كتكوت : قليل من الضحك كثير من الفشل

[سيزيف]

عوده مره اخرى الى السينما و التقارير الطازه التى لا يدفع احد ثمنها حتى الان

" الاخ العزيز محمود الشاعر : الكلام مش عليك خالص :ph34r: "

محمد سعد لغز حقيقى بالنسبه لى

الرجل لديه امكانيات هائله يعجز غالبا عن توظيفها و اظهارها

مبدئيا انا لا اعارض مبدأ الضحك من اجل الضحك

و من هذا المنطلق اعجبتنى افلام مثل اللى بالى بالك و غبى منه فيه

ولكن فيلم كتكوت

عجز حتى عن الاضحاك سوى بعض ابتسامات قليله لافيهات متفرقه فى الفيلم

طوال الفيلم يحاول محمد سعد اضحاكنا بجسده و حركات وجهه

وهو اسلوب قديم عفا عليه الزمن ربما كان يصلح ايام اسماعيل ياسين و جيرى لويس

ولكنه قطعا لا يصلح حاليا الا مع الاطفال

محمد سعد فى دور كتكوت الصعيدى الذى يتورط فى ثأر و فجأه تنقذه المخابرات لوجود شبه شديد فى الشكل بينه و بني ارهابى عالمى

و تيمه الصعيدى و تيمه التشابه الشكلى - على الرغم من قدمهما - الا انهما ماده ثريه للضحك

ولكن الفيلم لم يقدم لنا ما نضحك عليه

لم افهم ما الذى يفعله محمد وفيق فى الفيلم فالرجل و ان لم يكن من نجوم الصف الاول الا ان دور السنيد لا يليق به

حسن حسنى فى دور صغير خال من الضحك و لكن وجود حسن حسنى فى الافلام الكوميديه يشبه شهاده الايزو

العديد من الوجوه الجديده الشابه لم تقدم ما يلفت النظر

الاخراج سىء

و القصه غير مكتمله الاركان - مع التسليم باعفاء الفيلم الكوميدى من الحبكه الدراميه فى بعض الاحيان - ولكن ليس بهذا الشكل

الخلاصه

ان محمد سعد بدأ فى الاحتراق

و نصيحتى له - ان كان لى ان انصحه - ان يعود الى اللمبى

على اقل اللمبى كان يضحكنا

[لخبطه]

معلهش عمنا سيزيف انا عارف انه مش من حقي ارد وخصوصا انى مش شوفت الفيلم

لكن تعليقك المميز شجعني على الرد

كنت بتناقش مع حد من فترة في سبب نجاح محمد سعد و سبب صعوده المفاجيء كان ردي أن محمد سعد صادف النجاح مش حققه يعني فعلا اللمبي مجموعات حاجات كدا اتجمعت مع بعض فنجحت فيها جزئية - مش كبيرة اوي - خاصة بموهبة محمد سعد ولكنه كشخص بنفسه لا يستطيع انجاح عمل واكبر دليل انه خلال كل الافلام اللى بعد اللمبي ما حققش ولا نصف نجاح اللمبي

كل المجموعة اللى طلعت فجاءة صدقوني هتموت فنيا بأسرع مما تتصوروا

نرجع لمحمد سعد ......محمد سعد بعبطه متخيل ان مجرد اسمه هينجح الفيلم , صحيح مجرد الاسم ممكن يجر رجل الزباين الغلابة اللى هما احنا بس دا مش هيستمر هو له فرصه كمان ولا اتنين وصدقني ماحدش هيدخله فيلم

لو مش عمل حاجه محترمه من كل زوايا هيسيح زي الايس كريم

[nancy]

انا معاك انة فيلم مش هايل بس شخصية يوسف خورى دمها خفيف وجديدة علية

بس ماشى حالة احسن من لحمة راس ووش اجرام وظاظا

دول لو شفتهم تزعل على السعتين الى دخلتهم السنيما

وبعدين حود يا سيزيف على الاجنبى فية جيد اكتر كتير من العربى

[Tafshan]

محمد سعد ممثل كبير لكن السينما هى اللى صغيرة عليه .. عنده امكانيات ضخمه و مافيش توظيف .. لغاية "اللمبي" في فيلم الناظر بتاع المرحوم علاء ولي الدين بدأت السينما تأخذ بالها انه ممكن يبقى "اراجوز كمان " و بالتالى عمل له اثنين ثلاثة ليمبي و طبعاً ما بقاش عنده جديد و كلها موسمين ثلاثة و خلاص على كده .. طبعاً انا لا عجبنى اللمبي و لا غيره مع احترامى للجميع و ده نظراً لطابعى الكئيب :excl:

انا معاك انة فيلم مش هايل بس شخصية يوسف خورى دمها خفيف وجديدة علية

بس ماشى حالة احسن من لحمة راس ووش اجرام وظاظا

دول لو شفتهم تزعل على السعتين الى دخلتهم السنيما

وبعدين حود يا سيزيف على الاجنبى فية جيد اكتر كتير من العربى

انتِ دخلتِ دول :angry2:

يا قلبك :ph34r:

انا الحاجات دى باستناها لما تبقى تيجى في روتانا سينما ... لكن اروح مخصوص .. لا ممكن :angry2:

[وليد صفوت]

بس فى مشاهد انا موت من الضحك فيها و اولها مشهد الإستوديو ....

لأنه على الرغم من عدم خروجه عن التون و انه ما نشذ عن التون الأصلى للموال اللى قاله إلا ان اسلوبه فعلاً كان مضحك جداً ... و يمكن ده راجع لمواقف انا شخصياً مريت بيها فبتضحكنى المشاهد دى .....

ة كمان مشهد نوزله من السلم بالشبب و مشهد السرير و مشهد دخوله حلبة الملاكمة و مشهد البار و غيرهم ...

لكن انا لقيت استحسان من الجمهور على الفيلم ده و انهم وضعوه فى مكانه اعلى من كل افلامه السابقة ...

[ابن بلد]

ارى فى نجوم السينما الان

او المفترض انهم نجوم السينما سواء ممثلين او كتاب سيناريو او مخرجين

انهم يشبهون البائعين المتجولين فى القطار او على ارصفه العتبه

فالبائع ماهر فى البيع وعرض السلعه وان كانت سيئه ولكن احيانا لا يكون شاطر فى التجاره

ولا يهم البائع ان يكون له زبون دائم مثل التاجر الشاطر ولكن ما يهمه التخلص مما معه من سلعه

بهدف الربح المادى على المدى القصير

كذلك نجوم سينما اليوم مهره فى الضحك وليس فى فن الكوميديا (شتان ما بين الكوميديا والضحك)

استغلوا قدرتهم على الضحك فقط من اجل ربح مادى على المدى القصير ولم يهتموا بتقديم سينما جيده الصنع تجعل لهم وضع او مكانه ترسخ على المدى الطويل فى ذاكره السينما العربيه والمصريه

فاظن ان عبدالفتاح القصرى وعبد السلام النابلسى وزينات صدقى وعبد المنعم ابراهيم وغيرهم الكثير

لم ولن تنساهم ذاكره السينما برغم انهم لم يحصلوا على البطوله المفرده فى افلام اشتركوا فيها

تحياتى

[عطر]

لقطات بسيطة جدا اللي ضحكت فيها منها لقطة الموال واللقطة اللي كان فيها في الخص مع غريب وبيدندوا هم الإتنين

أما غير لا سيناريو ولا حوار ولا قصة

مجرد لقطات حاول المخرج تلزيقها في بعض علشان محمد سعد يعمل فيلم ياخد فيه 5 مليون جنيه (ياللهوووووووووول)

أموت أفهم مثلا ايه لزمة لقطة جيمز بندق اللي عملوها لما قالوا عن حسن حسني (كامل) انه مستحيل يلاقوه لأنه بيختفي بعد كل عملية بيعملها ، انا قلت بس حلاقي واد شجاع مدأدأ بتاعت 3 ورقات طلع لي الكركوب حسن حسني بيلعب جولف

محمد سعد بالفيلم بدأ بالإنحدار زي ما حصل لمحمد هنيدي

مازلت الى الآن أشوف ان جعلتني مجرما ارحمهم لأن أحمد حلمي بيعتمد أكثر على تلقائيته في التمثيل مش على حركات جسدية سخيفة ووجوه مصطنعة

نانسي يعني من كلامك بلاها ظاظا !!!!!!!!!!!!!!!!!!!

ودمتم سالمين

[سيزيف]

الغالى لخبطه

مين قال ان حضرتك مش من حقك تعلق

يا باشا سعادتك تعلق سواء دخلت الفيلم او مادخلتوش او حتى ماهوبتش من ناحيه الشارع اللى فيه السينما اللى بتعرض الفيلم :)

للاسف ان مجرد اسم الفنان يكفى فى كثير من الاحيان لنجاح الفيلم تجاريا

و كلنا نتذكر سنوات انفراد عادل امام بعرش الكوميديا و التى كانت فيها افلامه تحقق اعلى الايرادات مهما كان مضمونها

و سيظل محمد سعد يحقق ايرادات حتى ياتى من يزيحه من على العرش

ولا عزاء للمشاهدين

--------

العزيزه نانسى

المشكله اننى حاليا فى المصيف فى الاسكندريه مع الاقارب و الاصدقاء و بالتالى لست حرا فى اختيار الافلام و انما يتم ختيارها بالطريقه الديمقراطيه - لعنها الله B)

و عموما لم اجد حاليا افلام اجنبيه تستحق المشاهده

و يقولون ان قريبا سينزل فيلم كليك لادم ساندلر و انا شفت الريفيو بتاعه و هيبقى فيلم تحفه

------------

العزيز طفشان

انا معك يا صديقى فى ان محمد سعد ممثل امكانياته كبيره و لكنه لا يحسن استخدامها

ربنا يبعد عنك الكابه و يفرحك يا طفطش يا خويا B)

--------

العزيز وليد صفوت

ا تفق معك انه كانت هناك بعض ملامح الكوميديا فى الفيلم

ولكن النتيجه النهائيه ليست كوميديه للاسف

اعتقد انه ليس الفيلم الذى تخرج منه ضاحكا حتى و ان ضحكت بضع مرات اثناء مشاهدته

---------

العزيز ابن بلد

كل وقت وله اذان

و الذى كان يضحك جيل يساسين و القصرى و زينات

لا يضحك الاجيال الحاليه

مع تسليمى بانهم لن يسقطوا من ذاكره السينما

------

العزيزه المشاغبه شانيل

" قصدى عطر " :D

اتفق معك تماما

و اللقطات اللى انتى اتكلمتى عليها هى تقريبا نفس اللقطات اللى ضحكت عليها

و خصوصا لما كان بيعمل مع غريب مقدمه فات الميعاد

[nancy]

شوف يا طفشان انا دخلت ظاظا بس لحمة راس مفكرتش اصلا ووش اجرام دخلت البنات

قلت راى اثار كفاية وطلعت قالت لى الفيلم ولا له بداية ولا نهاية ولا يضحك وكل المواقف مش منطقية .. دة راى ال13 سنة

فاستكفيت بية

عطر احزرك من ظاظا

فلم عبيط جدا وتخيل سازج للى ممكن يراس مصر وممكن يحقق اية

فبلاش يا بنتى ارحملك ودخلى بنتك كرتون احسن

فى فيلم كرتون نازل اسمةover the headge

ظريف انا حدخلة بس لما يوصل اسكندرية

سيزيف

زوغ من الناس الى معاك دول وروح مول سان استيفانوا فية فيلم اجنبى يجنن

طبعا انا شفتة

وحكيت عنة فى موضوع السنيما والناس والصيف ابقى اقرا وروح شوفة

انا دلوقت اقف على باب السنيما اقول دة شفتة شفتة شفتة شفتة

بلاها سنيما

فى انتظار اى جديد حاروحة على طول

فى حفلة لمحمد منير يوم الاربعاء ابقى احكلهم عناها

[Diab]

محمد منير

أنا دلوقت خلاص حشوفه من السنة للسنة

[عطر]

------

العزيزه المشاغبه شانيل

" قصدى عطر " B)

اتفق معك تماما

و اللقطات اللى انتى اتكلمتى عليها هى تقريبا نفس اللقطات اللى ضحكت عليها

و خصوصا لما كان بيعمل مع غريب مقدمه فات الميعاد

طب الحمد لله انك قلت لي شانيل والله خفت تقول لي كلونيا ولا أفتر شيف B)

اقول لك سر !!

أنا قررت ابطل مشاغبة لحسن زعل مني مشرف فاضل وانا ماكنش قصدي ازعله والله :)

بمناسبة الأفلام الأجنبية

انا كمان في انتظار فيلم كليك

لكني في انتظار أكبر لفيلم the lake house بتاع ساندرا بولوك وكينو ريفز والأتنين اموت فيهم

تم تعديل 14 أغسطس 2006 بواسطة عطر

[ابن بلد]

[quote name='سيزيف' date='Aug 14 2006, 06:21 PM' post='229411'

---------

العزيز ابن بلد

كل وقت وله اذان

و الذى كان يضحك جيل يساسين و القصرى و زينات

لا يضحك الاجيال الحاليه

مع تسليمى بانهم لن يسقطوا من ذاكره السينما

----

استاذى المحترم دائما

سيزيف

حينما تحدثت عن الجيل القديم من ممثلى الكوميديا

كنت اقصد انه برغم صغر حجم ادوارهم فى افلامهم

او لم يكونوا على الاقل النجم الاوحد فى الفيلم

الا انهم كانوا علامه كوميديه بارزه فى تلك الافلام

تحياتى

[سيزيف]

العزيز المشاغبه " سابقا " عطر

ولو انى شاكك فى انك ممكن تبطلى مشاغبه :)

انا ماسمعتش عن فيلم منزل البحيره لكن فيلم بطوله كيانو ريفز و سانرا بولوك اكيد يستحق المشاهده

شكرا على المعلومه

---------

العزيز الغالى ابن بلد

اتفق معك فى ان كثيرا من نجوم الكوميديا القدامى اكنوا لا يتحرجون من البقاء - ربما طوال حياتهم الفنيه - فى الدور الثانى

وانهم كانوا عمالقه رغم عدم تاديتهم لادوار البطوله

اما الان فقد تغير الوضع

لم تعد السينما هوايه و حب للفن و تجرد

وانما اصبحت تجاره و بيزنس كبير

ومن ثم فلا احد يطيق البقاء حبيسا فى الدور الثانى

خد عندك مثلا الممثل ماجد الكدوانى

هو ممثل خفيف الظل و ادائه جيد غالبا

وقد حقق بعض النجاح فى اكثرلا من دور مساعد فى عدع افلام

و لكن بعد فتره راى - او راى بعض المنتجين - انه يجب ان يرتقى الى ادوار البطوله

فكانت النتيجه فشل ذريع

اشرف عبد الباقى و احمد ادم

ممثلان جيدان و كوميديانات

ولكن رغم فشلهما المتكرر فى ادوار البطوله فلا زالا غير مقتنعين باداء الادوار المساعده

حتى احمد رزق ادى ادوار البطوله - رغم انه غير مؤهل لذلك بالمره

و الوحيد الذى يتالق حاليا فى الادوار المساعده و قانع تماما بها

هو حسن حسنى

مع الاخذ فى الاعتبار انه لا ينتقى اعماله للاسف فهو يمثل كل ما يعرض عليه رغم انه ممثل كبير

[الجدع]

[هو احنا بنقتل كل موهبة بتظهر عندنا ليه و لا هو كلام و السلام محمد سعد فنان موهوب و افلامه لاجل الاضحاك صحيح فيه بالفن اضحاك لاجل الاضحاك واحنا بحاجة لافلام زي دي بسبب واقعنا الاليم عشان الواحد يريح شوية و لا هي فلسفة و السلام , ثم ليه ما تحترموا انو الفنان ده افلامه فيها حشمة و ما فيها مناضر مخلة بالاداب مثل معظم باقي الافلام اللي انتو اتوقع بتحترموها و بتقولوا انها بتطرح مشكلة و هيه كل اللي بتطرحه مشاهد مثيرة و بس لدرجة انها بتنافس الافلام الغربية ده اللي بتقصدوا فيه فن؟ ثم انو كثير من كبار الممثلين الاجانب اللي معظمنا عندو هوس اسمه مستورد او اجنبي مثلوا افلام من اجل الاضحال وبس مثل جم كاري me myself and iren و الفلم نال اعجاب الجميع فانا اللي بقوله كفاية فلسفة و لو ان محمد سعد ما كان انسان ناجح ما بجيب كال الايرادات ده و لا انتو بتتهموا الناس بالغباء و انتوا و حدكم الازكية يعني؟؟؟؟؟؟؟؟؟؟؟؟؟؟

تم تعديل 3 سبتمبر 2006 بواسطة se_ Elsyed

[se_ Elsyed]

طب ليه النغمة الهجومية دي يا جدع ؟

جرب طريقة الجوهري 5-4-1 وروق كده

النقد حق متاح للجميع

ومحمد سعد أو غيره مش أنبياء لا يصح أن ننقدهم

قد يكون الفنان ده عاجبني وشايفه أنجح واحد في الوسط بتاعه .. لكن في نفس الوقت إنت بتستتقل دمه وشايفة فاشل .. يبقى فين المشكلة ؟

دي مسألة أذواق يا عزيزي .. ومرحباً بك في أول مداخلة

[Sherief AbdelWahab]

من عيوب الأفلام دي إن مفيش فيها خطة كوميديا .. فيه مشاهد وبس والباقي إفيهات..

من أحلى المشاهد بالمناسبة مشهد محمد سعد في فيلم عوكل لما قرر يعمل زي الممثل اللي في المسلسل التاريخي ..

نأخذ من كل رجل .. قبيييييييييييييييييييييييييييييييييييييييييييييييييييييلة!

مشهد مش إفيه ، لإن الممثل اللي قبله "رمزي غيث" وسع - عن طريق الأداء الهستيري لدور أحد زعماء الكفار وتركيز الكاميرا عليه - لمحمد سعد إنه يدخل بطريقته الخاصة في المشهد!

خلص الكلام

[م الغزالى]

هناك تسأل لى أرجو من أحد الإخوة الموجودين فى مصر بكل حياد يجاوبنى عنه !

لمن تخاطب تلك الأعمال السينمائية ؟

هل إنحدر مستوى الذكاء المصرى لهذا المستوى حتى أن هذا التخلف العقلى يسمى إبداع و تمثيل وفن ؟

الفن ياعالم جمال وليس قبح

[se_ Elsyed]

هناك تسأل لى أرجو من أحد الإخوة الموجودين فى مصر بكل حياد يجاوبنى عنه !

لمن تخاطب تلك الأعمال السينمائية ؟

هل إنحدر مستوى الذكاء المصرى لهذا المستوى حتى أن هذا التخلف العقلى يسمى إبداع و تمثيل وفن ؟

الفن ياعالم جمال وليس قبح

يا أستاذ غزالي

الأعمال دي بتخاطب أصحاب الفلوس وليس العقول .. والفن بقى في معظمه سبوبة .. لا يهمني النجاح المستمر على قدر ما يهمني مبدأ إخطف وإجري .. وأضرب يابا فيلمين نكسر بيهم الدنيا ونلم قرشين وإبقى قابلني ..

إنت راخر شوف مين مكوش على سوق الإنتاج السنيمائي دلوقت :

1- عائلة السُبكي بتوع الجزارة .. واللي بينتجوا أحلى أفلام كوميديه هابطة وليس لها معنى لكنها بتكسب وبتجيب قرش .

2- العدل جروب .. وأحلي أفلام إثارة وبرضوا بتجيب فلوس ..

وأنا بأنظر للأعمال دي على إنها زي المخدرات بالظبط اللي لما تيجي تسأل واحد بيتعاطاها وتقوله إنت بتعمل كده ليه يقولك " عشان أنسى وأنفض دماغي وكإن دماغه دي كليمولا سجاده عليها تراب " أهي بالظبط الأفلام اللي من العينة دي كده .. الناس بتهرب من الهموم والحُزن والتفكير في المصير الأسود .. إلى ترييح الدماغ ومشاهدة وسماع كل ما هو هايف ومنحط

لو إتكلمنا بقى عن الأغاني اللي شربتها في مصر واللي إقتحمت حياتي في المحلات والمولات وعلى الشواطيء فده يحتاج موضوع أخر ..

وإليك أمثلة من تلك الأغاني والمأخوذه عن قصائد جاهليه على ما يبدو

"العنب العنب العنب .. أحمر .. أصفر .. أخضر ."

" البانجو ده مش بتاعي .. والنبي مظلوم يا بيه "

ولا قصيده " كعبو كعبو .. ( الكورس يرد يقول ) كعبو .. حبيبي وأنا ألاعبه .. ( برضوا كورس ) لاعبو .. دخل الجنينه ودخلت معاه ( آه يا قليل الأدب يا بتاع المريلاند ) .. أكل التفاحة وأكلت معاه ( ما هو تفاح مسروق يا خويا هو أنت دافع حاجه .. يعني نيوتن يخترع لنا نظرية الجاذبية ويفضل يحلل التفاحه ويقلبها ويدورها وإحنا أول ما نشوف التفاح نلهط وناكل من غير ما نفكر )

وهكذا بقى من تلك العينة التي لا تذهب إليها ولكنها تأتي إليك غصبٍ عنك .. وأصوات بقى إيه .. بعيد عنك وبعيد عن السامعين .. صوت الحمير جنبها يعتبر شدو بلابل وصدح الكروانات .. أقسم بالله كإن حمار محشور في زوره فردة جزمة شمال وبيغني .. تخيل بقى صوته هايبقى عامل إزاي ؟

[م الغزالى]

نورتنى يا س س الله ينور عليك

والله يا سى السيد الواحد لما بينزل بيخطف إسبوع ولا إثنين ويظل قاعد مع الحاجة طول الوقت حتى ميعاد السفر وكل معلوماتى بأخذها منكم ومن الجرائد ومن النت وخلافه !

ياترى لسه الناس فى مصر بتصحى بالليل وتنام بالنهار هذا كان أخر ملاحظة لى من سنتين فى مصر ؟

أنا خايف تكون مصر إل بنكتب عنها و بنتكلم عنها دى فى خيالى فقط ولاتكون إل بنحلم بيها

أو الزمن توقف بى منذ اواخر الثمانينات

ربنا يستر

[Sherief AbdelWahab]

خارج الموضوع :

س. س حبيب الملايين :

وإليك أمثلة من تلك الأغاني والمأخوذه عن قصائد جاهليه على ما يبدو

"العنب العنب العنب .. أحمر .. أصفر .. أخضر ."

" البانجو ده مش بتاعي .. والنبي مظلوم يا بيه "

ولا قصيده " كعبو كعبو .. ( الكورس يرد يقول ) كعبو .. حبيبي وأنا ألاعبه .. ( برضوا كورس ) لاعبو .. دخل الجنينه ودخلت معاه ( آه يا قليل الأدب يا بتاع المريلاند ) .. أكل التفاحة وأكلت معاه ( ما هو تفاح مسروق يا خويا هو أنت دافع حاجه .. يعني نيوتن يخترع لنا نظرية الجاذبية ويفضل يحلل التفاحه ويقلبها ويدورها وإحنا أول ما نشوف التفاح نلهط وناكل من غير ما نفكر )

وهكذا بقى من تلك العينة التي لا تذهب إليها ولكنها تأتي إليك غصبٍ عنك .. وأصوات بقى إيه .. بعيد عنك وبعيد عن السامعين .. صوت الحمير جنبها يعتبر شدو بلابل وصدح الكروانات .. أقسم بالله كإن حمار محشور في زوره فردة جزمة شمال وبيغني .. تخيل بقى صوته هايبقى عامل إزاي ؟

دأنا حأحكيلك على الأسوأ من دة..

راجع من سفرية لبورسعيد أبص ألاقي السواق جايب سي دي أوديو ، مش مشكلة ..

مشغل عليه أغاني بيئة .. مش مشكلة قوي..

في بقى أغنية سمعتها من ضمن الأغاني دي فيها واد صغير بيسرسع ..

الولد : أبوس إيديك كفاية..

الكورس : ح أعيط..

الولد : منديلي مش معايا..

الكورس : ح أعيط..

الولد : ابكي ونزل دمعتين..

اعمل ياللا الحبتين..

وارضي قلبي بكلمتين..

تظبط بيهم الحكاية..

كنت حأسخسخ من الضحك .. حاجة مفيش بعد كدة ..

أما عن العنب العنب العنب .. فانت وصفت حالة زوره في الفقرة الأخيرة من مداخلتك بشكل دقيق للغاية.. شعبان على الأقل صوته مش بالبشاعة دي .. إنما التاني أول ما تسمعه .. تقول : أنا اتأثرت .. ح أعيااااط!

خلص الكلام