بوسعيد وما وراء بورسعيد

[إبن مصر]

فى الماضى كنت قد كتبت فى باب الابتسامات قصه بعنوان الكابوس

ونتيجه الاحداث السابقه كنت انوى أن اكتب شيئا شبيها لما سوف اورده فى هذا الموضوع حتى وصلت هذه القصه الى بواسطه البريد الالكترونى.. ووجدت ان مكانها الطبيعى ليست باب الابتسامات بل هنا فى المواضيع الجاده...

فلنقرأ سويا ما وصلنى بالبريد ..... ونفكر قليلا... بصراحه برافو على الى كتب هذه القصه بهذه السوداويه الضاحكه الباكيه فى نفس الوقت

ذاهبون إلى بورسعيد و....ما بعد بورسعيد

مشهد 1

نهار داخلي

المكان : مجموعة من الموظفين في احد شركات الأسكندرية .

الزمان : شهر اغسطس من عام 2030

(الأبطال : أنا وشوية ناس تانية مالهمش لازمة ( كومبارس يعني

الموظفين جالسون على مكاتبهم يأكلون الساندوتشات ويقرأون الجرائد

موظف 1 : إيه رأيك يا استاذ محمود ماجد في اللي بيحصل دلوقتي في شبرا ده ؟؟

محمود : والله ربنا ينصرهم على أعدائهم انا شايف والله إن المقاومة المسلحة في شبرا ممكن تحقق إنجاز كبير اوي وتعمل انتصار

على العدو الإسرائيلي

موظف 1 : يسمع من بقك ربنا والله يا استاذ محمود من سنين طويلة والواحد نفسه يسمع عن إنتصار للعرب على اليهود من سنين طويلة ما

سمعناش العرب بينتصروا

موظف 2 : بس انا شايف والله يا جماعة إن جماعة تحرير شبرا غلطانين برده يعني إزاي يعني يسيبوا الشباب بتوعهم يروحوا يشربوا من

مية النيل ؟؟ ما هو لما شبابهم يروحوا يشربوا من مية النيل معنى كده على طول إنهم بيستفزوا

إسرائيل علشان تحاربه

موظف 1 : يا عمي شباب صغير ومتهور وتلاقيهم سمعوا من أهاليهم إن النيل ده كان في يوم من الأيام بتاع المصريين فراحوا يشربوا

من

موظفة 1 : تلتفت في انتباه شديد وتستدير تاركة المرآة التي تظبط فيها شعرها ...إيه ده ؟ النيل ؟؟ النيل اللي في إسرائيل ده

كان بتاع المصريين ؟؟ إيه الكلام الغريب ده يا جماعة

محمود : اهو ده عيبكم يا جيل اليومين دول ..يا بنتي النيل ده انا عديت عليه اكتر من ست سبع مرات زمان وانا لسه شباب لما كنت بزور

القاهر

موظفة 1 : يعني كنت في رحلة سياحة لأسرائيل يعني وعديت من عليه ؟

محمود : رحلة سياحة إيه يا بنتي ...النيل ده كان بتاع المصريين والله العظيم قبل ما

اسرائيل تحتله سنة 2013

موظفة 1 في غضب مصطنع : انتم بتشتغلوني شكلكم يا جماعة والله انا كده حزعل منكم

موظف 1 : والله يا بنتي ما بنشتغلكيش ..ابقى اسألي باباكي وهو يقولك

موظفة 1 : ما انت عارف يا اونكل انا مابشوفش بابا غير اسبوعين كل سنة لما بيرجع من

السف

موظف 2 : أهو ده بس اللي فالحين فيه الأهالي يسافروا الصومال وأثيوبيا يشتغلوا هناك ويرجعوا بشولة فلوس ويسيبوا عيالهم جهلة

كد

!!!!موظف 1 : طيب وحنعمل إيه يا جماعة إحنا حنقعد ساكتين كده وشبرا بتنضرب ؟؟

محمود : لا طبعا إحنا حنروح فيه وقفة إحتجاجية في نادي المحامين النهاردة ..ده اقل حاجة نعملها لشبرا يا جماعة ..الوقفة

الأحتجاجية بعنوان لن تسقط شبرا

قطــــــــــع

مشهد 2

ليل خارجي

..نادي المحامين بالأسكندرية على الكورنيش

أمن مركزي كثيف يحيط بنادي المحامين على كورنيش الأسكندرية ولا يسمح بدخول الناس إلا فرادى لا فتات معلقة على جانبي النادي ..بالأمس

رمسيس والعتبة ..واليوم شبرا ...وغداً الدور على من ؟؟

ينزل رجل في أواخر الأربعينيات ( انا ) يدخل مقر النادي يلتفت يميناً ويسارا يذهب إلى مجموعة من الأشخاص الواقفين يلتقونه بترحاب

ويعانقونه .

شخص 1 : إزيك يا محمود واحشنا يا راجل ..يعني احنا ما نشوفكش يعني غير في المظاهرات بس

.

محمود : ياااه يا جماعة كل ما باجي النادي بفتكر ايام الجامعة زمان فاكرين ؟؟؟ اول وقفة إحتجاجية كانت هنا ؟؟لما شارون اقتحم المسجد

الأقصى وحصلت الإنتفاضة في فلسطين .

طفل 1 لأبيه الواقف مع المجموعة : بابا يعني إيه فلسطين ؟؟؟

شخص 2 ( الأب ) ينظر للطفل شذراً ويتجاهله وينظر لمحمود ويقول : يااااه يا حودة انت لسه فاكر الله يخرب عقلك ده كان سنة كام ده

؟؟؟ تقريبا 2005 أو 2010 صح

محمود : آه تقريبا كان في الحدود دي كده يااااه كانت أيام فاكر أيامها كان كيلو اللحمة بأربعين جنيه شوف دلوقتي بقى بكام

....انا جيت هنا اول ما جيت اتظاهرت علشان فلسطين وبعدين العراق وبعدين لبنان وبعدين بقى حبة حاجات كتير اوي كده وقعوا ورا بعض كنا كل

شهر والتاني نيجي نعمل وقفة إحتجاجية فاكرين يا جماعة .

شخص 2 : سيبك انت من الماضي سمعتم يا جماعة التصريح اللي قاله الراجل اسمه إيه قائد حزب تحرير شمال شبرا ؟؟ بيقول إنه ذاهب

إلى بورسعيد وما وراء بورسعيد !!! تفتكروا عنده صواريخ توصل لبورسعيد

الجميع يغمغم في استنكار

شخص 3 : صعبة أوي دي يا جماعة ده مجرد كلام إعلامي ..دي بورسعيد دي رئة إسرائيل ...هي حتسيبه يضربها بالساهل كده ؟؟ مستحيل

طبعا

محمود : تفتكروا ياجماعة لما إسرائيل تحتل إسكندرية ممكن يسيبونا نعمل وقفة إحتجاجية في نادي المحامين برده

.

الجميع يضحكون بصوت عالي...

شخص 1 : ههه يا عم محمود إنت بس متشائم كده طول عمرك ..إحنا فين وإسرائيل فين بس . وبعدين الجيش الإسكندراني متسلح اوي وقوي

جدا وإسرائيل تعمل له ألف حساب .

محمود : طيب انا من سنين لما سقطت السويس قلتلكم اقابلكم لما شبرا تسقط في نادي المحامين ؟؟ قلتم إيه بقى ساعتها

..فضلتم تتريئوا علي وتضحكوا ..أديها اهي بتضرب شبرا .

شخص 2 : آه انت عندك فراسة برضه تحسد عليها مش انت برده قلتلنا زمان ايام الجامعة لما إسرائيل ضربت جنوب لبنان اقابلكم هنا لما نكون

بندعم المقاومة في السويس ؟؟؟ بس برضه حرام عليك يا راجل حرام عليك انت عايز تجيب أسكندرية زي شبرا برضه ده اليهود لو جم

هنا والله اقرقشهم كده ؟؟

محمود : طيب بكرة تشوفوا .

شخص 1 : انتم حتفضلو تتكلموا كده يلا نقوم بواجبنا ونهتف مع اللي بيهتفوا .

هتاف يتصاعد من الميكروفون والجميع يردد . في صوت خلف الميكروفون .

يا يهودي يا خسيس ..والله لنضرب في السويس .

تامر اولمرت اتلم اتلم ....حنخليها دم بدم ...

بالصواريخ والحديد ...دمر دمر بورسعيد.

واحد اتنين ...الجيش الليبي فين

الكاميرا الموجودة على سطح العمارة المقابلة لنادي المحامين تعمل زووم أوت ببطء ...جموع المتظاهرين الواقفين في نادي المحامين

المكشوف السقف...تملأ الكادر ..تتصاغر صورتهم جداً مع استمرار الزوم أوت ليظهر في الكادر جزء كبير من كورنيش الأسكندرية

والزووم أوت يبتعد أكثر وأكثر تستدير الكامير تدريجيا بعيدا عن المتظاهرين ومن بعيد جدا يلوح ميدان المنشية الشهير ويظهر نصب الجندي

المجهول التذكاري الأبيض الشهير و ويبدو وقد انتشرت فيه دبابات إسرائيلية وتبدأ في المرور من حوله إلى الإسكندرية

...وما بعد الإسكندرية .

[زعلان]

خليهم بس كده يدخلوا مصر وإحنا نوريك (انت مش هما) حنعمل فيهم ايه

هو مفيش أمم متحدة ومجلس أمن ولا إيه ده احنا ماضين اتفاقية عقبال السعودية

[KANE]

أ/ أحمد

موضوع هام

فـ الكيّس من دان نفسه

اسمحلي سأعلق فيما بعد

[إبن مصر]

الفاضل كين..

فى انتظار تعليقك وكما أشرت سابقا ما أن وصلتنى هذه القصه بالبريد الالكترونى حتى وضعتها هنا لنتشارك فيها جميعا وأعتقد انها قد تكون وصلت الى بعض الزملاء أيضا .

ليتنى عرفت مؤلفها لما فيها من سوداويه.. فكاتبها كما يتمتع بالخيال الخصب انما ساقها بشكل صادم ....

[متمردة]

ايه الكوميدا السخيفه ده

عمر ما ده ممكن يحصل فى بورسعيد

ببساطه لان فى 1956

كان اسرائيل وامريكا وانجلترا بيحاربونا كلهم ودفعه واحده

ومحدش وقف امامهم وقفه رجل واحد الاالمقاومة الشعبيه فى بورسعيد الباسله

[ياسر ابو احمد]

الحقيقه ان القصه دي .. من فرط الخيال اللي فيها .. فهي مخيفه للواقع الاليم ... وكنت اتمنى ان استرسل في الرد ... ولكن بكل صدق .. وقف القلم (مجازاً) .. وتاهت المعاني .. فلم استطع اضافة اي شي تاني ...

ولكن في ظل ما نحن عليه .. من الانكسار والهوان والبحث عن المكان ..

.... سنتسائل ؟؟

.. حقاً أيمكن ان نصل الى هذا الزمان .. وقنابل العدوان .. تدك الارض بلا هوان ..

.. ثم تأتي من بعد ذلك طائرات الامريكان .. لمساعدة بني الانسان ..

والقاء ما بها من مؤن مليئه بالهامبورجر وعلب الدخان ...

وعندها يتهافت عليها الغلمان .. ويرفعوا ايديهم الى السماء ويقولون في صوت تملأهُ شجاعة الشجعان ....

فين الكاتشب .. يا فجره ....... :blink: :blink:

أعتذر للاخ محمود والاعضاء .. فوالله ماوجدت إلا الاستهزاء بما نحن عليه الان .. والسخريه من الخنوع الذي يكتنفنا في كل مكان ..

[بنت النيل]

بصراحه مش عارفه ارد على هذا الموضوع المحير

هو صحيح اللى بيحصل اليومين دول بيخلى الواحد متشائم شوية من بكره ولكن ليس لهذه الدرجه

وبعدين محدش ابدا يقدر ينسى اللى حصل بالسويس والمقاومه وبرده فى بورسعيد اللى حربت ثلاث دول

وبعدين بقى اذا جيتو للصراحه وبجد نفسى اقول اللى الواحد شايله فى قلبه انتم بتقولو لبنان لبنان مين قبل ماتقول لبنان اكيد تعرفو حكم الاسلام بمن هم يقولون على انفسهم شيعة هل من واجب المسلم الدفاع عنه ام لا ده برده سؤال مهم

يااخى والله اذا فكرنا شوية ليه ماتقول ان ده بلاء من ربنا سبحانه وتعالى لصحوه اهل لبنان وتذكرهم بالخالق

لو تحبو تتكلمو عن لبنان مابلاش خلى الطابق مستور عاوز تحارب وتجاهد وتقتل خيرت شبابنا لمن لهم عادات جديدة فى الفرح ان العروسة تخلع ملابسها وتظل عاريه امام المعزيم وايضا العريس يا اخى صلى على النبى وكلامى ده صحيح واناشفته بالصور من فترة

هااا تحب اكلم كمان ولا كدا كفايه .. سمعتو كمان عن اللبنانى اللى ضرب المصرى هنا بالكويت تقريباكان حارس العمارة واذاى ما غسل له سيارته وخلها تمام وما كان بنعته الا يالمصرى هاااا اكلم كمان

وعلى العموم هنقول كل ده عادى مش مهم اوى

ولكن الاهم هو الاجابه على السؤال الذى سالته ؟؟بالاول

وسؤال كمان هل انت عندك استعداد تخسر ابنك او اخوك او بلدك وتعيش ايام من ايام زمان ايام الحرب والدمار المشكلة ان بعض الناس مفكره ان الموضوع سهل يلا نحارب نحارب يلا نضربهم نضربهم مافكر فى عواقب كل ده والنتيجة

اعتقد مصر اكثر البلاد التى عانت كثيرا من الحروب والدمار وكمان فى حاجة ودى حقيقة ياريت مانخفيها اوع مانضحك على نفسنا بيها ان دلوقت اللى بيحارب مش بيحارب اسرائيل طبعامعروف بيحارب مين وعلى فكره برده دى سياسية :blink: تعرفو ان هدف اسرائيل طول حياتها هو مصر يبقى ليه نيجى احنا ونديها الفرصه على طبق من فضه لمجرد نزاعات هتاخد وقتهاوتنتهى

كفايه علينا اوى والله يعنا على الحرب اللى بداخلها بدل ماتحارب لشىء ممكن يدمرك حارب لشىء يحسن من حياتك وحيات اولادك حاربو الفساد اللى بالداخل قبل محاربته بالخارج

لقد سمعت من بعض الفقهاء انه ليس على غير اللبنانى انه يكون مجبر للدفاع او المشاركه فى لبنان والقتال معهم

واوضحها من جه تانيه ولكن الحقيقه هى انه لم يستطيع ان يقولها علنا انه لايحق مساعدة قتل المسلم للدفاع عن الشيعة

وذلك لعدم اثاره المشاكل والغوص فى متاهات تانيه

وكفايه كدا خليتو الواحد فضفض شوية بالى فى قلبه

وربنايجعله عامر

[بنت النيل]

ااه معلش نسيت اضيف شىء

وهو توضيح لعبارة بورسعيد وما وراء بورسعيد

هذه العبارة كانت تقال ولكن ليست بهذه الطريقة ولكن كان يقولها الريس (جمال عبدالناصر ) رحمه الله

كان يقول سنحارب اسرائيل وما رواء اسرائيل

صحيح هو يكمن فى هذه الايام لم يكن فى استطاعته فعل ذلك ولكن كانت اسرائيل ومازالت تخاف وتترعب من مجرد سماع كلمه

وعندما كان يقولها الريس وهو مدرك انه لم يقدر على ذلك ولكن كان متاكد من اعاده تفكير اسرائيل جيدا قبل فعل اى شىء

وذى ماتفضل احد الاعضاء وقال خليهم كدا يفكرو يدخلو مصر ساعتها هيشوفو مصرين تانين خالص صحيح شباب اليومين دول مهتم بحاجات تانيه :blink: ولكن صدقنى بداخلهم الوطنية والشجاعة وحرصه الشديد على بلده وناسه واهله وعرضه صحيح يمكن يكون ده مش باين ولكن ساعة الجد يبان :blink:

ويارب يحرسك يامصر ويبعد عنها اهل السوء وتظل عامره باهلها واصحابها وشبابها

[صبح]

فى الماضى كنت قد كتبت فى باب الابتسامات قصه بعنوان الكابوس

ونتيجه الاحداث السابقه كنت انوى أن اكتب شيئا شبيها لما سوف اورده فى هذا الموضوع حتى وصلت هذه القصه الى بواسطه البريد الالكترونى.. ووجدت ان مكانها الطبيعى ليست باب الابتسامات بل هنا فى المواضيع الجاده...

فلنقرأ سويا ما وصلنى بالبريد ..... ونفكر قليلا... بصراحه برافو على الى كتب هذه القصه بهذه السوداويه الضاحكه الباكيه فى نفس الوقت

أستاذ أحمد محمود

اسمحلي أرفع لك القبعة....

أن أريد التعليق من وجهتي نظر متعارضتين تماما (وهذا ما تعلمته في الفترة القليلة الماضية)

وجهة النظر الأولى: كاتب هذا المقال محب لوطنه وغيور عليها (افتراض حسن النية)

القصة في حد ذاتها بالرغم من الكوميديا التي تغلفها الا أنها تعكس قدر كبير من الأكتئاب وعدم الثقة بالمستقبل وخير تعليق عليها موضوع الغالي طفشان عن الأحباط والذي وجدت نفسي (نتيجة ما أنا فيه من احباط) غير قادر على التعليق فيه

القصة بها العديد من السلبيات الحقيقية وهي وقفات الأحتجاج المتكررة بدون أي نتيجة , جهل معظم اطفال (الجيل الجديد) بفلسطين نتيجة التعتيم في التعليم ومحاولة فرض الأمر الواقع (دولة عبرية + دولة فلسطينية)

القصة نفسها بالرغم من افتراض حسن النية تدفع دفعا نحو الخضوع والأستسلام بسخرية مريرة (ما تقوليش ده دافع وتنويه وتحذير لما هو آت ...لأ أنا آسف.. الكاتب يدفع القارىء دفعا للتفكير الأنهزامي السلبي) وهذا ما يقودنا لوجهة النظر الثانية

وجهة النظر الثانية: كاتب هذا المقال من المدسوسين (افتراض سوء النية)

في الحقيقة أنا أؤيد هذه الفكرة نتيجة للآتي:

- كم السلبيات الموجودة في القصة

- التفكير الأنهزامي الذي تدفع به القاريء دفعا (نحو الوقفات الأحتجاجية و..و..و..و.. و...بدون أن تسلط ولو سبوت واحد مثلا نحو المقاومة وكيفيتها )

- اشاعة واحياء الفكرة الأسرائيلية (الدولة الكبرى) من النيل للفرات وجعلها أمر واقع بعد كام سنة

- روح السخرية والأستهزاء من نصر الله (حيفا وما بعد حيفا....) بالرغم من انتصاره الفعلي والحقيقي + صدق كلامه بعكس ما توحي به القصة

- هذا الخبر الذي أكدته العديد من وسائل الأعلام.

- وهذا الخبر أيضا

في النهاية سأحاول القراءة مرة أخرى لعلي أخرج بجديد

تم تعديل 14 أغسطس 2006 بواسطة صبح

[نانو]

صباح الخيرات اخواني في المنتدي

بعد ما قرات القصه الكئيبه ديه كان اول انطباع اخذته في نفسي طبعا الحزن الشديد و دموع خرجت من عينيه غصب عني

لكن لما فكرت لمده دقيقه واحده لقيت انه لا مش صحيح الكلام ده و عمره ما هيكون صحيح

و اول سبب اثبت لي ده النار اللي اشتعلت جوه صدري و جوه صدر كل واحد قرا القصه ديه

يعني بمنعي تاني احنا عمرنا ما كنا شعب انهزامي و سلبي بطبعنا

لكن للاسف اللي فرض علينا الوضع ده حكومتنا

هي اللي كبلت ثورتنا و غلنا ضد العدو هي اللي حجمته و خلته يظهر بالشكل ده ادام كل العالم

و حتي ادام نفسنا علشان نضعف و نقول ما فيش فايده و نفقد الثقه في نفسنا

لكن صدقوني لو حصل ان اسرائيل حاولت تحتلناهتظهر بطولات و هتظهر طاقات كل الشباب ده هيظهر للعالم كله

مين هو الشعب المصري

و ازاي يقدر يدافع عن نفسه و ارضه وكرامته

لان ساعتها مش هيبقي فيه حكومه تقدر تمنع اي مصري انه يدافع عن ارضه و انه يدفع الرخيص والغالي من اجل مصر

[KANE]

أ/محمود إسمح لي كنت انوي الحوار في هذا الموضوع ولكن لظروف خاصة ربما لا أستطيع ولكن أعدك بعد يومين أو ثلاثه على الأكثر سأعود للنقاش

اسمح لي فقط بإهداء هذه الأقوال المأثورة التي أرجو أن نفكر فيها جميعاً بعمق حتى نعود للمناقشة

~~~~~~~~~~~~~~~~~~~~~~~~~~~~~~~~~~~~~~~~~~~~

هناك دب سائب في الغابة .بعض الناس يسهل عليهم أن يروه ،وآخرون لا يرونه على الإطلاق ،بعض الناس يقولون إن الدب أليف ، وغيرهم يقولون إنه ضار وخطير . ولما كان من الصعب أن نعرف أيهم على صواب ، ألاّ يكون من الفطنة أتكون قوتنا مساوية لقوة الدب - إن كان للدب وجود ؟!

(بيان للرئيس ريجان في التليفزيون - خريف عام 1984)

~~~~~~~~~~~~~~~~~~~~~~~~~~~~~~~~~~~~~~~~~~~~

إذا خسرنا الحرب ، لا غرابة

لأننا ندخلها

بكل ما يملك الشرق من مواهب الخطابة

بالعنتريات التى ما قتلت ذبابة

لأننا ندخلها

بمنطق الطبلة والربابة ...

نزار قبانى

"المثقف في النهاية موقف شـريف ونبــيل ، ويكون كذلك حين لا يسعى إلى إرضاء أحد ، لأن مهمته أن يشيع الحرج والاعتراض".

د.إدوارد سعيد

الإستسلامولوجى هو علم أو فن الاستسلام ، قبوله واستمراؤه على السواء.

أنشأ هذا العلم بعض القادة العرب وحكامهم قبل حوالي قرن من الزمان، ونشروا علومه في بقعة من هذا العالم الفسيح بتلفزتهم وإذاعتهم وصحفهم، ثم فرضوه أن يُدرّس كعلم متخصص في مدارس وجامعات ومعاهد هذه البقعة، حتى تخرّج على يديه -أي هذا العلم- الآلاف ممن أتقنوا دراسته وغاصوا في بحاره وأصّلوا عليه وفرّعوا، وقدّموا فيه مختلف الدراسات والبحوث، وجرى عليه التقريظ والتطوير، والجرح والتعديل، وانحاز له طائفة من الأدباء والمفكرين والإعلاميين ممن أفنوا عمرهم وأرهقوا أقلامهم من أجل تخليده وتطويره، حتى وصل إلينا علماً نقياً بلغ ذروته في الأربعينيات عندما تم تسليم الأرض الحبيبة للغاصبين وشُرّد أهلها وقتل أطفالها وشيوخها، ورُهنت طرابيش هؤلاء العرب للقبعة الحمراء المزرقة ولـ تاج قصر باكينغباودر، ثم تدرّج هذا العلم في السنوات التالية، وكل عام يثبت أنه النظرية الأصح والأصدق، ففي الثمانينيّات أثبت العرب صحته عبر الصمت والتحالف المأفون ، ثم جاءت التسعينيات كي يسجل هؤلاء العرب براءة الاختراع فى نظرية الإستسلامولوجى أى أنه لم يسبقها فيها أحد، وأعطوا براءة الاختراع على الصمت عن فرض السياج على النخلة الحزينة وغيرها من النباتات. ومن ثم لم يعد هناك أمام الشعوب الأخرى-غير هؤلاء العرب- الحق في أن تضيف على هذه النظرية شيئاً أو أن تقول أو تحذف إنها بلغت درجة الكمال وقداسة النص. لقد أصبح هذا العلم سمة بارزة ومحفورة فى جبين هؤلاء الأشاوس المغاوير وعلاماته: تمص ، بجش ، راكنتسا ، تانايب كثيرة، كثرة القنوات السرية والصفقات المشبوهة. وإذا كان علم البيولوجي يعنى لأعدائنا إنتاج أسلحة جرثومية فتاكة ، فإن (الإستسلامولوجى) يعني إنتاج جيل مهزوم النفس، كسير الروح، مشلول العزيمة وفاقد الهمة….ويعني ذلك أنك إذا ضُربت على خدّك الأيسر فأدر لعدوك ما وراء ظهرك ودع يضربك أيضاً بعد أن تقبّل يديه.

........هذه دراسة موجزة وسريعة، وقد يشك القارئ ويتهمني تعسّفاً بأنني من دارسيها كوني كتبتها ولخّصت معارفها وعلومها، لكن أقول: ليس الأمر كذلك، لكنني - حسرتي وأسفي- سمعتها منذ خرجت من رحم أمي، وتلفعت بها في صباي، وأجبرت على رؤية مشاهدها طيلة سنوات عمري.

من إحدى مواقع الحوارات علي الانترنيت

إذا أردت أن تزرع لسنة قادمة فابذر حباً

وإذا أردت أن تزرع لعشر سنوات قادمة فازرع شجرة

وإذا أردت أن تزرع لمائة عام قادمة فعليك بتعليم الشعب

(أنشودة لشاعر صيني ، أربعمائة عام قبل الميلاد)

من وكالات الأنباء

- لماذا تعتقلون المفكرين والشخصيات العامة التى وقعت على بيان يتهم القيادة الفلسطينية بإساءة استخدام السلطة وبالفساد ؟

- أ) لأنهم انحرفوا عن الخط القومى .

ب) لأنهم انحرفوا عن رؤية حقيقة الواقع

(الرد من أمين عام مجلس وزراء السلطة الفلسطينية) جريدة الأهرام 29/11/1999

"من يملك ناصية فن الحياة لا يفرق كثيراً بين عمله ولعبه، بين كدحه وفراغه، بين عقله وبدنه، بين تعليمه واستجمامه، بين حبه ودينه.لا يكاد يعرف هذا من ذاك ، إنه ببساطة يتبع رؤيته للتفوق فى أى شئ يفعله ، تاركاً للآخرين أن يقرروا ما إذا كان يعمل أو يلعب. أما هو فإنه دائماً يفعل كليهما".

نص بوذى

أيها المسافر ليس هناك طريق،

الطرق تصنعها الأقدام الكثيرة أثناء المشى

فكرة من الشاعر الأسبانى:

أنطونيو ماتشادو

http://www.al-araby.com/articles/1021/060813-1021-dlg01.htm

[مصطفى كامل الحاجي مصطفى]

كنت أنوي المشاركة و لكن انا مضطر حالياً للسفر العذر مرة قادمة أنشاء الله

تم تعديل 15 أغسطس 2006 بواسطة مصطفى كامل الحاجي مصطفى