يوم مصري جميل في الرياض

[فولان بن علان]

لأن الأجازة إلى مصر ألغيت ولكن أمواج البحر ما زالت توشوش الآذان في اليقظة وفي الأحلام

ألا ليت الرياض تقع على البحر

نتسائل بمنتهى البراءة لماذا لا تقوم السعودية بعمل بحر صناعي في الرياض ؟؟؟؟؟؟

الحمد لله الفلوس موجودة والنفط لا يتوقف عن الضخ ولا يتوقف سعره عن الارتفاع

إذا أين الحل

دعوة من أحد المصريين ليس لي سابق معرفة به غير أنه والد زميلة لابنتي في المدرسة

والدعوة كانت لمشاركتهم في الذهاب لاستراحة أقصى جنوب الرياض بعد حي الشفا

توجهنا من أقصى شمال الرياض قاطعين طريق الملك فهد إلى منتهاه إلى طريق ديراب حتى إشارة الدفاع المدني اسم الحي الحزم

منظر رأيناه جعلنا نقهقه في وقت عزت فيه البسمة

المنظر كان لمحلات تبيع عوامات للسباحة في البحر نظرنا إلى بعضنا أين نحن وهل في هذا الحي بحر

الحي عبارة عن عدد غير متناهى من الاستراحات

الاستراحة عبارة عن حمام سباحة( مسبح) أو حمامين واحد للرجال والآخر للنساء وملاعب كرة وجلسات عربية وخيمة شعر كبيرة ولعب للأطفال

حوالي عشر أسر مصرية

زوجاتهم تجمعوا في نصف الاستراحة المخصص للنساء وبها حمام سباحة خاص ومطبخ

أصناف الحلويات المصرية كل زوجة تفننت في عمل صنف حلو والكسبان هم الرجالة

عدد من الوجوه المصرية من محافظات مختلفة ومستويات تعليمية ووظائف متنوعة

جمعتهم ظروف الغربة وجمعهم حنينهم للوطن فوجدوه في اللمة والصحبة

اجتماع على الأكل زيطة وزمبليطة بلبطة في البحر الصغير المستطيل

لا أدرى منذ كم لم ألعب الكرة وسط التشجيع لعبنا وقد انقطعت الأنفاس وأحرزنا أهداف

الأولاد والبنات في سعادة غامرة قبل أن ينتهي اليوم توالت الأسئلة هل سنأتي هنا تاني يا بابا

عايزين نيجي هنا تاني

لم نستطع النزول لمصر فأحضرناها عندنا جمعناها في استراحة بالرياض

المصريين أهمه

ياه منذ كم لم نضحك هكذا ونتشارك الهموم والتنكيت

هذا هو مصيفنا

[لخبطه]

من شهر تقريبا عملنا الحركة دي بس طبعا جدة غيييييييييييييييييييييييييييييير :wub: :angry2: :) :)

الاستراحة تابعة للراجل اللى انا شغال معاه يعني ببلاش دا يوفر لنا تقريبا 1500 ريال ايجارها اليومي

وبردو علشان جدة غير فالاربع عائلات اللى اجتمعوا سيبناهم في الاستراحه من الفجر وطلعنا البحر الشط يبعد زي 200 متر عن الاستراحة :D :P رحنا بلبطنا والحريم بردو استمتعوا بالمسبح

بس فعلا المصريين مع بعض جوهم بيكون جميل

اتبعنا بقا تقليد سعودي هو الشوي بس على مستوي الغلابه يعني مش جبنا ذبيحه قضيناها دجاج بس بردو كان لذيذ لانه طازه وتتبيله مصريه ( أوعا) :D :D

بشكل أسبوعي بقا بنعمل حاجه مشابهه بس في مخطط قريب مننا مخطط مش مبني لسه في مكان مرتفع جدا ودا مخلى جوه حلو بنطلع بردو وفي منطقة مزروعه نجيله كدا نقعد ونعلب كره و الغريب بردو ان الحريم بيتفننوا في اصناف الحلويات واحنا بردو الكسبانين

بس فعلا عمنا فلان كل ما زاد العدد كل ما كان الجو اجمل وكلام بقا في السياسه ونكت قديمه وكله حاجه

[MZohairy]

درة العروس لسه حلوه يا لخبطه عندكم في جده؟

[لخبطه]

درة العروس دي بتاع الاشقيا ياعم زوهيري :) :D كمان اصحاب العيال امثالنا مش قد اسعار الكباين فيها

صراحة مش روحتها مع انها قريبه جدا من الاستراحه اللى بقولك عليها والشباب السعودي بيقولوا جميله جدا بس الظاهر مفتوحة شويه :wub: :angry2: :) الاستراحه في أبحر الشمالية يعني خضرا وميه وشمس عفيه

[بنت النيل]

ياسلام عليك يا فلان بن علان

فكرت الواحد بالايام الجميلة اللى قليل لما بيعوضها فكرتنا بالبحر وجماله وخصوصا اننا سواحلية

صحيح احنا هنا بالكويت الشط والبحر موجود والحمدلله وفى كمان شاطىء المسيلة روعه

لكن فى اللى بيمنع الواحد من انه يستمتع بيهم وهو حرارة الجو وما ادراك حرارة الجو بالكويت mfb: mfb:

مانقدرش نروح ولا نطلع البحر غير بليل وساعتها مابيكونش الاستمتاع قوى يعنى

لكن مهما كان برده وجود المصرين والصحبه الحلوة بتنسى كل شىء

خليتنا نفكر فى يوم ذى ده عندنا :wub:

ربنا يبسط المصرين وينصر المسلمين

وربنا يجعله عامر