حد شاف جعلتني مجرماً؟

[Sherief AbdelWahab]

فيه حد فيكم شاف فيلم الالمعي احمد بيه حلمي جعلتني مجرماً؟

خلص الكلام

[nancy]

استاذ شريف

لو عاوز تضيع وقت وتضحك وبس الفيلم ظريف بس مش قصة ولا فية سنيما جامدة

فالموضع متروك لتقديرك ان كان ما يدور حولك يسعدك بالقدر الكافى فملوش لازمة الفيلم

لو عاوز مسكن من الهموم الى فى كل مكان فى الدنيا ادخلة

هو مش اكتر من شوية خفة دم وبس

وخلص الكلام .....:D

[عطر]

فيلم يخليك تبتسم بجد وممكن تضحك من قلبك كمان

قصته سطحية ومكررة لكن مفيش مانع من التكرار اذا عايز فعلا تضحك وتشيل من على قلبك شوية هموم

ولو عايز برضه فيلم ينفع تروحه مع الأولاد فده فيلم ينفع لكل العائلة لأنه كعادة أحمد حلمي لا يعتمد على الإبتذال

وخلص الكلام برضه

[وليد صفوت]

لأ يا نانسى ده استظراف من المدعو احمد حلمى لأنه حتى دمه مش خفيف للدرجة ....

انا بحس ان عامل زى الشاب اللى بيستظرف قدام البنات عشان يجذب نظرهم و الطريقة دى للأسف ما تنفعش معانا B) يعنى انا كشاب داخل اتفرج علىالفيلم متوقع انى الاقى مواقف مُضحكة مش واحد عامل نفسه ظريف :ph34r:

بس عموماً الفيلم اللى عجبنى فعلاً رغم ان قصته مش مظبوطة اوى هو فيلم كتكوت لمحمد سعد و كان فعلاً فيلم تضحك فيه من قلبك :D

سلاماتى

[عطر]

العزيز وليد صفوت

صحيح على رأي المثل لولا اختلاف الأذواق لبارت السلع

أهو انا بس من إشارات فيلم كتكوت حسيت ان محمد سعد مكرر نفسه جدا ومعتمد اعتماد كلي على حركاته الجسدية اللي ملينا منها

أحمد حلمي عدم وسامته مخلية حركاته مضحكة إلى حد ما غير انه مالوش لازمات يكرر نفسه فيها زي محمد سعد ومحمد هنيدي يعني بيعتمد على إفيهات مش أكثر

[ابن بلد]

من رايى ان اعمال احمد حلمى لا تصلح حتى لمجرد تقييمها

لانه لا يصلح لان يكون ممثلا

فهو ممن احترفوا التمثيل بالمصادفه وليس بالموهبه ولا حتى بالخبره

ومنه لله شريف عرفه هو اللى عمله سعر

حينما اسند له دور فى فيلم الناظر مستغلا فيه مقوماته الشكليه

وبعبقريه المخرج ابرز فيه ما لم يكن يعرفه احمد حلمى نفسه

ثم لعب الحظ معه لعبته فى ظهور نمط جديد للسينما المصريه

وهو ان يكون الفيلم ما هو الا مجرد مجموعه افيهات كلاميه او حركيه يقولون عليها كوميديه

بعيدا عن الاهتمام باى فنيات خاصه بالسيناريو او الاخراج ولا حتى منطقيه الاحداث

وحينما يكون الفيلم على هذا الوضع من رايى ان اقاطع تلك النوعيه مثلما اقاطع السلع الامريكيه والاسرائيليه ( عذرا للتشبيه )

تحياتى

[نانو]

اسمح لي يا استاذ ابن البلد اختلف معاك شويه في الراي لان احمد حلمي من الممثلين المتقنين في عملهم ولو كنت شفت له فيلم السلم والثعبان كنت هتعرف انه ممثل جيد لان دوره في الفيلم ده كان مزيج من الكوميدي والدراما و كان مبدع جدا في الدور و طلق جدا في اداءه وغير متكلف

و بالنسبه لفيلم جعلتني مجرما الحقيقه انه قصه خفيفه مضحكه من غير ابتذال و ده نوع من السينما مطلوب يعني مش هينفع كل الافلام تكونبتقل عماره يعقوبيان مثلا من الناحيه الفنيه

و كفايه اني اخذت الولاد وانا مش خايفه عليهم من اي كلمه مبتذله

و بحبك يا بلدي

[وليد صفوت]

عندك حق يا عزيزتى عطر فى موضوع اختلاف الأذواق ...

بس انا انصحك لو انتى بتحبى كوميدا المواقف يبقى اتفرجى على كتكوت لأن محمد سعد لأول مرة منذ اكثر من موسم يقدم شخصية جديدة تماماًَ و لأول مرة ياخد منحنى جديد فى الشخصية ....

و بالنسبة لإعتماده على حركاته فهو مازال بيعتمد على حركاته لكن بشكل غير مبتذل زى بوحة و عوكل ...

سلامى ...

[nancy]

انا معاك يا وليد ان شخصية محمد سعد فى فيلم كتكوت (يوسف خورى)

معمولة حلو اوى وجديدة علية بس موتنى من الضحك فيها فعلا

بس برضة فيلم احمد حلمى مش وحش والكلام الكوميدى الى فيها مش متكرر

وبعدين انت ماشاء الله عليك يا وليد مش زى شباب اليومين دول انت عجوز

يكفى ان عندك رؤيا وضحة لامور كتير

[وليد صفوت]

انا عجوز :D

يا نانشى يا بنتشى الشباب شباب القلب ... كح كح كح كححححححححح ..........قلبى:ph34r:

[ابن بلد]

اسمح لي يا استاذ ابن البلد اختلف معاك شويه في الراي لان احمد حلمي من الممثلين المتقنين في عملهم ولو كنت شفت له فيلم السلم والثعبان كنت هتعرف انه ممثل جيد لان دوره في الفيلم ده كان مزيج من الكوميدي والدراما و كان مبدع جدا في الدور و طلق جدا في اداءه وغير متكلف

و بالنسبه لفيلم جعلتني مجرما الحقيقه انه قصه خفيفه مضحكه من غير ابتذال و ده نوع من السينما مطلوب يعني مش هينفع كل الافلام تكونبتقل عماره يعقوبيان مثلا من الناحيه الفنيه

و كفايه اني اخذت الولاد وانا مش خايفه عليهم من اي كلمه مبتذله

و بحبك يا بلدي

الاخت نانو

مرحبا باختلافك معى على امكانيات احمد حلمى كممثل

فهذا رايك واحترمه واقدره

اما عن دوره فى فيلم السلم والثعبان او ادواره بعد ذلك

وحتى اعماله قبل ان تعرفه السينما المصريه

اقصد بعض الادوار القصيره فى مسرح اكاديميه الفنون فى منتصف التسعينيات

اظن انى شاهدت اغلبها

فتقييمى له ليس من خلال فيلم واحد فقط

واتفق معكى فى وجود ما اطلقتى عليه السينما الخفيفه او فيلم من اجل الترفيه فقط

والتنوع فى التقديم مطلوب ومهم لاثراء الفن

ولكن ليس معنى ان قدم سينما خفيفه ان استهين بعقليه المشاهد حتى فى منطق الحدث نفسه

ويكون التركيز فقط على كيفيه وضع الحوار او المشهد فى صيغه كوميديه

دون الاهتمام بالنواحى الفنيه

فالنواحى الفنيه ليست مرتبطه بالافلام الجاده بل احيانا يحتاج الفيلم الكوميدى لذلك اكثر

لانه يخاطب عقل المشاهد

وخير دليل على كلامى هبوط اسهم المبشر الاول لهذا النمط السينمائى محمدهنيدى جماهيريا وماديا

ومن بعده اشرف عبد الباقى واظن انه فى خلال المواسم السينمائيه القادمه سيتساقط الاتباع

رغم احترمى واعجابى الشديد جدا لموهبتهم وقدراتهم الكوميديه الاكثر من رائعه

والتى للاسف لم توظف سينمائيا حتى الان رغم انهم نجوم شباك التذاكر

تحياتى

[Sherief AbdelWahab]

أشرف عبد الباقي من الممثلين الموهوبين القلائل في تلك المجموعة ، وفيلم خال من الكوليسترول دليل على ذلك خاصة مع صعوبة الشخصية نفسها ..

أما حلمي فيظل رمزاً للاستظراف والضحك البقيقي ، دون إبداع ، حتى ظهرت بعض لزمات الفيلم الأخير والتي شاهدتها في البرومو ثقيلة الظل ومفتعلة ، مثل حكاية الساحل الشمالي الأفغاني ، وتقليد أيمن الظواهري الذي كان واحداً من أمج إفيهات السينما الجديدة على الإطلاق..وكان دوره في السلم والثعبان على كبر مساحته هامشياً لفالانتينو الفيلم هاني سلامة .. وحتى ولو وجد هو ، أو كثيرون من غيره ، دوراً يقتضي بعض التمثيل لرفضوه ..

للضحك البقيقي سادته ، المميزين بخفة الظل ، والكاريزما أمام الكاميرا ، وسعة الحيلة ، والقدرة على الارتجال والمباغتة والمفاجأة ، ومن هؤلاء إسماعيل ياسين ، وسمير غانم في أوج مجده (يعني مش في الوقت الحالي) .. يعني صعب تلاقي في الجيل الحالي فارسير موهوب .. م الآخر!

خلص الكلام

[نانو]

اخي ابن البلد

اشكرك علي الرد بس علي فكره ردك ما فيهوش اختلاف علي ان احمد حلمي ممثل جيد لكن ممكن يكون الضعف في الفيلم نفسه من النواحي الفنيه و اوعدك اني هادقق شويه زياده في وش احمد حلمي و هو بيمثل علشان اتاكد منه و اعرف ايه الحكايه بالضبط :wub:

يا جماعه انتوا فتحتوا نفسي اوي اني اشوف فيلم كتكوت

علي فكره انا لما كنت في الاجازه في مصر شوفت معظم الافلام الكويسه لكن اعلان فيلم كتكوت ما شجعنيش

بس لما سمعت اغنيه الفيلم لقيتها لذيذه اوي و حسيت انه هيكون مختلف عن باقي الافلام بتاعته القديمه

و الحمد لله انه هو ده الفيلم العربي الموجود في الكويت اليومين دول

و بحبك يا بلدي

[عطر]

كان في نيتي الصيف ده اني مااشوفش فيلم كتكوت لأن إشاراته بس أوحت لي بالسخافة

لكن بما انكم شكرتوا فيه هنا قلت أروح يمكن رأيي خطأ

لكن للأسف من أسخف أفلام محمد سعد على وجه الإطلاق ، متكلف زيادة عن اللزوم لدرجة تجيب القلب ، سيناريو من أفشل ما يكون أحداث متلفقة ومتلزقة جنب بعض علشان يعملوا في الأخر فيلم محمد سعد ياخد فيه 5 مليون جنيه ^_^

يمكن الجزأ الأول قبل الإستراحة ضحكت فيه كم ضحكة بعد كدة كنت عايزة اطلع من الفيلم

فيلم جعلتني مجرما على الأقل لا فيه تكلف ولا قصة متلفقة بالعافية ولا استعباط من اللي عمله محمد سعد

في رأيي بفيلم كتكوت محمد سعد فيه بدأ في الإنحدار والإفلاس زي ما سبقه محمد هنيدي

تم تعديل 12 أغسطس 2006 بواسطة عطر

[^^^hi^^^]

الاخوه الاعضاء

واضح انى شغال قر على ودنه في اكثر موضوع بس انا مش حقر عليكم في الموضوع ده لان انا كل يوم خميس في سينما شكل في الرياض

لما طهقت من كتر الفرجه على الافلام و مش لاقى افلام جديد اشوفها :o

السينمات في كل حته mfb: و على كل ناصيه ;)

احدث فيلم متواجد عربى السفاره في العماره و ده كنت شوفتوا الصيف اللى فات (ايام ما كنت لسه في مصر mfb: )( وطبعا في محلات الفيديوا)

لكن عموما انا بحب احمد حلمى و احب اقول ان هو كوميدى بطبعه و ما ننساش البرنامج الرائع اللى شهروا بتاع لقائه مع الاطفال و ازاى كان بيكون له حاجات تلقائيه مع الاطفال و افيهات طبيعيه فهو كوميدى فعلا

و انا اعجبت جدا بفيلمه اللى فات و كان عجبنى بجد (وطبعا ما شوفتش الجديد )

اما محمد سعد فانا بعشقوا بقى عشششششششششششششششششششششششششششششششششششششششق و فيلم اللى بالى بالك انا شوفتوا الف سبعمائه خمسه و ستين مره و حتى يومنا هذا بحب اتفرج عليه و بضحك بردوا

فكرنى بافلام العمالقه القدام و اللى حتى يومنا هذا بنتفرج عليها و بنضحك اما اغلب الافلام الكوميدى الاخرى فلن تطيق الفرجه عليه غير مره واحده

و على راس الافلام دى (ولو انتوا بقى عايزين اللى بيستظرف بجد ) افلام هانى رمزى :wub:

يا ساتر يا رب على الاستظراف و قله الادب و حدث و لا حرج

ويجعلوا عامر ( حدش يعرف سيما جديده في الرياض :D )

[نانو]

;)

الاخوه الاعضاء

واضح انى شغال قر على ودنه في اكثر موضوع بس انا مش حقر عليكم في الموضوع ده لان انا كل يوم خميس في سينما شكل في الرياض

لما طهقت من كتر الفرجه على الافلام و مش لاقى افلام جديد اشوفها :D

السينمات في كل حته mfb: و على كل ناصيه :huh:

احدث فيلم متواجد عربى السفاره في العماره و ده كنت شوفتوا الصيف اللى فات (ايام ما كنت لسه في مصر :o )( وطبعا في محلات الفيديوا)

لكن عموما انا بحب احمد حلمى و احب اقول ان هو كوميدى بطبعه و ما ننساش البرنامج الرائع اللى شهروا بتاع لقائه مع الاطفال و ازاى كان بيكون له حاجات تلقائيه مع الاطفال و افيهات طبيعيه فهو كوميدى فعلا

و انا اعجبت جدا بفيلمه اللى فات و كان عجبنى بجد (وطبعا ما شوفتش الجديد )

اما محمد سعد فانا بعشقوا بقى عشششششششششششششششششششششششششششششششششششششششق و فيلم اللى بالى بالك انا شوفتوا الف سبعمائه خمسه و ستين مره و حتى يومنا هذا بحب اتفرج عليه و بضحك بردوا

فكرنى بافلام العمالقه القدام و اللى حتى يومنا هذا بنتفرج عليها و بنضحك اما اغلب الافلام الكوميدى الاخرى فلن تطيق الفرجه عليه غير مره واحده

و على راس الافلام دى (ولو انتوا بقى عايزين اللى بيستظرف بجد ) افلام هانى رمزى :wub:

يا ساتر يا رب على الاستظراف و قله الادب و حدث و لا حرج

ويجعلوا عامر ( حدش يعرف سيما جديده في الرياض -_- )

يا اخي مد رجليك شويه و تعالي علي الكويت في الويك اند و تعالي اتفرج علي السيما عندنا

بس حظك حلو علشان فيه فيلم عربي لان كل الافلام هنا امريكاني حضرتك

و شويه هندي سيادتك و فين وفين لما تلاقي فيلم مصري

و كمان بيحذفوا مشاهد كتيره يعني انا سمعت مثلا ان عماره يعقوبيان وصل مده عرضه في الكويت ساعتين وربع

في حين اني شوفته في مصر الصيف ده 3 ساعات كامله

المهم تعالي صيف عندنا اليومين دول الجو طراااااااااوه اوييييييييييييييييييييييييييييييييييييي mfb:

[^^^hi^^^]

الاخت نانو

لو مكونتيش تحلفى بسسسسسسسسسسسس انا جاىىىىىىىىىىىىىىىىىىىىىىىىىىىىى :blink:

ساعتين و ربع ساعتين الا ربع المهم انه بيتعرض :blink:

يا ريت حد ينتظرنى في المطار عشان ماتوهش و ياريت بقى الاكل و خلافوا انتى عارفه المصايف الواحد بيجوع بسرعه جو طراوه :blink: وميه و بحر و سيمــــــــــــــــــــــــــــــــــــــــــــــــــــا احمدك يارب

بس بلاش رجوع في الكلام......................... انا جاىىىىىىىىىىىىىىىىىىىىىىىىىىىىى فرفيرواااااااااااااااااااااا

ويجعلوا عامر