف الزوجه كثيرا فى الاحتفاظ بالشقه والعفش عند وفاة الزوج المفاجأة

ومقابل المثل الذى قدمتيه هناك مثل مشابه

قماذا لو طلق الزوج بعد شهر من الزواج وبعدما دفع دم قلبه واستدان ليوفر عش زوجيه محترم لزوجته

من سيدفع مدونيه الزوج لو كانت القايمه بأسم الزوجه

[son of jacob]

يا جماعة أنا لسة متجوز من يجي 6 , 7 اشهر كدة و قبل كده عندي 3 اخوات بنات اتجوزوا قبلي من مدد مختلفة و لا عمري سمعت عن موضوع القايمة ده إلا في الافلام و أول مرة أعرف إنه بيتسجل كمان.أنا مع إحترامي لكم شايف إنه حاجه فعلا سخيفة جدا و بعدين ده فعلا دليل على عدم الثقة يعني الليخلي الناس يأمنونى على أغلى حاجة عندهم مش هيأمنوني على حبت عفش.و كمان أنا مقدمش على الارتباط بحد سواء كنت رجل أو إمراه إلا و كانت هناك ثقة متبادلة و حتى في حالات الموت كماذكر أخينا الحادثة . فده أهم حاجة فعلا أن نختار العائلة قبل الفرد لأن الجمع يغلب الفرد بمعنى إذا كان تافرد و حش تقومه العائلة وإذا كان الفرد جميا و ابن حلال او بنت حلال تبوظها العائلة يعني الجمع

[عادل أبوزيد]

هذا الموضوع يعتبر مرجع شبه كامل للمقدمين على الزواج ، و أتصور أن الصيف و موسم الأجازات هو موسم الزواج فى مصر هذه الأيام كبديل عن موسم جنى القطن فى الزمن الماضى.

يمكن تطوير هذا الموضوع و الإضافة إليه ليكون check list كاملة لأعباء الزواج أو لنقل تفاصيل المطلوب لبدء حياة زوجية سعيدة.

و قد أضفت مداخلتى هذه بمناسبة سؤال الفاضلة بنت الشاطئ عن سعر الذهب فى الخليج و سؤال أحد الأعضاء الأفاضل عن أعباء الزواج هذه الأيام

[بنت الشاطئ1]

انا حتى الان مش عارفة ايه الصح فى الموضوع ده

ياريت رأى الشرع انا اعرف ان العرف ليه اصل فى هذا الموضوع المهم انه يكون فى اتفاق ورضا بين العائلتين

فعلا يا استاذ عادل الصيف على الابواب والافراح بدأت

وانا اذكر هنا احد اقاربى فرحه بعد شهرين بعد كم هائل من المشاكل بسبب القائمة

هو كان رافض يكتب قائمه--على فكرة هو اللى اشترى العفش كله وهى هتجيب فقط المطبخ اقصد بالمطبخ يعنى الكبايات والأطباق والحلل وهو جايب كل الأجهزه فى المنزل

المهم لما وجد اصرار ابو العروسة على ذلك اضطر انه يكتب القائمه

يا رب يتمم على خير للجميع

[Advisor]

موضوع. لكل العصور

[عادل أبوزيد]

موضوع مهم للأسر المقبلة على تجهيز بناتها المقبلات على الزواج ، وًكذا العرسان لان هناك الكثير من الأعراف بالنسبة للجهاز أو الشوار.