بدل ما تشتري كوكاكولا

[sendrella119]

قبل ما اكتب موضوعي ...لفت نظري كلام كان كتبه دكتور خالد مع عطر عن مرضي الكبد وكيفية العلاج

وشعرت ان الكلام اللي كنت عايزة اكتبه غير مجدي ..او بمعني اصح حسيت انه طار من عقلي ..هرب

بس استجمعت الكلام تاني لاني مؤمنه بيه وحسيت ان من واجبي اني اكتبه

كلنا فرحانين بنصر المقامة ..فرحة كبيرة من زمان ما حسيناش بيها

بقالنا سنين بنسمع عن ضغط الناس في كل مكان ..في العراق وفلسطين ولبنان ..ومصر ..وان كان نوعية الضغط مختلف نوعا ما

انا واحدة من الناس اللي حاسة بتقصير من ناحية الناس دي واكيد في زيي كتير!!!

ليه ما نقاومش زيهم ..

كان ليا اقتراحين في هذا الموضوع

الاقتراح الاول هو المقاطعة ..ازاي؟

لو كل مدينة عربية ...تخيل بقي في كام مدينة عربية ؟

تبنت الفكرة دي سواء كان مجلس المدينة او حتي الشؤون الاجتماعية .(.ما عنديش فكرة بصراحة ممكن مصلحة ايه تتبني الفكرة دي :ph34r: )

وفكرت انها تدعم الفكرة دي سواء بدعوة الناس لكده وتحميسهم ..حتي لو بس وزعت عليهم ورق دعاية او دعوة لهم بذلك.

طب افترض ان القليل تبني الفكرة دي...

علي المستوي الفردي ليه كل فرد ما يلتزمش بكده

بدل ما يمد ايده ويسحب كوكا ...ياخد عصير

ومفيش داعي يقول ان اولادي بيموتوا في الكوكا ....ما اهو ممكن يموتوا في حاجة تاني!!!

كفاية انننا نحس ..اننا عملنا شئ وصدقوني ده مش بسيط ....حتي لو كنت انت وحدك اللي في الشارع بتعمل كده ..برضه حيأثر في اقتصادهم.

الاقتراح التاني هو التبرع

قبل ما تردوا وتقولوا هو احنا لاقيين ناكل ...ده المرتب مش بيكفي لنصف الشهر

لو مرتبك 100 جنية جرب كده انك تاخد منه 10 جنية وتتبرع بيها ...ال 10 اللي اتبرعت بيها دي حترجع لك 100

جرب وشوف انت خسران ايه ....؟

وقسم العشرة جزء علي اولاد بلدك وجزء علي منكوبي لبنان وفلسطين واخلي نفسك من مسؤلية ان لو في طفل مات في فلسطين حنتحاسب عليه ....والله

صدقني دي طريقة متجربة ..وموصوفة -_-

انا بس كنت طالبة اننا نقول الكلام ده في اي منتدي مشتركين فيه ....لو تقدروا

سامعاك :angry:

يا اللي هناك .....

.بتقول " هو احنا ناقصينك انتي كمان ..ما كفايا اللي فينا mfb: !!!!!"

;)