هوى الأحلام

[houssin abo habaga]

قراءه فى الجرائد الصباحية

""""""""""""""""""

هوى الأحلام فى المنام حريه

وبلدنا تصحى كلها تصلى فجرية

ناس طيبه غريبه بالسكر مندية

وقلوب عفيفه بيضه بالطيبه متنشية

يرحبوا بيك ويقولولك سلام سلام ومية

صورتى وصوره اهل مصر الطيبه العفية

راكبين مراكب امل وعلى الله متمشية

فارديين قلوع المحبه وفى الحياة منسية

.....

تصحى تقابل يومك

تقلب جرانينك

تلعن ابو يومك

واللى صحاك م النوم

تحاول تنام تانى

النوم ما يجيش

.....

صورة من تلاتيين سنه لحاكم عبد القوى

قام يحكم فيها جاب عليها واطيها

حواليه شوية حاشية تشوفهم كتيبه ماشيه

عادل معندوش انصاف عساكره بالمداس تنداس

وراجل اسمه نظيف بينظف جيوب الناس

بنزين مجنون غلى وعلى ولحمه ما تلقاش

أطفال جالهم جفاف قلة غذا مش حسد ولا عيون الناس

.....

تصحى تقابل يومك

تقلب جرانينك

تلعن ابو يومك

واللى صحاك م النوم

تحاول تنام تانى

النوم ميجيش

.....

تشوف السياسة آخر نكاسه والضرب فى المليان

لبنان متقطعه وعرب متجمعه تصاريح متلمعه

لاتحل ولاتربط ولا تشفى غليل انسان موت يا لبنان

فيهم وزير اتكلم التانى قله انت سبب مصاب لبنان

ودارت الحكاية وبدأت الرواية فى عمار لبنان

ميهمش كام شهيد المهم البنات تغنى بحبك يا لبنان

.....

تصحى تقابل يومك

تقلب جرانينك

تلعن ابو يومك

واللى صحاك م النوم

تحاول تنام تانى

النوم ميجيش

.....

تشوف احوال الناس حوادث علينا غريبه

وصور متعرية ورقاصه مهلبية ملهاش فى الطعمية

وفلانه جالها كتير عرسانها بالطوابير

وكاتب يقولك موزه وبانجو وحشيش وطير

مفيش حاجه مفيده لا دين ولا عقيده

.....

تصحى تقابل يومك

تقلب جرانينك

تلعن ابو يومك

واللى صحاك م النوم

تحاول تنام تانى

النوم ميجيش

.....

تشوف الرياضه مصارعه بالسكاكيين ناس اتعورت

مطاوى وسكاكيين وارثين البلطجه على بعضهم شاطريين

وراجل مش معقول غاوى مشاكل فى كل حاجه راسب

وعمره ما مرة حاسب وعايش جوه همه لحد ما صقر لمه

وناس غاوية تشتم وتقولك كله منده وتسب الأمهات

رياضه فى انحطاطه احسن نبيع بطاطه ونحى الأمهات

.....

تصحى تقابل يومك

تقلب جرانينك

تلعن ابو يومك

واللى صحاك م النوم

تحاول تنام تانى

النوم ما يجيش

.....

تشوف اخبار عمنا الأزهر وتصريحات شيخ مظهر

نازلين فتاوى على طول عقلك قرب يشت ويجيلك زهول

وكل يوم بحاله ويقولولك قواله و لا انت فاهم حاجه

وتسمع ولا تناقش جنت عليك براقش من كتر اكل الفول

تتلغبط م الكلام تستغفر م القواله وتسمى ع الرسول

.....

تصحى تقابل يومك

تقلب جرانينك

تلعن ابو يومك

واللى صحاك م النوم

تحاول تنام تانى

النوم ما يجيش

.....

تشوف اخبار الصحه ماتت من الكحه وجلها كساح

من زبحه صدرية ومسشفى جمعية تقف عليها طابور

الكبد والحرارة الناس جلها دوخه م القهر والمرارة

تموت يا بن مصر م القهر والحسرة وتعيش البلهارسيا

تاكل جنابك اكل وتهد كل حيلك متسبش غير العظم

.....

تصحى تقابل يومك

تقلب جرانينك

تلعن ابو يومك

واللى صحاك م النوم

تحاول تنام تانى

النوم ميجيش

.....

نروح ع الزراعة الفطرة والنشاط والقناعة

فلاح بأرضه يزرع و يحصد ويشكى م المجاعه

يروح يشترى قمح ويقولك البتاعه كلت البتاعه

والقطن ميجبش همه عريان ولا يهمه وألآخر يموت بهمه

ويقولك البتاعه عليه العوض منه العوض فى البتاعه

......

نصيحه منى اوعى

تصحى تقابل يومك

ولا تقلب جرانينك

تلعن ابو يومك

واللى صحاك م النوم

تحاول تنام تانى

النوم ما يجيش

.....

omran55.maktoobblog.com

www.dastor.net

تم تعديل 10 أغسطس 2006 بواسطة houssin abo habaga